豊勝手丼 (已結業)

好久無去銅鑼灣，發現左間「新餐廳」，其實只係自己outdated 😂 呢間丼飯睇門面已經覺得好吸引，好日式光鮮嘅感覺，入到去咩餐牌都未睇，最型嘅就係見到佢地「白飯任裝」同「日本產米使用店」，再肚餓都搞得掂哈哈！ 貪心嘅小朋友緊係揀個咩都有嘅款啦～就係呢個五品丼啦！有大大2隻赤蝦、海膽、帶子、油甘魚，吞拿魚同三文魚～一次過滿足晒咁多個願望！ 全部料都好新鮮，赤蝦好多蝦膏，多到識流心咁，海膽好鮮甜，帶子仲要大大粒，魚刺身全部厚切，食落很有滿足感，啖啖肉又大塊，十分抵讚！ 除左丼飯呢度仲有刺身單點，仲要款式好特別，例如紫海膽，吞拿魚腦天、鱈魚子等，好有趣，中意叫黎隨意配都得，下次試下其他款先