諾亞半熟蛋糕專門店 (已結業)

人愈大，愈不覺得節日是什麼一回大件事，不會特意訂餐廳吃大餐，又已經沒有年經時必要走到蘭桂坊飲酒倒數的興致。有人說：「人愈大，就愈覺累，連朋友都少見少聚。」沒錯，人愈大，真的會原因不明的愈覺得累，但我可認為朋友係要見的。就算多累多忙，需要珍惜的朋友都應該盡可能抽時間見一見，哪怕只是年度一聚？而慶祝聖誕佳節，正正是朋友們聚首一堂的好藉口。今年，認識了一班新的朋友。一切由打麻雀開始，除左大家有「共同興趣」，想不到大家的性格都很夾得來，慢慢十幾個人組成了雀會，每個星期六晚上都會有雀局，一邊打雀，一邊談談家常事。今天平安夜，明天假期，雀會便決定來個聖誕聚會，節目豐富：吃到會、抽禮品、切蛋糕倒數、玩GAME、直落打牌！哈哈！而我就負責蛋糕一環。芝士溶心乜乜乜，最近成為城中熱話，所以一想蛋糕，很自然就想起諾亞半熟蛋糕，趁全城熱捧，便決定買一個店中皇牌比利時朱古力溶心芝士蛋糕與大家分享。倒數時刻臨近，大家都急不及待打開我為大家準備的聖誕蛋糕。一打開，便看到蛋糕表面鋪着一層薄薄的比利時朱古力。最初我怕蛋糕因為溶心，質感會太軟淋而站不穩，但結果比我想像中的好得多！蛋糕質地雖然比傳統蛋糕柔軟，但也不至於站不

到尖咀誠品打了書釘,打了差不多2小時,於是便看看有什麼好東西御前上茶很多人,所以沒有內進另一家雪糕店也是排滿了人,沒興趣跟人家逼最後發現了諾亞蛋糕,每人買了蛋糕都走1,於是便試試新味道熊仔蛋糕,其實是朱古力Triamisu,味道如何自有公論,但樣子卻是非常可愛但味道我覺得不太差,雖然沒有他們的流心蛋糕那麼出色,但可可粉配上諾亞嫩滑蛋糕也是不錯,蛋糕相當香滑,不過味道較淡,濃味一點比較好可可粉不是用上上等貨色,但入口還可,而白朱古力和黑朱古力,雖然都2是普通貨色,但入口也是不太差,最主要是告型真的十分可愛

小熊提拉米蘇、小黃鴨檸檬半熟芝士蛋糕，兩個都係HK＄98，賣相十分可愛，吸睛度高，係間鋪第一眼就望到佢地！不過熊仔既tiramisu無酒位，似乎手指餅無浸到酒！幸好口感尚算幼滑，另外，鴨仔蛋糕質感比較實，而味道真係超似食緊檸檬夾心餅！幾得意！電燈膽三兄弟 ？💡💡💡左邊係日式玄米奶茶，中間係🐝🐝蜂蜜薏米水 ，右邊係蜂蜜紅豆水 ！每枝都係hk$18~ 三枝黎講我比較鐘意奶茶☕️☕️，雖然入面無珍珠，但味道係好似已經加左珍珠咁！而其他兩枝都比較淡味，清清地飲完唔會口渴！

半熟蛋糕係台灣都hit左一段日子諾亞進攻到香港而黎我都未試過佢既半熟蛋糕究竟有幾半熟今日就同朋友share一個黎試下我地揀左新口味少少既 - 桂花半熟蛋糕 ($78)店員由雪櫃拎個cake俾我地建議我地室溫放佢30分鐘就可以食(應該係為左個半熟流心效果)所以我地都忍口乖乖地拎住個cake係tst遊盪半個鐘先切佢黎食相係基本啦, 相信大家都睇得多咁所以就拍左條「切cake片」俾大家欣賞睇完條片相信大家反應同我地都差不多「咦? 說好的流心呢?」我地估計...係因為12月既室外溫度得十幾度店員指既室溫應該係25度所以建議大家唔好學我地咁傻豬 以為係室外遊盪半個鐘就食到最佳狀態既半熟蛋糕 唔緊要啦 都可以當佢係凍餅咁食既唔知大家喜愛桂花味重定淡呢?我覺得呢個cake既桂花味係偏淡而且個cake唔算甜感覺比較健康所以都適合大家買俾爸爸媽媽食啊(最後我地2個食唔哂, 由友人拎左淨低既cake做下孝女..)

諾亞半熟蛋糕，我聽過呢個名好耐架喇！但係要到今日平安夜，先至第一次食。我地幾位好友相約開Xmas Party, 我委派嘅任務就係去買到半熟蛋糕。見到雪櫃內及餐牌上都有好多唔同款半熟蛋糕，霎時之間都唔知選擇邊款好。但係因為呢一晚都會有女性朋友出席，我就特意挑選左呢個小熊芝士半熟蛋糕！就咁睇賣相造型，都已經贏盡人心，如此可愛cutie, 女士們點會唔中意蛋糕上係可可粉，為芝士蛋糕添上一些朱古力嘅色彩。而半熟蛋糕係雪櫃攞出黎解凍5分鐘左右，就會有流心嘅感覺！如果想效果更明顯，店員建議係微波爐叮一分鐘~芝士蛋糕係呢一晚party嘅搶手貨，因為芝士的確係充足，但係又唔會有膩口嘅感覺;質地亦如我地預之中鬆軟，難怪平時嚷著而減肥嘅女士，食呢個蛋糕嘅胃口，比我更犀利！

今日心思思想食個甜品，又好似好耐冇食半熟蛋糕，咁就去買個半熟蛋糕同朋友開心share啦！去到揀果然有驚喜！有新野！仲有幾樣新產品！有桂花半熟蛋糕、茉莉花半蛋糕、香芋輕芝士蛋糕！wow.... 最後揀左桂花半熟蛋糕！ 桂花半熟蛋糕 ($78) 個樣都唔錯，哈哈，試試個味道先！食第一啖有淡淡嘅桂花味，甜度適中，而桂花味都好突出好香 嗅都嗅到桂花味，食食下中間好似帶點薑味，要慢慢細嘗先會食到好少嘅薑味，喺一種好特別嘅味道！而桂花味半熟蛋糕比其他半熟蛋糕質感較黏，但總括嚟講係好食嘅...清新嘅味道！ 我見飲品個樽幾得意，哈哈，所以都買左個玄米奶茶嚟試試！ 奶茶唔算甜，而玄米味混合埋奶茶，原來幾夾喎！可以值得一試，哈哈，個樽又靚喎！ 不嬲都好喜歡諾亞半熟蛋糕係附送埋碟同义，好貼心唔洗四圍買！個盒又靚喎，好易拎！

從沒吃過熱的半熟蛋糕, 今次特別叮一次, 根據紙盒的叮叮時間顯示, 我完全跟足 ... 期待蛋糕的好表現!購買了桂花蜂蜜半熟蛋糕, 叮好的蛋糕有香噴噴桂花味, 把蛋糕一切, 明顯熱(暖)的流心是比冷的流得更旺盛 (如圖)蛋糕外圍鬆軟, 味道偏淡, 反觀中央的溶漿是味帶清甜, 吃著的桂花味是柔柔的飄出, 與蜂蜜味道很搭。冷的熱的都吃過, 還是覺得熱的會好吃一些。

行開尖沙咀順便行下附近誠品，食完個午餐想食下甜食我就去見到SHOW 出黎有個小熊提拉米蘇CAKE就買回去食。看見櫥窗有小黃鴨檸檬半熟芝士蛋糕 及 小熊提拉米蘇小黃鴨檸檬半熟芝士蛋糕亦都很可愛取回後小熊提拉米蘇蛋糕非常完整，因店員很細心放下乾冰在底可保存得更久。店員將朱古力小塊有黑有白既小熊眼、耳、口、鼻分開在小袋。太可愛喇，回到家就慢慢令出黎再砌。即時出現小熊仔既樣貌，影呀影呀影多2張而加要食你lu。我準備都砌下去好像不想下手，實在太可愛隻小熊。蛋糕面上的一層舖上了可可粉，每砌一下都充滿可可粉，香味散發出來。十分用輕輕力已可切開質感十分細軟非常濕潤可口砌分出來都可有6件左右。海綿蛋糕細膩綿密食起來甜味剛剛好因我喜歡食甜品。細味吃之下非常鬆軟食落口回味無窮喜歡每次有新驚喜。臨近聖誕節享受住充滿美味小熊提拉米蘇亦會越食想食既感覺聖誕節開party同好朋友 一齊分享就最好不過。

諾亞越黎越多分店，而家進駐埋尖沙咀就更加方便啦。 草莓溶心芝士蛋糕 ($168)諾亞除左半熟蛋糕之外，仲有溶心既芝士蛋糕架。蛋糕表面以一層草莓果凍加上新鮮大大粒既草莓，果凍晶瑩彈牙，士多啤梨爽口，甜度一般略帶微酸。中間層芝士蛋糕係加上士多啤梨整，香濃滑溜既忌廉芝士無蓋過士多啤梨味。淡淡既香甜士多啤梨同芝士蛋糕平衡都唔錯。蛋糕中間既部分係溶心，質地比較流質，食落更香滑。而相比無溶心既部分就顯得有少少太實身，但情況可以接受。底下一層薄薄既朱古力海綿蛋糕，令芝士蛋糕無咁膩。整體清新唔膩，價錢亦合理，適合大班人分享。

去開尖沙咀誠品經過諾亞買一個焦糖雲呢拿布丁蛋糕$108回家同老婆分享！之前吃過半熟，覺得比較軟身，中間塌陷了，感覺較細件。今次焦糖雲呢拿布丁蛋糕感覺真的不一樣，跟店員說約一個鐘車程她細心將乾冰、餐具放好在盒中，讓我帶回家慢慢品嚐！包裝上清楚說明蛋糕要倒轉擺 ， 先將碟放在蛋糕上再反轉， 即時看見焦糖蛋糕， 切開時， 更清楚見到焦糖、雲呢拿、蛋糕一層層分開， 布丁汁流都蛋糕上，入口溶化，蛋糕唔算太甜，飯後甜品一流！

一向甚少逛街,早前去尖沙咀海港城想說看看有什麼優惠,好為身邊人挑份禮物.可惜的是越近時節海港城就越是人滿為患,害我才逛沒幾下就投降,最後打算到旁邊新開的誠品逛逛就回家.在誠品裏隨意逛逛居然看到諾亞半熟蛋糕專門店,雖然在諾亞買過好幾次蛋糕,但其實都沒在注意那裏有新開的分店,既然看到當然也沒有不買的道理.買了想吃很久的香焦芝士溶心蛋糕,還有換了新包裝的瓶裝飲料.這次買的香焦芝士溶心蛋糕,有別以往的選購的諾亞蛋糕,這款不需要用乾冰冰起來,不用擔心拿回家前乾冰都化掉影響蛋糕品質.現在諾亞都挺貼心的提供餐具, 感覺挺方便的.光看上去會覺得蛋糕好像挺乾硬的, 把蛋糕切開倒不是那麼一回事, 略乾的蛋糕層, 中間夾著一層溶心的芝士, 喜歡芝士的人大概看到這溶心的芝士就覺得很讚吧!芝士味很香濃, 帶微微芝士酸味及一點點咸的味道.雖然說是香焦芝士溶心蛋糕,但味道還是比較偏芝士的香濃味, 奶味十足的芝士味道而香焦味不足, 要是把香焦蓉加進溶心芝士裏, 不曉得能不能提高香焦的味道和口感.除了溶心芝士之外, 底層還有一層薄薄的朱古力蛋糕. 本來香焦和朱古力味是挺合的, 可惜在芝士味的強大威力之下, 這朱古力蛋糕

由一開始係九龍城，到現在這麽多間分店，諾亞半熟蛋糕專門店周不時都推出很多特別的產品或口味。睇雜誌見到冬天限定的《香芋輕芝士蛋糕》，星期日Family Dinner，忍不住要買一個同家人開心Share。盒面有各種不同蛋糕的食用建議，店員很貼心會圈住適合的建議。包裝得很妥當，個蛋糕座的很穩。 不過打開的時候有點驚訝，因爲蛋糕的顔色不我想的淺色很多呢。不過拆開蛋糕紙之後香芋的紫色就“出”很多。 淡紫色很美呢~~香芋輕芝士蛋糕（6吋）賣$128。 我們8個人都可以分到一舊淺嚐。食後感： 如果你同我一樣是芋頭愛好者， 諾亞的《香芋輕芝士蛋糕》可能令你失望。 芋頭的味道很淡，如果與芝士蛋糕一起吃幾乎吃不出來。 香芋的部分是類似布丁狀的mousse cake，配合下層的輕芝士蛋糕，口感不錯。 輕芝士蛋糕是類似日式芝士蛋糕的淡芝士味，配合香芋蛋糕的部分一起吃， 味道不會太濃烈，吃多多都不會覺得過膩。期待下次諾亞半熟蛋糕專門店的新品。以上。

新出的蛋糕以熊仔及鴨仔造型示人，非常可愛！熊熊tiramisu的咖啡味及酒味都略有不足，口感不夠細滑，但面層的朱古力粉還算香濃。而鴨仔半熟檸檬芝士蛋糕未見有半熟口感，放了室溫一小時有多，還是偏硬實，而味道跟檸檬夾心餅的夾心無異，我心想：用來塗在餅乾上倒不錯。如果有很喜歡檸檬夾心的朋友，買這個給他還不錯。飲品有三款，有玄米奶茶、蜂蜜薏米、蜂蜜紅豆。紅豆和薏米都比較稀淡，用來解解渴還可以。而奶茶是三款中最出色的，帶點玄米香，雖然都是較一般的淡味，但清清香香的還不錯。

最近減肥但都會好想食甜點，行開星光行誠品書店，竟然發現有諾亞半熟蛋糕專門店，　那就二話不說走入去睇下有咩新口味試下先好快就發現呢款低糖伯爵紅茶半熟蛋糕，　見到有個低糖同紅茶口味就試呢隻急不及侍回家立即試試，雖說是低糖但沒減去食蛋糕應有的甜味，而伯爵紅茶的茶味也十分夠，很濃紅茶味但又不會過苦，很不錯下次還會試試其他口味

自從做左呢份新工, 真係日日有食神, 同事們都喜愛買各式各樣的食物回來公司大家share, 前排有大大粒糯米滋, 今次有諾亞的蛋糕, 咁岩個同事去開見客經開就順手買左個cake俾大家3點3, 起初還以為是半熟蛋糕呢, 要知道諾亞以半熟蛋糕聞名, 當中原味的半熟蛋糕, 自從食過一次之後, 真係Juno上身唱番句「念念不忘」~同事話今次係芝士蛋糕, 仲話係店員推介新口味, 包你地一定未食過咁話~打開黃色貓貓蛋糕盒, 見到淺紫色的表面, 印象中記得佢地會有乾冰提供, 盡量兩小時內要放入雪櫃, 保鮮期大概兩日左右, 建議盡快食用, 貼心地佢地會有埋紙碟膠叉供應(放在蛋糕盒內的), 雖然係咁, 公司人太多, 要出動埋絕招, 剪開蛋糕盒當碟用!!! 輕輕聞有香芋的味道, 此乃香芋輕芝士蛋糕, 本身我對芋頭不感興趣, 就連平時食中式糖水的芋頭都會原封不動的, 出奇地呢個香芋味是經過舌頭咀嚼過後才淡淡滲出來, 甜度相對較低, 而質感是軟軟幼滑, 並不是平時食到的芝士蛋糕般死實, 我吃了一小件, 幸好沒有飽膩感, 當做繁忙工作中的一點甜, 也不錯呢~謝謝我的可愛同事們, 以後想食芝士蛋糕, 但又怕肥,