豐鍋雞煲 (京瑞廣場1期)

营业中

休息中

明明呢度嘅Set Lunch有8樣野揀，但係唔知點解我地一行三人都揀晒E餐嘅冬菇馬蹄蒸肉餅咁搞笑，不過認真講，我地揀呢一間餐廳食Lunch其實都係為咗佢嗰碗味精零添加嘅例湯。今日碗例湯係青紅蘿蔔煲豬骨，無味精無溝水味道香濃，連D豬骨都覺得好新鮮，呢煲湯真係真材實料。如果可以飲多碗就好了。其實以$69呢個價錢，睇落去喺沙田石門呢個地段真係好似有D高，不過食完之後就覺得物有所值，因為除咗個例湯之外，佢個Set Lunch仲會跟一碟油菜，個餸同碗飯分開上，如果每人叫唔同嘅餐就可以好方便咁Share黎一齊食。講返今次呢個肉餅，無乜肥肉，而且都算厚身，如果女士黎計可能會食唔晒添，另外當然仲有杯餐飲啦。另外飲咗兩支啤酒，合共$280，正。

天氣涼涼地，朋友即興話去沙角食大排檔 其中有個朋友住粉嶺。靈機一觸，話不如去石門食啦 有小巴直接返屋企 於是作為搞手嘅我，第一時間上OpenRice做吓功課睇吓有咩食。於是就睇到呢一間雞煲，參考前人嘅智慧，睇到收藏同好評都唔少。所以決定去試一試 而且網友啲打卡 都幾靚，咁都中伏就真係抵死啦。去到嘅時候，7:00 神奇地冇人排隊 可能石門唔係市中心啦，所以人比較少。舖頭唔算大。座位都唔係好多。不過坐到九成滿、環境嚟講有四粒星啦。店員都好有禮貌，4人食坐6人枱，一坐低阿姐就叫我哋落咗個雞煲先啦。之前上網見到個YouTuber 食雞煲唔加水直接落水魷，今次就試吓玩吓先就叫咗碟水魷魚。雞煲個汁幾好味 因為朋友唔食辣 但係都叫辣不過佢就我地雞煲唔食辣冇雞煲嘅靈魂，於是叫個BB辣，驚喜嘅係佢好惹味。雖然唔算平但係對得住個價錢，叫咗羊肉牛肉雜丸雜菜響零。埋單$1201 圍到每人$300 啲牛有雪花，羊唔蘇，響鈴幾大嚿，菜嘅款式多，雜丸幾彈牙，仲有個牛胸爽？都唔記得個名，不過幾特別幾好食咁大個仔都未食過有驚喜。總結 有下次！ （起碼好過至尊X煲多多聲，起碼唔會催你交枱先啦）呢間小店 我對佢都算係幾高

朋友們呢個我傾情推薦！最近天氣轉涼，和朋友約了雞煲，去了沙田石門的一家吃雞煲的 真的超好食！辣雞煲(中辣)是現場在客人面前炒出來的，麻辣雞煲的辣和醬香味四溢，雞肉半隻的分量但肉很飽滿，兩個人吃好足夠吃完之後加湯煮火鍋，我們點了⭐水魷魚，⭐頂級雪花肥肉(小)，⭐手工四寶丸(鯪魚，蝦，墨魚，墨汁墨魚)，⭐金針菇，⭐鮮淮山，⭐冬瓜食材都好新鮮，尤其雪花肥牛性價比超高，那麼大一份厚切雪花牛肉先$118，有牛香味但好咬手工四寶丸也都很彈牙有魚香味特別要點名山藥，煮軟了很好吃，金針菇和冬瓜吸了湯底的味道也都很好吃呢間餐廳地鐵站轉屯馬線坐到石門地鐵站出口就係了，很方便

⭐️豐鍋招牌麻辣雞煲（半隻）半隻雞都唔少，得呢一款雞煲係乾炒，其他都係湯上，推薦呢個招牌麻辣，幾惹味🙈⭐️十優狀丸五款丸，有黑松露墨魚丸、蝦丸、墨魚丸、黑墨丸、鯪魚丸，每款都無伏，仲好足料，唔洗睇都知自己食緊邊款丸👍🏻👍🏻⭐️極品本地手切牛頸脊牛厚薄適中，有肉味得黎又唔會鞋口☺️⭐️自創爆芝紫菜響鈴大大件，食一件已經好濟，食完即刻有飽意😂⭐️手工即炸魚皮三大片，炸到好香口，有加少少調味，鹹鹹地，浸完都仲係好香脆🤫⭐️玫瑰柚子柚子甜味出，基底係梳打水😛⭐️水蜜桃梳打淡淡水蜜桃味，唔好太甜，解渴一流～

上次食過佢地馳名嘅麻辣雞煲之後，回味無窮，已經決定咗要encore嚟試佢嘅螺片花膠雞煲。好彩我哋今日早到唔使等位，一坐低店員就會俾盤熱水你消毒下碗碟筷羹，相當衛生，抵讚👅滋補螺片花膠雞煲🍲雞湯入口清甜滋補，帶有清香濃郁嘅芫茜味，啱哂啲芫荽控。原來芫荽唔只淨係夾皮蛋同魚片，原來同雞肉及花膠都好夾。花膠夠爽滑，含有豐富骨膠原，真係要食多幾舊。螺片鮮味爽甜，雞肉質地鮮嫩有雞味，又唔鞋口。配上灼至半透明嘅蘿蔔，蘿蔔吸收左雞湯嘅精華，咬落去鮮甜可口😎極品本地手切牛頸脊(小)🤤牛頸脊雪花分佈均勻，肉色紅潤，有一定厚度，唔會薄到好似一陣風咁，濃郁嘅牛肉味加埋厚實嘅咀嚼感，牛魔王一定收貨✨餃餃陣🥟總共有四款口味，包括鮮蝦雲吞、魚皮餃、韮菜餃同麻辣餃。建議可以先由最淡味嘅魚皮餃開始食，而當中嘅麻辣餃至為香辣惹味，非常獨特，唔係度度有得食。另外呢啲餃子同雲吞粒粒餡料都充足飽滿，仲脹過我個荷包🤤雜菜籃🥬🥒🥦蔬菜鮮嫩翠綠，總共有四款，包括生菜、油麥菜、白菜仔同菜心，份量都唔少。響享受用打邊爐嘅同時，食返啲蔬菜可以中和下肉類嘅油膩感👍食到尾聲，我地發現已經有好多客人喺門口等緊位。客人之多，可以話係商場裡面最熱門

石門美食·豐鍋雞煲「點解咁遲先發現到」過嚟喱邊做運動踩單車，做完運動太攰了，好想食肉仲要喺刺激味蕾。嚟到石門餐廳集中地京瑞廣場，經過見到間雞煲坐滿哂人，平日都咁旺場，一定要入去試下。估唔到，一試難忘，下次真喺要一大班人嚟試多啲款式。首先揀咗個雞煲先，佢都有分乾鍋同湯鍋，爆炒乾鍋就有佢招牌嘅麻辣雞煲，其餘三款都係湯底雞煲，分別有螺片花膠、花雕藥膳同椰子湯。今次做完運動都係想食重口味啲，叫咗佢招牌麻辣雞煲（半隻$178），店員特登提醒呢度嘅辣度，會比出面重少少，所以最後都係揀咗個BB辣。佢地嘅秘製醬汁，加上好多唔同香料爆炸之後就會上鍋上枱，呢度嘅雞都好嫩滑，見到佢哋全部都係即刻新鮮爆炒，絕對唔係預先整好晒，味道都好惹味，就係要呢一種色香味俱全嘅雞煲，唔同嘅香料配搭起上嚟，就係為咗陣間加湯嘅打邊爐。邊爐配料最令人驚喜嘅就係即炸爆芝紫菜響鈴（3件 $49），呢個響鈴裏面夾住一層芝士一層紫菜，浸落雞煲湯底再拎出嚟咬一啖，估唔到係咁夾，芝士同紫菜完全同湯底融合，食落去多重口感之餘味蕾上亦都好豐富，呢度菜式真係10萬個推薦，真係超級驚艷。十優狀丸（$108），合共有5款自家手工丸，分別有蝦丸、墨魚丸

黎到石門想食雞煲打邊爐就一定會諗起"豐鍋雞煲"喇~~佢既食物質素堅唔錯, 食材高質又新鮮, 的確唔會令人失望醬料$8/位食物方面好多選擇...... 淨係雞煲都有幾款揀~食完雞煲仲可以自選湯底(半價)打邊爐另外仲有多款火鍋配料, 海鮮, 丸, 餃, 肉類, 蔬菜等等, 乜都有齊呢~~豐鍋招牌麻辣雞煲 (半隻) $178麻辣雞煲上枱時香噴噴可選大辣/中辣/小辣/BB辣/走辣~揀左BB辣, 都夠個隱呀!! 辣椒嘅味道好出, 花椒味夠麻, 其他香料就好惹味!!雞件份量都唔少, 2個人食岩岩好~~雞肉好嫩滑, 入晒味好juicy食完雞煲之後就可以加清湯(免費)打邊爐喇~~~極品本地手切牛頸脊 $238牛頸脊好新鮮喔, 顏色呈鮮紅~肉質口感甘香軟腍, 肉味濃郁手工四寶丸 $89 四寶丸分別係蝦丸+墨魚丸+黑墨丸+鯪魚丸~~蝦丸鮮甜彈牙, 墨魚丸好爽口, 黑墨魚丸有嚼勁, 鯪魚丸就好滑全部都好正呢自家制響鈴 $59呢道既響鈴超正!!!即叫即炸熱辣辣卜卜脆~~即食或放湯都一樣咁好味雜菜籃 $70有生菜, 白菜, 菜芯, 油麥菜~~ 全部都洗得好乾淨!!蔬菜新鮮度高, 口感爽脆, 營養豐富, 健康又美

放工想想食下邊爐，係openrice搵到間叫做豐鍋，佢係喺石門京瑞廣場1樓，估唔到星期四夜晚七點半去，平日都要排隊，但係隔離啲店舖都唔係好多人，心諗係咪咁正呀。叫咗一個麻辣雞煲，香味難以形容，BB辣差不多等於譚仔三小辣，建議唔好叫太辣。之後重叫咗細既牛頸脊，十優狀丸，芝士紫菜響鈴同生菜。 芝士紫菜響鈴真係無得輸。直頭係想返黎食多次。個芝士，紫菜同響鈴夾到無野講。十優狀丸都好正，超足料，有五款丸，粒粒丸入面都有一粒粒唔同既食材，好似蝦丸就會咬到一粒粒既蝦肉，好爽個口感。其他野就正常水準。埋單746，唔算好抵食，但真係好好食。建議黎食一定要食個響鈴同丸！

天氣濕濕凍，收工唔想回家煮飯，最佳選擇，就係約朋友食熱辣辣嘅雞煲。 朋友預約了位於石門的「豐鍋雞煲」，這裡的配料新鮮，食物選擇種類蠻多，包括：手打丸、餃類、肉類、海鮮…等等。 😋是日選擇：1️⃣滋潤椰子雞煲(半隻) 🍽店員先倒入新鮮即開椰青水，以及可按自己喜好，將椰子肉放入鍋裡。鍋裡還有紅棗、竹笙、杞子…等等材料，湯底足料。再加上鮮嫩雞件， 食前飲一飲，特別清甜。 2️⃣貴花蚌 🍽爽口彈牙，帶鮮味。 3️⃣白鱔片 🍽白鱔片新鮮，油脂香，口感軟嫩，但又不失嚼勁 。 4️⃣自家製韭菜餃 🍽餡料十足，滿滿韭菜，餃子皮順滑，韭菜味香濃。 5️⃣嫰鴨血 🍽鴨血厚切，夠嫩滑，吸收湯汁，好好味！ 6️⃣唐生菜 🍽蔬菜新鮮爽口，還可消除油膩感。 7️⃣咸檸七、忌廉 🍽食完嘢後，飲返啖，大滿足！

一段時間無去，又心思思掛住佢個招牌麻辣雞煲，唔太食得辣嘅我，今次叫左個小辣挑戰下。招牌麻辣雞煲好惹味香口嘅麻辣口味，一上台香噴噴，金黃色嘅雞件，件件都好入味。煮完後入面既芫荽，洋蔥超入味，正😍熱愛芫荽既我哋仲叫咗份芫荽，一路食一路加入去炒。食完就可以加湯打邊爐😁野生竹笙竹笙好乾淨，冇酸味，加入去打邊爐，吸晒啲湯嘅精華。十優狀丸今次試吓呢個組合，有五個款式，我哋走咗鯪魚丸。全部丸都好彈牙，真材實料，每次我都會叫手打丸，推介！極品本地手切牛頸脊食火鍋牛肉是必須吧🤣兩個人叫咗個細既，牛肉份量都好多，食極都仲有，牛牛唔會太肥又有牛肉香，唔會靭。龍鳳檸樂應該係有新鮮檸檬，加咗鹹檸檬，再配上可樂，第一次飲，感覺都幾夾。

早幾日去到石門果邊食晚飯，今次去咗「豐鍋雞煲」，餐廳好近屯馬線嘅石門站，出閘起計去到舖頭三分鐘就到。餐廳好熱鬧呀，可能咁啱果晚有啲啲凍啦，不過其實點樣嘅天氣都係啱食雞煲架啦！入到去，我哋響幾款招牌雞煲裡面揀咗「滋潤椰子雞煲($198)」，原個椰青加半隻雞都已經好夠味，真材實料的確無得頂，仲可以刮埋啲椰青肉落去一齊煮，好美味！一份細份嘅「極品手切牛頸脊($238)」，話係細份但都幾大份😂肉質比想像嘅更好，牛肉有厚度，並唔係考刀功嘅作品。菜單上面推介嘅仲有「手工四寶丸($89)」，包括有蝦丸、墨魚丸、黑墨丸同埋鯪魚丸各兩粒，粒粒都好足料而且好彈牙，我個人嚟講最欣賞黑墨丸🤤「自家炸響鈴($59)」亦都係另一項菜單推介，香脆又大件，同樣無令人失望。之後我哋仲叫咗個稻庭烏冬($30)同埋萵苣片($36)添。整體嚟講，淨係個雞煲都感受到餐廳誠意，成餐飯大家都食得好開心，坐得又舒服。天氣咁凍，食完之後行兩步就可以搭屯馬線走，真係非常好！

最近去咗呢間係石門站隔離嘅豐鍋，主打雞煲🐥和火鍋🐄，食物質素幾好，CP都算高。🔹️滋補螺片花膠雞湯(半隻雞)🐥 $218湯底好濃，雞肉嫰滑和厚肉，加上螺片和花膠就更加滋補養身。🔹️極品本地手切牛肩脊🐄 $238牛味香濃，色澤好靚，脂肪分佈均勻。🔹️即炸紫菜響鈴3件👍 $43呢款響鈴好特別，中間包住紫菜，喺餐廳原創，炸得好脆很香口。🔹️餃餃陣 $88有鮮蝦雲吞🦐、魚皮餃、韭菜餃、麻辣雲吞🦐，隻隻都包得好靚，好足料，兩款雲吞的蝦肉都好彈牙，非常新鮮。🔹️大咸檸七 $34🔹️可樂 $16

🍲滋潤椰子雞煲 $198 半隻湯底已經有椰子、竹笙、紅棗同杞子，湯滾後就落雞🐓店員會送上一整個椰青，可以刮新鮮椰肉落煲！椰子水倒埋入去，飲湯時即刻feel到陣清甜椰味！正！😍打邊爐前我灌咗2碗湯，連椰肉食好滋補雞肉雖然遲咗撈起，但依然嫩滑，骨位唔多，抵讚！🥟餃餃陣 $88鮮蝦雲吞、魚皮餃、韭菜餃、麻辣雲吞，每款2粒餃子皮薄多餡，每隻都脹卜卜✨大部分餃都有蝦，肥瘦均勻，特別係麻辣雲吞好惹味🥩頂級雪花肥牛 $118睇相可以見到油份唔會超多，但唔會乾柴，而且食到有牛味，厚薄適中，唔會好似連鎖店個啲紙咁薄、淥1秒就熟晒個種😂✨滋潤養生三寶 $138太鍾意個湯，所以叫多啲索湯既配料：竹笙more more😍加花膠&魚肚，兩款都有咬感🍜紅薯粉 $32好順滑又掛湯🥬萵筍 $36🌹玫瑰柚子 $38🍐藍蝶雪梨 $38大大杯，甜度剛剛好

記錄一下，今次去左間好好食嘅火鍋店，位於石門地鐵站隔離商場，一出地鐵行2分鐘就到，位置超方便。一睇餐牌已經好興奮，好多新奇吸引嘅好野食點左個可以飲得嘅湯底，花膠雞，一於補一補，估唔到我地飲到落煲底碟碟精緻，估唔到炸魚皮可以咁大片咁直咁靚咁好食，咁大個女第一次試，仲好食過薯片，令我對食的要求提升了，凈係呢個炸魚皮已經值得黎喇。滅開放落湯浸一浸，外軟內脆又得，就咁食超香口又得！至於另一樣打邊爐必點嘅炸響鈴，作為響鈴控，呢度簡直係天堂，新鮮現炸不特止，仲要有幾種口味，包括原味、紫菜同埋芝士，兩個人食3條都夠，因為真係好大件，手掌咁大。我覺得豐鍋真係做得非常用心，食物質素好高，店主好用心經營，每個細節都花足心思，連叫杯水都有鮮檸檬清香。牛頸脊片片靚肉，無敵佢地好多配料都係自家製，包括餃、丸、炸物，甚具特式。今次叫左個可以飲嘅湯底，所以冇叫到佢地的自家製飲品，個湯打完邊爐都仲好好飲好清甜，真係連個湯底都清埋。

從同事得知石門開了一間專食麻辣的雞煲專門店，所以放工就來一試。我點了他們的招牌菜麻辣雞煲，給我留下了深刻的印象。這道菜以麻辣湯底為基礎，加入多種辣椒和香料，烹煮出一碗辣味濃郁的湯。雞肉切成小塊，入湯後保持了嫩滑的口感，完美地吸收了湯底的香辣味道。湯底裡還加入了豆芽、豆腐和蔬菜，增添了豐富的口感和營養價值👍🏻⋄此外，他們的手工松露墨魚丸也是一道令人驚艷的菜品。丸子外皮Q彈有嚼勁，內裡則是充滿了墨魚的鮮香味。每一口都帶來了濃郁的海鮮風味，讓人回味無窮😝⋄如果你喜歡牛肉，那麼安格斯小牛排絕對是你不能錯過的選擇。這份小牛排用優質的安格斯牛肉製成，肉質鮮嫩多汁，入口即化。經過簡單的烹調，保留了牛肉本身的原汁原味，每一口都帶來了濃郁的牛肉香氣😍⋄作為配菜，他們的唐生菜和金菇都非常出色。唐生菜清爽爽脆，口感極佳，可以平衡麻辣菜品的辣味。而金菇則鮮嫩多汁，散發出獨特的香氣，為整道菜品增添了豐富的口感😋⋄總的來說，這家餐廳的麻辣雞煲、手工松露墨魚丸、安格斯小牛排、唐生菜和金菇都展現了他們的烹飪技巧和用心。這些菜品不僅味道美味，而且口感豐富，絕對是一個值得一試的餐廳。無論你喜歡辣味還是海鮮或牛肉，這裡都能