豐鍋雞煲 (京瑞廣場1期)

营业中

休息中

夏天熱辣辣成日想打邊爐，搵咗間有雞煲加火鍋既小店。9:00pm左右入座，醬料費每位$8，大約都坐左八成滿。我哋叫咗個招牌麻辣雞煲BB辣半隻雞$168，雞煲整得好正，面上面有好多芫荽同埋蔥，因為係半隻雞所以都有食到雞髀同埋雞翼，另外個麻辣醬唔會太辣，辣度適中。之後叫咗個頂級安格斯牛小排$178，牛味好正，雖然叫細碟但係都好大份量，價錢都好抵下。其他打邊爐配料就包括手工四寶丸$85，食得出啲丸一定係手打，好彈牙同好有口感，咬落唔會粉狀咁。老闆一直推介叫個順德撈魚皮$58， 反正未試過就即管叫黎試試，又估唔到幾得意喎，魚皮煙煙銀銀咁，但咬落去又夠爽脆，配埋個汁都幾特別！另外都想特別讚下個爆芝紫菜響鈴$42，響鈴咬落去好勁嘅芝士，真係芝士控必點呀！朋友帶咗支酒黎，老闆竟然好好人話唔收開瓶費，火鍋配美酒簡直就係一流，另外飲品都勁大杯，食到好飽，大滿足既一晚！

沙田石門新開了好多新餐廳，西餐、日本菜、中菜都有。而當中有一間雞煲火鍋店「豐鍋」，正合我心意想今晚試試。 店內最受客人喜愛的，自必然是「招牌麻辣雞煲」，不過，食吾到辣，就揀左「滋潤椰子雞煲」。 以新鮮椰子水，而非唔係椰漿，作為湯底，還有紅棗、竹笙 ，飲落好清甜！雞好滑!小菜方面，則有即叫即炸的「即炸爆芝紫菜響鈴」，正！ 索湯汁後更爆芝士汁流出。點了頂級安格斯牛。油脂分佈平均，口感軟腍，牛味濃。四寶丸, 有墨魚丸, 蝦丸, 鯪魚丸, 黑墨丸, 超滑!推介!!!什菜籃藍蝶雪梨, 紫色靚靚!不算甜, 有雪梨味!大話七, 好大杯! 下次一大班朋友打邊爐又多一個新選擇啦！

今日同朋友嚟咗沙田呢間豐鍋雞煲住家小廚晚飯，呢度裝修都幾特別喎，又有卡位坐得舒服店員仲好殷勤招待添啊唔小心打瀉咗杯嘢飲店員立刻幫忙拖返乾淨仲即刻整過杯俾我添啊呢度令到我有賓至如歸嘅感覺呢度其實超級抵食呀因為9:30後有好多嘢食都係半價除了手工丸，某幾款牛肉，海鮮，其他菜類小食飲品一律半價自助醬料區招牌麻辣雞煲有半隻同一隻揀我同朋友兩個所以揀咗半隻喜歡辣的朋友別錯過真係好辣得下手工即炸魚皮上面落咗滿滿嘅調味粉唔使擺落湯就咁食都已經好滋味呀真心推介這個自家製嘅爆芝紫菜響鈴卷入邊夾雜着紫菜同芝士滋味香濃味道勁夾第一次食到手工五寶丸(黑松露墨魚丸,蝦丸,黑墨魚丸,墨魚丸,鯪魚丸）粒粒都好好食呀爽口彈牙黑松露墨魚丸個黑松露味勁香呀頂級安格斯牛小排非常新鮮又美味牛味香濃飲品方面叫咗一杯玫瑰特飲同藍蝶雪梨個人比較喜歡藍蝶雪梨🍐咁抵食下次要再來

個friend 話帶左個仔返學，約我去沙田食個lunch。約左去石門呢間豐鍋，我初頭仲以為食lunch去打邊爐食雞煲？！哦⋯⋯原來有lunch menu既🤣Lunch time都幾多人食，我地呢d閒人就約晏少少，避開lunch time 。Lunch menu 都有7款，我order左和風薑汁炒豚肉，老友就order 左泰式海南雞飯。未上飯先上湯，椰子🥥粟米雞湯，幾鮮甜，椰子味唔會太重太搶味👍🏻，個薑汁炒豚肉都好好味，朋友話佢嗰個海南雞飯好正，雞好嫩滑。Btw，見到隔離枱Order左烏頭魚，嘩！成條上！好似好好味咁，見佢成條魚食晒，下次再嚟可以試吓叫條烏頭食下先

放工時段相約同事一起打邊爐，近近地揀左公司附近食，我地去到唔算多人一早BOOK定枱就唔駛等。此店環境乾淨企理，打完邊爐都無唔覺衣衫有味。店內坐位都算闊落，留意到近窗邊位置有長椅，枱與枱合併起來可供廿人坐，大班人聚會一齊坐埋打邊爐相信都幾開心。花雕藥膳雞煲(半隻) $158今次揀左個花雕藥膳雞煲，同事食唔到太辣，追求健康養生藥膳煲啱晒。湯料有杞子、紅棗粒、龍眼肉、黨篸，藥材唔算太濃湯味甘甜十分順喉，飲完感覺暖笠笠！主角雞件賣相吸引排得整整齊齊，叫左半隻份量十足，兩人食再叫多少少野食都幾飽。雞肉無雪味，花雕酒味唔算濃，點辣椒豉油比較美味。手工即炸魚皮 $48魚皮薄身好大塊好平直，炸到好鬆脆，就咁食好似食薯片，魚皮潵上椒鹽，食起上來好惹味，浸落湯十秒食，食到有層軟皮包住，多一層口感幾得特別，點菜紙上的推介果然係堅正。即炸爆芝紫菜響鈴(3件) $42響鈴好大條食落無咁油，浸湯好快淋，所以點一點即上水，食落有多層口感，鬆軟嘅紫菜仲有溶晒嘅芝士，的確美味有驚喜。西班牙頂級黑豚豬梅肉 $105口感肉質柔軟細緻，脂肪滲透肉內呈現雪花紋好靚，肉味香濃入口即融。侍應見唔夠位擺，即時為我們添置側枱放置碟豬梅

一直以為石門區係工廠地方，今日同朋友遊車河經過京瑞廣場，見食巿林立，泊好車就去商場覓食行到一樓，比『豐鍋』嘅裝修吸引住，放咗好多時尚擺設，而且店鋪好潔淨光猛一坐低，店員好熱情介紹，因為朋友唔食辣，所以推介我地食花膠響螺雞鍋，足足有半隻雞，食落非常嫩滑又新鮮！而且湯頭好鮮甜，充滿膠質！安格斯牛肉d雪花紋好靚，淥10幾秒就食得，香軟可口有肉味！正啊桶蠔好大隻，夠曬肥美！一d都唔腥最特別係芝士響鈴！第一次食，好大啖芝士，好啱我口味炸魚皮目測有成15cm長，就咁食真係脆卜卜，好野味！最後尾d湯濃縮曬所有食材嘅精華，淥菜食真係一流！今餐我真係非常滿意，我比101分！推介比三五知己一齊過嚟食啊！

丰鍋喺沙田都幾出名所以就同朋友今晚去打邊爐 店舖雖然唔係好大但係 麻雀雖小五臟俱全我同朋友點了一個麻辣火鍋雞煲一個頂級牛肉 一個芝士 春捲 一個雜菜 仲有兩杯嘢飲 雖然聽落好似好少嘢食但係已經打畀我哋食到好飽我同朋友 都食唔曬 麻辣雞煲非常之惹味非常之新鮮完全冇雪味牛肉亦都好嫩滑滾即可以食 最好就係這個春捲真的是好味從來未食過咁有味道嘅芝士春捲 這個雞煲真的是令我回味無窮我下次一定會再來

收工未食飯 經過呢間雞煲火鍋店聞到好香 就同同事入去試吓🧞‍♂️一入到去就聞到好香嘅花雕醉雞味🧚‍♂️ 加上同事又唔係好食得辣 所以我哋就要左花雕藥膳雞煲 $158有半隻雞🧚‍♂️花雕雞上枱嘅時候賣相超靚喎🧚‍♂️ 係斬好生上 面頭仲有啲明目杞子🧚‍♂️ 自己可以放落鍋度 食幾多落幾多 唔使一定食晒雞煲先打邊爐🧞‍♂️ 或者驚啲雞滾熟過老 呢個做法都幾好🧞‍♂️等緊食雞嘅時候 我哋叫咗個小食食住先 手工即炸魚皮第一次見咁長咁大塊🧛‍♂️ 炸得超級鬆脆 除咗食到魚皮之外 彷彿好似仲食緊啲炸魚肉咁🧚‍♂️ 好得意 味道亦好惹味🧛‍♂️花雕雞好新鮮肉質嫩滑 一啲雪藏味都冇🧛‍♂️ 食嘅時候有淡淡的花雕酒味 仲有啲紅棗香🧞‍♂️🧞‍♂️ 花雕酒亦都唔會蓋過雞肉味 兩者都好平衡🧛‍♂️頂級安格斯牛係即叫即切 果然安格斯牛係唔同啲🧚‍♂️ 一睇個花紋同色澤就知好新鮮🧜‍♂️ 脂肪比例適中 同肥牛爭好遠🧜‍♂️ 輕輕灼幾下就食得 入口好有牛味 一啲都唔會鞋 食到停唔到口🧛‍♂️🧛‍♂️再要左個雜菜籃同即炸紫菜響鈴🧜‍♂️ 響鈴內有乾坤中間包咗塊紫菜 感覺好似冇咁油 味道都唔錯🧜‍♂️呢度啤酒得藍妹 冇乜選擇🧞‍♂️ 咁就試下佢既德國手工麥啤啦

入到一坐低，就聞到隔離枱好香雞煲，小編叫左唔辣雞煲，上菜會有店員炒，一邊炒雞味香氣撲鼻🤤🤤2個人份量係半隻雞，雖然小編嗰個係唔辣但係配埋啲香料味道都好夠👍🏻所以唔食辣嘅都有雞煲選擇。炸魚皮炸魚皮係好好食，因為係自家製，魚皮大大塊❤️❤️完全係同坊間嘅好唔同，所以必叫👍🏻👍🏻炸響鈴依間嘅響鈴都係即製，入面包左海苔加流心嘅芝士❤️❤️即炸上碟，所以滾幾秒就即刻食，超好食👍🏻👍🏻豚肉👍🏻👍🏻花紋平均，而且食落口肉質鬆化、鮮嫩👍🏻雜菜籃🧺菜葉全部都好新鮮👍🏻👍🏻食完咁多肉類大家記得要叫感覺無咁肥😝飲品一定要叫碟豆花❤️❤️真係唔係得個樣勁好飲👍🏻👍🏻

好耐冇食過雞煲同事推介石門有間叫豐鍋的雞煲今日一於去試試因為放假，所以就book 1800 就晚餐了。餐廳員工很有禮貌，介紹左餐廳招牌雞煲同火鍋配料推介雞煲我地點了bb辣，微辣得來唔會太咸，雞件嫩滑紫菜芝士響鈴響鈴有4重口感 浸埋落雞煲湯底的汁好好味手工即炸魚皮有別於坊間平時的魚皮，除了外型打直外，在魚皮面層加了少許淮鹽，好有特色，唔像出面食的魚皮咁普通頂級安格斯肥牛只睇樣已經好靚，好多雪花，好好味野飲我地咸檸7,清暑解渴最重要係食完之後仍然係0味精的感覺，真材實料，唔會像其他食完後好想飲水

自從上次食完藥膳雞煲之後就念念不忘...今次要試埋佢嘅招牌麻辣雞煲🤤🤤因為上次食緊自己果個但又聞到隔離枱嘅麻辣雞煲勁香一定係好惹味😋所以今日為目標而來嘅！雞煲一上枱，侍應姐姐就幫我哋炒咗3分鐘...啲香味直湧入個肺再刺激埋個胃繼而流晒口水...今晚揀咗小辣，入口辣度剛剛好👍🏼👍🏼兩個人叫半隻雞就夠，老闆好好，份量做得好足，讚！辣味越煲越出，越食就越惹味...仲叫左巨杯飲品：藍蝶雪梨🍐水蜜桃梳打🍑好好味！食完雞就加湯底打邊爐...encore牛肉冇令我失望，水準依舊咁正！魚皮炸到直筆甩"一字魚皮"長過筷子🥢好脆！招牌爆芝紫菜一定要叫...即叫即炸響鈴加咗芝士同紫菜食起嚟口感好有層次，好豐富！特別一提係個雜菜籃，兩個人有4款仲差唔多成斤...真係好飽呀！

係石門扒完龍舟，搵下地方食宵夜，上網搵下有咩特價優惠抵食，搵到間係京瑞商場一期裡面既打邊爐-豐鍋。湯底我地擇左花雕藥膳雞煲（$158），半隻雞同湯底分開上，花雕酒味好濃隻雞都好鮮味同好有肉地。另外叫左個雜菜籃（$68），半價30幾都算份量多，打邊爐點少得叫牛食頂級安格斯牛（$178）好鬼正，肥瘦適中，切得夠薄店員極力推薦炸野，佢話手工炸魚皮（$48）同炸紫菜響鈴（$38）都係即叫即炸，於是叫黎試下，魚皮係原條炸好好好好好食響鈴加左紫菜好特別同好脆，而且店員話佢地唔係用萬年油炸飲酒既我好想提下德國手工麥啤（$28） 因爲真係好平而且係好飲既

石門依家開咗咁多嘢食今次就去咗打邊爐 食雞煲😋😋😋平時一食親雞煲就要出尖沙咀但係今次見到石門新開呢間 環境又唔錯啲嘢食又幾靚仔就去試吓啦😍雖然呢度地方唔係好大 但係座位都唔會話太逼夾可能都因為好多玻璃嘅設計 所以空間感仲會大啲添～我6點去到暫時未有人。。但係到6點9嘅時候就已經差唔多full晒啦～餐牌如上而我今次就食咗佢個招牌雞煲 BB辣雖然呢度得半隻 但2～3人都絕對夠食 睇相就可以見到份量都好足夠丫！！雖然我揀咗bb辣 但係都好夠味 唔會話成個淡晒食完雞煲之後就即刻加湯打邊爐na雜菜籃好新鮮 唔會話係樣樣嘅菜頭菜尾咁樣啱晒啲唔知食乜嘢菜 但又樣樣都想食下嘅朋友招牌魚皮一上枱已經好吸引啦見到咁長仲要成條咁炸 真係好靚丫安格斯牛絕對冇令你失望 絕對對得住價錢顏色鮮艷而且花紋好靚 睇得出真係好新鮮平時食響鈴食得多 但係今次有芝士餡嘅真係第一次食但係味道絕對唔差 原來響鈴加芝士係咁好味芝士嗰啲鹹味令到成個響鈴仲更加正丫😍

石門都是美食沙漠，但呢間主食雞煲和邊路的餐廳真是非常有水準性價比勁高。店員非常友善，會介紹餐廳出名的火鍋炸，真係一試難忘，一定會再去。🧡花雕藥膳雞煲（半隻雞 ) $158湯底超足料好有誠意，包括有杞子、龍眼、紅棗等，好啱注重養生的女士。藥膳味又唔會太濃烈蓋過咗食物的味道，重點係煲完的龍眼都仍然很清甜😍😍😍湯滾後，放入雞件六大約六至7分鐘就已經可以食， 雞沒有雪味，而且十分滑👍🏻👍🏻👍🏻🧡即炸爆芝紫菜響鈴 $42第一次食咁特別的響鈴，店員特別推介👍🏻👍🏻👍🏻由於炸得非常通透，又沒有放入雪櫃，所以放入湯1秒已經可以食用。入口食到多層口感，最裏面的一層包着紫菜和芝士，超驚喜。🧡自家製炸魚皮 $48超大片的魚皮，店員聲稱沒有放過入雪櫃，是即炸，炸得又金又黃。上面撒滿椒鹽粉，入口勁乾脆，好似薯片咁😂😂🧡頂級安格斯牛 $178雪花分布平均，入口勁龍牛肉味，只需要六幾秒已經可以入口。🧡蔬菜藍 $68🧡藍碟雪梨🍐 $38杯底有勁多雪梨粒，味道清甜。🧡大話七 $38入口酸酸地，但得開胃。

馬鐵線石門站自從開了新商場「京瑞廣場」後，成為了石門既新地標，淨係兩個商場都已經有三間酒樓喺度，而且重有好多不同種類嘅食肆進駐，有日式、泰式、台式、港式、西式等等應有盡有，住係附近嘅居民真係有口福。今次就試咗呢一間餐廳，係食雞煲同打邊爐既。食品種類選擇都幾多，而且有啲重係自家制添。招牌麻辣雞煲 (半隻 / $168) : 雞煲上枱既時候，侍應會幫你撈同煮熟雞煲為止先離開非常貼心 ; 雖然係半隻雞，但份量都幾多，而且味道唔錯。頂級安格斯牛 ($178) : 睇見啲雪花紋就知係好野黎，油脂分佈均勻，而且每片都厚薄適中，牛味濃郁。👍🏻 👍🏻 👍🏻手工即炸魚皮 ($48) : 第一次見到成隻手臂咁長既炸魚皮，就咁食非常香脆，放落火鍋浸一浸再食仍然好有咬感，唔似其他炸魚皮咁，浸完之後會淋哂好難食。即炸爆芝響鈴 (6件 / $66) : 呢個真係無得頂超好食，又大件又脆口既響鈴裏面包住芝士，放落火鍋浸浸先食，真係返唔到轉頭。😍 😍 😍藍蝶雪梨 ($38) : 味道有啲似巨峰提子加雪梨汁，幾大杯而且重有啲果肉食到。