豊勝手丼 (已結業)

今日專程搵喺銅鑼灣番工嘅朋友食lunch，佢話啱啱岀糧，要請我食番餐好少少嘅lunch，跟住就帶我黎到呢間充滿日式風情丼飯小店。餐廳嘅裝潢有點像日本居酒屋，感覺舒適。坐椅同時可儲物，方便貼心。看看menu，好多唔同款式嘅丼飯選擇，我同朋友各點咗一個。我點咗馥之丼。馥之丼即係碎葱吞拿魚腩+黑松露火炙帶子。兩樣都係我嘅至愛！吞拿魚腩蓉好鮮甜，份量十足，完全夠拌整碗飯。每塊帶子上都有一點黑松露醬，濃香撲鼻，一黑一白，非常美觀。帶子經過火炙，鮮味之餘帶有微微焦香。另外店員介紹新岀嘅三食，即係丼飯。手卷。茶漬飯，都幾有趣，我下次嚟都會試一試。