豐鍋雞煲 (京瑞廣場1期)

营业中

休息中

在沙田石門返工的朋友，約我食豐鍋，在安群街3號京瑞廣場一期1樓137號舖，餐廳在窗前擺放一些得意的卡通人物公仔，感到歡樂氣氛，座位寬敞坐得很舒適。我們點左螺片花膠雞煲，雞十分新鮮又鮮甜，花膠很好味😋，超正雪花肥牛更無得彈，油花均勻，牛肉味道香濃，真是好食到停不到口。手工四寶丸，有蝦丸、黑墨魚丸、墨魚丸🦑、鯪魚丸，大大粒又爽口，真美味。即炸爆芝紫菜響鈴，索左火鍋美味湯底，滿口芝士的香滑，必食推介👍👍蔬菜藍，有生菜、菜心、白菜🥬十分新鮮。椰青，十分清香又甜。這餐極正我們極滿意，會再回頭吃。

今日係石門見客，見完同老公去咗京瑞廣場，天氣凍凍哋梗係去食雞煲啦😋我哋叫咗豐鍋招牌麻辣雞煲BB辣半隻🐔勁開心見到咁多芹菜和芫茜🤤雖然半隻雞但份量都好多😻職員好好不斷幫我炒啲雞，終於有得食啦💃🏼啲雞好滑又Juice😋味道好夠又唔太咸，BB辣已經好夠辣，仲好刺激好好食😆食完雞煲當然要打邊爐啦😆我叫咗頂級安格斯牛小排，安格斯牛肉啲油脂分布好平均，涮幾秒就食得，入口即溶，勁重牛味，真係超級好食🤤什菜籃有白菜，菜心，黃芽白和油麥菜，樣樣都好新鮮好味😻自創爆芝紫菜響鈴即叫即炸，香脆可口，一入口入面啲芝士流晒出嚟，超級正😋餃餃陣分別有4種唔同嘅餃子🥟餃子粒粒都真材實料，勁多蝦勁大粒，好味到停唔到口🤤冇呃您餃子入面真係爆多材料😋手工即炸魚皮第一次食咁大塊咁直嘅魚皮🤣真係超級好食，脆卜卜，仲要好厚身，出面真係食唔到咁正嘅魚皮😋玫瑰特飲和水蜜桃梳打，兩杯飲品都好好飲，夠濃又夠凍👍🏻出面有個自助區，可以自己攞配料😻呢間餐廳食物質素超高又好食，所以9點幾都爆曬場👍🏻同埋啲職員勁好人又Nice，有講有笑，真係食得好開心😆

同朋友都鐘意食雞煲又鐘意食辣，次次平日黎食都排曬隊，今次我地都唔理甘多，排就排。。等左30分鐘入到去。。由於太耐無去啦～一坐低就叫中辣雞煲。。。 點知。。睇少左個威力，愈食愈甘，程度係出面既大辣。雖然辣得好過癮，下次都係叫返小辣啦～之後我地叫左肥牛，響鈴，炸魚皮，菜菜子同四寶丸，樣樣都好高質，特別不得不提既肥牛真係好屈機。。 一入口即溶，d紋好幼細，好嫩身，eat支棒。樣樣都甘好食，我同朋友食到好滿足。。 一定要下次再黎食過

天氣凍左又係打邊爐好時機同friend book 左食雞煲一入到去嗅到好香麻辣炒雞味道開頭以為呢間得麻雞煲原來仲有花雕藥膳雞煲，螺片花腿雞煲同我地揀左既椰子雞煲原個椰青水倒入煲內，仲有紅棗杞子椰子肉水滾後加入雞，我地呢到係半隻計時⌛️5分鐘就食得雞肉好嫩滑，仲有少少甜味飲品大大杯手工四寶丸，有蝦，墨魚，黑墨，綾魚肉手打丸肉唔會好實，鍾意食墨魚丸和黑墨丸，有墨魚粒係入面架炸魚皮好大塊，面有少少鹹鹹地放入湯淥一淥仍然夠脆紫菜響鈴吃得到紫菜香當然唔少得有肥牛la安格斯牛小排油脂分佈平均，有肉香

冬天最愛吃麻辣雞鍋，今天幾個女人仔聚會，兼夾團年，食好啲就來到石門試新野。餐廳幾骨子，週四晚上都幾多人食，要訂位。我們叫左招牌麻辣雞，半隻168。好多辣椒🌶️好正，職員一邊炒一邊飄來好香既香料味，好肚餓呢！雞煲既味道好有層次，有辣也有香味，而且肉質滑，好食。另外點左其他火鍋料，牛胸爽非常推薦，好爽而且有牛既香味，是朋友介紹先識食，發現新大陸。其他食物都好新鮮，餃子🥟大只又脹卜卜，芝士紫菜响鈴起正！浸5秒即食，脆爆又有芝士香，大愛飲料🥤32元大大杯，有幾款解渴選擇，今晚真是食得非常盡慶下次要試下其他人煲先

今日過嚟烏溪沙接朋友收工 諗住喺呢邊食埋飯先一次過出九龍 點知呢邊嘅選擇真係太少 🤷🏻‍♀️🤷🏻‍♀️ 我哋搭多左兩個站 過咗嚟石門食雞煲啦 朋友話食過呢間唔錯 配料係自助式架 ！！！ 花雕藥膳雞煲 半隻雞 $158 嚟到揀咗個健康嘅花雕雞煲 好適合冬天養生 湯底放入花雕雞 滾左 姐姐會俾個漏斗 ⌛️ 漏完就食得啦 🥳🥳🥳 ，啲雞啱啱好熟 仲好嫩 時間掌控得非常好👍🏻 。。。安格斯牛 一份牛 份量都幾多下 夠牛味 五會根 正正 ！！！ 即炸爆芝紫菜響鈴 真系即叫即炸 即刻食仲勁熱 辣親口添 😂😂 手工即炸魚皮 都係即叫即炸 睇得出係一條大魚🐠 塊魚皮長過枝牧童笛啦 幾誇張 ，好脆卜卜架 ！！！雜菜籃 🧺 最後食返多啲蔬菜 🥬 幫助消膩 椰青 + 玫瑰柚子 打邊爐飲椰青啱啱好 夠晒清熱唔上火 又清甜

🐔雞煲🥘配火鍋真係冇得頂，最鐘意食乾身的雞煲後再加入上湯變成火鍋，再加入鐘意的配料落去，人生一大樂事😋叫左個微辣的雞煲，幾惹味，半隻雞份量，職員會幫你即時炒下個雞煲，以防痴底，炒到ok就會話比我地聽食得😎😎超好service同叫左四寶丸，好大粒又夠彈牙芝士紫菜響鈴浸落去湯底索晒d精華好入味手工魚皮好特別😎又脆有咬口不得不提安格斯肥牛，超雪花超林🥰大愛仲有至愛的咸檸七，咁就唔怕會熱氣啦

原本今日約咗個朋友喺佢公司附近食lunch，但佢臨時俾老細捉左去開會，等咗佢差唔多半粒鐘都未開完，唯有自己食啦～兜左陣個商場睇下食咩，俾呢間住家餸吸引咗就入左去坐低，由於已經一點半過左最繁忙時間所以餐廳唔算多人～一坐低店員就俾左碗湯我，見到好多豬骨，仲有粟米同南北杏，滋潤下，飲得出真係零味精既老火湯👍我叫左個豉汁蒸倉魚套餐，條魚幾厚肉，冇腥味冇泥味，唔會太多調味或者太咸，好有家的味道👍👍另外都想讚下佢嘅米本身用料幾靚，同煲得幾好， 軟熟得黎唔會太淋一pat pat～碟菜落左啲油唔會太乾同太鞋，但又唔會過於油膩，唔錯👍👍

豐鍋係京瑞廣場一期既一樓同地下都有，我地去左一樓食雞煲。環境: 坐得好舒服，枱面同餐具都好乾淨無油跡。服務: 店員好靚女，又有禮貌，有問必答，即使長氣小小嘅問題，店員亦都好有耐性咁樣解答，值得表揚。食物: 我地一開始叫左個滋補螺片花膠雞煲($208)，辣既雞煲就食得多，今次我就叫左個養生嘅煲。雞肉非常鮮嫩，明顯唔會係放左好耐先拎出黎賣，加上個湯底，我地放哂d野落去煮左陣，湯底更鮮味。食完之後都唔會好口渴，證明用料天然又唔咸。特別推薦-頂級安格斯牛小排($178)就咁睇油花分佈都睇得出好平均，熟左之後更加明顯，雖然價錢係貴少少，但質素絕對值得。自創爆芝紫菜響鈴($42) 響鈴內層有紫菜同芝士包住，絕對適合芝士迷，芝士流哂出黎，如果食哂成舊會有少少偏咸。手工四寶丸($85) 非常彈牙，一食就知全手工打，用料非常天然，讚!德國手工麥啤($29)(抵飲!)好有麥味，飲住食雞煲一流。手工即炸魚皮($48)我鍾意成舊炸魚皮dom落去煲，之後等佢軟哂先食都依然好香口。

石門開咗好多新餐廳，今日想食雞煲就walk in左一間餐廳 - 豐鍋！雖然睇一睇個Menu唔係平，不過應該有質素嘅，咁就試吓啦！而且入嚟第一個感覺已經好好，啲侍應嘅服務同埋態度都好好同埋睇得出呢度嘅裝修擺設都用過心思！幾精緻同埋靚因為呢排喉嚨有啲敏感，所以帶咗花膠雞煲，唔辣麻！仲有嗌左手打四寶丸！全部遠都真係好蛋同埋好粥了！我自己最鍾意就係下院，真係好大浸蝦味架不過如果就咁嗌就有少少肉赤，始終一分錢一分貨嘅🤣見佢個響螺幾特別，帶咗黎試下！史樂真係勁特別！又有芝士又有紫菜口感同埋味道都好豐富有層次大家可以試吓！好特別其實我自己最鍾意食就係佢本身個雞肉，好想知係邊度出產地！勁滑勁鮮勁好味好正丫 大家都瘋狂搶晒😂朋友鍾意食牛就覺得呢個牛先係最正！我自己就覺得有少少肥🙈不過我食嘢係好怕油嗰啲人haha 仲有呢，佢啲菜都超新鮮囉！呢間餐廳每一個位都好認真準備貴啲都值得

初次來訪時，這裏仍是寂寂無名的隱世店家，初嚐他的花膠雞煲覺得驚為天人。後來也來訪數次，試過麻辣，椰青，花雕三種風味，心中認定已是新界東一帶的最強雞煲之一。時光飛逝，這裏已經是不少人口耳相傳的名店，在朋友的邀請下，終於再訪這間名店-豐鍋。2019年發生了太多事了，和朋友見面後當然當先要飲枝啤酒。德國手工啤酒很易入口，帶有強烈的花果香，雪得冰凍就更是完美。用上鋼杯是好選擇。若可以把杯子雪得冰凍就滿分了。雞煲來了，要了麻辣的口味。雖然味道上不如其他三種鍋底出眾。但也是心機之作，何況吃雞煲這件事，當然是麻辣才夠過癮。鍋中用上的香料是真材實料，尤其是特大花椒的香味十足。好吃！忘了說，這裏的白飯和特制醬油，也是送雞煲首選。簡直是一流。餸菜方面，點得不多，四種手工丸，安格斯肥牛，招牌的魚皮和響鈴，另外加點疏菜。人大了就對那些任飲任食產生厭倦，寧願用差不多的價錢吃少一點，也吃好一點。牛格斯牛小排，盛惠178大元一大碟，比港九市區平上不少。質素卻是一樣的高，嫩滑有牛味，近乎完美的大理石花紋。入口當然不得了，也算是一種治療吧。四種手工丸也如常優秀，沒有因為名氣而變質，咬下去肉感十足，也吃到原材料的質感，墨

見到咁多好評，最終Book 咗兩次先成功有得食。 選咗5：30PM 第一個時段入內，見到員工同我地一齊開餐🤣講返食物質素，唔係話唔好食，只係不論雞煲去到配料（除咗響鈴）、肥牛,都係兩個字「普通」。完全可以話對唔住佢個價錢。服務尚算可以，不過我媽咪覺得3個人食$1000蚊，Waitress服務可以主動D。 試過就算，應該唔會有下次。

之前已經食過一次，見天氣凍咗又心癢癢，所以嚟食多次。因為質素真喺唔錯，同埋好鍾意佢杯大話七，真喺好好飲。雞煲同上次一樣都喺食返麻辣雞煲，凍嘅天氣真喺最啱食雞煲。今次就食小辣，根據經驗話我知小辣已經好夠啦，因為會愈煮愈辣，到加水打邊爐果時會更加愈煮愈辣。味道方面仍然keep得住，好似比上次仲更加入味咗。半隻雞嘅份量就夠晒2個人食啦。頂級安格斯牛小排喺出面其他鋪有食過靚嘅安格斯牛，但都喺靚在有牛肉味，而呢道嘅牛小排就靚在食落有牛脂肪香味，似和牛咁重奶香味，但又有牛肉味。如果每一片牛可以再大片d，大大啖就安安全全可以佔領食肉獸嘅胃🤤🤤。手工即炸魚皮今次真喺鄉下仔出城，第一次見咁大片嘅炸魚皮😂😂😂。原本以為得個大字，啪成細細塊咪又喺普通炸魚皮，結果果食同一般散裝炸魚皮好唔同，因為佢脆得嚟又有小小魚皮嘅煙韌彈性，仲有小小咸香味。手工四寶丸另外仲叫咗份手工四寶丸，入面就有墨汁丸、墨魚丸、蝦丸、鯪魚丸。印象最深刻嘅喺墨魚丸，真喺墨魚嚟，唔喺明膠粉嚟。蔬菜籃蔬菜數量癡線地多，基本上喺出面點會有咁多菜。所以性價比真喺好高。大話七呢杯大話七真喺好好飲，果種咸青檸味好出，咸、甜、酸樣樣都齊晒。

今天去左沙田石門約左朋友食飯！石門c 出口一出有幾個商場！商場大部分食市都是火鍋店我兩個人點了一個螺片花膠雞鍋我們點了半隻雞的雞肉鮮嫩，花膠滑滑！👍🏻👍🏻👍🏻湯底清香，不油利！一分頂級安格斯牛小排嘩😍😍😍好靚的肥牛，肥瘦比例剛好雪花和肉的分佈！！手工四寶丸四款都是手打丸，有蝦丸、墨魚丸、墨魚汁墨魚丸...彈牙爽口👍🏻👍🏻自制爆芝響鈴響鈴吸收曬d 湯汁。手工即炸魚皮炸得香香脆脆什菜籃蔬菜好新鮮！椰青好新鮮有內面d 肉都好味！

Lunch hour又來石門搵嘢食！今次試吓呢間出名雞煲嘅餐廳先。佢晚市係做雞煲嘅，原來午餐時段都有lunch set。佢標榜係少鹽少油少糖冇味精嘅健康住家菜，最啱我呢啲鍾意食健康野又可以減肥嘅人！午市套餐都有唔少選擇，而且價錢都幾抵食，仲包埋老火湯，飯，青菜仲有飲品！超豐富！！我揀咗G餐，朋友揀咗C餐。超大碗嘅老火湯，而且係超多料，冇味精飲得好放心，好似住家菜咁。咸魚蒸肉餅個肉餅蒸得唔錯，肉汁仲keep到，唔會蒸到好乾，肉質仲係好嫩。而且菜心好大碟，啲菜心都好新鮮。鴛鴦腸籠仔蒸滑雞飯賣相都幾吸引！連埋啲飯一齊同啲雞蒸令到啲飯都有雞油味，好食！滑雞份量都唔少，而且配埋臘腸潤腸味，好香。撈埋啲豉油簡直一流！呢兩個餐個人都好推介！真心午市套餐來講算好好食，亦都好適合打工仔食返個健康有營養嘅午餐而且仲包飲品同湯，性價比超高！地點又好方便，下次一定會再嚟！