豐鍋雞煲 (京瑞廣場1期)

营业中

休息中

沙田石門一向多食肆，今晚選擇咗嚟"豐鍋"雞煲打邊爐，入座時已接近10pm, 平日晚上餐廳依然滿座，首先揀咗滋潤椰子雞煲，最初以為清清地平平無奇，突然見侍應開咗原個椰青，將椰汁全部倒入湯底，唔洗三分鐘已經聞到好香椰子味，餐廳好貼心準備了一個五分鐘計時漏斗，原隻雞放入湯底五分鐘就可以食得，打邊爐當然係未落料前先嚟一碗椰汁雞湯，嘩...好鮮甜好滋潤👍🏻果然無揀錯湯底。見到有"頂級安格斯牛小排"雪花紋好均勻，口感好正又唔un, 最特別係即炸紫菜響鈴，超大條，好脆口，裡面包著紫菜，味道好夾😋仲有手工即炸魚皮，上面均勻滿佈椒鹽，就咁食都好好味，size又係好驚人，大大片的。以為4款不同嘅餃 同 皇帝菜平平無奇，唔食過真係體會唔到有幾新鮮，最後叫多碟"十優狀丸" 有五款不同嘅手打丸，粒粒都好有口感。叫咗兩杯野飲 "大話七"有原粒青檸．"龍鳳檸樂" 裡面大大粒柑桔, 清熱氣簡直一流，連飲品都有驚喜👍🏻大大杯之餘，落足料，絕對係一間用心製作高質數嘅餐廳，下次一定再encore

之前從未踏足過石門呢個地方，因為「豐鍋」慕名而來，之前已經聽聞過他的大名，平日黎到都全院滿座，訂了位都要等了一小陣😵🌟自創爆芝響鈴 $38🌟好罕有既芝士響鈴，加左芝士既響鈴，味道更加香口，芝士迷必試，加了芝士後，比平時食既響鈴更多一分滋味😵👍🏻🌟豐鍋招牌麻辣雞煲(半隻、小辣) $168🌟雞煲唔會令人厭倦既一道菜式，太愛果種辣得黎又麻又過癮既感覺，加上係莞茜迷，食完嫩滑既雞肉後，會忍不住手夾埋熟透入味既莞茜黎食🤤😂🌟大話七 $32🌟🌟大咸檸七 $32🌟🌟頂級安格斯牛小排 $178🌟成晚亮點除左自創的芝士響鈴之外，牛小排都好吸晴🤤🤤見到都好治癒，雪花分怖係好平均且密，好耐未食過性價比咁高既牛肉了，可以講，成晚淨係呢碟牛已經值為票價😍😍

今日黃昏時份，餓底約左朋友係石門等，準備去第二度食飯。不過，突然間落大雨，令我地計劃有變，入去隔離商場食。朋友建議去試下豐鍋，反正未試過，就去試下。餓底想叫雞煲，但朋友怕辣，所以叫了走辣。侍應姐姐在我地面前煮熟雞煲，估唔到又幾香噴噴，食落d雞又幾滑幾香，唔辣既雞煲都幾好味。之後靚姐攞埋安格斯牛小排，落埋雞煲度淥熟，既新鮮又有牛味濃郁。最正既，是手工即炸魚皮同埋即炸紫菜響鈴，勁在呢兩樣野無走油臭味，上碟時仍然香脆爽口無肥淋淋既感覺，真係無乜地方試到咁正！食左咁多野，大家叫左兩杯凍飲，咸檸七同埋玫瑰特飲夠曬大杯，勁大杯。

石門商場兩邊都開咗好多餐廳今日黎食雞煲揀咗小辣黎到聞到已經好香煮一陣會有靚姐再幫手炒一炒，兜一兜雞煲最緊要個醬汁！呢間好食！食落惹味，唔會太咸鍾意食辣嘅朋友可以再試辣d!洋葱都好入味好食食完雞煲就加湯打邊爐叫咗邪惡嘅芝士紫菜響鈴即炸，浸一浸湯，邪惡嘅嘢真係冇得輸另外當然唔少得肥牛啦！呢度嘅牛相當高質食落肉質嫩滑，牛肉味濃再叫咗菜籃有白菜仔，菜心，油麥菜黎到勁大籃！相當抵食！而且d菜淥完都食得出好清甜尤其菜心同白菜仔，有驚喜打邊爐當然唔少得嗌杯嘢飲呢度勁大杯，睇相就知咸檸7解渴玫瑰柚子梳打較甜撈勻咗變粉紅色又幾靚

今日又係石門做完野,,緊係食埋個早飯先返屋企啦原來石門都幾多餐廳, 因為平時除左做野真係好少黎呢邊係京瑞商場逛下有咩食, 行過見到豐鍋, 聞到好香雞煲味已經好耐冇食過雞煲啦, 就比佢既香味吸引左入去我地去到果陣大概6點半, 已經好多人食緊啦好多人都係揀雞煲, 於是我地都一樣叫左半隻豐鍋招牌麻辣雞煲$168由於我地都唔食得太辣, 所以就揀左BB辣上菜果陣真係好香, 店員會幫忙炒熟佢個醬汁好惹味, 唔係得個咸字架, 食得出個醬汁既香料味我覺得個辣度岩岩好, 雞件都新鮮同埋多肉另外仲叫左頂級安格斯牛小排$178脂肪分佈平均, 食落牛味好香, 好滑食雞煲又點少得響鈴架, 豐鍋既響鈴即叫即炸我地就叫左個自創爆芝響鈴 $38有三件, 比出面食開既大舊D, 浸一浸D湯加埋裡面既芝士真係好好味炸魚皮又係另一樣必點食物, 叫左手工炸魚皮$48起初都以為係普通出面買果D, 點知上菜果陣真係嚇親, 好大舊好長既魚皮呀上面應該加左少少淮鹽去調味, 就咁食都好鬆脆, 點湯食又係另一種風味為左健康著想緊係要食返D菜, 雜菜籃$68就岩哂我有白菜仔, 菜心, 生菜, 油麥菜, 菜洗得好乾淨同好新鮮最後就係飲品, 我

一家人生日聚會，專程去到石門食，無令大家失望。 好食，炸魚皮最難忘，真係好好味！牛肉好新鮮，手工啤酒低飲，雞煲即時上枱煮，即煮即食。今次第二次去幫襯。下次會再來。

本人因覺得這間菜色很住家菜，所以常光顧。但是吃了三次，三次出菜也有問題，出菜很混亂，並不跟次序，錯漏百出！不是等很久，就是給了遲來的人。😖 趕著上班，心情很著急，咁勞氣。所以決定以後都不去！😤

男朋友住係呢頭，放工特登過來食。因為佢location 勁方便，係正港鐵站隔離既京瑞廣場一期，而且朋友食過都大讚不絕。因為我真係好喜歡食雞，所以點了半隻招牌麻辣雞煲，但因二人都不太能吃辣，又想感受一下麻辣味，所以叫左小辣，結果辣味岩岩好，又香又唔會太辣，同譚仔既10小有d接近，至於完唔食得辣既朋友，我建議叫BB辣/ 唔辣。雞煲味度非常濃郁，而且漿汁緊緊咁鎖係肉出面，用木鏟快炒幾分鐘已聞到好濃既香氣。而且最特別既係呢到既雞肉入口好嫩滑，絕對唔同出面煲到老哂。想再食得滑d既朋友，我建議一滾起就熄火，保持佢既嫩滑。爆芝響鈴芝士味勁濃，而且即炸，一定要叫。手工即炸魚皮，一咬就聽到卜卜聲，好似食薯片咁。頂級雪花肥牛，牛味好濃好新鮮。菜都幾新鮮，放入熱湯拖一拖，口感爽脆。根據我食左好多間不同的雞煲，真心感受到店主用心去製作呢個雞煲，好難得可以keep到雞肉嫩滑😍而且佢地連火鍋的配料都好特別好高質，真係好味到我們清曬全台美食👍🏻

沙田石門新開了好多新餐廳，西餐、日本菜、中菜都有。而當中有一間雞煲火鍋店「豐鍋」，正合我心意想今晚試試。 店內最受客人喜愛的，自必然是「招牌麻辣雞煲」，不過，食吾到辣，就揀左「滋潤椰子雞煲」。 以新鮮椰子水，而非唔係椰漿，作為湯底，還有紅棗、竹笙 ，飲落好清甜！配料方面，則有即叫即炸的「即炸爆芝紫菜響鈴」與「香脆炸魚皮」， 可以選擇即食，口感香脆。尤其 「香脆炸魚皮」，難得一見的大大塊魚皮，長過 筷子，太誇張！ 索湯汁後更惹味。安格斯牛肉油脂分佈平均，口感軟腍，牛味濃。雜菜籃, 有3款菜, 很新鮮!菜心好甜!仲有大大杯的玫瑰柚子下次一大班朋友打邊爐又多一個新選擇啦！

今天公司非常忙，OT放工後大家累透及有點餓，想吃些暖胃食物來滿足一下。 同事提議去吃雞煲，佢之前吃過豐鍋雞煲，對它的味道讚口不絕。玫瑰特飲，好香玫瑰花味，少有味道。大話七，7up 加了醃梅，微酸甜甜好醒神。豐鍋招牌麻辣雞煲，一路炒慢慢溢出麻辣香味，肉質嫩滑又入味。頂級雪花肥牛，一啖一口大大片吃到好有滿足感。手工即炸魚皮，看見超大片又平直魚皮，就看得出同其它店的大不同，一咬就聽到脆卜卜，帶有似吃薯片一樣口感。手工四寶丸，較沉實做法，沒有添加其他，真材實料原粒原味。 從相片也可以看出菜有幾新鮮，真的是每棵菜也企起來，直接把它放入熱湯拖一拖，口感好爽脆。

雖然係附近返工，但冇乜幾何來石門食野，咁啱朋友約我來石門食飯先知原來係咁繁榮多野食，原來唔係只係工廠區咁簡單，真係大鄉里🤣。講返呢間豐鍋係食雞煲火鍋嘅，又估唔到係石門呢啲咁非主流嘅地方都食到咁出色嘅雞煲。雞煲有分BB辣，大中小辣，我要左小辣辣度恰到好處，勁惹味😋😋😋🤤🤤🤤，兩個人食左半隻雞都有啲唔夠喉。之後可以加湯打邊爐了，食雞煲再點其他火鍋配料仲有優惠添。見到隔離枱點了份牛頸脊好靚便試試看，單睇樣已經好靚，食落更加不得了👍🏻👍🏻👍🏻，油脂分泌均勻，好嫩好好味。響玲又係好好味，好大條，冇油益味，上枱時仲係新鮮熱的，必食👍🏻手工四寶丸有蝦丸、黑墨丸、墨魚丸、鯪魚丸，蝦丸好爽，黑墨丸勁有墨汁味，墨魚丸都ok，鯪魚我本身唔鐘意食所以冇意見，但整體係好味嘅。打邊爐點少得可口可樂，大大杯一杯已經夠曬。

今日係石門果邊番工，見到雞煲+打邊爐兩食，即刻約fd食下。店內環境乾淨，座位寬敞舒適，侍應服務態度好雞煲上檯時，好欣賞侍應即炒，麻辣味陣陣飄香，睇見都流口水。之後上嘅雞件夠滑。即炸魚皮一整塊，與其他魚皮稍有不同，可見廚師ge用心。安格斯牛肉質靚，食起黎十分軟淋，牛味甚重。 配合麻辣湯 果然係一絕 👍即炸紫菜響鈴中紫菜真係好特別，從來未試過。龍鳳檸樂夠大杯，係咸檸加鮮檸檬ge配搭，三重滋味，為解辣飲品之首選。

上星期四晚，和家姐到石門吃晚餐，因為我喜歡食雞，所以家姐選了港鐵站傍京瑞廣場一期一樓的豐鍋，點了招牌麻辣雞煲(半隻)，但因二人都不太能吃辣，又想感受一下麻辣風味，要了BB辣，就連我一向不吃辣的都接受得到。等了大約5分鐘，侍應將雞煲送來，細心地用木鍋鏟將雞肉快炒，醬料味度非常濃郁，幾分鐘已聞到香氣撲鼻，雞肉入口很嫩滑，很入味，爆芝響鈴和炸魚皮也絕不遜色，爆芝響鈴充滿濃濃的芝士味，喜歡吃芝士的人一定喜愛，炸魚皮酥脆香口，至於安格斯牛小排，家姐更是讚不絕口。飲品方面，玫瑰柚子特飲味度清甜，散發淡淡玫瑰幽香，雖然是第一次惠顧，確實充滿驚喜。

早前病左，想喺附近食得清清地🤭就揀左呢間！鋪面好多位，坐得好舒服，店員態度好👏🏻午市食飯套餐，晚市就食雞煲～下次試雞煲當日遲咗去食午餐，所以好多個套餐都冇哂了🥺好想食海南雞飯呀！籠仔臘腸蒸雞飯 $68賣相都幾吸引🤤用個籠上 好得意 哈哈臘腸少但蒸雞份量多！雞好滑👍🏻 金銀蒜蒸排骨 $65份量多！好香蒜味不過肥膏較多🙊仲有一碟菜，清清地幾好👍🏻每個午市套餐都會送一碗是日例湯，飲落有少少咸😂

又同男朋友黎石門搵野食喇~行完一圈，今晚決定係呢間食，間舖係喺正角落頭，所以要行入少少先見到。(門口張相係我地走果時先影既~可能因為係平日,所以人唔算多)因為我地6:30就食飯既關係，所以舖頭入面未有好多人佢裝修得有少少工業風，都幾靚，環境又乾淨！係喎，講番正題！雞煲就食得多，店員推介椰子雞煲，聽落都幾吸引，所以我地就叫個椰子雞煲試下滋潤椰子雞煲(半隻雞)話說個煲上黎之後，店員即刻係我地面前開左個新鮮椰青倒落d湯底度，之後先開始煲滾d湯。而個湯滾左，佢又幫我地將d雞放哂入去，仲好好服務噤提我地d雞煮6分鐘就食得！服務態度真係一流！講番個煲先~我地跟店員姐姐教我地既方法，d雞真係煮得岩岩好，好滑！跟住一飲埋啖湯！真係好潤好正好清甜讚(個湯底本身已經有紅棗,杞子,竹笙,椰子係入面, 店員姐姐仲加左個椰青落d湯度, 所以剩係個湯底已經好清甜喇~)(半隻雞既份量好足~仲好肥美~所以個湯先咁好飲~~)食完d雞就梗係要食下其他野先叫打邊爐架啦~~~頂級安格斯牛小排呢個安格斯牛值得我地比呢個價錢! 佢呢度既牛係厚切，唔係d又薄又唔抵果d~ 食落仲好有牛味！好快就已經比我個牛魔王男朋友清哂什菜藍打邊爐