豊勝手丼 (已結業)

這天真的要好好感謝在家工作的機會，餐廳位於我家的附近， 距離地鐵站路程只需要五分鐘左右，十分方便快捷。餐廳主打的就是日本料理，這天中午過來人流不太多，簡簡單單也可以作一餐。食物方面，我點選的 就是餐廳新推出的丼飯 ，沒想到份量十足，最重要是 一碗飯配搭多種不同的食法， 絕對是有趣和新穎。食物味道方面，日本料理最重要的一定是 新鮮， 餐廳絕對做得出色，全因為完全沒有腥臭味，加上海膽帶有淡淡的鮮甜，配搭丁點的海水香味，更為突出。但我最驚喜的事， 無限量供應的 壽司飯， 絕對可以吃得飽。

近日十分想吃日本菜，連午餐都日日吃壽司，今日星期六中午又約朋友吃丼飯。一心想帶朋友到豊勝手丼，但去到銅鑼灣才發現餐廳已搬往登龍街，面積還比舊址大，坐得更舒適。天花掛上魚網和魚旗作裝飾，增添日本漁村風味。餐廳有「三食的吞拿魚丼系列」，意思是可以基本地配上豉油和芥末，或者是配紫菜變手卷和以茶漬飯的食法。*但可惜只在星期一至五供應。*餐廳的食材都係以日本入口，亦採用正宗日本米。餐廳有是日食品，都會寫在黑板上。海鮮丼選擇多，各種海鮮勻備，價格由$148-328不等，而熟食丼則由$178-228不等，賣相吸引。我們各點了一碗丼飯。我一心想吃碎蔥吞拿魚腩，所以點了《馥之丼 $238》，就是碎蔥吞拿魚腩+黑松露火炙帶子。碎蔥吞拿魚腩幼細香滑，口感軟綿加上脂香實在美味，加上香蔥更可口。帶子輕炙過外香內嫩，鮮味更出，松露醬亦有提味作用。日本米粒圓潤甘甜，單配醬油己很美味。還有美味的酸薑，酸香而不澀。

上兩星期同屋企人食左呢間開左都一段日子嘅丼飯。其實都開左幾年，但一直無機會試。銅鑼灣就有兩三間日本餐廳專賣丼飯嘅，但呢間就比較就腳少少🤏咁。餐牌選擇唔少，平平地百幾蚊就有個三文魚親子丼。但老老實實，親子丼好殘忍。😂😂😂聽侍應講，可能疫情關係啦，依家晚市優惠，買一個$200以上嘅就送一個$200以下嘅丼，二百幾蚊兩個人食到日本刺身飯，都幾抵食架！雲丹トロ丼$238呢個丼有一大底原板韓國海膽及碎葱吞拿魚腩，整板海膽外觀幾靚仔，食落好有鮮味，好濃郁，亦都無腥臭味！吞拿魚腩鋪面口口一層都幾誇張，都夠新鮮。 雖然一定冇一片片嘅吞拿魚咁有油脂咁同咬口，但係食起上嚟比起整片吞拿魚刺身更容易入口。溝埋Wasabi豉油送飯非常好味！壽司飯會比較黏身，壽司醋味岩岩好，飯唔夠仲可以refill!😂

主打刺身丼既居酒居🍶有多款新鮮刺身配搭既刺身丼😍望到好多人都食海膽就決定叫個有海膽既丼試下！-2號雲丹丼$288原板韓國海膽,加拿大海膽,吞拿魚腩蓉同埋2大隻赤蝦😍海膽鮮甜😋因為韓國海膽較散同細塊所以比較下冇加拿大咁有口感🤨赤蝦大大隻又鮮甜一D腥味都冇😋吞拿魚蓉當然係另一個主打食丼飯一定要吞拿魚蓉🤣總括黎講刺身丼大大個刺身亦鋪得滿滿又新鮮👍推介❗️因為2個人share所以另外叫左d壽司🍣試下！第一次見有鰻魚蛋壽司好特別😋可以一試😉

今日專程搵喺銅鑼灣番工嘅朋友食lunch，佢話啱啱岀糧，要請我食番餐好少少嘅lunch，跟住就帶我黎到呢間充滿日式風情丼飯小店。餐廳嘅裝潢有點像日本居酒屋，感覺舒適。坐椅同時可儲物，方便貼心。看看menu，好多唔同款式嘅丼飯選擇，我同朋友各點咗一個。我點咗馥之丼。馥之丼即係碎葱吞拿魚腩+黑松露火炙帶子。兩樣都係我嘅至愛！吞拿魚腩蓉好鮮甜，份量十足，完全夠拌整碗飯。每塊帶子上都有一點黑松露醬，濃香撲鼻，一黑一白，非常美觀。帶子經過火炙，鮮味之餘帶有微微焦香。另外店員介紹新岀嘅三食，即係丼飯。手卷。茶漬飯，都幾有趣，我下次嚟都會試一試。

平日比較少到港島區，今日約咗朋友去銅鑼灣行街，都特登做定少少research，睇下有咩好餐廳可以嘆番個lunch。我同朋友都鍾意食日本野，特別係魚生，最後就搵到呢間專門食日式丼飯嘅小店。海之幸丼一眼就睇中左呢個，因為佢有好多款刺身，感覺好豐盛。等咗一陣就有得食，一上枱，即刻心心眼兼相機食先。個賣相好靚呀，同menu一樣。海膽好甘甜，好新鮮，好正！三文魚籽鮮甜有口感，送飯一流。最令我印象深刻嘅係吞拿魚腩，好肥美，又重魚脂香味。另外松葉蟹鉗都好鮮甜，又好肉地。仲有燒得好香又重油脂嘅比目魚邊都好好食總括嚟講，呢一餐精緻嘅丼飯令我可以一次過品嘗多種鮮美魚生，真係非常滿足！

成日去銅鑼灣登龍街，但都冇發現原來有間食丼飯嘅餐廳，見啲評價咁好，就算價錢少少貴都試吓啦。➡️ 鮭親子丼($148)三文魚同三文魚籽食落好新鮮，雖則三文魚只有五片，但係食落都好幾肥美幾正，推介！➡️ 北海蟹丼 ($198)呢個北海道蟹丼飯好豐富，有松葉蟹肉，松葉蟹腳，松葉蟹鉗，味噌蟹羔和蟹籽。所有刺身多到遮住咗啲飯，同餐牌影嘅一模一樣，用料十足😍我哋叫咗兩個丼飯，其中一個加左25蚊變做餐，所以有一碗味增湯，一個前菜同埋沙律，沙律上面都有啲細細粒嘅三文魚刺身，真心足料！呢間餐廳唯一扣分嘅係環境，因為我哋坐嘅位置有隻蚊係咁針我哋隻腳，而我隻腳都比呢隻蚊咬咗起碼10粒咁多🤨豊勝手丼地址📍: 銅鑼灣登龍街18號V Point 地下3號舖.............................. 味道😋: ⭐️⭐️⭐️⭐️環境👀: ⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️

豊勝手丼 我同朋友都好鐘意食魚生飯所以會周圍去試今晚黎到銅鑼灣豊勝手丼佢地搬左地方店鋪更大更舒適好有日本氣氛我地兩個人叫左兩個魚生飯share皇牌海之幸有油甘魚 比目魚邊 吞拿魚腩三文魚籽 赤蝦 松葉蟹鉗 日本海膽雲丹拖羅魚生飯有原板韓國海膽碎蔥吞拿魚腩先講海之幸魚生飯性價比好高有好多款海鮮吞拿魚腩魚香持久 食得滿口甘香佢地既壽司飯軟硬適中夠濕潤 份量亦剛好岩岩可伴哂所有魚生食雲丹拖羅魚生飯成板海膽好壯觀極鮮甜味美食唔停口碎蔥吞拿魚腩 份量好足餐飯好滿足 岩哂鐘意食魚生飯既朋友

今晚食丼，這店也有很多款式。店內裝潢很有日式風格。呢張menu 也是吸引我進來的原因。我們為了試不同的的叫了2款丼來share。這個五品丼，一上枱只見到滿滿的刺身，帶子肥美肉厚，油甘魚及三文魚也是厚切的，赤蝦也頗鮮甜。重點是日本海膽是那麽的肥厚鮮甜，口感細膩綿軟，味道濃郁　這個海之幸丼更豐富，一样大份的油甘魚，吞拿魚腩，赤蝦及日本海膽。配有一大匙的三文魚籽，大隻而且鮮甜的松葉蟹鉗。最后是我喜愛的比目魚邊，真的很嫩滑。更好的是每款食材的也是2件，方便分享來食。

想去日本旅行的慾望愈來愈強烈，疫情期間，都只好吃日本菜解一下相思之苦～和朋友去了銅鑼灣的豊勝手丼刺身丼的款式很多，有二十款左右，我們選了招牌菜海の幸丼和雲丹トロ丼。海の幸丼材料有油甘魚、比目魚邊、吞拿魚腩、三文魚籽、赤蝦、松葉蟹鉗、日本海膽～多種食材放在一起，賣相吸引～我們都忍不住要開動了～日本海膽是比較Creamy, 濃味的～刺身果然新鮮，油甘魚肉質爽口清新，比目魚邊魚油夠香，吞拿魚腩油脂重，同樣夠香口，配飯一流，赤蝦很大隻而且清甜～雲丹トロ丼材料有原板韓國海膽和碎蔥吞拿魚腩原板海膽上視覺效果震撼！碎吞拿魚混合了飯來吃超好吃，飯也是可以添加的，但我們兩位女生不用添飯都夠飽了～下次再來會吃燒牛丼～

疫情開始沒有之前那麼強，又是四出尋找美味食物的開始。今次去的餐廳位於登龍街；由銅鑼灣地鐵站行5分鐘就會到達，地點方便。門面門面都很光鮮，感覺很乾淨。餐牌餐牌有四款，有飲品和酒淆系列、壽司系列、丼飯系列和混亂魚蓉丼系列；有中、英、日說明，而且圖片清晰。如果不喜歡只看文字的朋友最適合不過。食物今次我揀選了馥の丼(碎蔥吞拿魚腩+黑松露火灸帶子Chopper Fatty Tuna + Seared Scallop BlackTruffles)。賣相很吸引，上層鋪滿了帶子和吞拿魚腩蓉，旁邊有了海草。帶子很大很光澤而且有一些灸燒的樣子，帶子上面松露。在吃帶子的時侯嗅到灸燒的香氣；吃的時候有松露的味道。吞拿魚腩偏粉紅，口感很滑而且吞拿魚的鮮味；飯就選用珍珠米，比一般米圓潤。服務態度我覺得服態度很好，由一入去餐廳，侍應會主動告訴給我知椅子內可放物件。落單之後就會主動提供水、芥茉和日本醬油。到離開的時候,侍應會主動幫手。 

好耐之前plan左今年六月去日本旅行，由一月肺炎疫情開始，原本以為三個月都會完，可以去，點知，依家睇嚟下年六月都唔知去唔去到😭好掛住日本嘅美食。趁今次約咗姊妹飯聚，一於叫佢陪我食我最想食嘅海鮮丼，佢又一口答應喎，真係對我好 🤗既然要食嘅話梗係要食好啲啦。我做咗好多research同比較，決定試吓呢間豊手勝丼。我早收工，六點都未到就到餐廳喇，餐廳嘅裝修好日本風，亦都好整潔，亦都有隔板隔住枱與枱之間，防疫嗰關 pass.要食就食好 d, 問左侍應，佢推薦「海@幸丼」，因為樣樣精選剌身都齊晒，一次滿足多個願望。刺身包括赤蝦、日本海膽、三文魚籽、吞拿魚腩、油甘魚、比目魚邊、松葉蟹鉗。好豐富～海膽非常鮮甜，一d 都唔腥或有怪味。赤蝦肉質彈牙，味道鮮甜。松業蟹鉗的肉質結實，充滿蟹的鮮味。吞拿魚腩都肥美，質素不錯。而比目魚邊就第一次食，都OK。壽司醋嘅份量落得適合，有微微醋味但又唔會 over 左。我朋友又比左三文魚同帆立貝比我，都好鮮味呀，大滿足！雖然仲未有得去日本，食左餐好味嘅丼飯可以頂住當先啦 🤗

繼之前自私食之後，今日就帶一個朋友嚟呢度品嚐好正嘅丼🤤🤤。今日好想食雜錦丼，所以叫左個海之幸丼，裏面有油甘魚、拖羅丶三文魚子丶左口魚邊丶赤蝦、松葉蟹鉗、最重要有海膽🤤🤤。先講海膽，好鮮甜，冇臭味；三文魚子鹹鹹地餸飯一流，加上白飯微暖，入面仲有魚仔，成個口感又唔同左；油甘魚同拖羅都好新鮮，而且厚切，唔孤寒！赤蝦都係新鮮同甜嘅，我鐘意食蝦頭，覺得冇苦味。左口魚邊本身味道好淡，佢加左少少黑松露，帶出左鮮味。松葉蟹鉗鮮甜，唔會好似酒店自助餐咁淡茂茂無味。呢度實在太多款式，見到隔離枱食嘅丼有一板海膽，已經諗定下次要嚟食乜嘢了😏😏

無得去日本 就想食個丼飯頂癮啦.叫左個蟹肉蟹膏飯。蟹肉無咩鮮味，連肉質都係乾乾地身既。蟹膏都話過得去。最好笑係壽司飯，我見佢門口寫壽司飯任裝，我以為佢對自己既壽司飯好有信心。點知，啲飯煲到一pat野咁，上菜時仲係熱熱地既。$641 兩位，其實真係有好多更加好的選擇。食到我地懷疑人生omg..............................

今日去了銅鑼灣逛逛，到傍晚時找食醫肚，看見一間日本料理，就決定入去食。環境：佈置好像日本居洒屋。枱與枱之間有屏格擋住，不怕別人坐隔離，而且比人有一種很乾淨企理感覺，可安心進食。 服務：坐下時就有服務生介紹餐牌 非常有趣三食丼飯及抵食買一送一優惠。 白飯任添，吃到你飽。2號贅沢雲丹丼：我選了2號，原板韓國海膽、日本海膽、赤蝦及碎蔥吞拿魚腩。買相非常吸引，大大份刺身蓋滿飯頂，看見就很滿足。但也不知如何下手，食這碗飯就好似解剖一樣，續步續步吃。日本海膽：先吃因為大大件，而且海膽鮮味濃厚，非常飽滿，試試與青瓜同吃，不錯！碎蔥吞拿魚腩：放碎蔥同吃真好吃，而且不用落醬油。先一啖一啖吃，然後放紫菜包飯同吃，多滿足。赤蝦🦐：肥美鮮甜，而且大大隻，一口一口啖啖肉。原板韓國海膽：雖然細細件，但每一口都很鮮甜，很滑溜，放在最後要慢慢嚐。原先想放一半在飯同吃，但食食吓就把牠全吃掉！最後吃剩下既飯就用紫菜包住一起吃。