豊勝手丼 (已結業)

其實這幾年登龍街漸漸轉型，由出名多樓上酒吧到而家成為一條食街。街嘅兩邊都開咗好多新餐廳，中西日台韓應有盡有。而今次我就去咗一間主打丼飯嘅餐廳試下。餐廳入邊唔細，坐滿晒大約可以坐三四十人。裝修走日本漁民風格，魚網、船旗、同埋漁船嘅木頭令你恍似在船上面食緊飯咁。丼飯選擇繁多，總有一個啱你，雖然話佢主打係丼飯，但亦都可以單叫魚生。今次我就叫咗個原版韓國海膽+碎蔥吞拿魚腩丼飯。首先佢size大約係一個吉x家牛肉飯嘅大細，但我發現吞拿魚茸其實都幾厚，吞拿魚茸新鮮每一啖都可以享受到鮮味，魚蓉味道鮮甜，建議頭一半可不用多加醬油破壞原味，之後先倒少少豉油上面，將魚茸用同飯撈勻一齊食。另外一板海膽感覺很超值，海膽味道較為清甜不濃烈，沒有腥味，用香脆的紫菜包上海膽增加口感，但要趁紫菜變軟前快吃。總括嚟講，有呢個份量同質素二百零蚊係物有所值嘅！

這天中午約了朋友吃lunch，來到銅鑼灣登龍街覓食，朋友看見這家之後說想試試，我們就進去了。 時間有點早，12點半，所以店裏還不算多人。進去后店員遞上日本茶。看餐牌後，我叫了一份8號，朋友叫的是9號。個人比較喜歡海膽，所以見到8號就決定好了。飯大概10分鐘就上來了，賣相挺不錯的。那一板海膽也挺足，也算新鮮～不錯哦。朋友的那份有多幾種不同的材料，看起來很吸引呢！ 蟹子的份量很多，也有蟹腳。朋友都說味道很足。如果味道不夠的話還可以加在一旁的壽司豉油總的來說不錯～

又是一個忙碌的星期，經過了無數的死線後終於到星期五。為了好好慶祝，特別約了朋友吃餐好，享受這個小週末。餐廳位於銅鑼灣登龍街，地鐵站出發大約五分鐘便到達，地點方便就腳。疫情影響，餐廳也十分貼心，安排了食客一台一台分開坐，而且枱與枱之間有板間，令我們食得安心。餐廳也推出了星期一二獨有的那一送一優惠，堂食一款$198以上丼飯，可免費享用$198以下丼飯 。我們一行二人叫了兩個不同的日本飯餐，分別是北海蟹丼和吞拿魚蓉丼。北海道蟹丼 (⭐⭐⭐⭐💢)這款蟹丼飯都算豐富，包括了松葉蟹肉，松葉蟹腳，松葉蟹鉗，味噌蟹膏和蟹子。鋪滿了整個飯面，和餐牌的相中的一模一樣，果然是童叟無欺。蟹腳和蟹鉗廚師也細心的整理過，吃起來方便而且啖啖肉。味道方面，都頗為鮮味，吃起來有海水味。每樣兩件份量也不算少。另外的味噌蟹膏也不錯，味道香滑鮮甜，配合蟹子吃起來爽口，又是另一種層次感。吞拿魚蓉飯 (⭐⭐⭐⭐⭐)朋友叫的這個吞拿魚蓉飯也不錯。比較經濟，$88已經有交易。吃起來吞拿魚蓉不是切得太碎，吃起來都有嚼口。另外，餐廳還建議了另外兩種食法分別是自製手捲和配上高湯吃，頗為新鮮有趣。總括而言，這間餐廳食物質素不錯，而且地點方便

多次經過登龍街，都無試過呢間海鮮丼。適逢星期五出街食飯，銅鑼灣周圍都好多人等位，唯獨呢間食肆唔係咁多人等，等左十分鐘就入到。星期五食下日本野，解下思鄉之苦入到去睇左一陣menu, 決定叫一個吞拿魚丼，北海蟹丼和一板紫海膽。吞拿魚丼好豐富，有吞拿魚赤身，中吞拿魚腩和蔥吞拿魚腩，岩哂我咁鐘意食吞拿魚北海蟹丼都唔輸蝕😎有松葉蟹肉，蟹腳，蟹鉗，還有蟹膏和蟹子紫海膽都好濃味，配上爽脆的紫菜，個口感好特別😂呢間丼飯，值得再去，仲有好多新鮮食材可試😎

好耐無食日本野，特別係生冷野！見到呢間都幾多人推介，就試下啦～一入店，店員就幫我量咗體溫先，啲枱都有用隔板分開，感覺安心啲。呢到有好多款丼飯，選擇困難症發作都唔知點揀好😂最後揀咗呢款北海蟹丼！係五重嘅享受，有蟹籽、蟹膏、蟹肉、蟹腳同埋蟹鉗！賣相好靚，各種材料鋪滿碗面，好足料👍🏻蟹味好鮮甜，唔加豉油wasabi都有另一種風味😋所以野撈埋一齊食都好正，蟹籽增加咗口感～整體而言，丼飯水準幾好，味道好，足料，賣相又靚👍🏻

因為疫情關係，最近都好少出街逛，難得今晚行完銅鑼灣就諗住響附近食埋飯先走，就咁岩俾我哋見到呢間食丼飯既豐勝手丼啦！一入到去就已經見到個裝璜好和風，仲有個木牌寫住“日本產米使用店”，仲有另一塊寫住免費添加壽司飯，咁樣已經先加左信心同印象分。作為一個蟹迷，今晚我當然就叫左一個北海蟹丼，材料有松葉蟹肉，松葉蟹鉗，松葉蟹腳，味噌蟹羔同埋蟹籽。個丼飯一到，賣相果然不錯！先試少少松葉蟹肉，松葉蟹鉗同松葉蟹腳，三款都没有很重的雪味，蟹肉的口感也非常豐富。之後再試少少味噌蟹膏，味道鹹甜適中，不會覺得太重。最後我習慣將所有材料撈埋一齊再食，果種味道真係非常有層次，令人回味再三。下次再來試的時候，應該會試一試自組不同材料的丼飯，試多一點其他組合的味道。

好久無去銅鑼灣，發現左間「新餐廳」，其實只係自己outdated 😂 呢間丼飯睇門面已經覺得好吸引，好日式光鮮嘅感覺，入到去咩餐牌都未睇，最型嘅就係見到佢地「白飯任裝」同「日本產米使用店」，再肚餓都搞得掂哈哈！ 貪心嘅小朋友緊係揀個咩都有嘅款啦～就係呢個五品丼啦！有大大2隻赤蝦、海膽、帶子、油甘魚，吞拿魚同三文魚～一次過滿足晒咁多個願望！ 全部料都好新鮮，赤蝦好多蝦膏，多到識流心咁，海膽好鮮甜，帶子仲要大大粒，魚刺身全部厚切，食落很有滿足感，啖啖肉又大塊，十分抵讚！ 除左丼飯呢度仲有刺身單點，仲要款式好特別，例如紫海膽，吞拿魚腦天、鱈魚子等，好有趣，中意叫黎隨意配都得，下次試下其他款先

而家無得去日本喇 咁就唯有係香港食下日本野啦今日行過銅鑼灣 就去左食呢間勝手丼飯呢到丼飯有好多種 上面既刺身多到鋪滿個碗 真係樣樣都想食 最後就叫左兩款一拎上黎賣相已經嘩一聲因為份量同色澤同圖片都一樣 真材實料首先係海膽丼 入面用左加拿大 日本同韓國既海膽 三款都係新鮮 當中日本既最鮮甜 加拿大既口感最滑 各有特色 份量多到夠送曬一碗飯呀另一款就係蟹丼 入面有好多唔同蟹既部位首先有蟹膚 香滑得黎完全唔腥 蟹就有蟹鉗蟹腳蟹肉 都係鮮甜 當然蟹鉗就淡淡肉啦 中間咁就黎左一次日本之旅喇！

來到舊址才知餐廳搬了去V-POINT, 交通更方便, 店舖面積也大了, 有卡位, 坐得更舒服, 呢間日本餐廳係我去銅鑼灣SHOPPING 後快閃不二之選, 日系服務態度又好, 快、靚、正, 佢地既LUNCH丼套餐更抵食 。簡約日式居酒屋裝飾簡約餐牌, 食物及單價一目了然,  唔識字都可以看圖叫到心頭好。 加$25 可轉套餐, 配前菜、沙律及麵豉湯。Suntory 生啤 ($58)今日天熱頗熱, 先來啤啤佢, 抖順條氣先叫野食。看得見的冰凍, 泡沫幼細, 清爽怡人。馥之丼 ($238)碎蔥吞拿魚腩拼黑松露火灸帶子鋪滿飯上為食友的視覺, 放得美美的, 食指大動。吞拿魚腩顏色粉紅鮮嫩, 色澤亮麗,  脂肪比例平均, 拈少許豉油及蔥花伴食, 入口帶點蔥香, 嫰滑鮮美 。刺身帶子則軟滑可口, 鮮度還可以, 勝在份量足, 吃吧令人異常滿足呢。珍珠米飯粒粒圓潤, 富黏感又不失軟彈, 配吞拿魚腩蓉再加少少醬油提鮮, 一絕!

近排食得住家飯多，有時都想轉下新意思，難得約到朋友，晚餐唔想飯得太重口味，就決定食日本魚生飯。呢間款式好多樣化，揀食咩都用左我一陣時間，最後決定要一個馥之丼$238(碎蔥呑魚腩+黑松露火炙帶子），兩個都係我鍾意既，加埋黑松露好似好特別一於試試。首先黎到魚生既份量比想像中多，而家擺得好靚。火炙帶子燒後有少少油香，配上黑松露整個味道好特別，但又唔會怪，係一個幾創新既食法，推介。碎呑拿魚腩配上香蔥係一個經典配搭，夾埋帶子真係無得輸。食完後好滿足，除咗呢碗丼飯，其實其他都好想試，下次一定要同朋友再來食。

最近疫情已經緩和好多，大家啲心情都輕鬆啲，朋友相約一起行街shopping 發現豊勝手丼搬咗嚟登龍街，新鋪大咗好多，感覺舒服。門口仲推介緊買一送一優惠！👍😋裝修沿用舊店風格，好似置身日本嘅感覺，未有得去旅行，都可以感受一下。既然有買一送一優惠，當然要享受一下啦！我揀咗角切叩丼$148雜錦角切魚生丼飯雜錦魚生鋪滿飯面，雖然係角切，但係都好厚身，新鮮甜美、口感豐富！👍北海蟹丼$198松葉蟹肉+松葉蟹腳+松葉蟹鉗+味噌蟹羔+蟹籽朋友鍾意食蟹丼，份量都好多，佢話蟹鮮味十足！食到好滿意。👍

1. 乜乜乜海膽丼（$298）嘩！！呢個好誇張，成碗都係海膽，見到超興奮，我其實去親旅行都會去魚市場，食海膽同生蠔🤭 今次滿足到我呀！3款海膽我最中意係加拿大既質感，食落係好滑溜，入口即溶咁；日本既味道係清甜既，韓國海膽就勝在量多，成板上，可以唔使慳住食。成個飯仲有埋紫菜同海帶牙，可以自製迷你飯卷，每一啖飯都有海膽，好正好正！好滿足！2. 北海蟹丼（$198）呢個蟹係好新鮮，鮮甜！我中意蟹腳同蟹鉗，肉厚，成啖放入口好爽，拆左既肉比較一絲絲，我覺得冇一啖過咁滿足，但肉質都是不錯的，仲有埋酸薑～唔使自己拆肉咁食蟹真係一等一享受！不得不提個蟹膏，好好食，味道好濃！成間餐廳都好日本feel!! 飛唔到黎呢度食都唔錯！

自疫情以來，已很少食生冷野呢排見疫情緩緩決定奬勵下自己之前舊鋪時去過一次，新鋪更舒適叫了北海道蟹丼真係冇揀錯，超鮮味蟹羔鮮甜，蟹肉啖啖肉個飯好大價錢就偏貴，不過我覺得都算物有所值

約了同樣在銅鑼灣上班的朋友吃晚飯，來到登龍街，見到這家和風餐廳座無虛席，相信必有過人之處；略作探問，發現原來有超級抵食推廣優惠！餐廳每逢星期一及星期二有買一送一優惠：堂食一客$198以上丼飯奉送任何一款$198或以下丼飯。另外星期一至日都有外賣自取丼飯八折優惠。適逢星期一，買一送一如此抵食當然不會錯過，所以點了 - 北海蟹丼（ $198）丼飯有松葉蟹肉、松葉蟹腳、松葉蟹鉗、味噌蟹膏和蟹籽，舖滿整個碗的表面，賣相不錯。松葉蟹味道新鮮清甜，最令人欲罷不能的是味噌蟹膏，鮮香味濃，配合清甜的蟹肉可謂完美結合；提升整個丼飯的味道。在銅鑼灣找到抵食日本餐廳，確係開心大發現！

雖然已經不是第一次來，但是每一次來都能帶給我驚喜十足的感覺，他們食材的新鮮令我不得再次打一篇食評讚賞一下上星期在銅鑼灣下班後剛好天氣轉熱，忽然想起這一間刺身丼，於是想也不想就過去了他們主打都是以日本新鮮食材的刺身丼，之前已經吃過兩三款，他們每一種食材都好像比起我以前食過其他的刺身丼的水準更高更新鮮這次點了這個有韓國海膽及日本海膽的雲丹丼，再次能夠帶給我驚喜，他們不計成本的原板海膽以及為了給顧客多一點層次感而採用兩種產地的海膽，韓國海膽海水味比較重一點，日本海膽則充滿着海膽本身的鮮甜味，兩種相信也各有捧場客，現在能夠在同一個丼飯中品嚐，滿足感真的爆分，相信我現在只要在香港想吃刺身丼飯都會馬上想起這一間充滿誠意的餐廳