讚好台灣

营业中

休息中

食台灣野又點少得台式飲品啦一杯珍珠奶茶一杯台灣紅茶！牛筋腩麵叫左台式麻辣湯底，都幾辣下喎，好似打邊爐嗰種麻辣湯底，入面有好多舊牛，煮得好淋，好易咬開，特別鍾意佢嗰種麵嘅質地，好彈口。肉操三寶乾拌麵有台式香腸花枝丸同貢丸，全部都係台灣出名嘅小食，有好多青瓜絲撈埋一齊個口感好好，麵嘅汁好好食有啲似滷水汁。路邊攤小拼盤滷豆腐個面少少脆脆地入邊夠晒滑，豬大腸嚿嚿都好肥，咁先好味吖嘛，滷蛋，有啲似台灣嘅鐵蛋係硬嘅。

星期六一家三口午飯過來食餐天氣已經夠熱 要你齊人先比入都算喇綜合麻辣面 2碗鹽騷雞飯一份 2杯野飲$201味道雖然還好但真係好L趕客一家3口裡我第一個食到7788已經埋身問我成3次收得碗未 我老婆同個女未食完 我就出一出門口食枝煙 三兩分頭附近搵個垃圾桶丟左煙頭就返 已經收埋我碗 仲比埋我位其他『一位客』做生意還做生意 你都唔係咁啊嘛？？？原來我一行開已經追問我老婆 我碗係咪收得 之後再問2次我老婆果份係咪收得 咁小朋友邊有食得咁快丫 我仲要單拖熱到乜咁外面搵個位企埋邊等佢2個食完出來永遠BLACK LIST！！！真正貼錢買難受！！！

呢到既tea幾抵食，合理既價值、合理既份里、同埋合理既味道。呢到下午菜只係$36 可以自選一款飯/麵 同3款小食我見好多人麵係揀拌都所以我都揀左拌麵（我見到有人食魯肉飯係上面我兩粒魯肉😂）拌麵係芝麻醬，味道幾好，麵都彈牙。小食揀左青瓜，鹽酥雞同埋牛肚絲，可以見到分量幾少下👇🏻👇🏻👇🏻不過叫做可以試下唔同野。另外值得一提係鹽酥雞都幾好食既。唔太肚餓去食都係一個唔錯既選擇最後冬瓜茶加左$6、好味

黃埔的讚好台灣在晚飯時間，店外總是排著隊，他們是專賣台灣麵和便當的，品項簡單，價格相宜。好！今天我也要來吃一碗台灣麵！先來一碗豐盛牛肉蕃茄湯麵(HKD75)，喜歡這個蕃茄湯頭，味道很夠，濃中又帶點清新，很好喝！麵的份量也很多，麵質如爽彈一點會更好！裡頭有牛腩、牛筋、貢丸和花枝丸，非常滋味！最愛牛腩，吃起來很軟嫩😋讚！另外也點了一份牛肉口水乾拌麵(HKD70)，與青瓜絲、蔥和麻醬混合攪拌一起吃，味道也很不俗，個人較為喜歡前者湯麵😌小吃選了2款，第一款是魚酥皮蛋豆腐(HKD30)，豆腐很滑，有豆香，吃下冰冰涼涼的❄️熱天氣時吃，感覺特別爽！另一款是路邊攤拼盤(HKD43)，有鹽酥雞、台灣香腸和炸花枝丸。味道還不錯，對得起這個價位！

呢間係其中一間飯腳點，鋪頭光鮮環境舒服，而且食物質素都中上抵食，所以有時候想念台灣食物都會黎呢度食番餐。 1⃣紅燒牛筋腩麵 + 鮮蕃茄湯💰65（👅： 7/10）牛味唔錯🤔牛腩韌左少少，但尚算軟腍；牛筋帶有少少咬口既，滑嫩感覺有住骨膠原🐮；蕃茄湯底有幾舊新鮮蕃茄，飲落有酸酸地既蕃茄味幾開胃😍。2⃣夜市小香腸乾拌麵 💰55（👅： 7/10）小香腸有種香咸香甜既感覺！有點台灣小腸味道，配乾拌麵食都幾夾。不如如果個醬換成麻醬會更好3⃣魚酥皮蛋豆腐 💰28（👅： 8/10）呢個正呀，豆腐本身滑嫩，但味道清淡。不過一加左麻醬青菜，皮蛋同埋香香既魚酥，口感提升左好多，十分滋味。4⃣逢甲鹽酥雞 (小) 💰23（👅： 7/10）鹽酥雞有大小之分，我地叫左細份，都有成七八舊🐥唔會好油膩，食落椒鹽味足夠，不過雞肉乾了一點5⃣胚芽奶茶 跟餐 💰10（👅： 6.5/10）係幾特別嘅，但係有少少淡，胚芽幾有脆香咬口。6⃣香芋奶茶加珍珠 跟餐 💰14（👅： 6.5/10）香芋味尚算自然，不過甜了少少，珍珠不是黑珍珠有點意外，不過食落口感都幾煙韌。

平時見晚餐時段間唔中都要排隊，見今日下午茶時段唔使排隊，可以試吓。個下午茶餐牌唔係主動攞出嚟㗎，要問先至攞出黎。$34元包一款主食，三款小食及一杯飲品，都算幾多選擇；肉燥湯麵分量似台灣夜市牛肉麵嘅份量，面底普通，湯冇乜味；鹽酥雞揸得唔錯幾脆口；台式香腸及台式滷蛋水準合格；肉操飯嘅份量都算多，食量少嘅人已經可以當晚飯食；木魚炸豆腐個豆腐都幾滑。椒麻牛肚絲都幾\，有四川嘅麻辣程度。台式奶茶嗌左少甜， 感覺味道怪怪地，啊仔個杯正常甜嘅味道亦都係一個正常嘅珍珠奶茶。成個下午茶餐牌，同零一間台式嘅X牛餐廳差唔多，價錢亦差唔多，唔知係咪同一個集團呢。一句講晒下午茶都算抵食。

讚好,係佢未裝修之前經常有幫襯但之後因環境比較迫,同食物質素下降就多年都冇幫襯過....今日心血來潮,見佢而家變左人龍店鋪面又光鮮,決定再黎試下三點零到,竟然都有八九成滿好彩我一支公易搵位下午茶三十四蚊,真係好抵簡左魯肉飯,蜂蜜檸檬配小食木魚豆腐,青瓜,鹽酥雞粒個飯份量不錯,味道也不俗三款小食味道都不錯,樣樣少少豆腐外脆內軟,雞粒脆身夠未唔覺唔覺食晒成個都夠飽以CP值黎講係抵食要返吃的以上食評只反映本人立場,如有雷同,實屬不幸

見證住讚好由舊鋪翻身成新鋪，成個裝修煥然一新光猛左好多👍🏻👍🏻👍🏻👍🏻本身對台灣嘢食嘅感覺都唔係好好🤢🤢🤢通常都會覺得好熱氣同埋好油膩🥴但呢間嘅件鹽酥雞飯絕對值得一試！！平時放咗學都會同朋友食呢間嘅下午茶，價格比較相宜🤣🤣🤣落左單冇幾耐，鹽酥雞飯就嚟到👅👅👅👅震震嘅香味撲鼻，咬落去外脆內軟，而且仲要係熱辣辣架☺️幸福感的是直線上升🥰🥰🥰唯一可以改善嘅地方就係可以落多啲醬汁，令到成個飯更加濕潤同埋濃味🤫

同男朋友約咗夜晚喺黃埔睇戲，佢又話想食台灣野，所以就揀咗食呢間。我叫咗個胚芽奶茶，味道都唔錯不過啲胚芽佢有時飲飲下會卡住左係喉嚨到😂叫咗個冇餸嘅魯肉飯，普普通通冇乜特別不過份量好多，我最後食剩好多😂（又比人鬧）滷肉飯加菜甫一齊食好好味😋男朋友揀咗個鹽酥雞拌麵，我自己麻麻哋拌麵個味道，可能如果俾我揀我會鍾意食麻醬拌麵多啲😂佢呢個係唔知咩醬汁拌麵咁。最後都係叫咗個小食拼盤，我覺得台灣腸好好味，其他就普普通通。男朋友話呢間鹽酥雞係佢食過最好食嘅一間喎🤨

見讚好台灣開咗咁耐，午晚市都要排隊，今日放工八點半多啲經過見終於唔使排，就入去試下😝 餐牌設計得好靚，好似睇緊旅遊雜誌咁！我同同事一人嗌咗個麵同小食，我食牛乾拌麵，嗌咗口水，即小辣，上碟好快，十分正😍呢個拌麵材料真係勁豐富，有牛肉、牛筋、牛𦟌、青瓜絲、蔥、濃郁嘅麻醬、小辣真係食到我流晒口水！同事叫蕃茄牛肉麵，原塊蕃茄真材實料😍牛肉量都好足小食嗌咗皮蛋豆腐同鹽酥雞，兩樣都係中上水平！食台灣嘢梗係要食佢地啦😆我嗌咗珍珠奶茶，同事嗌咗冷泡烏龍，珍珠奶茶啲珍珠唔係黑色，係淺啡色的，食落都相當彈牙😋同事話佢個烏龍真係好濃茶香，好飲！

今日同朋友突然間好想食台灣野，於是就入咗間喺紅磡開咗冇幾耐嘅台灣餐廳。場內裝修得幾精緻，光線都好充足。而餐牌都有不少選擇，❤有齊小食，飲品，主菜俾我哋揀，有晒價錢。填好就可以落單啦。首先同朋友叫咗兩個小食。甘梅脆薯同路邊攤小食拼盤。 脆薯好好味好新鮮，熱辣辣炸得好脆，而佢嘅甘梅粉酸微微，好開胃，食得多都唔會感覺好膩。路邊攤小食拼盤就有 花枝丸，鹽酥雞同台灣腸。一次過可以食曬台灣特色小食！滿足你三個願望！而嚟台灣餐廳就緊係食台式滷肉飯同埋牛肉麵。台式滷肉同隻蛋做得好入味！送飯一流。以佢嘅份量就啱啱好，好足夠一人份。牛肉麵最緊要就緊係食佢啲配料，蘿蔔啦！做得入味牛肉亦都好冧，湯亦夠濃。會再encore🤩🤩🤩

讚好台灣.呢間位於黃埔嘅台灣菜人氣爆燈，食飯時間經常都滿座甚至要等位，今日專程一試。.滷肉香酥排骨飯便當一黎點左個台灣嘢必嗌嘅滷肉飯，便當set配有半隻滷水蛋，腌菜。滷肉份量很足，舖滿大半碗飯。排骨炸得幾香脆，啖啖肉。.紅燒牛肉麵紅燒牛肉肥瘦均勻，富有肉汁，肉質軟腍。麵質有點像伊麵般，比較軟身，一咬即斷。湯頭係甜甜鹹鹹嘅紅燒汁，好濃郁。.路邊攤小拼盤小拼盤有三樣嘢:台式香腸，鹽酥雞及花枝丸。覺得最出色係台式香腸，口感彈牙好香口！鹽酥雞同花枝丸都唔錯，keep到熱辣辣脆卜卜。.蔥油灼青菜用了蔥+蒜炒香的生菜，惹味非常，食咗咁多炸嘢都要食啲菜中和返，感覺健康啲。.飲品方面-蘋果西打🥤蘋果西打係台灣製造，係蘋果味嘅汽水，好特別，因為香港真係冇飲過呢隻味！.高山冷泡烏龍🍶高山冷泡烏龍茶非常清新，仲有靚唔靚打卡樽裝住， 茶香撲鼻口感清甜！

台灣野黎講，讚好真係算得上香港高水平，比起呀元來了都叫做各擅勝場。前者麵食比較岀色，後者魯肉食更為可口。今次係讚好食下午茶，可以揀三款小食配一款主食，另送一杯普通野飲。如果想飲台式飲料就要加錢啦，唔夠份量嘅話可以加錢加量。今次就叫左鹽酥雞、台式香腸同木魚豆腐作為小食，麵就揀左麻醬拌麵。三款小食都係香口濃味嘅野，所以配返麻醬幸麵淡味少少嘅主食就啱曬啦！今次無叫到台式飲品，叫左凍檸茶。味道普通，奶茶會香d，不過偏甜。總體黎講，下午茶都非常底食，又好食，會一試再試！

推介呢間算係比較好食既台灣小店。佢好似仲有下午茶時段，細份d, 價錢平d!天氣炎熱，我選擇左鹽酥雞乾拌麵，好好味！醬汁好多，麵身幾好咬口，而鹽酥雞剛剛炸好，好嫩好熱好香口。麻醬乾拌麵 比較一般，醬汁係好多，係比較濃既麻醬，不過撈完覺得偏咸。小食：皮蛋豆腐，算好奮份、但味道好一般，豆腐唔算好滑，皮蛋好大片，醬汁唔好味。甘梅脆薯，又係剛炸起既，好香口，甘梅粉提升左個味道，如果比多d 粉會更正！唔錯，不過好飽肚。

平時經過紅磡灣中心，都會見到一間台灣餐廳，今日終於入去試下，佢嘅裝修門面唔錯，好光猛，好Pro咁。餐牌價錢比起其他食台灣野嘅餐廳平。我見到人哋叫嘅飯，份量都非常大，可能兩個女仔食一碟都夠！但今晚都已經九點幾，都係唔好食太飽，我同老公一人叫咗一碗麵，試一試水溫先！蕃茄湯底紅燒牛肉腩麵蕃茄湯唔夠濃，水多咗啲。但牛腩尚算炆得淋！肉燥三寶湯麵個湯冇乜特別，比較淡，好清。 病人好啱食！嗰幾粒丸都係普普通通，好似平時超市買嗰啲急凍丸咁。唯獨是要讚嘅，係佢麵嘅質地， 佢個面好彈牙，煙煙銀銀咁！食落口好有質感！不過我諗。。。幫襯一次就夠！不過不失啦！