讚好台灣

营业中

休息中

今日係睇toystory既大日子 同年回憶 期待已久睇戲前 先醫醫肚 友人話有間台灣野 佢覺得好好食於是佢話帶我去見識下讚好台灣一間圍繞住用木裝修既食店 坐定定後發現仲未過tea time時段 下午茶餐價錢好抵呀👍🏻滷肉飯+鹽酥雞+小黃瓜+小香腸每樣野細細份 滿足下不同願望滷肉飯:肉醬同肉汁味道剛剛好 唔會太咸 腩肉入口都不太油膩小香腸:內裏好juicy 滷肉飯+鹽酥雞+脆薯+青菜脆薯:其實係蕃薯 外脆內軟 表層加上梅子粉又幾夾 食落唔太酸 反而突顯番薯甜味拿 雖然份量細 但都足夠飽肚(女士黎講)凍台式奶茶配台灣滷肉飯是必須的2人下午茶合共$74飽肚 坐得舒服 有足夠空間總括黎講 好食既 而且仲係一個傾計既好地方食飽飽 就係睇戲時間yeah我唔會劇透既😂好好睇 勁爆

滷肉香酥排骨飯現點現炸的炸排骨一上桌香噴噴～外皮炸的金黃酥脆，一咬下去肉汁噴灑出嚟！排骨好大一片，跟小鮮肉老公的手掌更大!實在非常抵食!而且排骨肉口感適中，醃得好入味😘上面的滷肉汁肥瘦適中牛魔王拼盤一上菜嘅時候，眼前出現一盤小山丘！內面有牛筋、金錢腱、牛腩～上面配上酸菜，軟硬適中，非常入味，肉質軟嫩豐盛牛肉韓拌麵哇哇哇！拌麵配菜佈滿晒成個碟！青瓜紅蘿蔔酸菜蔥樣樣齊！牛肉煮得肉軟軟嫩嫩，燉煮得非常入味！台灣烏龍冷泡茶冷泡茶沒有熱茶的苦澀味⋯⋯口感柔和香醇👍🏻

滷肉鹽酥雞飯 $48滷肉飯滷肉味道醬油味香，惟滷肉份量不多。白飯用的米不錯。鹽酥雞粒不會過咸，胡椒鹽份量適中，不會搶了雞的味道，炸粉不會過厚。配菜有四款，分別是滷蛋、生菜、四季豆和菜脯，滷蛋略嫌過熟，其他配菜不過不失。肉燥三寶乾拌麵 $61麵和芝麻醬及肉燥等拌好後味道味道剛好，配合青瓜絲能中和油膩感。麵的口感QQ有嚼口。貢丸、墨魚丸及台式腸感覺地道。整體來說的確是有台式風味。魚酥皮蛋豆腐 $28基本上就是皮蛋、豆腐和木魚碎，再加上豉油、葱花和肉鬆等材料，簡單但味道層次感充足。唯一是皮蛋的味道口感不足，稍為遜色。高山冷泡烏龍 $25 (跟餐$15)附送膠樽感覺高級，烏龍茶味不會太濃，茶味亦長久。熱珍珠奶茶 $20 (跟餐$10)珍珠口感不錯，可惜奶茶味道略淡，平時不加糖的都要加半包去”調味”😅

環境幾文青嗌咗鹽酥雞乾拌麵，加左$6 轉口水麵豐盛牛肉麵凍胚芽奶茶凍百香果綠茶三味拼盤路邊攤拼盤真係要讚讚佢啲鹽酥雞，皮好脆，入味，食左勁多粒鹽酥雞乾拌口水麵，辣辣地，麵條粗身掛汁，加埋青瓜絲同肉碎鹽酥雞份量超級多豐盛牛肉麵真係10分豐盛，有牛筋、金錢牛展、半筋半肉、墨魚丸貢丸、紅蘿蔔白蘿蔔，湯底好深色，濃味胚芽奶茶係幾特別嘅，但係有少少淡～胚芽幾有咬口百香果綠茶好香百香果味，不過似百香果汁多過百香果綠茶，同埋幾甜下～路邊攤拼盤有鹽酥雞，花枝丸同小香腸。三樣都好邪惡好正啊夠熱夠脆三味拼盤有青瓜小香腸同滷豆腐，青瓜係醃過嘅，小香腸好味！勁有台灣味道滷豆腐都唔錯

有個中學師弟約我聚舊，佢話帶我去佢宿舍附近一間台式餐廳試下，於是嚟到呢一度餐廳外面睇有少少日式，不過其實咁都係台式嘅一種，因為台灣比日本管治嘅時期大部份都東西都滲入了少許日本色彩裝修簡潔，光線充足，俾人一種好舒適嘅感覺我與師弟也是牛魔王，所以我哋各自叫咗不同的牛肉麵，再加了一個牛魔王拼盤我路邊攤小拼盤豐盛牛肉麵 - 湯底非常濃郁用新鮮牛大骨燉煮，溫泉有淡淡的中藥材味，感覺很台灣，很正宗，雖然味濃，但全碗飲晒也不頸渴，可見完全沒有落味精而餸方面有金錢牛腱、牛筋、牛腩、花枝丸、貢丸，真的很豐盛紅燒牛肉乾拌麵 - 除了有金錢牛腱牛筋牛腩外，還有大量的小黃瓜絲，配合乾撈一起吃煙韌得嚟又清爽牛魔王拼盤 - 初時見到以為是迷你版牛肉麵，一問店員之下才發現原來是我們叫的牛魔王拼盤，全碗也是牛，滿滿的路邊攤小拼盤 - 有鹽酥雞、小香腸、花枝丸，三人都是台灣出名的路邊攤美食，鹽酥雞香脆，小香腸油香芬芳，花枝丸非常彈牙，每樣也很好吃冰蜂蜜檸檬 - 清爽甜美可口，好refreshing，非常解渴最啱夏天飲用珍珠奶茶 - 味道比街邊手搖店還好茶香奶濃，珍珠不是太甜，配合奶茶飲用剛剛好，而且口感亦很好，每粒都煙

推薦指數：⭐⭐⭐⭐紅磡真係超多美食，行行下見到間裝修好光猛嘅台灣餐廳，吸引左我地入去試，不過坐得比較窄，價錢親民，我地叫左兩款小食同一碗麵share。➖1️⃣魚酥皮蛋豆腐 $28每次食台灣野一定會叫，都幾抵食，質素中上，醬汁同肉鬆真係好夾➖2️⃣五味小茄子 $32茄子唔會太淋，軟硬適中，上菜時係熱嘅係即煮，絕對唔係出面一般凍冰冰就咁夾落碟果啲➖3️⃣鮮番茄豐盛牛肉湯麵 $75先講湯底，唔算好濃郁嘅番茄味，似係鮮番茄比例少，罐番茄比例高，不過麵條嘅質地幾好，有彈牙口感，雖然佢係豐盛，但我又唔覺得好豐盛，一共有5樣配料，但係每樣得一至兩舊，不過都幾大碗夠哂飽肚➖裝修好台風簡潔，一班人黎食飯都唔錯嘅選擇

星期五約了友人睇Spider-Man，又係到老地方寶石戲院睇戲，散場後約9點多，時間尚早，順便食埋晚飯，呢頭都幾多食肆，唔怕冇野食，經過見到呢間台式店子，主打紅燒牛肉麵、滷肉飯及鹽酥雞等，都幾吸引，即想試下，9點多仍是好多人幫襯，幸好剛有2人位。 裝潢是簡約設計，白色牆身及木系枱椅，感覺柔和，店子面積中等，善用空間擺滿座位，密度較高，坐得有點擠迫。 餐牌，牛肉麵及滷肉飯之間掙扎左好耐，都係要牛肉麵。 自己劃。 珍珠奶茶(凍)，跟餐+$10，奶茶唔算好甜，茶味同奶味平衡，珍珠煙韌，味道不俗。 紅燒牛肉麵，$59。 牛肉份量適中，麵就比較偏少，不過呢個份量好啱女仔食，湯底味道濃郁甘甜，麵條彈牙，紅燒牛肉，有部份牛肉帶有筋位，口感鬆化柔嫩，幾好味呀。食物味道幾好，價格合理，有下次呀。

這天路過紅磡，發現因社區重建嘅關係，食肆少咗好多，走到近黃埔位置，發現呢間人氣比較旺，應該可以一試。菜配麻醬係新嘅嘗試乾拌麵麵質不俗有咬口，但略嫌太鹹，另外如果是涼拌感覺會比較好，鹽酥雞就不過不失；另外紅燒牛筋腩炆得好入味同夠淋，湯底亦好足料。飲品方面，奶茶嘅茶味就唔太出，至於珍珠係可以的。

住係素有美食集中地美譽既紅磡，有一張紅磡美食list是常識吧☝🏻有間台灣餐廳，我由佢殘舊裝修兼細舖，食到宜家裝修到文青Style 加大兩倍，成日都會諗起佢既牛肉麵。到現時為止，讚好都依然keep 到高水準👍🏾必叫紅燒牛肉麵$59睇見已令人流口水既深褐色藥材湯頭，配上四塊半肉半筋既牛肉，再加少少蔥花同酸菜點綴，就係我成日掛住既紅燒牛肉麵😋😋呢到既湯頭濃郁，帶有藥材味，飲完唔會口渴，加少少辣醬更惹味🤤牛肉係我食過最軟腍又富牛味，因為佢筋肉相連，咬兩下就化開😍麵有勁到，非常彈牙，微曲所以好掛湯，無論係湯麵定係拌麵，佢既麵都係咁match🍜🍜鹽酥雞口水乾拌麵$60先講鹽酥雞，佢既調味鹹到剛好，就咁當小食食都OK,肉雖然係雞胸肉，但絕唔會又乾又柴。佢大細岩岩好一啖一粒，唔會令人感到heavy👍🏾乾拌麵用料雖然簡單，但出黎既味道非常惹味。口水汁味道係四川style麻麻辣辣，再加上麻醬製成既汁好香，為左中和麻醬既膩，仲加入大量青瓜絲，再有少許肉碎，三者拌勻味道好豐富，濃郁得黎又不失清新，極推介😉木魚炸豆腐$33令人驚喜既豆腐，味道有啲似食緊唔臭既臭豆腐。外層炸過，灑上木魚同淋上微酸既醬，醬令炸皮變軟

去黃埔食台灣野！價錢唔貴 d拼盤算ok 其他我覺得麻麻.路邊攤拼盤（圖四）主要係炸野有四片台灣腸 兩粒炸花枝丸 少量鹽酥雞外皮係夠脆既 雞肉比較乾身鹽酥雞（圖五）係同拼盤裡面既一樣比較乾身 味道唔錯滷味拼盤（圖四）面頭有少少雪菜一顆切半既滷蛋 一舊滷豆腐 一d 大腸唔係好入味.紅燒牛筋腩麵（圖三）唔錯轉蕃茄湯要加$8 係好味既無假蕃茄味 同埋都幾濃下有新鮮蕃茄塊 都幾多牛筋 煮得軟腍關廟麵煮得軟硬剛好肉燥三寶乾拌麵（圖一）真係唔係好掂明明湯麵味道ok唔知點解同一款麵無湯陣味可以咁怪肉燥唔多 無咩味三寶係貢丸花枝丸同台灣腸丸就食得出係超市買既四海牌滷肉香酥排骨飯（圖二）排骨既皮係脆既 唔厚粉不過就無咩味 比較乾 同肉好少滷肉有兩三小粒咁啦 陣味唔正宗旁邊有少許配菜 半顆滷蛋 一個琵琶豆腐.野飲（圖六）係叫左野食之後加$10 就有既都幾抵 味道不過不失百香果綠茶係好酸既 無咩茶味古早味冬瓜茶 正常味道

屋企附近既呢間台灣野長期排曬長龍，呢日兩點幾三點黎到都爆爆地😯佢既下午茶其實幾抵食，包小碗既飯或麵加三個小食同野飲都只係$33，但係👨🏻同我肚餓驚小碗唔夠食既關係，我地呢次都叫左普通餐牌上面既大碗麵🤪▪️ 豐盛牛肉麵 + 鮮蕃茄湯（7/10）💲75呢個豐盛牛肉麵有金錢牛腱、牛腩、牛筋、花枝丸、貢丸☺️金錢牛腱同牛腩都尚算軟腍，牛味唔錯🤔牛筋唔係好滑腍嗰種，而係帶有少少咬口既，係另一番既風味，感覺有住豐富既骨膠原🐮花枝丸同貢丸大粒彈牙，不過白蘿蔔就略為多渣🥕至於麵條係煙煙韌韌，浸耐左都唔會過腍👌🏻蕃茄湯底亦有幾舊新鮮蕃茄係入面，飲落有酸酸地既蕃茄味幾開胃😍▪️ 牛筋腩麵 + 紅燒牛肉湯（6.5/10）💲59牛筋腩同上，分別係在於👨🏻揀個湯底，紅燒牛肉湯比起鮮蕃茄湯遜色，飲落係較為鹹既豉油湯，如果紅燒既辣味同牛肉味濃返啲會更好🤤▪️ 醬油滷大腸（7/10）💲28大腸面頭有蔥花同埋榨菜，醬油亦都滷得入味，係底下既間唔中會有少少鹹🤭▪️ 逢甲鹽酥雞（7/10）💲33 (大)鹽酥雞有大小之分，我地既大份有大約十幾舊🐥炸到熱辣辣咁上檯，都唔會話好油膩，食落椒鹽味足夠，唯獨係雞肉可以更為嫩滑🙃▪️ （左）蜂蜜柚

同朋友係附近跳完舞搵餐廳食dinner, 見到有間台灣野但係又未試過所以就黎試吓。佢係兩個鋪位黎，但無打通的，員工應該要兩邊走😛餐廳入面係咁嘅，呢度係其中一邊。Menu上都有附上圖片。朋友叫左烏龍茶，但成個茶包留係個樽入面🥴香酥排骨飯 $48, 魯肉同飯嘅比例就唔係好平均，飯比較多。排骨同皮一夾起係完全分開😂不過肉質都okay。 紅燒牛肉麵（番茄湯+$6）$65 呢個麵食落去嘅時候，其實都唔係好食到番茄湯嘅味道。牛肉帶點筋，唔算好林，但又未去到咬唔開。普普通通。路邊攤拼盤$42，分別有台灣腸，花枝丸，鹽酥雞。台灣腸同花枝丸嘅份量真係少得有啲嬲。我地有三個人，花枝丸仲要一開二先夠分😅台灣腸仲要得四片，不過佢係烤過既，好食。鹽酥雞就太多油，最後我係去晒啲皮先食。茄子係後加（唔記得幾錢），除咗太多油呢個問題之外其餘都好好食，味道酸酸地好開胃，加埋柴魚同埋蔥味道好夾。飯同小食類都OK，不過麵就麻麻哋。

成半年無去過旅行啦！好掛住之前去台北d美食。。今日特登去紅磡回味下，讚好台灣！價錢ok, 唔會太貴，選擇都頗多，全部都係台灣最經典既食物🤩鮮蕃茄湯牛肉麵🍅蕃茄湯底極濃，濃而不膩，一路食麵一路飲左好多啖湯。牛肉既份量都幾多，好新鮮嫩滑。最經典既牛肉麵，食得出牛肉經過細火慢燉，肉汁豐富，軟嫩適中😸食完熱辣辣既麵，要黎d涼菜中和一下，滷水豆腐，好入味😍五味小茄子，酸酸甜甜既醬，配搭得宜，味道突出，推介呢道小食🤩👍飲品就系茉莉綠茶同冷泡烏龍，綠茶相對教好飲😋，烏龍味道偏淡🥺

第二次黎，試下另一特色👍乾拌麵，有7款俾你揀。叫左個口水牛肉燥排骨乾拌麵，佢係即叫即整，所以炸排骨要等得比較耐。口水乾拌麵有少許麻辣味同麻醬味，加埋小小帶咸既肉燥，幾重口味混埋一齊，好味道加錢就有杯野飲，今次都係encore熱香芋奶茶，芋頭味頗濃

泥到紅礣唔知有咩食好，叫到呢間爆哂場既台灣餐廳，就即刻跑去排隊試下啦。就係見門面都覺得佢好靚啦。入到去先發覺原來入面即員工大部份都台灣人，唔怪得知咁多人排隊啦。餐牌上面既食物我全部都想食，(鬼叫個個坐係附近既人都食得咁滋味咩)但最後都揀左個豐盛牛乾拌麵同紅燒牛肉麵。口癢就叫多個魚酥皮蛋豆腐同麻醬青菜。首先真係要講下個牛肉麵，唔好以為佢只係幾十蚊，唔會好大份。上菜既時候，真係飲忍唔住話左一聲。無論係紅燒牛肉麵定係豐盛牛乾拌，份量都係十分之多。唔單只係面多，牛肉都好多。紅燒牛肉麵既牛肉超級多，每舊都啖啖肉，而且炆得好琳，加埋超級彈牙嘅麵條，真係同佢台灣食嗰啲冇分別，甚至乎仲好食啲添。豐盛牛乾拌麵就更加唔使講，無論係配料同埋面都重量十足。建議如果細食嘅朋友就可以叫呢個面泥share。牛展同埋牛腩同紅色牛肉麵嘅牛肉一樣都係咁咁啖啖肉，唔會太肥。而拌麵同埋湯麵嘅分別，就係我覺得拌麵更加令到麵既質感更突出。至於皮蛋豆腐同埋麻醬青菜，同其他菜一樣份量都是好足。皮蛋豆腐上面係豆腐上面嘅配料更加係比其他餐廳足料好多。食落皮蛋嘅香味同埋魚酥加埋滑滑嘅豆腐真係食都唔夠。而青菜加麻醬就令到本身淡淡既青菜十分滋