豐鍋雞煲 (京瑞廣場1期)

营业中

休息中

先係八點打電話到舖頭詢問最快幾點有位，一位操不純正廣東話，要極度focus先聽到佢講咩既大嬸接聽。話最快九點有位，留了電話book位，叫我地等前面一輪食客食完，就留位比我地。叫我地等。電。話。當時正係八點，我地一行五人打算係附近行下hae下，殊不知到八點多打去問，無人接聽，體諒可能黃金時段比較忙。OK，反正未到book位時間，再等下，但到九點多，仍未收到電話。而我地亦無再等，去左陳根記。整晚一個餐廳既電話都無收過。當當天晚上真係好full好爆，好歹也要打個電話講返唔好意思，無位了。更何況我地係book左位（那個操大陸口音大嬸幫我地book)。唔係話期望有5星級酒店的服務態度，但基本既都無。可以唔使試。

鋪頭的裝修都比較簡單，因為我坐近窗邊，所以睇到出面的草地和風景，岩岩好睇到日落，再加埋成個環境好聆靜，好適合同三五知己坐低聚下。佢有好多種唔同款既雞煲，每款都好特別，例如:滋補螺頭雞煲﹑花雕藥膳雞煲等等。但我地想試下招牌所以就試下招牌麻辣雞煲。豐鍋招牌麻辣雞煲今次我地叫左中辣，一開始靚女姐姐幫我地手炒既時候，已經嗅到好麻辣。一食既時候條脷已經食到好辣，然後喉嚨同個胃都Feel到好熱，當我食第二舊時候，個咀已經開始好麻。雖然好辣，但真係愈食愈過癮，一舊接一舊。即使我地冇叫飯，但都覺得唔會太鹹。建議:唔食得辣既朋友可以揀唔辣或者BB辣，就可以食到辣之餘，可以食到佢既招牌雞煲。火鍋食完雞煲之後，可以叫靚女姐姐幫手加湯，咁我地別外叫左幾個送，都唔錯。頂級安格斯牛小排佢既牛小排肥瘦均勻，雖然逞落好似好肥膩咁，但食落完全食唔到肥既感覺，而且肉質好結實。即炸爆芝響鈴尼樣係佢地自家製，我覺得食落好得意原本就咁食響鈴，食到最後會覺得有D DRY，但佢加左芝士，好有驚喜，佢既芝士鹹鹹地，一咬落去就爆漿。藍蝶花雪梨為左打卡，所以叫左。一開始係藍色，但只要慢慢搞動就會變成紫色，因為有雪梨，所以好清甜好適合用黎

心情唔好除咗同人傾偈，其實食都係一個舒緩方法。當然唔好係咁不停食啦。其實每一次心情唔係太好，我都會鍾意食一啲好熱好辣嘅嘢，不過而家年紀大咗叫嘢食唔會再叫到成枱都係，眼闊肚窄，反而係開始會慢慢品嚐味道同埋過程。如果個腦成日諗住好心煩嘅事，基本上你食乜嘢都係一樣。特別係食雞煲而家我開始感受嘅係湯底同埋食物嘅味道。識我嘅都知道我喜歡食雞煲，但係一個好嘅雞煲真係可遇不可求，有些地方的雞煲用濃烈的味道味精來掩蓋一切，食完之後飲返幾大杯嘅嘢飲都冇用。今次呢個雞煲味道我覺得恰到好處，唔會過濃而且真係有雞煲嘅香味，又食完之後唔會太口乾👍適合開開心心傾計心情唔好大擦一餐👍

作為香港人，真的無論一年四季都有鋪邊爐癮。雖然時值七月，但還是心癢癢想烚下烚下。朋友在沙田附近工作，便介紹在石門這家開了不久的雞煲。對於九龍人來說，石門說近不近，說遠不遠。要不是肯定是好介紹也不會特地入來。豐鍋就在地鐵站一出的商場，由於來到已是晚上十時，不需要等位就可以開餐了。店面臨窗的位置還放了幾對得意公仔，頗有格調。雖然知道店家最出名的是麻辣雞煲，但不好辣的我又不想點走辣，於是就挑了女生最愛的滋補螺片花膠雞煲（半隻$188)。全部煲都可選半隻或全隻雞，非常彈性。雞煲一上來，嘗一口湯底立即就知道來對了！而且會ENCORE！奶白色的湯底用料十足，隨便撈都能夠找到大片花膠和螺片。雞也是嫩滑多肉，但也不及湯底的清甜滋潤，一秒治癒！湯底淆到差不多，店員阿姨還超貼心地主動過來幫忙把雞隻剪成小塊，方便進食 - 這個服務也是超驚喜的，阿姨也很友善着我們：「好嘢來架，食多啲！」來說食物了，首先上桌的前菜是手工即炸魚皮（$48)。話說我也算是半個鹹蛋魚皮專家，新加坡正宗魚皮零食也好，香港地道魚蛋粉檔的魚皮也好，全都一一試遍。油炸難免會蜷成一舊，但上碟是平面的魚皮我還是第一次見！而且並非小塊，大大塊也能

自從阿女考完試，學校放半日，我哋就成日周圍食好嘢，今日去咗石門試呢間叫做豐鍋，sell健康住家菜，標榜少鹽少油少糖冇味精，午餐有幾款可選，我哋揀咗蕃茄炒蛋（$58）同埋一個籠仔臘腸蒸雞飯（$68）隨餐附送老火靚湯、白飯、青菜及餐茶。蕃茄炒蛋多汁開胃，甜酸味道剛好。籠仔飯啲臘腸好香，雞有雞味，飯索哂啲汁好好味。青菜都唔少，湯仲可以有得添，真係好有住家菜嘅感覺。午餐學生或按時間可有九折優惠，另外見佢夜晚食雞煲，我都想下次再嚟試下啊！

打邊爐不嬲係我最喜歡嘅一個晚飯活動，好多時候兩口子，唔知道食乜嘢，打邊爐就可以乜都食到 ，今晚去咗丰鍋，位於沙田的石門 ，那裏環境非常之正，雖然佢唔係一間酒樓 ，但係佢五臟俱全樣樣都有！我哋叫咗一個藥膳醉雞火鍋； 醉雞湯底 、有藥膳醉雞半隻 、安格斯牛小排、有爆芝響鈴 、有菜、 同兩杯嘢飲， 藍蝶雪梨、 水蜜桃梳打！首先講下個醉雞 ，非常有藥膳的香味 ，我未開始已經飲咗他的清湯 ，之後急不及待的把半隻雞放進去，雞非常之有鮮味， 完全不是冰鮮雞，安格斯牛小排非常之琳 ，好鮮甜，都唔需要點任何醬料都感覺到佢嘅新鮮、 有肉味 ，最值得一讚，就是爆芝響鈴， 裏面有芝士， 有紫菜， 當你將響鈴咬進時， 芝士溶在口裏， 那種感覺非常之特別， 最後當然係一杯清熱涼快的飲品 ，值得一讚， 好耐未試過食得咁開心 ，下次會再嚟！

因為聽朋友提過石門有間隱世雞煲店，所以今次就專程嚟試一試「豐鍋」。豐鍋招牌麻辣雞煲（半隻，BB辣）$168個雞煲夠色水都夠味道👍👍。出面好多雞煲得色水但味道啖，好似為咗快快脆上枱俾客食完快快脆收錢。味道調得好好唔會覺得過鹹，而且仲有鑊香味，啱晒食開大排檔追求鑊氣嘅我。因為我唔食得辣所以今次叫咗BB辣，但食落覺得可以叫小辣，女朋友食開辣野覺得可以食中辣。頂級安格斯牛小排 $178呢碟牛真喺高水準🤤🤤🤤想再食多次。首先要講嘅喺商家嘅誠意，因為每件牛都比出面好多店嘅厚身，呢個價錢、呢個質素、呢個量，我真喺有懷疑佢地會唔會蝕本。味道方面超香牛肉味，因為厚身小小所以咬口感超好👍👍👍。我可以一個人食晒一碟牛！！！推介大家叫嚟食。自創爆芝響鈴響鈴唔止夠大舊，最難得喺新鮮炸起，非常熱辣辣。因為新鮮炸起，所以就咁都可以食，食落非常鬆脆好多層咁，食到最入面喺芝士，芝士量唔會太多所以食落唔會好滯。女朋友見到隔離枱嘅紫菜響鈴好吸引，下次再嚟食一定要叫。自制韭菜餃呢道嘅韭菜餃超級新鮮，因為咬開一半可以睇到韭菜顏色好鮮綠，仲散發住好濃嘅韭菜香味，而且食落口喺有甜味，得新鮮嘅韭菜先會有咁嘅味道。呢道嘅韭菜餃好食過太

豐鍋招牌麻辣雞煲(半隻) 💲168頂級安格斯牛小排(小) 💲178即炸爆芝響鈴 💲38手工即炸魚皮 💲48雜菜籃 💲68玫瑰柚子 💲38大話七 💲32✅ 店員主動幫我地攪拌雞煲🌪 雞件幾滑 汁夠惹味 有原粒小洋蔥🐥記得食得小心 否則容易黐底⚠✅ 安格斯牛既色澤同脂肪分佈都幾靚🐄✅ 爆芝響鈴構思創新🧀 而魚皮係原條上 高級既感覺 又脆又好味 正🤤👅Taste：3.5/5💰CP值：3.5/5🙋🏻‍♀Service：3.5/5👁‍🗨Stylishness：3.5/5

認真講，石門真係一個幾吊腳嘅地方，如果唔係要換身份證，根本無乜可能會黎，但係就係嗰次，令我已經黎咗幾次呢度，野食OK，但我更愛佢嘅德國麥啤。嗰次第一次黎食雞煲，辣得過癮，用料都新鮮（出面好多雞煲諗住味道濃，就可以用d差d嘅配料），食雞煲就當然要飲啤酒啦，店員推介我試下隻麥啤，一飲落去，真係同平時飲開啤藍記青記有好大分別，佢隻味高好多，而且個價錢都好合理，真心好飲，最慘係出面好少見到呢個牌子，所以衣家間中心思思就黎石門食雞煲同飲啤酒。

1⃣豐鍋招牌麻辣雞煲-半隻 $168 (4/5)今次雞煲嗌咗唔辣，一嚟到就已經聞到非常香醬料味。上菜嘅時候大約係七成熟，店員會幫手料理下個雞煲，令到唔黐底，直至熟哂為止👍🏻半隻來講，雞件份量都算多，而且唔會俾好多鳳爪同埋雞頸。肉質普通，亦都食到雞嘅味。雞煲亦都有好多香料。例如大量芫荽，蔥同埋葁。整體來講都好夠味👍🏻2⃣頂級安格斯牛小排 $178 (4.5/5)油脂分佈得好均勻，而且份量都算多，兩個人食絕對夠飽。牛味非常濃，肉質亦好嫩👍🏻3⃣自創爆芝響鈴-3件 $38 (4/5)唔好睇佢得三件好似好少，呢個響鈴係超級大舊，食到中間仲有濃郁嘅芝士。重點係新鮮炸出嚟，上菜嘅時候響鈴仲係好熱👍🏻不過響鈴好吸湯，淥一下就已經入哂味4⃣什菜籃 $68 (3/5)有油麥菜，生菜，白菜同埋菜心。份量算多。5⃣手工即炸魚皮 $48 (4.5/5)呢度嘅魚皮同坊間唔同，係超級大塊，面頭仲會撒啲椒鹽。👦🏻👩🏼真係未見過咁大塊魚皮😂建議大家點雞煲嘅汁嚟食，味道會更加濃👍🏻6⃣藍蝶雪梨 $38 (4.5/5)藍蝶花令飲品變漸變色好靚👅講到尾係一杯雪梨茶，唔同嘅地方係有大量雪梨渣食👍🏻由於👦🏻係好鍾意雪梨而且杯嘢飲超級大杯，

父親節食乜好? 我們選了一西餐及一火煱給他選擇，結果他選了火煱。一行四人便坐火車去石門的京瑞廣場，幫襯「豐鍋」。店舖很細，只可坐52人。火煱窩底選擇特別，不是傳統的清湯或沙嗲湯，而是麻辣鷄煲丶花膠鷄煲丶花雕藥膳及椰子雞煲，也可選其他鍋，如芫茜皮蛋丶蕃茄薯仔雜菌等。拌料是自助的，選擇不是很多，若能加麻醬就更佳。我們選了花膠窩底，有半隻鷄（$188）。這個湯底不錯，既有鷄食，亦有鷄湯飮，鷄肉亦嫩滑。只是過了一會，鷄的皮下脂肪會令整個湯底很肥膩。好快，叫的食物已有部份上枱，如蜂巢豆腐（$48）丶手工四寶丸（$85）及餃餃陣（$85），一心想試試邊樣好味再加單。我先試鯪魚丸及墨魚丸，水準普通。鯪魚丸沒有什麼魚味，墨魚丸不單止略硬，亦不夠彈牙和爽口，同樣無乜墨魚味。至於餃子，我食了雲吞及韮菜餃，雲吞雖有蝦，但份量不足，亦太多木耳絲，似水餃多過雲吞。👎🏻👎🏻👎🏻 韮菜餃反而有濃厚韮菜香，不錯。冰豆腐味道也合格，有豆味及口感。接著上的是頂級安格斯牛（$178）丶頂級雪花肥牛（$98）及頂級黑䐁豬梅肉（$105）。牛肉及豬肉都是靚料，充滿肉香，亦很嫩滑，好味！特別是安格斯牛，很濃的牛肉香，用嚟打邊壚一

之前黎過石門到睇樓盤就發現原來呢度都幾多嘢食路過左一間叫做豐鍋嘅打邊爐我見好多人排隊香噴噴咁今日放工就即管同男友黎試一試首先嗰個姐姐好好人咁推介我哋食咗佢哋嘅麻辣雞煲由於我喉嚨唔係好舒服所以我哋就叫咗小辣啱啱上菜嘅時候姐姐同我地講原來唔係即刻食得㗎佢幫我地即場炒熟左啲雞件成個雞煲變得勁香 服務真係100分!!!! love it 首先講下佢啲雞件整得都幾入味而且唔會剩係得碎骨雞肉都比較多最欣賞佢係成個煲嘅味道調得都唔錯唔會話特別咸同勁多味精好抵讚只要配料我哋要左幾樣唔同嘅嘢首先呢我哋就要嗌一個雜菜籃好得意㗎佢俾咗好多唔同嘅菜我地入面嘅菜好新鮮而且切好晒唔會有任何泥沙而且配合埋雞煲嘅味道收晒啲汁非常入味之後呢我哋就要左一個腸仔因為見如果呢個汁用嚟整腸仔就一定超好食跟住嗰幾樣我哋都好鍾意因為本身我個人係好鍾意食香口嘅嘢咁首先我哋就嗌咗一個手工即炸魚皮佢嘅size係好大㗎咁所以成塊放咗入去個雞煲度嘅時候我哋都要將佢分開幾塊再食首先魚皮佢炸得好脆身唔會有油益味最緊要夾埋雞煲汁黎食真係好滿足之後嗰個佢哋話係佢哋自創嘅菜式自創爆芝響鈴佢本身拎到上嚟嘅時候我都冇乜為意以為同普通嘅係一樣啦點知煮咗出嚟

夏天想涼住冷氣打邊爐😆石門真係多選擇，今晚去咗豐鍋，去到唔洗等位，環境舒服仲有梳化位坐👏🏼👏🏼我哋叫咗個花雕藥膳雞鍋，藥膳有紅棗杞子...好滋陰養生！再加碟極品本地手切牛頸脊，睇到雪花好靚就知道好味啦！配料我哋叫咗打邊爐唔少得嘅炸響鈴🔔😋😋下次會encore試埋滋潤椰子雞煲😋😋店員仲好細心會留意你個鍋，唔洗你叫就會主動行埋黎加湯🍲食材有水準，服務好，下次會叫埋班friend一齊去👍🏼👍🏼

今日咁岩去開沙田石門，都係第一次黎口。。 呢度個商場原來有好多鋪頭， 仲有好多食肆，加埋起左好多公屋， 成區個感覺都好旺咁。見好耐冇食雞煲， 今日試下呢問豐鍋， 係一出地鐵隔離既京瑞廣場。食雞煲前， 見到有個前菜順德撈魚皮好想試下，魚皮超爽口， 仲有好多塊，雖然要58蚊， 但係都值既。主角雞煲， 我地叫左小辣， 都夠辣， 店員好認真咁幫我地炒左幾分鐘， 炒完仲會話比我地知食得， 唔洗自己炒同埋估估下。雞煲味道好正， 好濃味， 我地叫左半隻雞，兩個人好夠食。 食完啲雞加水打邊爐， 叫左頂級安格斯牛小排，啲雪花好靚， 牛味好濃， 好正，仲要幾厚身。仲有自創爆芝響鈴， 好多芝士係入面， 好正 雜菜籃，有白菜， 菜芯， 生菜同油麥菜， 乜都有d， 唔洗諗點揀。仲飲咗我好鍾意嘅龍鳳檸樂

亞女上興趣班，所以一星期黎2次石門，同個媽媽朋友去搵下野食，見豐鍋開左一段時間，又去試下先，其實打算試雞煲，原來中午係冇雞煲同火鍋家，但有午市套餐。我地叫左2個套餐，套餐包一碗無味精老火靚湯。白飯，一碟青菜，咖啡或奶菜，凍飲+$3睇落都幾多豐富。無味精老火靚湯都幾大碗，因為用雞黎煲，少少油我接受，我同朋友飲落真係唔覺有味精。蔥油雞$62蔥油雞大約有1/4隻雞，唔算少，真係覺得幾嫩滑新鮮，但雞味唔夠。青菜係白灼白菜仔，菜都幾甜唔老。豉汁蒸鮮䱽魚$73都幾大條，好新鮮，蒸得岩岩好，豉汁蒸一定唔會失手好餸飯。正體黎講都唔錯，好多時套餐包野飲就唔包湯，豐鍋送既湯都大碗添。