譚仔三哥米線 (大同新村)

营业中

休息中

琴晚陪朋友仔食飯佢病病所以要食得清d本來想去魚米家但因為懶唔想行咁遠又黎左食譚仔因為上次食過酸辣湯底麻麻我地只係簡簡單單要左牛丸清湯米線($17)同生菜酸菜牛肉清湯米線($23)再另加3蚊要凍檸茶清湯真係好清甜平時唔飲湯既我都飲左幾啖生菜新鮮爽口但得三大片份量略嫌少左d酸菜係我之前食景霖鍾意o個種好爽口又唔太酸好好味牛肉一般但勝在唔會俾梳打粉過份醃過牛丸以為係街市急凍貨色但點知出奇地好有肉汁又彈牙我同朋友仔都覺得好好食default有既腐皮亦係好正下次可以再食酸菜, 腐皮同牛丸不過有樣唔好係阿姐好有趕客feel一放低筷子已經急不及待收起你個碗而且佢新增左d rules講明清湯另上要加錢酸菜炸醬堂食6蚊碟, 外賣就好似20蚊樣樣都係錢但配料選擇又唔見加多喎呢間應該係最少選擇既一間譚仔喇

22-8因為本人病了第一次冇得食炸醬....-_-可惜~炸醬係我至愛呀~~我個fd點左炸醬,分開上嘩,超大碗呀!之前既都未試過咁多,70%滿我就叫左墨魚丸+牛肉大角咀譚仔好似少左生意,下午通常都係得一半客但係都係好好食,米線多料亦多仲坐得comfortable左添

琴日去完disneyland好累番到屋企附近黎醫下肚再番屋企兩個人叫左炸醬墨丸米線($20)同生菜豬潤酸辣湯米線($23)另加3蚊要杯凍檸茶少甜炸醬凍冰冰,賣相似肉醬多d但當朋友仔撈入湯中紅油即時浮出味道ok唔太辣墨丸係一般街市貨色,無特別生菜新鮮爽口,唔錯豬潤切得薄薄唔韌,份量都幾多米線唔太淋或太硬,ok最初上檯時見兩碗顏色差唔多以為無轉酸辣湯底試飲清雞湯底同酸辣湯底都係覺得清雞湯底鮮甜d好味d跟湯有腐皮,九菜同芽菜好在無肉碎但個人而言,呢間分店d酸辣湯底麻麻而且配料選擇少連最basic既冬菇都無服務一般舖頭人唔多但食完即刻幫你收晒野有少少趕客feel

我前排在大角咀工作, 與同事(ALL BOYS)lunch time,我地都常常異口同聲, "米線啦!"而且一星期最少一次, 多則試過三次...說說這兒的特點:1餸米線- $172餸米線- $203餸米線- $23加$3有咖啡或茶飲,冷熱同價加$3麻辣湯底麻辣有分等級5小辣- 少少辣4小辣- 香辣(recommended if 第一次食)3小辣- 香辣勁少少2小辣- 香辣再勁d小辣- 本人極限(我是那類唔會送死的人)中辣- 未試過特辣- 未試過LUNCH 一定爆場,鄰近有2所學校同2間銀行中心..湯底非常欣賞, 好香有4小辣的協助, 香味可推至極點!餸方面: 墨魚丸(recommended) , 雞肉,豬肉也不錯,腐竹同生菜佢會俾少少你講到好想食...

食左碗麻辣生菜豬肉米線($23)，加$3有凍飲~麻辣湯底係幾好，看似清湯，但食落夠麻又夠辣~米線同配料就普普通通~

呢一個係我同男朋友一齊開既account,第一次寫食評,多多指教^_^之前食過景霖,覺得好好味,鐘意左呢種米線,所以今晚再食一次但係今次係譚仔就麻麻地啦我地叫小辣,本來要加$3,但個姐寫漏左...overall : 32蚊小辣個樣完全冇感覺,食落去都係冇乜感覺,唔太辣不過因為就考試都係唔好博啦,健康要緊冇叫野飲,冇飲水...因為對於我同男朋友黎講,呢個小辣真係太小啦.....講番d野食湯,好麻麻,唔香面,唔錯,幾彈,但太少配料,大雜會,冇咩感覺2個人食一碗都飽,不過係湯飽,d面好少,下次要加底講真..其實好麻麻...又要貴d,又要大大牌牌咁加辣又要$,加底加成6蚊...又冇黎特別反而景霖正好多,特別係d炸醬,得!下次想食呢d米線,都係去番景霖,行多小小路多做運動啦

朋友介紹話呢間好食d, 所以黎食~入面人唔多, 坐得舒服d~個土匪雞翼同豬耳好好味~ 整體好滿意~

平時食開元州街果間，上個禮拜試佐敦&大角咀兩間，佐敦杯凍檸茶小甜唔好飲，米線冇分別。大角咀米線比較硬，麻辣要加$3，唔抵囉，而且香草雞翼少&乾，冇乜香草味，深水兩間&佐敦都唔洗加錢，下次都係去番深水食

不嬲都好鍾意食辣野,第一次食過譚仔米線就覺得超好味,不過老實講,間間都去過咁滯,我都係覺得大角咀呢間係最好食~!!我以前差唔多日日都去食,我唔係係附近住或做野都專登日日搭車去食,佢啲特辣腐皮竹笙米線真係正到冇野好彈,家下去左外國冇得食都唔知幾辛苦!

數日來天氣温暖,但放大假要趕功課,無セ胃口,很想吃辣的東西刺激一下,便想起譚仔。叫了一碗酸菜腐皮米線,由於常吃酸辣,故轉轉口味叫中度麻辣。另外叫了土匪雞翼。麻辣湯底一點也不油膩。喝一口湯,果然有麻麻的感覺。由於本人嗜辣如命,叫中辣有點小兒科...不過太辣亦無益,對脾胃消化不好,近日趕功課趕到天昏地暗,因此也不敢去到盡。酸菜酸度適中,腐竹一大堆,米線彈牙大碗,抵食。土匪雞翼即叫即作,上桌時很熱,皮脆肉嫩,不錯。食完飽到心口,但很滿足。此店確是值得推介。

同個friend 黎左依到食，12:00 無咩人食，之後點左雞肉麻辣米線(小辣)加凍濘水。米線都黎得好快，份量好大! 首先就渴一口湯，感覺就係麻然後辣。然後無左味覺，但整體黎講係幾好味!

剛過去的星期日, 成三點起身, 好肚餓, 唔知食什麼? 突然記起附近有間譚仔雲南米線, 咁就一支箭走去食米線. 入0左去, 個地方都很新淨. 我叫了個雞肉,豬腩肉,付皮麻辣(中辣)米線, 但個伙計話好辣, 叫我改小辣, 小辣又分5級, 很複雜......??? 我最后都係要中辣.碗米線好快到, 我看住碗米線. 心想辣極有限. 碗米線沒有慣常浮面之一大片紅油(辣油), 但食落去, 慢慢感到開始有辣的感覺, 跟住舌頭有麻的感覺...最后要叫0左杯加1蚊的凍奶茶...即係都好辣......講0左咁耐, 點解沒有提到個0的食送. 因為雞肉沒有雞味, 豬腩肉好似醃咸豬肉, 完全唔似我係荃灣食過個種, 付皮係行貨, 個米線幾好, 起碼好個個間什麼魚米家. 最后是個杯凍奶茶, 可能我條舌都麻0左, 試不出好與壞... 由於太飽, 沒有食其他小食.. 下次會再去試0下其他食物.

兩日前經過大角咀至知道"譚仔" o係大同新村呢頭都有分店, 所以一於入o黎食晚飯, 同其餘兩間店比較o下. 叫o左"麻辣豬潤米線" (特辣; 麻辣湯底加3蚊. 加1蚊有咖啡或茶飲, 冷熱同價, 我要o左凍豆漿), 同埋一碟"麻辣雞翼".麻辣豬潤米線(特辣; $19) - 麻辣湯底o既辣度同麻度都係屬於深水步分店o既程度, 唔及長沙灣總店o既特辣咁辣. 米線好似比其餘兩間店較為淋一o的; 豬潤差唔多有"維記" o既咁淋, 但就冇維記o既咁淋爽口.麻辣雞翼(20蚊6隻) - 雞翼都算幾大隻, 但感覺上唔夠深水步分店o既咁大隻. 麻辣搽得少而且唔係好均勻, 所以無乜麻辣味. 要扣分!凍豆漿- 冇乜豆味, 同深水步分店o既濃味豆漿差好遠. 再扣分!呢間譚仔o既分店實在唔夠長沙灣同深水步兩店咁好, 但勝在比較少人去, 而我經常都會去旺角, 所以都算方便. 但講到好味道同等位等餐死o既, 自然係長/ 深兩店啦.