豊勝手丼 (已結業)

今日同朋友去左食飯，等埋佢收工已經3:30，搵間餐廳去食個tea。豊勝手丼搬鋪後一直都好想去食飯，今日經過就去食個tea啦！餐廳有個tea set menu，價錢唔貴，我叫左一個壽司set。$88有八件壽司，又有沙律和麵豉湯，的確好抵食啊！壽司分別有三文魚、𩶘魚、帶子、北寄貝、馬刀貝、鰻魚、蔥吞拿魚腩、赤蝦。質素好高，超愛肥美三文魚，魚香好重。赤蝦鮮甜好新鮮，入口好爽嫩。鰻魚外層燒得焦香，好重魚味！壽司飯比例剛剛好，的確夠驚喜。

話說早排好友帶我去食日式魚生丼，吃完後覺得香港水準也做得非常好，而且很多店舖的魚生海鮮也是日本直送到港，所以食悶了壽司、刺身，食丼飯也是不錯的好選擇。今晚找了間丼飯跟老公去試試，因為老公也沒有在香港吃過魚生丼飯呢！銅鑼灣登龍街一帶非常多日本餐廳，之前路經此丼飯店很多次，但一直未吃過，今晚決定帶老公一試，看看他反應如何！店舖非常有日本居酒屋感覺，木系裝修設計，bar 枱位置，開放式廚房。餐牌款式都非常多，魚生、燒牛、燒魚等等丼飯應有盡有，而且現在只要like Facebook 專頁還有8折優惠呢，超抵讚！今晚一心食丼飯，所以其他食物下次有機會再試試吧！信州蘋果梳打信州出名蘋果產品，所以蘋果製成的飲品味道香濃清甜，不太甜，不錯不錯！海之幸丼魚生雜錦海鮮丼，碗內放滿各式各樣的新鮮食材，日本海膽甘香鮮甜，油甘魚爽嫩厚肉，入口鮮美，比目魚邊輕輕炙燒過，燒出豐盛魚油，上面再加上黑松露醬提味，味道豐富，吞拿魚腩入口即溶，甘香肥美，三文魚籽脆卜卜，一咬爆出鮮甜魚油，最喜愛赤蝦，蝦肉爽口甜美，所有最新鮮的海鮮全部一次過食齊，真是超大滿足！

媽媽喜歡吃日本菜, 今日就和她來到銅鑼灣的豊勝手丼嘆日本菜。看Menu, 有好多種丼飯。每種都吸引。真是有選擇困難症。最後選了海之幸丼。店員端上海之幸丼來時,我們真的垂涎欲滴, 海之幸丼有多種刺身,包括有吞拿魚腩,油甘魚,比目魚邊,三文魚籽,赤蝦,日本海膽和松葉蟹鉗。日本海膽是金黃色,質感滑不溜口。吞拿魚腩肥厚,很好吃! 三文魚籽在口腔裡爆開的鮮甜味道,真是超正! 赤蝦爽甜肉厚。松葉蟹鉗鮮甜多汁。吃了這個海之幸丼,充滿幸福感。信州蘋果梳打好飲, 配上丼飯一流。

今日到銅鑼灣晚飯，記起登龍街有很多餐廳，到處逛後看到這店人流不絕，裝潢和風，看到餐牌有丼飯吃便去試！裡面座位不算多，有日本小店感覺，木凳可以打開放手袋等，非常貼心。😎店員貼心的叫我們先點飲料，點了一瓶信州蘋果梳打，清甜夠冰凍，非常解渴！再來店員推介了招牌九鼎丼，包羅萬有，每日限量供應！每款刺身都非常新鮮，我最喜愛吞拿魚和海膽，甜美非常！雖然份量細少，刺身比飯更加多！而且可以無限加添壽司飯，適合大食的朋友！🤗🤗🤗另一個二重鰻丼，長長的鰻魚配上醬汁，惹味非常，平時很難才吃到出色的鰻魚，這裡份量多性價比亦高！下次想再試其他！☺️

同朋友講開想食魚生飯，佢就話豊勝手丼最近搬左新舖，地方更寛敞，於是就約埋都齊去試下🤣新舖位於日本美食集中地−登龍街，一去到就搵到，門面大左好多👍🏻依舊係有好多魚生飯選擇😻仲有刺身散叫海之幸丼我就選擇左十分豐富既海之幸丼，簡單來講就係咩都有🤗 分別有油甘魚、比目魚邊、toro、三文魚籽、松葉蟹鉗、赤蝦同我至愛既日本海膽😝 每樣刺身都好新鮮😭特別喜愛比目魚邊同吞拿魚腩，油脂豐富但不太膩，好正🥰 本身飯量唔多，女仔食差不多，男仔就可能要添飯，呢度係免費添飯既！完熟蘋果梳打蘋果味夠清新👍🏻 唔飲酒既話可以點來試一試

豊勝手丼 (銅鑼灣)登龍街多嘢食就真係唔駛再介紹今日就黎到登龍街V Point 搵食見到間裝修好似地道日式居酒屋就吸引我入去試下先😋😋坐位舒適寬敞職員細心介紹餐牌同折扣優惠感覺唔錯睇一睇餐牌好多款丼飯選擇困難嘅我真係有排揀🔅贅沢雲丹丼 $288-最後我揀咗有一大板海膽嘅丼飯見到餐牌都覺得吸引❤️❤️性價比極高嘅丼飯200 幾蚊大大板海膽再加滿滿嘅吞拿魚腩飯入面都仲有日本海膽同赤蝦真心抵到飛起仲要無限加飯岩曬男士食👍🏻👍🏻海膽鮮甜🤤🤤🤤無論係韓國定日本海膽都好味成板咁上真係滿足到飛起佢哋好細心咁送埋紫菜俾客人包飯滿滿新鮮嘅吞拿魚腩包飯食真係好正呀

今天剛好因爲工作需要，要跑到銅鑼灣去，放工時間立刻抓住在銅鑼灣工作的朋友，在附近吃個晚飯。走著走著，發現這家裝潢蠻漂亮，乾淨整潔的日本餐廳，而餐廳剛好在推廣丼飯八折優惠，於是便嚐嚐吧。七點半時候倘有位置，坐著坐著便出現人龍，建議記得先預約。先叫了些飲料，樽裝是朋友的信州蘋果梳打，杯裝是我的京姬柚子檸檬酒。柚子味重，酸酸甜甜，感覺清新，非常開胃。之後就是今天主角，九鼎丼。它集合了九款精選魚生小丼，每種刺身角切成一小顆，容易進食，讓你飽嘗九款鮮味，相當有創意。一下子便吃得空空如也，魚生鮮味還耳猶未盡。之後就是二重鰻丼，等一次嚐到鰻魚多過飯，共有四大塊鰻魚，厚度十足，鮮甜非常，沒有理由不加飯吧。

同事同我講😍豊勝手丼開左分店，之前岩岩開張個陣仲用緊全部8折定9折添。🤪今日我就約左朋友去食，原來佢係搬左，新嘅鋪位好似靚d。🧐呢間日本野係👍🏼高質之選，我住係香港島嘅同事都向我推介過。😋的確，⭐️佢嘅食材係好新鮮嘅，而且佢d丼都⭐️好特別，平時係出面嘅日本餐廳好難搵到。今日我就食佢嘅蟹！🦀⭐️北海蟹丼差唔多成隻蟹🦀嘅精華都係個丼到搵到！松葉💫蟹嘅鉗有三隻，💫腳有兩條，全部都好細心咁剪開好，肉質同分量都岩岩好。💫蟹籽同💫蟹肉可以同飯撈埋一齊食，咁就啖啖肉！最令我回味嘅就係佢個💫蟹羔！一上枱已經好香，撈埋飯食，好好餸飯！最緊要係佢白飯任添！🤤⭐️完熟白桃梳打🍑

香港主打丼飯既餐廳多不勝數 但質素就非常參次🥺 而呢間「豊勝手丼」可以話係小編喺香港最愛既丼飯店😚 由佢仲係細舖 食到而家搬左去登龍街既大舖 唔單止環境更舒服 最重要既係食物水準依然🤤_{海の幸丼 $328 🦐}呢個係全店最為多料既丼飯！有拖羅 油甘魚 比目魚邊 赤蝦 三文魚籽 松葉蟹鉗 同日本海膽 真係超級豐富‼️😻每款魚生都絕對唔欺場：👉🏼赤蝦鮮甜爽口 蟹鉗鮮味彈牙👉🏼三文魚籽粒粒飽滿 醬油味非常香👉🏼拖羅雖然有條小筋 但入口即溶 充滿油脂香😍👉🏼油甘魚肉質好buttery 配上柚子醬更能帶出鮮味！👉🏼比目魚邊入口即溶 經火炙後完全係油脂甘香爆發 但又不失魚既鮮甜😻👍🏼👉🏼唯獨係海膽冇想像中甜美 但都係鮮味不醒 質素絕對唔差！食完真係大滿足💓💓_{炙り海鮮丼 $268 🐟}另外呢個炙燒海鮮丼就有劍魚腩 左口魚 穴子 同吞拿魚腦天雖然每款都各有特色 但當中以穴子同腦天最得小編們心！穴子肉質非常嫩滑 而且醬油味恰到好處 唔會蓋過穴子本身既鮮味👍🏼而腦天其實小編們之前都有喺其他地方食過 但呢個經火炙後 魚味更為香濃 而且口感非常嫩滑 好有驚喜呢！_另

D凳坐得唔係太舒服，但係鋪位都細，所以D枱都比較埋。鰻丼（$88）有兩種鰻魚俾你試🤩做緊特價嘅話都幾抵食👍🏻流心蛋整得幾靚😍溫泉蛋碎蔥吞拿魚腩丼（$88）吞拿魚腩份量好多🤩遮蓋晒D飯。溫泉蛋就冇咁靚，蛋黃唔係好流。但係咁嘅價錢抵食。火炙海鮮丼（$268）啲海鮮好多油脂，有塊鰻魚😁幾舊嘅海鮮都唔同口感，有一種比較有嚼頭，有另一種比較腍，部位比較肥😅。中吞拿魚腩壽司（$76）但係吞拿魚腩冇晒，中吞拿魚腩都好肥美🤤唔知點解吞拿魚上面有一點點紅色🧐赤身 二切（$78） 赤身仲貴過中吞拿魚腩壽司😅好厚，但係刀法唔係好靚😓鹽燒鯖魚（$78）好厚😮都幾多油脂， 同埋幾大舊👍🏻燒得好味😋鵝肝 二切（$94）其實係一舊切開兩件，煎嗰陣時可能加左好多油，好似炸咁樣，比較油膩😕質素唔係特別好。雖然係無限添壽司飯，但係肉嘅份量就對男人嚟講可能唔夠😅。侍應服務態度好好👍🏻係可能坐得比較唔舒服。

銅鑼灣登龍街有一間好有日本風味既戲餐，裝修完全跟足日本。非常地道。餐廳專做海鮮丼同各種壽司，咁岩遇上佢地做discount 就入去試下啦。我地2個人就叫左2個丼飯同2支梳打。海之幸丼(海膽,油甘魚,吞拿魚腩, 比目魚, ,三文魚籽,赤蝦,松葉蟹腳)海膽勁鮮甜！一放入口，成口都係濃濃既香味。吞拿魚腩極上盛既部位，油脂分怖勁靚，滿口油香。其他魚同海鮮都非常新鮮，絕對唔會中伏！贅沢雲丹丼(主要有海膽, 碎蔥吞拿魚腩,赤蝦)海膽超誇張！係成板咁上！！而且仲有日本海膽同韓國海膽，一次過滿足2個願望啊！碎蔥吞拿魚腩就好鮮甜，撈埋一齊珍珠米食，超正!赤蝦好好大隻，鮮甜美味！完熟白桃梳打信州蘋果梳打相信大家對日本水果一定唔陌生，呢2支梳打都用上日本果汁，所以品質一定有保證！最後壽司飯係任加架! 一定食得飽

今日同老公出去撐枱腳，登龍街都算係最近排銅鑼灣必去嘅食街。呢一度有好多唔同國家嘅菜式。不過主要就有好多日本菜。我哋見到一間日本餐廳裝修得好靚，所以我哋入咗去試一試。見到餐牌佢有好多唔同款式嘅丼，我哋叫咗一個是日精選既月見咖喱豚肉飯試吓，同埋叫咗幾多件壽司。呢一款豚肉假處理得非常之好，咖哩同飯嘅比例啱啱好，唔會好多汁多到好似湯飯咁。而且香味濃郁，加埋佢生雞蛋口感就更加滑。壽司呢一度又唔會一大舊飯，，啱女仔食，細細舊。刺身同飯嘅比例亦都唔錯，可以媲美日本嘅壽司鋪。可能因為鋪頭唔係好大，唔會非常嘈吵。喺度食嘢傾吓計都覺得幾舒服，會推介俾朋友試☺

喺銅鑼灣買完禮物，順便食個晚餐先返屋企，一個人冇咩選擇，諗起之前食過呢間丼飯，就決定去再試試佢。搬咗新舖後都冇嚟過，款式好似多咗又豪華咗。嗌咗柚子檸檬酒，酸酸甜甜最開胃。嗌咗海之幸丼，有油甘魚、比目魚邊、吞拿魚腩、松葉蟹鉗、赤蝦、日本海膽，三文魚子，非常豐富。油甘魚肉質細膩，吞拿魚腩肥美，入口即化，比目魚邊油脂四溢，配飯一流。松葉蟹鉗清甜，加上容易食用，唔會好難剝。赤蝦肉質黏稠，海膽味濃，整體食材高水準，飯量適中。聖誕優惠有八折優惠，非常抵食。

之前起舊舖食過，水準不錯，後來關了店，有點失望！最近，起登龍街食飯，經過才發現原來重開了！！！已經等唔切男朋友，唯有自己先行獨自享受！餐廳內部裝潢跟以前有點相似，有日本的風味座位較以前多了Menu 俾之前多款左，有丼飯、熟食飯、壽司等！完熟白桃梳打丼飯未到之前，叫左枝白桃梳打飲！好飲，桃味重，唔算太甜My lunch !!!海之幸丼配完熟白桃梳打久違了的丼飯！！！材料好豐富！有油甘魚+比目魚邊+吞拿魚腩+三文魚籽+赤蝦+松葉蟹鉗+日本海膽份量足，每款刺身都有兩大片比目魚邊有燒過，咬落更有油香雖然好多材料，不過每樣都交足貨！油甘魚、吞拿魚腩都係好厚切！吞拿魚腩除左厚切，仲好夠油脂，咬落去啲油脂湧出來，成個口充滿油香赤蝦俾其他食材遮住，其實都好大隻！蝦肉爽口，連蝦頭和尾！整體魚生質素中上，份量足，食材新鮮！選擇較舊店多，可以滿足更多客人的要求！店舖重開，水準保持到，無令我失望，銅鑼灣又多一個食日本野的好地方！

今日一個人去銅鑼灣附近搵嘢食，知道登龍街附近有好多食肆，於是行去睇吓，見到有間日本餐廳全店做緊八折，餐牌賣相都好吸引於是入去試吓。入邊裝修都好有日本特色，長身放上好多日本清酒同日本裝飾。坐低左之後我叫咗碗「海之幸丼」，入邊有油甘魚，比目魚邊，吞拿魚魚腩，三文魚魚子，日本赤蝦，松葉蟹鉗，以及日本海膽（價值$328）。另外，我仲叫咗一支嘢飲，係信州蘋果梳打。個魚生飯入邊啲魚生好新鮮，油甘魚同埋吞拿魚魚腩都好厚身同大舊，好有口感，日本海膽亦都好鮮甜。