讚好台灣

今日同大家介紹一間喺紅磡幾出名嘅台灣小店「讚好台灣」，試咗佢哋碗招牌紅燒牛肉麵，真心要同大家分享下！一上枱，個碗大到呢！湯色深褐帶光澤，面頭鋪滿咗啲靚仔蔥花同香菜，仲有啲酸菜做點綴，睇落已經好對板。飲第一啖湯，嘩！濃郁得嚟唔會死鹹，飲到淡淡藥材同香料嘅甘醇，仲有啲微微辣味吊味，飲完成個身暖笠笠，好舒服！重點嚟啦！啲牛腩肉份量多到嚇親人，每件都切到厚身大件。炆到超級腍滑，一咬就化開，仲要好入味，連啲筋位都處理得好好，食落啖啖肉香，滿足到爆炸！以呢個價錢嚟講，絕對係「抵食夾大件」嘅代表！湯濃、肉多、麵質正，食完成個大滿足。如果你喺紅磡想食碗高質紅燒牛肉麵，呢度真係無得輸！…查看更多

今日同同事放工喺紅磡搵食，誤打誤撞試咗呢間讚好台灣，點知一試難忘！以後唔使飛台灣都食到正宗台味啦～鹽酥雞真係必點之選！一上枱就聞到超香嘅九層塔同蒜味，炸粉薄脆唔油膩，咬落去「咔嚓」聲，入面雞肉仲保持到肉汁，嫩滑得嚟唔乾柴。最正係佢哋嘅調味，鹹香中帶少少胡椒辣，送啤酒真係一流！同台灣夜市食到嘅幾乎一樣，絕對係香港數一數二嘅鹽酥雞！麻醬乾麵同樣有驚喜！麵條用咗粗身關廟麵，咬落煙韌有口感。個麻醬香濃到不得了，仲加入咗少少醋同蒜泥，撈勻之後每條麵都掛滿醬汁，食落香滑又唔會膩。面頭仲有青瓜絲同蘿蔔絲，增加咗清爽感，成個配搭剛剛好！兩個人食埋滷味小食同珍珠奶茶，埋單都係百零蚊，抵食到震！以後想食台灣野唔使諗，直接過嚟讚好台灣就搞掂～…查看更多

豐盛牛乾拌麵($79): 有牛肉，牛筋，仲有丸，自己覺得呢一度嘅牛都做得幾出色，入味之餘亦都好容易咬開。紅燒牛肉麵($65): 自己通常第一次試台灣嘢都會食呢一個，睇吓佢夠唔夠正宗，自己鍾意佢紅燒牛肉好淋身，而且份量都好多，牛肉麵掛湯嘅程度幾好，湯亦都夠清甜。魚酥皮蛋豆腐($36): 呢個係近排鍾意嘅台灣美食，豆腐好滑，而且成件事感覺就係好夾，皮蛋亦都好香甜。路邊攤拼盤($46): 炸花枝丸，鹽酥雞同埋香腸。花枝丸炸得皮薄，而且真係食到每一粒花枝，唔係出邊嘅麵粉丸！正👍🏻冰檸檬紅茶(+$8): 正正常常，但係勝在茶味夠香濃。有機低糖豆漿(+$16): 本身都冇諗過叫呢個，但係勝在見到佢台灣製造，所以想試吓，真係比平時嘅豆漿更加濃郁同埋更加多豆味，如果無糖嘅話就更加好啦。總結: 近排香港都幾多台灣嘢，但係呢間性價比亦好高，食材有質素，而且位置其實都幾方便，食完可以去黃埔行一陣。…查看更多

今日同朋友行開紅磡，試咗呢間讚好台灣，真係要大大聲同佢個蔥燒豬軟骨飯講個讚字！一上枱已經聞到超香嘅蔥燒味，個賣相真係無得頂！豬軟骨足足有四大件，每件都厚身得嚟炆到超～級～淋～甜～用筷子輕輕一夾就散開，入口即化嘅口感真係冇得彈！個醬汁調得啱啱好，鹹鹹甜甜帶啲蔥香，撈飯真係一流！最正係連啲骨都煮到軟淋淋，可以成舊食埋，滿滿骨膠原感覺啊～底個飯吸收晒啲醬汁，仲跟咗隻滷蛋同醃菜，完全係台灣風味！行過紅磡真係要試下，保證你食完都會想同佢「讚好」啊～…查看更多

放工想食台灣菜，價錢親民，選擇多，份量啱啱好滷肉鹽酥雞飯 $55飯面上有滷肉同鹽酥雞，一次過滿足兩個願望。滷肉鹹香夠味，肉汁撈飯一流豐盛牛肉麵 $74牛肉麵湯底香濃，牛肉厚切夠腍，入口即溶，麵條煙韌唔會腍晒，湯底飲落有台灣香料味，幾有誠意。滷味拼盤 $46拼盤有豆腐、蛋、滷水腸等，全部都滷得入味，鹹香啱啱好，送麵送飯都正。有機低糖豆漿（餐）$16豆味香濃，唔會太甜蜂蜜綠茶（餐）$12綠茶清香，解渴又清新。埋單$203，兩個人食到好飽，性價比高，小店簡約乾淨，出餐快，職員有笑容，感覺舒服。…查看更多

同朋友喺紅磡搵食，竟然俾我哋發現呢間寶藏小店讚好台灣！一入去已經聞到好香台灣滷水味，二話不說即刻試咗兩款招牌菜～第一時間梗係要試佢哋嘅豐盛牛肉麵啦！一上枱真係嚇親，碗大到呢～湯底係用牛骨同中藥每日熬製，飲落好濃郁但唔會死鹹，仲有淡淡藥材回甘！牛肉更加係重點，大大舊牛腱心煮到超軟淋，一咬就化開，仲要俾足五六舊咁多！麵條揀咗粗麵，掛湯能力一流，吸盡精華湯汁，正到痺！另一驚喜係鹽酥雞！即叫即炸熱辣辣，外皮金黃酥脆，咬落卡滋卡滋咁，入面雞肉仲keep到肉汁，嫩滑得嚟唔會乾爭爭～最貼心係跟咗台式泡菜，酸酸甜甜可以解膩，呢個配搭真係無得頂！食物水準絕對拍得住台灣當地味道！老闆仲好nice同我哋吹水，話佢哋嘅香料都係台灣直送，難怪咁正宗啦～以後想食台灣野唔使飛過去，嚟紅磡呢間就得啦！…查看更多

最近去咗紅磡的讚好台灣食飯，整體感覺算幾滿意。我嗌咗紅燒牛肉乾拌麵同熱情百香綠茶。紅燒牛肉乾拌麵雖然唔係話好驚喜，但味道都穩陣，牛肉軟腍，唔會嚡口，醬汁都夠惹味。麵條帶少少彈性，拌開之後每口都有醬香，整體味道幾和諧。熱情百香綠茶就比較清爽，我叫咗少甜酸，甜度剛剛好，飲落去好易入口，食完麵再飲一啖感覺幾舒服。上菜速度都快，店員態度自然友善，整個用餐過程都順順利利。店內環境乾淨又舒服，價錢唔算貴，以附近區份嚟講性價比都算高。整體係一間會考慮再去嘅店。…查看更多

尋日同朋友喺紅磡行街，嘴饞想食台灣嘢價錢亦都合理，想喺紅磡食台灣菜，呢間絕對係首選！香酥排骨乾拌麵  -排骨炸得外脆內嫩，咬落冇油膩感灑咗少少椒鹽粉更惹味！麵條勁掛醬鹹香得嚟帶少少蒜香！肉燥綜合牛肉湯麵  -肉燥鹹香鬆化，淋喺麵上超惹味牛筋燜到入口即化，大腸洗得好乾淨軟糯又有嚼勁仲有滷蛋同軟骨，湯底夠清甜，飲得出用牛骨熬過冰珍珠奶茶  -珍珠煙韌有咬勁，奶茶茶味夠濃，甜度啱啱好香芋奶茶  -奶味同芋香好夾路邊攤拼盤  -鹽酥雞外皮脆卜卜，肉質juicy，冇多餘粉感台灣小香腸爆汁得嚟帶少少甜花枝丸彈牙十足，咬落有花枝粒…查看更多

走進紅磡的「讚好台灣食野」，第一感覺是親切。木質桌椅與吊燈暖光組合出濃濃台灣街頭氣息。背景播放輕鬆的歌，讓人一下子放鬆下來。店內環境整潔舒適，桌距合宜，不擁擠；上菜速度快，服務人員態度隨和有禮，整體體驗流暢而舒服。當晚點了豐盛牛肉湯麵、番茄鹽酥雞湯麵、魚酥皮蛋豆腐與夜市小香腸。菜色上桌時香氣撲鼻，令人食指大動。豐盛牛肉湯麵可說是靈魂之作，湯底濃郁帶骨香與微微椒香，喝一口便是暖意。牛肉厚切且滷得入味，牛筋軟滑細膩，輕咬即化，湯與肉的平衡恰到好處。麵條吸滿湯汁，彈牙不糊，是一碗能令人靜靜品味的誠意之作。番茄鹽酥雞湯麵則以番茄湯頭為主，加入現炸鹽酥雞，外酥內嫩，風味層次分明。小食方面，魚酥皮蛋豆腐香脆滑順，鹹香恰當；夜市小香腸油潤多汁，甜中帶咸，十分惹味，正中台式街頭風情。整體而言，「讚好台灣食野」不只是懷舊味的延伸，更是一碗熱湯裡的真功夫，讓人一夜回味，也讓紅磡多了一處能尋味台灣的安心角落。…查看更多

星期日朋友新居入伙, 我哋下午去左佢屋企玩。夜晚係紅磡搵左間餐廳食飯。餐廳裝修簡約，主打台灣菜，我哋叫左幾款食物，豐盛牛肉麵，入面有牛筋、牛腩、墨丸和貢丸等配料。湯底濃郁，牛筋、牛腩都炆得軟淋入味，麵條煙韌，非常掛湯。夜香小香腸乾拌麵，香腸烤得外皮香脆，咬落去好多汁，配合蒜片一齊食，十分惹味。另外我哋叫左款小食，鹽酥雞炸得酥脆, 雞肉嫩滑多汁。最後叫左蜂蜜綠茶，蜜蜂滋潤，味道剛好唔會過甜，也可以解膩。…查看更多

出開去黃埔幫個朋友手整嘢 搞掂諗住食埋個飯先走見到呢間台灣嘢靚靚哋又坐得幾舒服就入咗去食紅燒牛肉麵牛筋牛腩都炆到好腍麵底夠咬口，配埋濃厚嘅湯底 正湯底本身唔辣 所以問店員攞咗辣油自己加料加咗辣之後更有層次 食到清碗朋友鍾意食撈麵嗌咗個豐盛牛肉肉乾拌麵 口水汁佢話個口水汁好出色 又夠辣又夠麻 勁掛汁牛肉牛筋份量都好夠 性價比十足個麵嘅份量都大 食完好夠飽🥒涼拌青瓜 清爽好味 咁啱因為豆腐賣晒所以可以多青瓜 仲好😆🌭台灣小香腸 甜甜地 唔油 少食多滋味 🐟 魚酥皮蛋豆腐食完一個濃味嘅麵食返個凍豆腐冷盤都幾清新大大件份量十足，滿意整體嚟講嚟講都幾好 唔太貴 嘢食質素高舖頭闊落坐得舒服如果經開黃埔想食台灣嘢都一定會再返嚟幫襯…查看更多

今日嚟到黃埔一間台灣小店呢度食嘢，讚好台灣，主打台中味道，今日叫咗佢一個牛肉麵同埋乾拌麵嚟試吓豐盛蕃茄湯牛肉新竹米粉🍅🥩 材料有牛筋，牛腱 牛腩，同埋貢丸花枝丸湯底濃郁酸甜，牛肉軟嫩入味，新竹米粉細滑爽口，湯粉比例剛好，好滋味又暖胃。豐盛牛肉乾拌麵🥢 牛肉乾香濃帶微辣，麵條彈牙，拌上特製醬料，今次揀咗口水風味，所以麻醬同埋辣油嘅比例啱啱好，香氣十足又開胃涼拌皮蛋豆腐🥚🍲 皮蛋滑嫩帶鹹香，豆腐細膩清爽，酸辣醬汁提味，爽口解膩，係健康小菜首選。肉燥生菜🥬 肉燥香濃鹹甜，淋在清爽生菜上，味道層次豐富又有口感對比，好開胃！…查看更多

喺黃埔同朋友食飯，朋友想食牛肉麪，所以就叫咗就揀這一間餐廳大間，座位好多👍感覺有一貫台式餐廳嘅感覺，有張紙可以自己寫食乜蕃茄湯豐盛牛肉米粉見到有蕃茄湯就揀咗這一個，覺得米粉比面更加吸湯，所以就揀咗米粉豐盛牛肉呢個選擇裏面配料有好多牛腱,牛腩,牛筋,花枝丸,貢丸牛腩成條系半筋半肉，食落夠淋，肉味都好濃郁蕃茄湯底非常濃郁，而且有很多件蕃茄，覺得好健康牛肉湯肉燥鹽酥雞湯麵鹽酥雞香脆又唔油膩，配上牛肉湯，湯底濃郁帶甜味，好有層次感。青菜配麻醬青菜爽口新鮮，而麻醬醬料調得香濃但唔過膩，係配菜嘅好夥伴路邊攤拼盤有三款小食鹽酥雞，炸花枝丸，台灣腸香口惹味高山冷泡烏龍茶，濃濃的桂花香味冰香濃朱古力，不會太甜，朱古力味濃郁…查看更多

今日黎到黃埔，見到呢間台灣餐廳都幾多人食，Menu又唔太貴，同埋好多款菜式👍🏻口水豐盛牛拌麵 $84好辣！食辣達人真係要挑戰吓，超辣 lol 好多料✌🏻 呢碗係牛魔王，咩部位都有，好豐富！拌麵醬都好好食🤤番茄紅燒牛肉麵 $72牛肉靚！易入口唔老唔會韌🥳 番茄湯濃，好Fresh～三味拼盤 $45有青瓜🥒、豆腐，香腸，好食😋 台式小香腸食到我地停唔到口，可以不斷食🤭🤪🤤凍百香果綠茶 $12凍蜂蜜柚子茶 $12好飲！甜度恰到好處👍🏻 好清爽好Fresh✌🏻唔錯，下次經過再食！…查看更多

一開始就試咗「口水香辣豐盛牛肉乾拌麵」，呢碗麵真係好吸引！牛腱、牛腩同牛筋都煮得非常入味，特別係牛腩，夠軟滑，咬落去好有口感。再加上花枝丸同貢丸，味道層次非常豐富，麻辣味岩岩好，（鍾意食辣嘅朋友一定要試😋😋😋）接住就試咗「紅燒牛肉麵」🐂🥡classical one！ 湯底濃郁，牛肉煮得剛好，唔會過於軟爛。麵條吸咗湯汁，咬落去好有彈性，真係一碗暖心嘅好麵。💫「魚酥皮蛋豆腐」，呢道菜真係驚喜！魚酥皮好脆，搭配滑滑嘅豆腐，味道非常搭。豆腐吸收咗魚酥皮嘅香味，每一口都令人陶醉，適合當小食或者前菜。🥤飲品方面，「高山冷泡烏龍」，茶香濃郁，清新又唔會太膩，係一個完美嘅搭配。「古早味冬瓜茶」，呢款飲品帶有一種懷舊嘅味道，甜偏😳🍯（甜度自己同店員講）今次嘅台式美食之旅都係好滿意！每一道菜都有其獨特嘅台式風味！…查看更多