豐鍋雞煲 (京瑞廣場1期)

营业中

休息中

平日未到7點，先6點幾去到餐廳，已經差不多客滿！可見呢間餐廳人氣幾高！幸好我們提早訂左枱！而且坐位舒適唔迫！雞煲火鍋好多湯底款式！我和媽媽二人幫襯，梗係選個滋補的花膠海螺🐚雞煲！🐓哇！完全沒選錯！好多花膠，而且大大條！我們大約食左5條花膠，同十幾塊海螺片！童叟無欺呀啲花膠係好滋潤的感覺，大大隻！海螺片一樣鮮味！雞肉大大舊得來好鮮嫩，唔會好似出面食雞頭雞尾的感覺！呢到係舊舊都啖啖肉！四寶丸係真心食得出係自家手打！好彈牙！而且係鮮味的！安格斯肥牛無得輸！勁好食！呢個價錢食到呢個質素抵到爛！真心鮮味肉嫩！響玲必點！本身係自家鮮炸已經係出面比唔到！呢個仲要係爆芝！響玲！芝士腔的我已被融化必點真係浪接浪！呢個炸魚皮唔食唔得！試問出面邊到有得食咁大塊炸魚皮，長過你前臂咁濟！而且係即炸！上枱是仲係暖的！而且超香脆！一上枱隔離左右都跟住叫，而且讚不絕口！菜盒的菜都好新鮮！真是好難得有一間餐廳咩都咁好食！飲品點左椰青！係新鮮令椰青！好好飲！好欣賞呢間咁有誠意的餐廳！服務都好好！強烈推薦！

這晚訂了六半食雞煲，我們早到了大概二十分鐘，店員很友善，即時作出安排，讓我們到樓下的涮涮鍋姊妹店食雞煲😂😂落去前先影一張店內環境，面積不算大，但光猛企理，以四人枱及長枱為主。餐牌是典型的一次性點餐紙，自行剔選。點餐後店員送上調味盤，款式精簡。豐鍋招牌麻辣雞煲 (10/10): 我們叫了bb辣，對筆者來說剛好，一上桌已聞到醬汁超香；店員很有心機，幫我們炒了十分鐘，直至香菜洋蔥煮到淋晒入晒味，雞件同醬汁亦完美融合。這是我們第一次會食晒半隻雞，仲要不停夾洋蔥食，唔捨得加湯打邊爐😂😂😂配料方面選了較多人叫的項目，大部分都水準以上。紫菜響鈴 (9/10): 中間部分加了紫菜令整體感覺無咁膩，浸一浸湯仍保留少少鬆脆感。手工四寶丸 (9/10): 蝦丸墨丸爽口彈牙，鯪魚肉丸用料新鮮，沒有過多調味。雜菜籃 (9/10): 比起其他餐廳蔬菜款式較多，用料新鮮，菜葉塊塊都翠綠。極品本地手切牛頸脊 (10/10): 打邊爐極少食到咁高質既牛肉～肉質超腍，做到入口即溶的效果，男友嘗試將牛肉放在生菜上「慢煮」😅😅😅，結果更好食～大家可試試炸魚皮 (7/10): 口感像薯片，但炸物二選一筆者會更推介紫菜響鈴。飲品

相信大家對🥘雞煲都唔會陌生，通常食完隻雞後就會加d湯變成火鍋但係豐鍋係我食咁多間雞煲/火鍋後沒有油煙味的餐廳相信一定係抽風系統做得好好當然吸引的的地方唔單止係冇油煙啦~食材新鮮同味道同樣重要選左個小辣的雞煲店都會細心幫我地炒勻，等它唔好痴底頂級的安格斯牛小排好靚的雪花入口溶化手工即炸魚皮同樣🈚🉐頂,魚皮仲好得意唔像平時彎ge~而係直不甩好像書簽咁同勁愛自製爆🧀芝士的響鈴💕仲有好彈牙的手工四寶丸

今朝開會晏咗出去食飯， 溫度急降加埋落毛毛雨好鬼凍😖 好想飲碗熱湯，就諗起公司附近呢間住家飯餐廳😄我不嬲熱愛中菜同住家飯😍 佢既餐單逢星期一更新， 午市套餐包咗主食，白飯，菜，住家湯同埋飲品，夠曬豐盛😁近呢幾年唔知點解中意左食魚, 所以今日點左個鹹鮮檸檬蒸烏頭～一坐低店員就遞上左一碗熱辣辣足料青紅蘿蔔粟米豬骨湯😋 飲左幾啖當場成個人暖晒~呢D天氣都要飲下湯水滋潤下👏條魚好大條，好厚肉， 平時食烏頭好怕有泥味腥味，但係呢條完全唔會😍 七十零蚊可以有咁高水準既住家飯，用靚靚日本珍珠米，仲有菜同湯水健康下，兼送埋飲品，真係超值👍 難怪呢間餐廳成日都咁旺場😋😋知道佢旗下既火鍋店係同一個商場好快開張，啲同事已經急不及待想去試😂 希望佢快啲裝修好開張大吉🤣

因為要陪屋企人換身份證,順便係石門京瑞廣場食晚飯。第一次黎石門,原來係美食寶庫。大大小小的特色食店,因為天氣轉涼就決定去豐鍋打邊爐。由於媽媽唔食得辣,我地健康D叫咗個滋潤椰子雞煲隨即店員就係我地面前將整個椰子倒進湯裡!!每客雞煲都用上半隻新鮮雞!!連胸肉位都超嫩滑!!最意想不到是加了鮮雞的椰子湯鮮甜無比一渴之下完全停唔到口,從未試過係未食野之前已經飲咗兩大碗湯!!!頂級安格斯牛-睇相就知道絕對頂級,每片大小均一,沒有多餘的筋位。雜菜籃-大約有5種蔬菜每一種都非常新鮮,蔬菜完全吸收椰子湯底!!連平時唔鍾意食菜的我都K.O.完食。即炸爆芝響鈴-小店的皇牌推薦!!由於是即叫即炸,完全沒有油膉味,中間夾著半溶芝士,滋味滿分。手工即炸魚皮-每片均有筷子般長。比街外的魚皮厚身,用料上乘。同樣是即叫即炸,在魚皮表面上輕輕灑上胡椒及鹽作調味。作小食或火鍋伴侶亦非常合適。四寶丸- 亦非常出色,用墨魚,蝦,黑墨魚及綾魚打成每日新鮮製作,彈口滑身此外小店還提供日本米飯。店內環境明亮,座位寬闊,但因沒有圓枱,適合2-4人小組家庭前來。小店無論食物味道,質素都是高水準。更值一提得是店內的每一佔員工都超級親切,經

天氣轉凍，最岩就係打邊爐！上次黎過豐鍋食午餐，知道有雞煲打邊爐，今晚約好友黎試試！一入座店員就好熱情咁介紹餐牌，笑容滿面而且又有禮貌，超讚！滋補螺片花膠雞煲 HK$208/半隻湯頭濃郁鮮美、膠原感重，未打邊爐前先飲碗湯，香濃又滋味。雞件嫩滑有雞味而且啖啖肉；螺片脆嫩、花膠滋潤又養顏，口感爽而滑溜，好滿足啊！手工四寶丸 HK$85有蝦丸、墨魚丸、黑墨丸、鯪魚丸粒粒彈牙飽滿，有嚼勁！雜菜籃HK$68有白菜仔、菜心、唐生菜，份量十足，三款蔬菜均新鮮爽脆。即炸紫菜響鈴HK$38即叫即炸熱辣辣脆卜卜，金黃色賣相超吸引，涮數秒後進食，鬆脆又香口～頂級安格斯牛小排HK$178份量十足既安格斯甫上枱就令人食指大動！每片都切得好平均，色澤鮮豔，賣相新鮮。肉質細嫩柔軟，味道濃郁，肉汁豐富！大檸茶HK$32大大杯檸茶不會苦澀，甜度剛好椰青HK$48椰肉嫩口，味道清甜。

朋友推介，特登山長水遠來到石門食豐鍋係mtr隔離的小商場，估唔到咁full -_- 不過等左陣都有位，好彩啫。***因為呢日收工收得晏，入到來都9點，咁岩9點後好多配菜都有半價 好鬼抵～～～我地叫左個小辣的麻辣chicken pot $168 with 半隻雞 半隻雞都係168 又幾抵～兩個人都食唔晒所有雞  雞好滑 而且唔肥 無乜膏 一流牛小排 $178 大大碟！！兩個人食到勁飽　脂肪比例同紅肉比例岩岩好! 啖啖都好JUICY 我食左成碟都無點過SOURCE 因為D 牛本身就好香 P 附大圖畀大家睇下ＨＡＨＡ。。。必點爆芝紫菜響鈴 $42 (3件) 我本身麻麻地響鈴 覺得佢太油 又唔係特別香/ 好味但第一次試呢個爆芝紫菜響鈴真係超超超超超超正呢3樣野夾埋成味好夾...而且真係啖啖芝士！芝士控必叫雜菜盤 $68 有菜心，生菜....第一次雞煲叫菜心...haha本身個雞pot 湯底好濃郁，d 菜 索晒d 辣汁 好正  大檸樂 $32 其實咁大個chicken pot 一杯檸樂係唔夠架！！嗌一杯大檸樂 之後再追加淨可樂咁樣係最抵  

本身今晚去食，去到等位，我同職員講2位，個位女職員話要等一陣，等呢張台（門口第一張）埋單就俾你，我話好呀唔該晒，當時呢張台有2位顧客食緊差不多完，過了15分鐘，張台埋單了，突然有台4位入左黎同個位女職員攞位，當張台清潔好了，果位女職員居然俾左果4位客人，當時我全程企係門口度等位，咁眼見咁既情況咪行埋去問果位女職員囉，佢話人地訂左位所以俾左人地先。咁都得？竟然你有Booking就唔好咁Confim同我講係等呢張台啦，當然我覺得佢話Booking係假既，係想入左大頭先，我明既，但都唔好完全講都唔講聲先就咁俾左我原本張台人囉，以後都唔會再去食

琴日同屋企人去左豐鍋🥣🥢食晚餐，我係十級邊爐雞煲愛好者，細佬介紹黎呢度食雞煲。我第一時間話好。.知道呢家火鍋店都重視雞煲既辣度同鮮味，我地叫小辣，好鍾意呢個味，個煲夠足料，一d都唔馬虎。.環境方面都好寬闊，座得幾舒服，不過一早我地訂左位，但係都要係門口等十分鐘，之後見到其他客人也對坐位分派不太滿意，這點餐廳需改善。有時候收工四圍食嘢都會逼同嘈，入到去石門呢邊感覺就很不錯，靜靜地。如果一班人想自己圍威喂一邊飲酒🍻暢談一邊雞煲火鍋，呢度都幾好，但員工服務就有待改善，有時候舉手好耐都冇人應。.呢度9:30pm後有優惠，都幾抵，大家不坊試下。

石門真是一個新興搵食熱地。今日收工朋友想食打邊爐。決定找間餐廳可以打邊爐。滋補螺片花膠雞煲。材料充足的一個雞煲。雞件新鮮嫩滑。入口美味。螺片必然配合花膠。花膠的彈牙鮮甜養顏。極為保氣養顏一個靚湯。手工四寶丸。四寶各有爽滑特式。入口爽脆。滑喉感更突然。但有一個特點係同一樣。就是新鮮打造。自創爆芝紫菜響鈴。響鈴加添紫菜芝士。入口極豐富不同感覺。響鈴的爽脆配以紫菜的海青味再加芝士的濃厚味。浸上濃烈雞湯。更添複習美味。順德撈魚皮。傳統做法是薑絲/蔥絲/花生/麻油/小小熟油。他們堅持到這些傳統。還會創新加上芝麻更令魚皮的爽口添加多一款咬感。芝麻的香氣可以掩蓋薑絲的辛辣味。頂級安格斯牛小排。安格斯是牛肉中極為重牛感。重牛味的一款。它們切得細細塊入口即溶。牛味濃郁。大話七/大咸檸七/玫瑰特飲 - 咸檸七是本人喜愛。有些餐廳會用黃檸檬。但而家多數係用點咸柑桔。保持傳統的做法。玫瑰特飲入口甘甜花香味。但不算太甜。值得一試。

去完威爾斯探朋友順便過來石門行下，一出馬鐵站就係京瑞廣場一期，地下見到有間豐鍋日式涮涮鍋放題裝修緊，原來係樓上一樓豐鍋雞煲嘅分店，12月會開張。首先讚下哩到嘅服務，前台個靚女侍應細心介紹店內的招牌菜，感覺真係好親切，十分難得。招牌麻辣雞煲($168）半隻雞煲可以選擇唔同辣度，我唔太吃得辣，所以選了少辣，辣度剛剛好，帶有麻香。侍應姐姐會幫忙翻炒雞煲5-6分鐘，雖然係半隻雞，但份量好足，🐔唔係大肥雞，肉質嫩滑，加埋各種香料同洋蔥，夠曬膿味，正！吃完雞煲就可以加上湯繼續打邊爐店員推介麻辣餛飩($65）果然好特別，粒粒都好飽滿，仲有鮮蝦係入面，一碟有8大粒，好抵吃。必吃手工即炸魚皮($48)雖然只有三塊，但真係超好吃，每條都成隻筷子咁長，即食都好正，勁薄脆!自創爆芝紫菜響鈴($42)認真好特別的配搭，只需烚2-3秒，響鈴鬆脆，加埋流出芝士同紫菜味又幾特別喔，果然有創意。西班牙🇪🇸頂級黑豚豬梅肉($105)大大碟，這個價錢吃到咁樣質素，的確唔錯。吃麻辣雞煲當然唔少得飲返杯凍飲啦，有幾款特色飲品選擇，最驚喜係超級大杯，而且好用心製作，推介玫瑰柚子茶，視覺同味覺都好滿足，玫瑰花🌹係醃製過，甜甜哋，好

石門早期多數唔係地產就美容，朋友近排就同我講開左好多食肆！😃所以今日就以一個偽遊客既心態去睇下有咩好食！🤨1期食肆開得較多！👍🏼行到上去兜左兩個圈！兜完都係覺得呢間門面夠share醒！🤩所以就走左入去食晚飯！😋入到去已經見到有好多Bear Brick吸引住！環景夠光猛！💡員工服務好！👍🏼晚市主要打邊爐為主！🥘雞煲亦都係招牌煲！🐔叫左但椰子雞煲！🐔🥥椰子🥥夠足料！滾左既椰子雞湯🥥🐔員工會有原隻椰子🥥為你倒上雞煲上！🐔🥥感覺原湯原味！🥥👍🏼可惜呢一幕掛住去調味吧整調味料！趕唔切影相！📷📸頂級安格斯牛小排！🐂🥩牛切得夠薄身！👍🏼🐂雖然薄身，但口感絕不遜色！👍🏼🤤🐂手工四寶丸（蝦丸，墨魚丸，黑墨丸，鯪魚丸)！四寶丸之中最好食係鯪魚丸！🐟醃法同平時很不同！🐟👍🏼值得一試！👍🏼其次黑墨丸！🦑墨魚味重！🦑👍🏼但不會有種腥的感覺！👍🏼（因小妹有時食出面劣質的黑墨魚🦑會有種腥的感覺仲會想嘔！🤢🤮）而呢間墨魚丸🦑絕對放得入口之餘亦係好食！🦑👍🏼即炸紫菜響鈴！🔔手工即炸魚皮！🐟即炸紫菜響鈴夠特別！🔔👍🏼仲有好多種響鈴特別做法！🔔👍🏼例如即炸爆芝響鈴！🧀🔔👍🏼夠晒特別！👍🏼手工

又是去嚐美食的時候，地址是沙田石門安群街3號京瑞廣場一期一樓137號舖今日想介紹的是先吃雞煲，後加湯火鍋今天點了：即炸爆芝響鈴外脆內軟-內裏有紫菜外面很鬆脆手工四寶丸包括蝦丸、墨魚丸、黑墨丸、鯪魚一共8粒-四寶丸中我最喜愛的是蝦丸，因為夠彈牙，而且墨丸真材實料。手工即炸魚皮-魚皮製得非常香脆雜菜籃火鍋湯底有得選擇，很多種類招牌雞煲最出名丸類、肉類、海鮮類、配料類、蔬菜類、小食類、飲品類頂級安格斯牛小排-入口即溶

石門有間食🐔煲。之前試過唔錯。今次就試下個lunch 先。午市套餐係Sell健康住家菜。少鹽少油少糖無味精。選擇都幾多。老🔥靚湯🥣足料。味道甜甜地。幾解渴。D)土魷蒸肉餅～土魷唔Un又帶鹹香味。美中不足肉餅比較薄身。有小小唔夠喉。可能係我太大食嘅關係。C)豉汁蒸原條鱸魚～條魚🐟蒸得岩岩好。又嫩又滑。配埋油菜（全走）同白飯。絕對係健康100分。套餐包咖啡茶是常識吧午市套餐價錢有小小高。不過一分$一分貨。

打邊爐正，雞煲正兩者一齊食更正今日就近近地去咗石門食雞煲加打邊爐秋風起就想食滋潤小小嘅雞煲所以我哋就揀咗個滋補螺片花膠雞煲雞煲上到嚟首先湯係未放雞嘅但係見到已經有好多嘅螺片同埋花膠旁邊既雞睇黎唔似冰鮮雞店員介紹原來係三黃雞難怪成個樣好靚仔（之後食，真好香雞味）等緊嘅期間就係食小食嘅時間手工即炸魚皮真心要試不特止脆，仲要好惹味本身以為食小小之後放湯不過兩三下就食曬水滾之後店員就提我地將切件嘅三黃雞放落湯提醒我哋只要將用傳統既沙漏⏳計時食雞打開蓋之後濃濃嘅雞湯味傳出嚟時間啱啱好我就一開始食花膠又大件又彈牙螺肉都非常多好滿足咁食滋補雞煲之後當然要打返邊爐啦牛肉係邊爐既主角肥瘦適中牛味香濃味覺享受加上即炸紫菜響鈴響鈴索左湯湯仲有少少脆加埋有紫菜在其中口味豐富加埋雜菜籃同埋飲品椰青依餐令人感覺好幸福過了一個滋補又滋味的晚上