譚仔三哥米線 (大同新村)

营业中

休息中

見到咁多好評, 一於試下!可能我同男友都唔想食咁辣, 叫左清湯底.真係覺得唔好食, 個湯冇味, 的米粉好"lum", 的腩肉又冇其他地方咁好食.唉, 果日最正的, 係杯"咸檸七".失望.

之前都食過都覺得唔錯~~呢幾次開始食佢的"炸醬分上" 之後就愛上了~~~因為佢甜甜地~~辣辣地~~非常開胃~~湯底方面都好好食~~酸辣就剛剛好for me~~麻辣就實在太辣了~~~又平又好食~~

一心諗住食特別d,但友人見到呢間米線就話入,我無意見情況下就入左去..平時粉麵都唔會有咩太大興致,一來感覺就係熱(本人易流汗).二來係寒酸,所以真係抱住醫肚心態食算..坐低橩都未坐熱就問你要乜,邊有咁快諗到呀,叫佢一陣先,唔夠兩分鐘就又問要乜.當時夜晚9點幾,坐得6成客,好趕咩,又無人排隊.不過算,唔太大影響食慾.但見到餐牌真係好小送揀,15樣都唔知有無..選擇小過車仔麵好多.諗唔到情況下叫左個牛肉,墨丸米線咁就19$+1送(4$)=23$了..+多杯凍華田27$等左5分鐘來了...墨丸口感軟身d..但味道怪怪地..有4粒牛肉口感一般同買返黎煲粥d牛肉差唔多味米線比想像中好唔係米線實比個貶樣你睇!凍華田好難飲.飲得出係落好小粉然後歧途想用糖來加重d味.但至弊連糖都慳返,整到杯野無乜味..勉為奇難當凍水咁飲哂去

借勢加價- 旺角譚仔-------------------本人是忠賞fans 多年但今日卻有些中肯說話-估唔到米線又加飲品又加, 原本一對小情侶加大土合共$ 81 依家要$ 86央米線又"林" 又淡仲等好耐!!!!!! 激死人凍欽D冰係生水雪冰都要加一元?????? 六個成年人一張檯要強迫八人至九人迫在一起食!!!!唔通佢地呀姐叫你一句" 靚仔靚女" 就吞聲忍氣咁食?????

見到唔少食評大讚譚仔,成日想去試下,但係次次一心去太子店時,都大排長龍,漸漸搞到意興闌珊,無晒興致去試,點知尋晚咁岩係大角咀搵食,見到大角咀店全唔使排隊仲有位,咁咪入去一試囉!黎得呢度,梗係要名已久既叫湖南土匪雞翼啦!人人都話好味,我覺得就真係要睇個人口味係咪鍾意呢隻味喇!雞翼係煎得幾香,係公仔麵果隻香味,個皮仲有少少脆添,而且舖滿左黑芝麻,味道我其實覺得有少少味精味…可以話好食,但係略鹹,或者我個人口味喜歡偏淡,所以我覺得麻麻地。米線方面,要左個魚蛋加竹笙,呢度有竹笙揀的確幾特別,索左湯既竹笙亦十分好味,魚丸有四大粉,實實淨淨,一般質素,唔係咁impressed,其實應該試下雞肉,因為好多人讚…米線呢,對我黎講,我覺得偏腍喇,似乎魚米家既米線口感好過呢度,份量就幾夠,都算大碗(嘻嘻,不過曾經有食評話呢度米線份量少,究竟係佢有所改善呀?次次唔同呀?定係我細食呢?真係無從而知咯)。整體黎講,呢餐唔係話好味得好緊要,但叫做可以啦!

賣相唔得, d材料擺到亂七八糟, 好似係屋企碌麵咁.算!!酸辣竟要加$2, 都算!!酸辣湯底好似白醋溝水湯咁, 得個酸字!!米線份量好夠, 但係咁既湯底之下好似食緊白醋米線, 愈食愈無謂口!!

今日在這裏吃lunch，叫了牛丸魚蛋酸辣湯底米線，好大碗，仲有腐皮，九菜同芽菜打底，所以食唔哂，成大碗米線仲剩响到。酸辣湯底夠酸但唔夠辣，早知叫麻辣湯底。牛丸唔爽口，但魚蛋勁彈牙，but又無味wor……總括0黎講，成碗不過不失咁。唔使慕名而來，黎開呢頭咁啱行過試下無妨……不過唔好期望過大。

星期六朋友仔同我食dinner因為我仲病緊要戒下口朋友仔就堅持黎呢度叫左過橋米線set貪佢有齊咁多種唔同料：魚蛋．牛丸．墨丸．竹笙．牛肉．雞肉．豬肉．腩肉．火腿．炸醬．酸菜．豬潤．芽菜．九菜．腐皮．豆卜不過原來得個碗大樣樣得1件魚蛋無味唔彈牙牛丸墨丸好似都幾彈牙有味牛肉雞肉豬肉豬潤無味,好在唔韌炸醬酸菜自動另上,炸醬帶有茄汁味,幾開胃其他配料來貨為主,無特別米線只有一人份量二人分食建議加底因為第一次order問阿姐夠唔夠二人食佢又乜都唔知令朋友仔有d氣結

同朋友一起叫此外賣,一齊share..永遠都覺得好正..大大碗..味道一流,價錢又不太貴喎。又分小辣果d..幾好。不過就有時太多人,沒位坐,沒得食好掃興。

麻麻地...以呢個$$..出面會好過佢...可能同區無其他選擇..不過, 呀姐d服務態度幾好..

放假同朋友仔黎食lunch叫左酸菜豬潤米線同炸醬雞肉米線份量多就一定架喇酸菜一貫咁好味但今次切得較幼細無以前大大片咁有口感豬潤切得薄但較細塊相信係避免煮得過火韌左但應該只係輕輕淥過所以上檯時仍然有血水感覺唔太好希望可以改善下炸醬味道仍然唔錯但就比以前多左肥豬膏而且仲要有好明顯幾件大舊既肥豬膏呢樣要改善雞肉醃過唔會韌幾好米線唔過淋,唔錯但default有既配料例如九菜,芽菜同腐皮就少左好多

譚仔雲南米線很有名的，但位於大角咀這店比較少去，因為好滿，一到午飯時間便坐滿學生和其他食客。昨天午餐和同事兩個去了食，見到個餐牌都有些亂，因為真是自己配搭，點了個魚旦墨丸米線，少辣，而辣的程度又有級別之分，我點了第五級最不辣的。很香的湯底，有少少酸，但很香，米線很彈牙，魚旦和墨丸都很新鮮，味道不錯。加$3還有杯飲品，很滿足的一餐。

間譚仔係我樓下，我成日刀會去食.因為真係好正!環境算乾淨`價錢亦比1般米線專門店平,湯底鮮甜,又足料,好大碗又多料..我多數刀會叫豬肉,墨丸,炸醬米線,最鐘意呢3樣!豬肉多又唔會肥又滑,好正啦總之!墨丸$3一個送就比4粒你!勁抵,炸醬係我至愛,唔會好似外面咁鹹,甜甜地勁開胃,不過無辣味.加野飲+$3，樣樣野刀好好味又比得多你,好值得1試咖=)$17一碗加1樣送就+$3`如果叫3樣送加野飲刀只不過係$29好大碗,女仔應該會食淨.不過下午個時好多學生同埋officer,會幾逼下.

星期六中午可能少了銀行職員及學生關係,終於食到呢間譚仔(平日總是排長龍),我要了竹笙及豬膶加酸辣湯底,竹笙及豬膶真係好好味,不過就只可以星期六先可以幫襯佢喇~

對比起上年,間野的確係high quality了早前2月x日同fd去食, 個湯好飲左好多而size亦正常返,之前試過好細碗炸醬亦進步不少!奸爸爺