豊勝手丼 (已結業)

個日想去既都好長龍，就入左呢間到試! 都夏天囉... 先黎打翻呢個，不過都不過係3月既事，其實都唔算係冬天丫... 是旦啦XD鰻丼 $88佢個鰻魚都好味，但未至於，嘩~ 正常啦~ 個汁就比較普通，如果唔介意環境，我會揀去hysan食溫泉蛋碎蔥吞拿魚腩丼 $88都係一樣，雖然$88唔算太貴，但呢個價，咁既大細，可選擇既仲有好多問心，銅鑼灣既選擇有好多，好過佢既有，平過佢既有 , 但係佢環境好舒服既，而且都新鮮靚仔，只係我應該會努力咁再去試其他，未必再返去，因為我會用無咩特別去形容.

登龍街真係有好多好野食，今次同個朋友黎食丼飯，魚生飯真係我all time favorite. 佢哋星期一二做緊promotion, 叫一個200蚊以上嘅丼，仲送一個200蚊以下嘅丼，真係好抵！我哋叫咗個海之幸丼同角切叩丼海之幸丼有油甘魚，比目魚，吞拿魚腩，三文魚籽，松葉蟹鉗，日本海膽-首先全部魚生都係厚切，一啲都唔會孤寒，每一塊都有自己滲出嘅魚生，説明有幾新鮮，食落每一塊都有魚嘅鮮味同肥美，海膽就甜美仲有角切叩丼，都有好多不同角切魚生，加上一粒粒三文魚籽，都係好好味，不得不提我哋個丼都有白飯魚仔，特別得黎又提升魚生嘅鮮，同飯嘅口感。佢哋仲有隻三食丼系列，下次一定帶埋老公黎試吓！

銅鑼灣搵好野食，夏天最好食日本菜，相對地岩胃口！呢間「豊勝手丼」是友人推介的，食日本的丼飯，仲可以加錢升級做套餐！平日晚上7點去到，已是5成滿座！店員倒上熱茶，再推仲今期的3食丼飯，分吃是可以用紫菜卷飯食，丼飯食，最後加入熱茶當茶漬飯食！心大心細最後都是選了「五品丼」，其中包了5款料，包括三文魚，油甘魚，赤蝦，活帶子和日本海膽。 店員貼心的介紹每款食材，好有日本feel! 海膽好好味，好新鮮，是回本之選！三文魚 油甘魚是厚切的一片片，油脂分布平均，好肥美既3文魚飲！食材新鮮，是很加分！ 日本珍珠米加上壽司醋 微酸 很是開胃！性價比好高！飯後飲上茶，也是慢活的好生活！

放咗工好想食日本嘢, 之前朋友推介銅鑼灣登龍街有一間刺身飯做得不錯, 心思思去試吓。店內裝修很有日本漁民風格， 我們好像上了一艘日本漁民的船上。刺身丼的選擇繁多， 令人花多眼亂，樣樣都想試，還有熟食可選擇。 我兩人叫了海之幸丼和五品丼。 海之幸丼材料十分豐富， 裏面有三文魚，比目魚，油甘魚，海膽， 赤蝦，蟹鉗和三文魚籽，可想然之有幾滿足。 顧名思義五品丼有五種材料， 赤蝦，油甘魚，三文魚，海膽和帶子，買相相當唔錯。它們同樣刺身滿滿的鋪在壽司飯上， 味道新鮮， 刺身的厚薄適中， 一啖飯佩合一口刺身，真的令人回味無窮。 我見餐牌有個抗疫價，在星期一二指定丼買一送一，下次要再去。

星期一放工時間，唔洗等位，決定試下店員主動介紹現有優惠，服務態度好魚生飯新鮮分量適中，而且做緊買一送一優惠 十分抵另外點左加拿大海膽壽司正油甘魚刺身略為遜色下次試下其他熟食

唔知幾時先可以再去日本，疫情下又好耐無食日本野，一食就要食好d最近成日都黎呢條街食，d餐廳真係好高汁獨食一個五品丼，飽肚之餘夠快又方便有特色野😂魚蓉丼飯三食:變手卷/做日式茶漬飯(加湯，紫菜碎同芝麻), 不過唔啱我口味，今次都唔係食魚蓉飯原來星期一/二丼飯做緊買一送一$200/以下嘅都可以;以上就加返差價下次拉埋fd黎食先得呢個5樣野嘅丼飯:三文魚，油甘魚，赤蝦，帶子同日本海膽餐廳環境氣氛都好日本居酒屋得到少少無得去日本嘅安慰海膽肉比較細，味道中等蝦嘅味道最濃郁，送飯好夾真係好耐無食日本野油甘魚，聽人講話係日本人新年會食嘅，意思係開運等祝福;等我都祝大家身體健康，疫情快過油脂比例無三文魚咁高，爽口d+$25就有埋前菜，沙律同麵豉湯不過我唔會食得晒

行過銅鑼灣唔係途經，係特登過嚟嘅， 因為見到這間丼飯，上嚟試一試，聽聞唔錯，所以同朋友嚟到坐低，叫咗兩個丼飯，朋友要咗個五號仔，五品丼，有五款刺身，三文魚，油甘魚，赤蝦帶子日本海膽，我就叫咗個七號仔馥之丼檔，水蔥吞拿魚，黑松露大舊帶子，兩個人五百幾蚊落樓，餐丼飯食落都好鮮味，非常滿意。重有值得一提，洗手間是我個人評價一間食店重要一環，當看見提示牌，溫馨提示，不覺什麽，之後越想越要一讚，用心思挑選一塊咁靚嘅牌，就放在一個畀人望一眼嘅地方 ，再加埋呢個環境嘅清潔度，已經唔使考慮食物，會有啲咩問題，因為洗手間真係可以代表一間食肆嘅用心，值得一讚再讚，有機會去望一望呢!

今次同朋友去銅鑼灣食日本嘢，登龍街嘅食肆出名多，今次食丼飯。餐廳面積唔算好大，裝修好有日式感覺。呢間餐廳主打丼飯有唔少特色，例如有海鮮丼、親子丼、鰻魚丼。今次揀咗北海蟹丼。佢由松葉蟹肉、松葉蟹柳、松葉蟹鉗、味噌蟹膏、蟹籽組成，鍾意食蟹嘅就一定會鍾意。丼飯賣相吸引，份量正常，感覺都幾新鮮，最鍾意就係啖啖蟹肉味。除此之外，我哋點咗吞拿魚蓉丼。一層厚厚嘅吞拿魚鋪喺飯嘅面，另外再有紫菜。佢有三款推介食法，第一就係加豉油同wasabi，係傳統嘅食法。第二就係將吞拿魚用湯羹將材料放喺紫菜，再用紫菜捲起手捲。第三就係食到一半問店員攞高湯，將高湯倒入飯，形成茶漬飯。我都係鍾意傳統食法，下次有機會再試其他食法。丼飯同埋魚蓉飯分別係200蚊同100蚊左右，可以接受。

聽說位於銅鑼灣登龍街"豊勝手丼"質素很奉的，午餐也很多款選擇的，雖然都係第一次來這條街，哈哈找了一會兒，可能是下着雨。下雨天總是有點狼狽，侍應生很有禮貌招呼和為我們探探熱，還給予一個靠近窗位置，很舒服良好，介紹了好多款丼飯。我就很喜歡食多種刺身的鮮味😁便選五品丼~$278因為有五款刺身呢！三文魚 油甘魚 活帶子 赤蝦 日本海膽。賣相好吸引，每一種刺身都有佢嘅獨特鮮味，而且材料好豐富啊！每件也很厚啊！整體係鮮甜和很鮮很奉啊！滿足。👍另一款就是馥之丼~$238碎蔥吞拿魚和黑松露大炙帶子，雖然只是兩款，味道配搭很不錯呢！火炙帶子燒後食落有油香味，再配有小小黑松露襯托，令味道更佳，再加一口飯，good呀！ 碎吞拿魚味道是淡淡 的，再加一口帶子又好夾喎，味蕾有陣黑松露味好香會繼續想食落去的。總結~~雖然午餐丼飯價錢有點貴，或者是地區問題，不過食材質素係好就超值，打工仔都要比自己鼓勵下係幾好嘅！👍👍

全文概要：1. 廚師發板的九種壽司與餐牌所示不附，有偷龍轉鳳之嫌。2. 壽司飯口感軟淋呈糊狀，令人想起一些廉價連鎖壽司的質素。事源我們二人叫了一客廚師發板，但發現呈上來的壽司與餐牌中所表示「食材相對昂貴」的壽司有所不同從圖中可見 餐牌「廚師發板」包括有海膽 牡丹蝦 大拖羅等等食材，餐牌中的壽司賣相亦十分吸引。然而，店家呈上的就多了一條松葉蟹棒，小了一件牡丹蝦。本來我們都想到可能是今日牡丹蝦不新鮮，廚師臨時換了食材。但食落口才發現根本貨不對板（賣相已經看出幾分參次）魚生只是普通，大拖羅食到有筋...但最大問題是「飯質」這壽司飯令我回想到一些廉價連鎖壽司鋪頭，質感軟淋但被壽司師傅握實，入口又實又糊...因為心情不佳再對比餐牌價錢，更發現牡丹蝦與松葉蟹棒的價錢差了接近一倍！最後再草草叫了兩三件壽司但求飽肚提早走人順便給大家看看蟹膏的賣相....真的可一不可再，希望店家能以誠待客，現實呈上的食物要對的起網上Post的相，不然客人見到只會帶來更大的落差感。

加班過後，總要慰勞一下自己，食餐好是常識。早就想試試登龍街的《豐豐手丼》，但總人龍常駐，這晚可能時間稍晚，終於不用排隊了。布置裝潢，滿滿日式海邊小店的風情雖然外賣自取丼飯，星期一至日，均享有八折優惠，但堂食更吸引。原來逢星期一及二，惠顧$198以上丼飯來套餐，有買一送一優惠。今天獨自一人，沒法享用優惠了！點了雲丹卜口丼 $238，是原板韓國海膽 + 碎葱吞拿魚腩，極致的美味。原板海膽，金黃耀眼，難以抗拒的美味。海膽新鮮，味道鮮甜，配白飯最夾。蓋滿飯面的吞拿鮮蓉，是肥美的粉紅色 🤭🤭🤭用紫菜包起飯及吞拿魚蓉，自制手卷，雖然醜了點，但好味道。這個是自制海膽軍艦 🤣🤣🤣，味道當然好 ！海膽配吞拿魚，無得輸的配搭。

必食美味丼飯來到銅鑼灣登龍街終是有選擇困難症，餐廳飯店種類真多，朋友選了要食日式刺身丼飯呢間店環街裝潢和風十足，揀咗一輪我選了雲丹卜口丼，朋友就揀咗五品丼上檯速度都算快海膽係原版上㗎，海膽新鮮鮮甜，完全唔腥，粉紅色嘅吞拿魚腩蓉都無得輸，新鮮美味，仲有紫菜可以包哂一齊食而朋友嘅五品丼有多款新鮮刺身，肥美嘅三文魚及吞拿魚仲有鮮甜帶子及海膽而牡丹蝦勁大隻又新鮮彈牙，整體非常豐富㗎，跟朋友食得勁滿足又開心

好耐冇食丼飯啦！我掛住食大大碗飯又有刺身係面食到好滿足嘅感覺！！ 係銅鑼灣突然諗到之前食過一次呢間豊勝手丼執吧去吧入到去環境唔錯 幾光猛幾日本餐廳feel! 嗯⋯⋯首先量個體溫先啦！！！我地今次2個人黎食睇睇menu 先呢個係雪丹卜口丼！係咪好邪惡呢成板海膽啊！下面仲有吞拿魚腩蓉！！加少少豉油 撈一撈........嗯 我唔客氣啦！海膽好鮮甜！大家都知海鮮係最易食得出鮮唔鮮架啦 如果食中唔鮮嘅就會臭臭地！呢個完全冇問題！吞拿魚腩蓉撈埋飯 係啖啖都有肉超爽！ 個人只係覺得d紫菜扣咗少少分 就係 「林」哂 軟皮蛇咗....如果仲脆就perfect 啦close up 個海膽比大家睇呢個係我朋友嘅北海蟹丼我試咗一啖！哇好蟹啊真心特別係d蟹膏撈埋飯 高汁啦當然！埋個靚單先！一分鐘一分貨吧！開心的一餐

小編真係好掛住日本，特別係海鮮丼😍！小編最近去咗呢間位於銅鑼灣登龍街的豐勝手丼，絕對值得一試！！豐勝手丼最近推出左魚蓉丼系列。可以有三食，包括丼飯，手卷和茶漬飯，有得食有得玩，可以一次過滿足晒三個願望😍😍 小編今次揀左兩個海鮮丼，非常滿意😋😋蟹腳，蟹肉，蟹膏，魚子海鮮丼新鮮嘅蟹膏非常香濃，就咁食都唔會覺得鹹架！蟹腳同蟹鉗非常厚鮮甜美味，份量絕對足夠新鮮的蟹肉，連埋魚子，配埋一大口壽司飯，絕對滿足到小編作為蟹控的要求吞拿魚茸，原版海膽海鮮丼呢個海鮮丼簡直有少少令人覺得有罪疚感丫！小編建議大家所以先嘗試自己製作手卷，別有一番風味！紫菜非常脆口，加上鮮甜的海膽，滿足度爆燈！吞拿魚茸亦非常鮮甜，加上少少壽司豉油就非常完美！小編建議大家留返適量的材料，再問店員拿取高湯，自行製作茶漬飯，簡直係人間極品！

疫情期間冇得四圍旅行食好嘢好傷心呀我真係好掛住日本嘅壽司同埋海鮮丼呀😭早前路經銅鑼灣登龍街的豐勝手丼我會大大力推介新左魚蓉丼系列, 可以有三種食法1 丼飯 2. 手卷 3. 茶漬飯有選擇困難症嘅朋友絕對可以試吓呢個套餐今次揀左嘅兩個海鮮丼 我都覺得好唔錯1. 蟹腳，蟹肉，蟹膏，魚子海鮮丼食蟹膏蟹肉最緊要係新鮮 呢度絕對唔會令你失望蟹膏香濃，配上壽司飯一流蟹腳同蟹鉗鮮甜，簡直食到你舔舔脷2. 吞拿魚茸，原版海膽海鮮丼又有吞拿魚茸又有海膽簡直可以滿足我呀😍😍碗上面有三塊紫菜...我建議用紫菜包啲壽司飯吞拿魚茸海膽，好似自製手卷咁食紫菜好脆加上鮮甜嘅海膽吞拿魚茸堅係好好食好滿足呀