豐鍋雞煲 (京瑞廣場1期)

放工想想食下邊爐，係openrice搵到間叫做豐鍋，佢係喺石門京瑞廣場1樓，估唔到星期四夜晚七點半去，平日都要排隊，但係隔離啲店舖都唔係好多人，心諗係咪咁正呀。

叫咗一個麻辣雞煲，香味難以形容，BB辣差不多等於譚仔三小辣，建議唔好叫太辣。之後重叫咗細既牛頸脊，十優狀丸，芝士紫菜響鈴同生菜。

芝士紫菜響鈴真係無得輸。直頭係想返黎食多次。個芝士，紫菜同響鈴夾到無野講。

十優狀丸都好正，超足料，有五款丸，粒粒丸入面都有一粒粒唔同既食材，好似蝦丸就會咬到一粒粒既蝦肉，好爽個口感。

其他野就正常水準。埋單746，唔算好抵食，但真係好好食。建議黎食一定要食個響鈴同丸！

芝士紫菜響鈴

$49

十優狀丸

$108

牛頸脊

$238

麻辣雞煲

$178

醬料

$8

1