譚仔三哥米線 (大同新村)

营业中

休息中

譚仔三哥間唔中就會去食，今日去開大角咀做嘢，想快靚正所以就走左去三哥食碗米線，一坐低都唔使諗，就叫咗碗雞肉清湯米線走腐皮。阿姐嘅態度非常好，係食過咁多間最熱情嘅一間。大約5分鐘左右，米線就到。雖然我係叫清湯，但係湯底浮現左好多雜質，好似我平時煲湯嘅浮起來的野，可能去煲湯底嘅時候冇撈起去，咸度適中，味精不算多，唔會好頸渴。雞肉比想像中滑身，份量都適中，反而芽菜就麻麻哋，可能煮得太快嘅關係偏生同硬身。米線都係硬左少少。

今天午餐食譚仔三哥。聽說三哥是正牌，沒三哥不是最正宗的。點了雞肉米線，胡辣湯底，$29，不平不貴，算是中價位吧！雞肉煮得有點老，不夠滑，像砂紙。不過至少不用擔心雞肉不夠熟。

今早落外賣自取，她說要等10多分鐘，點知去到已坐30分鐘都未有，最離譜2號外賣都已攞左，她們只說吾好意思，我就等左1小時才有得食，果個收錢亞姐幫手落單，我次次去佢都落錯

本人不嬲都好鍾意食譚仔，是日晚飯過後見有Ｄ肚餓，打算食豌譚仔填肚，點知令人好失望。　可能接近關鋪時間，碗米線可以用ＨＥＡ黎形容，本人叫左３小辣,但湯底好淡，唔係以前食開既３小辣。好鍾意食譚仔既部份原因係每碗米線都附有芽菜，"九"菜,腐皮等配菜,夾埋米線一齊好好食,點知碗面一條芽菜"9"菜都無,又話每碗附送小量, 唔通因為物價貴左而cut 埋? 最後, 亦係最難接受既係米線係硬,唔夠熟. 食左幾啖就無食, 黎間譚仔之前都唔係,何以水準大失?

星期日我多數唔食早餐, 起身之後黎返個BRUNCH 就好了~今次就食三哥啦, 係屋企樓下~又方便又抵食叫左個雞肉炸醬清湯一個墨丸清湯，仲有一個尖椒皮蛋, 2個人食就岩岩好啦雞肉好滑, 芽菜等既配菜分量好夠, 湯頭好濃炸醬好惹味, 拌麵食一流墨丸好好食彈牙, 爽口尖椒皮蛋真係唔可以錯過, 好香口又惹味, 一食落口就有好多口水流出黎~~

當年, 已經係多於五年, 譚仔米線的確不可多得, 抵食得o黎味道稱職 大角咀呢一間, 應該係同事們多年來的鍾意。寫到咁, 大家都估到, 佢已經不復當年勇, 仲要分甚麼三哥的, 又係分家嗎？ 依然客似雲來, 只因為價錢尚算大眾化, 質素仍是合理的 今日食o既係自己o係譚仔o既例牌：豬腩肉 + 炸醬米線, o野飲以前只係加一蚊但家陣就覺無乜必要 豬腩肉對一o的人o黎講有o的肥吧, 但其實薄薄一片又無咩o野, 兼爽口 炸醬是另外一碗上的, 不辣, 帶少少酸, 冷冷的, 其實會好夾o的熱湯米線 米線, 是彈牙的呢。其他配菜也不差, 一大碗, 熱熱的 是水準平均之作

我最鐘意就係食雞翼, 今日行過譚仔, 突然雞翼引發作, 於是就入去大食一餐!!! 一個人食左六隻土匪雞翼, 加一碗米線, 好似有d嚇親隔離!!! 但個雞翼真係整得好食, 外皮脆卜卜, 又入味, 加埋面頭d芝麻, 好香口!!! 真係食不停口!!! 至於碗米線, 都係一貫o既水準啦, 大大碗, 個湯底都唔錯! 屋企附近有譚仔, 我諗我實增磅!!!!

早知道譚仔是吃雲南米線的名牌，分店處處，自從譚仔分家之後，正牌的譚仔更加了（三哥）二字，不過因為自己一向不大喜吃米線，也不吃得辣，麻辣的菜式絕對不用預我，所以極少幫襯。這夜因為想不到吃什麼，竟然忽然想去吃米線，所以便來到這家譚仔（三哥）的大角咀分店來。這夜幫襯，簡簡單單，只是叫了一碗清湯米線和一碗酸辣米線，再加一碟蒜泥白肉，一罐可樂，作為兩人的晚餐。兩碗米線中，清湯底我覺得味道偏鹹了點，酸辣湯底就酸味重，辣味少。可能有些人會不喜歡這種酸辣度，不過對吃不得辣的我來說，這種程度的辣便已剛剛好了。米線方面，我覺得質素確是不錯，不會過於滑溜，既難夾，亦難吃，是我喜歡的質感。餸料方面，兩碗米線叫了貢丸、腩肉、豬膶、酸菜等，質素中規中矩，算是不過不失啦！蒜泥白肉看上去好像頗辣，幸好實質上不是，哪些像是辣油的東西只是嚇唬人而已，反倒是白肉面頭上的蒜蓉，下得甚是慷慨，使蘸上大量蒜蓉來吃的薄切肉片滿載著蒜蓉的味道。埋單結帳，只是八十多元，已包括兩大碗份量十足，餸料多多，味道不差的米線，一碟蒜味十足的蒜泥白肉，還有一罐冰凍的汽水，都算幾抵食呢！

叫左個酸辣薯粉配炸醬+金菇金菇得兩"住"炸醬佢另外用碗仔上 半碗仔酸辣 (另加$3) 薯粉 (另加$2)一d都唔辣新出薯粉一d都唔掂 太硬淨 (唔係煙韌) 好似未煮好咁(川味美食 http://www.openrice.com/restaurant/sr2.htm?shopid=30737 果d好食好多!)最慘係個湯底一d都唔辣 唔知個廚房阿姐係唔係掛住傾計無同我加辣 叫多杯凍檸茶 加$5

今日我擇黃昏時刻到訪.因為現在比較少食咗,所以一心期待...點知道給予我的是不開心的經歷. 一入鋪內,就已經好嘈,不過只得幾枱客,我發現原來是全部員工姐姐們在近廚房門口的一張枱開派對..大家講冬瓜,講幾$買,您一咀佢一咀.連廚房的都通通一齊.只有一位阿姐在睇報紙.一頁一頁慢慢睇..我住低咗都無人問食咩,要我同佢地講唔該,佢地先發現自己在銷頭咁,就有一位阿姐問食咩,好啦,點知.佢地無一個廚房員工入內煮.我火都黎,好想影低佢地比大家睇.不過又唔知道可唔可以出佢地個樣,足足有3分鐘,到我想大聲講:請問您們做唔做生意.不過一未問就有一個員工入咗廚房.不過又比我見到佢只不過整其他野.我又火咗,我決定一定上黎反應..之後我見到不斷有客人入內.共有7個人.4枱客,佢地都係不停講,又要人地出聲叫:唔該,先行去問...總之好似我左住佢地開派對,或者譚仔轉咗做私房菜..p>s我唔知道可唔可以影佢地咁過份嘅態度對待客戶,因為真係多次見到佢地好鐘意圍住一齊大聱講野,..如果有人知道我影佢地,再放上黎得唔得.請點覆.謝謝

我之前食開譚仔都系系mk果邊食.不過我比較懶,再加上公司近大角咀因此黎左呢間食,點知,2個字:失望!!!鋪頭環境差勁,感覺好吾衛生d阿姐只系自己掛住自己系到吹水叫左幾次都吾應人,呢d系服務態度?都吾緊要,叫左雞肉米線.加左價不過都吾緊要,出餐慢,30分鍾先出-_-都冇咩問題既,反正吾系趕時間但系1食到落口,真系難食左好多囉呢個系重點問題.d米線完全吾彈牙,雞肉又"鞋"-___-'真系下次都吾會黎呢間,寧願去mk算了!

呢間譚仔都食過一次既，只不過俾我既感覺係比較迫。可能間舖係比舊既緣故啦，而且係放飯時間，令間野迫上加迫。坐得好唔舒服。雞肉、牛肉特辣米線我好大意，我唔得叫佢地要全走。但配料都唔算差既，可以接受。而既份量都無因為成本上升而減少，雖然譚仔都加左幾次價，好彩份量無縮水。講番個特辣米線真係好正，食左咁多次都無失手。個湯底夠辣，食到我個口痹哂，我最鍾意都係呢種感覺。凍奶茶好多間都好飲，小冰果然係好。但杯野無南京街大杯。話說南京街打後開既譚仔，凍飲全部用大既餐飲杯，而熱飲就全部用新既膠杯。野食就唔錯，但環境真係好迫。下次都係早小小食，人又無咁多，食又食得休閒。

本來想來這邊食西餐，可惜無訂位無得食，唯有去斜對面的譚仔~o黎到一定要食麻辣米線，淨係要小辣都有分幾級選擇，選了四小辣(經已係尾二小辣)，對食得辣的我來講，四小辣都只是剛剛好~...所以大家如要辣落單時要想清楚了~ ~上次朋友帶我食譚仔話呢度的土匪雞翼出名，叫了一個大的(HKD23)，用特別香料醃，正呀~ ~雖然無得食西餐都食得開心~ ~

這是另類的食評，但希望可以讓老闆好好反醒！一向都是譚仔的超級粉絲，一星期最少食二次至三次，因為價錢公道、味道好、而且食物質數有保証。可是一到牛年譚仔又再加價，上一年已經加了兩次，怎知一開年又再加完又加，它的理由是"由於食品價格並沒有回落，而成本又增加"。社會不是經濟差嗎？為什麼商人總是要在小市民身上百上加斤呢？最無奈是價格加了以後，份量比以前更少，以為換了一個碗就不以為以！可悲!四川地震時，老闆三哥在各門市都貼出告示，客人捐多少，譚仔就捐多少，當時真的覺得這個老闆真不錯，可是倒頭來還不是像一般的商人一樣！

之前都食過好幾間雲南米線,但始終覺得都係"譚仔"啲麻辣"正"啲!同埋佢地Ｄ土匪雞翼真係枱枱客人都order架!而我地今日就叫咗1:少辣嘅雞肉米線2:清湯乍醬牛丸米線3:三隻土匪雞翼4:１杯凍奶茶&１杯凍咖啡,埋單盛惠$68