讚好台灣

营业中

休息中

見讚好台灣開咗咁耐，午晚市都要排隊，今日放工八點半多啲經過見終於唔使排，就入去試下😝 餐牌設計得好靚，好似睇緊旅遊雜誌咁！我同同事一人嗌咗個麵同小食，我食牛乾拌麵，嗌咗口水，即小辣，上碟好快，十分正😍呢個拌麵材料真係勁豐富，有牛肉、牛筋、牛𦟌、青瓜絲、蔥、濃郁嘅麻醬、小辣真係食到我流晒口水！同事叫蕃茄牛肉麵，原塊蕃茄真材實料😍牛肉量都好足小食嗌咗皮蛋豆腐同鹽酥雞，兩樣都係中上水平！食台灣嘢梗係要食佢地啦😆我嗌咗珍珠奶茶，同事嗌咗冷泡烏龍，珍珠奶茶啲珍珠唔係黑色，係淺啡色的，食落都相當彈牙😋同事話佢個烏龍真係好濃茶香，好飲！