豐鍋雞煲 (京瑞廣場1期)

营业中

休息中

近期經常出入石門，就食個lunch先。而家京都商場有好多食肆任我揀，門口貼出lunch set唔錯喎，就揀呢間啦……豐鍋。叫了一款餐是葱油雞， 等咗大概10~15分鐘，先上青紅蘿蔔湯， 幾似住家湯，絕對唔係淡如水，到了主菜雞，真係估吾到有半隻雞咁多，而且啖啖肉，雖然雞味吾算好重，但葱油味不錯。另叫咗京都豬扒、餸是京都豬扒，雖然唔算好腍，但亦都唔韌，醬汁酸酸甜甜，幾好味，有醒神開胃，仲有一碟白菜，分量好足， 加埋一碗飯，好飽，還有一杯咖啡或茶環境整潔，可惜比較嘈，雖然不算超平，但以60幾蚊就有咁足份量的午餐，而且味道不錯，值得推介，但由於即叫即做，所以要預足時間。

今日去開石門換身分證，見換完夜夜地，諗住食埋晚飯先返屋企。係商場入面周圍逛時，見到呢間豐鍋好似幾吸引，於是同男朋友入去試下去到門口店員好熱情咁帶我地入去坐低，落單時服務態度都好好招牌雞煲（半隻雞） $168等左無耐就送左我哋order嘅雞煲上嚟啦。店員係我地面前即炒，過左幾分鐘就食得🤤一食，發現雞件好嫩滑，仲好入味添😋一路煮住都唔韌，勁👍🏻之后火鍋料都陸續送齊。因為食完雞煲就食唔到好多野，所以我地2個只係叫左幾款比較特別嘅火鍋料試下同2杯特飲☺️玫瑰柚子 $38一上黎係3層不同嘅顏色，分別係橙色嘅柚子、紅色嘅玫瑰同白色嘅汽水，但一撈完，成杯顏色好靚、好夢幻😍味道比較sweet，好啱女仔飲藍蝶雪梨 $38送到黎都係3層不同嘅顏色，分別係藍色、黃色同白色，同樣一撈完，成杯顏色變得好靚、好漫漫😍而味道比玫瑰柚子更清香，男仔都會鐘意雞件食到七七八八，我地就加湯轉火鍋😊頂級安格斯牛（小份） $168牛肉色澤好靚，雪花分佈均勻。佢唔係一般嘅薄切安格斯肥牛，可能因為係手切嘅關係，滾幾滾之后唔會縮埋晒咩都無，食落口感軟腍但有𡁻頭，而且仲好香牛肉味。不愧係頂級安格斯牛肉😊即炸爆芝響鈴（3件） $38打邊爐

好多人話沙田嘅馬鞍山都冇咩好嘢食， 其實石門呢邊開咗好多間新餐廳。 今次我就同朋友一齊試下呢間雞煲， 因為我哋都好鍾意食四川麻辣雞煲， 所以都有一定嘅要求。 呢度嘅雞煲有專人幫你睇住唔會煮燶， 食落啲雞件都啖啖肉。 而且雞煲個香辣醬好夠味， 我哋另外嗌咗手工製炸魚皮， 最特別嘅係呢度啲炸魚皮係直嘅一片。 另外我哋嗌咗個爆芝士響鈴， 其實係響鈴入面卷咗一片芝士煮落去嘅時候芝士啱唔啱融化 好邪惡。 而且打邊爐一定要叫安格斯牛肉片， 牛肉片啱啱吸曬四川麻辣雞煲嘅醬汁， 就算有自助醬料吧我都覺得唔需要加豉油。為咗平衡返我哋呢一個邪惡感覺，我哋叫咗個雜菜籃。 同埋我嗌咗烏梅汁朋友就嗌咗大檸茶， 打邊爐真係要一路食嘢一路飲凍冰冰嘅嘢先至係享受。

今日沙田收工約左Friend食飯，book左豐鍋。因為有friend食過話唔錯，所以過黎黎試一試。我地點左個招牌麻辣雞煲（小辣），對於我黎講，辣度適中而且雞比較入味。醬汁香濃，雞肉嫩口新鮮，好正。食完雞煲，加湯打邊爐。我地叫左頂級安格斯牛小排，雪花分佈平均，入口牛肉味幾濃郁，性價比高。自炸魚皮-原塊魚預備酥炸，同原本喺出邊食到嘅魚皮差很遠，沒有油益味，好好食。推薦打邊爐必點。自炸響鈴-好特別有芝士紫菜夾心，放落湯入面幾秒，芝士開始溶，一口咬落去好重芝士味，第一次食咁正既炸響鈴。雜菜藍-份量比較多菜亦都好新鮮，唔錯唔錯。

同一班同事收工後，想搵個地方打邊爐，見到呢度做緊九點半後有配料同小食半價，立即一試！先食雞煲，色香味俱存係基本，必須讚加湯後個味道仍然好濃！配料都十分高質，豬紅新鮮，丸類彈牙，蔬菜新鮮清甜爽口！肥牛高質又抵食！野飲又夠大杯！響鈴入面有紫菜！下次一定再黎！

上次去豐鍋食午飯，覺得不錯，原來它有雞煲，今晚就試吓先招牌麻辣雞煲分别有大、中、小、BB辣，走辣都有，任你揀，我選擇椰子雞火鍋，湯底有椰子絲、山竹 、紅棗、杞子，再加入原個椰子汁，你可以抓埋椰子肉食，好足料！如果叫雞煲，食完唔夠飽，可以用半價叫火鍋湯底繼續食。水滾後加入雞件，半隻雞都好大碟，2個人食足夠有突，脂肪唔多，食落唔似係冰鮮雞，有雞味👍雖然唔係放題形式，但也有多種選擇，有肉、海鮮、蔬菜、丸等等，除咗一般飲品，仲有特色飲品， 叫咗一杯龍鳳檸樂，係帶鹹嘅檸樂，第一次試幾得意。点咗自家製芝士紫菜響鈴，超巨型，咬落有芝士和紫菜，幾特別，響鈴食完，口裏面仍留有芝士味，值得試 👍另外叫了手工四寶丸，有蝦丸、墨魚丸、黑墨丸、黑松露墨魚丸，粒粒飽滿，咬落去，爽口彈牙，好味。肉類各有不同，雞羊豬牛，我揀咗安格斯牛，份量十足，肉味同咬口都唔錯。雜菜籃有菜心、白菜仔、唐生菜，正常水準，最緊要係新鮮。仲有自家製炸魚皮，它是一片薄而長的魚皮，炸得好脆，有淮鹽味，乾食、浸腍食，都好好味。有個順德撈魚皮，買相吸引，可惜太飽，下次先食。裝修簡單別緻，侍應有禮，2人@390， 雖然不算平，但係份量足，食物質素也

朋友介紹嚟到石門附近ge豐鍋食晚飯。原來真係要book枱， 眼見好多walk in客人都冇檯。。oh我哋叫咗豐鍋招牌麻辣雞煲(半隻)嚟到個賣相好吸引，好多配料超級香侍應姐姐會幫我哋煮熟啲雞，心情興奮坐定定等食😍雞肉幾滑，又冇咩骨，啖啖肉唔錯個醬汁好野味😍 又唔會好濃，食完都冇好渴ge感覺，反而越食越過引😂之後加湯變火鍋。最深刻最好味嘅就係即炸響鈴🤩我哋叫咗即炸爆芝響鈴，真係好驚喜。入面好大條芝士，食落味道又幾夾😂大大條，一個人食晒好滿足😋總結： 一班人食餐飯豐鍋係一個唔錯嘅選擇。 價錢相宜，食物質素高又有特色。

石門已經成為咗沙田友搵食，朋友飯聚嘅新蒲點，今次同朋友嚟呢間豐鍋，係一個沙田朋友食家推薦嘅，佢之前食過話晚市嘅火鍋好食，所以我哋又試吓啦！店內嘅服務人員態度10分好，我哋未坐低就非常友善地介紹店內嘅招牌菜，其實我哋都一心想利是，見職員態度咁親切，就更加放心人去食了。我入到一坐低，就聞到隔離枱好香嘅飛報名，所以我哋都叫咗一個招牌麻辣雞煲，上菜時職員姐姐幫我地炒，需要炒三至4分鐘，一邊炒一邊雞窩嘅配料香味撲鼻而來，真係令人食指大動。雖然係半隻雞，但係雞嘅份量都有好多加埋洋蔥、大蒜、薑、麻辣子，唔同嘅香料煮成嘅雞，真係好正，啱晒喜歡麻煩重口味嘅朋友。一路食好在有兩杯大大杯嘅飲品，水蜜桃梳打和另外一杯玫瑰有子梳打，都係好解渴透心涼，會食呢啲重口味嘅雞煲，真係絕配，而且大大杯，唔使就住飲。自家製炸魚皮話特色嘅炸響鈴，係今晚二想不到嘅亮點，魚皮好大塊，真係未見過鉛塊嘅炸魚皮，入口非常香脆，加上有椒鹽粉，更加香。另外呢個炸響鈴真係不得了，有芝士係入邊，而且好多層，咬落去口感一流，一般嘅響鈴真係差天共地。頂級安格斯小牛，賣相好靚，每片都切得好薄，而且說花紋平均，肉色先看，一望就知好新鮮，而且食落口真係

今晚係石門收工。石門而家多了了兩個廣場。搵食真方便。最重要係鐵路隔離。我喜歡捐窿週圍找野食。搵到一間不太起眼的雞煲。入面裝修好吸引我入去一試。因有幾個大公仔設計對住大門口。入到門口。內部雖不算太大。但都好開闊舒服。。坐位不算太迫我叫了個小辣雞鍋。配料豐富紅蔥。蒜頭。等等。我最愛芫荽都特別多。鍋汁味道小辣但易入喉。並未有搶喉的辣味。雞肉嫩滑。肉汁溶入鍋中配料。配合不凡。頂級安格斯牛小排呢個安格斯牛值得我地比呢個價錢! 佢呢度既牛係厚切，唔係d又薄又唔抵果d~ 食落仲好有牛味！

之前有朋友強烈推介過『豐鍋』，話用料靚、價錢抵！今日難得經過沙田區，一於同屋企人試試佢😈時間尚早，好彩有位～座位好寬闊，坐得好舒服。我地揀左「豐鍋招牌麻辣雞煲」店員姐姐會幫手拌勻，佢話食得先好食呀😆雞煲超香！雞肉惹味得黎好嫩滑👍🏼👍🏼👍🏼食完雞煲就請店員加湯轉打邊爐，推介「手工四寶丸」粒粒都好鮮味，而且好彈牙😍仲試左「即炸爆芝響鈴」呢個真心正！一定要食！一上枱真係熱辣辣，岩岩炸起係滾湯浸一浸，入面嘅芝士溶左就會食到陣陣芝士味😋另外一款手工製作就係炸魚皮，超！大！塊！同其他鋪頭食到嘅好唔同，非常脆口，而且面頭灑左味粉，就咁食都好正了👍🏼👍🏼👍🏼雞煲加打邊爐咁熱氣，所以叫左個椰青清涼一下💕

近來沙田區多左個新興既開飯熱點係石門 果邊真係多左好多野食 今次就去左食雞煲順便打個靚邊爐雞煲小辣已經唔惹小🌶入面落左好多配料 有紫洋蔥,乾蔥,指天椒等等已經半熟既雞煲上左枱後再由伙記姐姐現場即炒 一邊炒一邊爆香 勁香噴噴食辣辣雞煲點少得叫返條靚菜吸味?叫左個同雞煲一樣大既蔬菜籃 有菜心,生菜,白菜仔,仲有小胖男友最愛既油麥菜 新鮮之餘份量都幾大兜呢度食牛堅抵 兩個人叫左碟(細)既安格斯牛小排 $178都咁大碟我地初頭仲心諗係咪畀錯大碟既我地厚切既牛牛有口感之餘仲好重牛味不過最有驚喜都係呢個特長既手工即炸魚皮未見過原條咁大條既魚皮 真係原條魚上咁 炸得好香好脆 魚皮上落左疑似椒鹽 食落更加惹味我同小胖男友忍唔住未浸湯已經食左一塊基本上大部份野食都份量好多 好抵食 食埋個炸響鈴都飽到頂上心口吃貨小妹杯靚靚藍蝶雪梨+小胖男友既龍鳳檸樂同埸加映 好得意既minion crossover公仔

嚟石門搵食，花多眼亂下，被雞煲吸引咗我，每次經過"豐鍋"總是坐滿人的。入座時店員好貼心溫馨提示一下，9:30pm後配料半價好抵食，叫我地等多三分鐘就可以了。點了中辣雞煲，店員好貼心在我們旁邊煮雞，好多雞肉，份量足足有一隻，而且雞肉好嫩滑爽口，跟平時吃的好不同。即炸紫菜響鈴好特別，第一次食有芝士的響鈴，同埋炸魚皮都好值得推介一下，魚皮又長又直，重點係放完落湯底依然好脆，個人認為呢兩樣招牌菜是必叫的。另外頂級豬肉片，果然係頂級，好好食👍🏻飲品揀咗藍蝶雪梨，第一次飲紫色的雪梨茶，超大杯，龍鳳檸樂內有齊鹹檸檬同新鮮檸樂，雞煲打邊爐簡直不可決少。

近排食完一次雞煲，又想再食多一次雞煲😂😂不過今日就近近地，揀咗去石門試一試呢間嘅雞煲-一出馬鐵站，隔離個商場就係，好近-同屋企人兩個人點左一個招牌雞煲走辣上枱了！餐廳嘅職員會幫手將雞煲炒到熟份量好多呀😍就算唔食得辣嘅我哋覺得呢個味道嘅雞煲都十分之入味！！-雞件嘅肉好鮮嫩估唔到就咁點半隻已經食到我同屋企人好飽-頂級安格斯牛嘅花紋好靚食落去牛味好香！又唔油口😍😍😍-呢度嘅炸魚皮好特別！睇得出係餐廳自己即點即炸！一上枱熱辣辣！夠哂脆 必試😎😎😎-身為芝士控嘅我，見到即炸爆芝響鈴就梗係試吓！呢間火鍋店好夠誠意，真係食得出即炸既味道！入面既芝士淥一淥之後呈現半溶既狀態，夾在響玲中間真係愈邪惡愈好食😛😛🤭-蔬菜新鮮好迷幻既飲品～味道幾清新又唔會過甜藍蝶雪梨同玫瑰柚子🥰🥰

是日去第一城搵一個好久不見的朋友，係佢屋企傾完好耐計，就去食飯。因為我完全唔熟路，所以就叫地膽帶路揾食。於是佢帶左黎左石門，同第一城一個站既距離食呢間雞煲。餐廳裝修又幾新潮，以為係街坊小店，但佈置乾淨企理。先點左兩杯野飲，朋友飲咸檸七，我就飲酸梅七。都係好港式而且唔係度度有既野飲。感覺唔錯，清下熱，始終雞煲都熱氣。半隻小辣雞煲上場，好多莞茜呀！！！唔怪得知我朋友話我一定鐘意，因為平時我食雞煲都會特登另加莞茜落落去架！有個姐姐會企係側邊幫我地炒，照顧到個雞煲完全食得先會走，服務不錯！叫左半隻雞，我地亦加左唔少配料去打邊爐，分別有以下既安格斯肥牛、脆炸魚片、芝士響鈴同埋一個雜菜拼盆。牛肉好新鮮，油花好靚好靚。我鐘意係未加水既時候就落哂D肉，因為咁先可以完全感受到成個汁既精華！炸魚片我無食到，但朋友話食得出唔係買返黎，係真係自己即炸，超好味。芝士響鈴第一次食，好似係呢度自創既。成件事變左好rich，不過我覺得有小小漏，但我估芝士控應該會覺得好正，估唔到芝士同響釣可以撈埋一齊囉。雜菜拼盆就無乜特別，分量多既！埋單朋友請，應該每人200幾蚊啦，服務算好好，如果住附近應該會成日食。

之前嚟過呢一度食火鍋覺得呢度啲雞煲同埋牛肉超級好食，服務又一流。值得一去再去！於是今日心血來潮試下lunch會唔會一樣咁好食，因為冇理由lunch會去食雞煲啩😂所以就喺入面試下佢哋嘅lunch睇下到底得唔得先。我見到佢哋出面已經寫住即叫即蒸全無味精，心唸係咪真係咁犀利？於是我哋叫咗兩個餐， 蒸雞飯同埋梅子蒸排骨。 佢哋啲嘢做得好食都不在話下但係我覺得佢哋個湯真係好有誠意，真係好似屋企煲出嚟一樣又多渣， 唔會只係得水。呢一度可以話係晚飯同晏晝都值得推介。