諾亞半熟蛋糕專門店 (已結業)

老婆想打邊爐見係星期日放假，我就落去九龍城買料等佢開心下。買完野之後見到侯王道有間蛋糕店好多人買，我都過去望望先。咁多人買，天氣又咁熱，買翻個翻屋企食先，睇左好耐，有好多選擇。朱古力，香蕉，芒果等等，好多都想試。最後都係買左老婆至愛，芒果溶心芝士蛋糕（$138），佢又中意芒果，又中意芝士蛋糕。Order完之後，店員會問您幾耐先翻到屋企幫您加乾冰，好細心。另外包裝都好精緻，又夠cute。味道方面，都幾特別，餅底係朱古力味海棉蛋糕，薄薄既一層，芝士味唔算好濃，邊位較硬，中間有溶心感覺。頂層既芒果都算多，而且仲好甜，全部野加起黎，無一般芝士蛋糕感覺咁肥。蛋糕唔算太大個，可以俾4至5個人分。計落都幾抵食！

只係個類似融融地既奶凍咁既蛋糕。比D紙包住，又塌哂，睇落似焗失敗既蛋糕。仲食左熊本露之水滴草莓半熟蛋糕，面頭D草莓係日本既露之水滴，好甜好好食。但個蛋糕本身無乜特別，似融融地既奶凍。

工作地點好近九龍城，有時放工時間時都會行去嗰邊睇下有啲咩好嘢食。九龍城最多當然係泰菜、貴價水果、大閘蟹同埋一啲新嘅特色小店。諾亞半熟蛋糕經過好多次，但有時因為時間太趕，都唔能夠停低買個蛋糕返屋企。今日放得早，所以買咗個香蕉用心芝士蛋糕返屋企試一試。店員好體貼，會問我返屋企車程有幾耐，再放置乾冰喺個盒。返屋企我再發現原來個盒放左幾隻碟同埋叉，方便人哋開party食。上面係香蕉芝士蛋糕，底層就夾住朱古力蛋糕底，蛋糕可以有兩個選擇。一）雪櫃拎出，室溫放一陣，凍食二）微波爐叮一分鐘，熱食大熱天時，我就要凍食入口，感覺幾實正，cut開後流心效果普通，係溶溶地既cream cheese。蛋糕本身帶有兩者香蕉味同芝士味 ，互相輝映幾香。下次再試其他款式先，仲有半熟同cream puffs。

九龍城除左泰國野食之外，而家仲開左愈來愈多甜品店，最近仲開左呢間蛋糕店～老遠都見到佢個黃色招牌～半熟蛋糕聽落幾有趣！因為今次要買媽媽既生日蛋糕，所以揀左芒果流心芝士蛋糕！店員介紹台灣芒果當造，所以今期就做芒果蛋糕！上幾個月士多啤梨當造，就變成士多啤梨～～整容前～整容黎～ 我地自己寫左d字上去～（朱古力筆係自己額外在別處買的！）芒果果然好甜！最怕食到酸酸的，竟然全個蛋糕都係香甜既芒果！！ 芝士味有點咸咸的，配上芒果個味道又幾得意啵！最緊要媽媽喜歡，話個蛋糕好特別，未食過！同場加映：泡芙～好得意要自己整cream!咁樣就可以保持個puff係最新鮮既！朱古力味濃郁，個puff 好鬆軟，好難得食到咁新鮮既泡芙👍🏻👍🏻👍🏻下次要試下佢原味既半熟蛋糕😁

呢個星期係家姐生日,就決定買個朱古力蛋糕為家姐慶祝一下。特意放工就趕來諾亞買半熟蛋糕， 唔知係咪成為左熟潮，黎到已經差唔到多賣晒。好彩想買既朱古力另味仲有貨， 於是就立即俾錢拎番屋企同家姐好好慶祝。蛋糕外形十分軟熟好似點一點就會爛咁。切開之後已見到濃濃既朱古力想流出黎。  一口試落去好軟同好多朱古力，雖然朱古力有D偏苦，口感及濃郁既朱古力另味都令人回味。

久仰諾亞半熟蛋糕大名，一直都想試下佢嘅蛋糕，去開九龍城就買左條京都抹茶鮮乳捲，$88，比起好多日式蛋捲平，其他百幾蚊一條真係唔捨得食！諾亞價錢比較合理，而且有我鍾意嘅抹茶味。包裝盒有貓耳，好得意！蛋捲中間有抹茶同牛乳忌廉，入口香滑，唔會太甜，唔駛驚肥。抹茶蛋捲挺身得黎中間多氣孔，食落鬆軟，有淡淡抹茶香。切薄片黎食，忍唔住食完一片又一片，連怕甜嘅阿爸都食，因為甜度適中。

好耐之前已經經過一間叫諾亞半熟蛋糕，但嗰時覺得蛋糕個賣相唔係太吸引，所以一直都無試。不過之後睇食評，發覺都多人買嚟食，所以小妹今日經過，都買左個伯爵茶味嚟試下。初初真係唔知咩為指半熟，原來係中間心係稔稔0地，但又未至於流心。店內有好多款選擇，除左半熟，仲有D係蛋糕卷。不過試完今次，未必會再幫襯啦。雖然佢個包裝，服務幾好，有乾冰提供之餘仲附設叉同紙碟，但味道真係唔係我杯茶。加上中間濕濕哋0既質地，好似一個spongy cake濕左水咁，個口感好差。

之前在九龍城用餐經過呢間半熟蛋糕專門店。 在店外已給色香味的蛋糕所吸引。半熟蛋糕源自於台灣引入香港 ，在香港算係新鮮既甜品。今日番番下工突然諗起呢間店，就決定放工就過黎買個蛋糕一試，以甜品一解落雨天既悶氣。上次經過都見到有人排，可能落雨既關係，黎到鋪頭不用排隊便可以即刻挑選喜愛既蛋糕。除左半熟蛋糕亦都有泡芙和卷蛋，款式口味都十分多選擇。考慮左一陣就決定買呢個香蕉溶心芝士蛋糕，店員介紹呢個蛋糕係用原條香蕉焗溶再配上三種芝士制成。而且可以凍食及熱食，一個蛋糕試到兩個口味。打開後，蛋糕既賣相都十分吸引，成個鮮黃色加上頂部蕉糖，令人食指大動。切開一到後可以睇到香蕉同埋芝士已混為一體，凍食已食到好香濃既香蕉味同埋芝士味，兩者無掩蓋對方既香味，兩者並存香蕉味帶有芝士味，芝士味又混入香蕉既味道。試完凍食後將另一半丁三十秒，芝士流心既效果令蛋糕變得更加吸引，丁完後蛋糕更加軟熟，令人更加喜愛。食完罪惡極大既一餐，放假又要抽多D時間做運動減番啦XD

滿心期待既抺茶乳卷，食左好失望！蛋糕同cream 甜度係做得幾好，符合依架既健康風！但抺茶味我就一d都唔覺有，完全唔出色！蛋糕口感太硬，有d似雪左二三日無人買既感覺！

住hall住的耐都會出去覓吓食，而今日我roomate就出咗九龍城買咗個蛋糕返嚟比我食。原來係想試好耐嘅原味蜂蜜半熟蛋糕！！！！外賣其實好周到因為個盒底其實有把刀同埋四人份嘅碟同埋羹。用刀切，個蛋糕好容易咁就比我地分成一件件。 值得留意係我無叮到個心都係留心㗎。每一啖都有好濃嘅蜜糖味，加上鬆軟嘅texture，真係好好味！！個蛋糕未開個盒之前已經有陣陣香味飄出，開埋個盒更加不得了！一路食個口都一路留有蜜糖甜味，又會聞道香味，可以話係一個享受嚟㗎。食曬個蛋糕都唔會覺得滯，會有少少飽，但會希望有第二個食。

之前都聽聞過半熟蛋糕...開頭以為是蛋糕裹的麵粉漿會一切開就流出來,自己想起..感覺會好像有點食不下去但無聊的我在開飯搵食時突然記起,所以決定找找這半熟蛋糕的食評看到這店食評後,原來很多人好讚剛好媽媽去九龍城找朋友,就託她買一盒試試包裝盒蠻大(相比裹面的蛋糕)有說明教你如何食用...很貼心的附送紙碟和膠刀叉而蛋糕....真的比想像中還要小巧賣相不算討好,凹陷下去的..只是放置15分鐘,食落有點硬,但很像食雪糕的感覺但一入口蜂蜜味道很突出,愈食愈濃郁後來在放置數多分鐘,才見到開始有流心的出現後來覺得新奇的拿去"叮",蛋糕即成為熟透的海綿蛋糕蜂蜜味道更明顯,但口感還冷冷的好個人覺得甜度剛剛好,不會覺得太甜一試難忘的感覺,很後悔只買了1個

其實早前已經聽朋友提過諾亞半熟蛋糕，但係一路都無機會試。今日黎開九龍城，當然唔放過佢啦。間店好易搵，好當眼，選擇好多，真係花多眼亂，而且同一時間仲有好多人圍觀。睇呀睇，望呀望，發現佢除左半熟蛋糕 ，仲有溶心芝士蛋糕，鮮乳卷，泡芙。而且每人仲只限買兩個蛋糕。諗左好耐，我最後買左個伯爵茶半熟蛋糕，我平時已經好中意飲伯爵茶，如果伯爵茶味既蛋糕就真係不得了，個蛋糕唔算大，但係茶味好濃，由於係半熟蛋糕既關係，個蛋糕既賣相真係唔多靚，中間凹左落去咁，但係口感好特別，蛋糕頂層煙韌，中間食落有少少濕濕地。都幾特別，而且佢地都好細心個包裝盒入面有埋碟同叉，不過好可惜我食完先發現，勁白痴。70幾蚊一個蛋糕，真係幾抵食，而且個蛋糕盒勁靚！

諾亞半熟蛋糕來到香港已有一段時間了，一直都想找機會試試，今次經過九龍城，就決定去買一條卷蛋試一試~拍完這張照片的時候，開始愈來愈多人排隊購買這家店的蛋糕了，所以我還是快快走去排隊嚕~對喔，這家店還是有規矩的，星期六、日及公眾假期，每人只可以購買2個蛋糕，相信是因為蛋糕的銷售量太好吧~ 蛋糕的種類也蠻多的啦，蛋糕都是放在櫥窗的，顧客可以先看看相要的蛋糕才選購~選了好一陣子就選好了，大家有猜到我買了那一款嗎?我選購了京都抹茶鮮乳卷($88)，從雪櫃取出以後就立即切開，要是放暖了才切的話會很難切的，因為蛋卷會變得超鬆軟的。打開的時候感覺很興奮的~抹茶卷中間的鮮乳跟抹茶的忌廉放得滿滿的，抹茶蛋糕比想像中還要厚。入口就已經品嚐到很香的抹茶味，十分甘甜，至於中間的部分，牛奶味偏淡，換來的是很Creamy的忌廉口感，但這個忌廉味甜而不漏的。整個抹茶卷比想像中好味多了，抹茶味甘甜香濃，蛋卷心又夠滑，深得我心呢~下一次再去買別的回家跟家人一起分享吧~!!

之前聽朋友講呢間蛋糕店啲出品好好食，今天放工之後剛岩經過呢間蛋糕店，就諗住入去買個蛋糕試下。店鋪位於九龍城衙前圍道嘅當眼位置，好容易就可以搵到。店嘅櫥櫃放滿晒各種唔同味道的蛋糕或者蛋卷，看落去超吸引。一去到間野，原本諗住去買同事推薦嘅抹荼蛋糕，點知店員同我講話抹荼蛋糕，係晏晝已經賣晒，真心超誇張囉。。。跟住結果我買左個比利士朱古力芝士蛋糕。紙盒內附有餐具，服務貼心。店員係包蛋糕嘅時候，好貼心咁問我回家嘅路程要幾耐。如有需要可提供乾冰，以令蛋糕保持適當溫度，所以真係非常貼心嫁！另一方面店員亦有提醒我，係雪櫃拎個蛋糕出黎之後，要等十五分鐘先可以食。 由於我係即刻食，當我打開紙盒之後，就見到一個朱古力醬佈滿表面，成身黑色嘅朱古力蛋糕。不過蛋糕比我想像中細個同埋薄，三個至四個人食嘅話份量就岩岩好，四個人以上就有啲勉強喇，所以想成大班人一齊食嘅就可能要買多個喇。味道方面，蛋糕內裡嘅朱古力較接近黑朱古力嘅味道，唔會太甜，而且味道濃郁，加埋小小黑朱古力嘅澀味，如果好似我咁本身鍾意純度高朱古力嘅人，應該會好鍾意食呢個蛋糕。另外內餡嘅芝士非常之香。難怪朋友都推薦呢間野，話佢好值得一試，所以總括黎講，呢度

經過九龍城見到有班太太圍一間蛋糕店，就八卦有咩吃，原來是諾亞半熟蛋糕，就想試下，順便買番去同公司的同事開心share。見到門口介紹好多半熟蛋糕，花多眼亂，店員也很詳細介紹每種蛋糕，但最後我還是選擇第一眼睇中的綠色個個京都抺茶鮮乳卷。走的時候，店員也很貼心再三叮囑要即日吃光等溫馨提示。太熱天時拎番公司都無溶無事，因為很近都無用乾冰，裝左係個小小盒到，好可愛。然後用刀切一片片分享，也不會太實，很容易切。味道方面不會太甜和太膩，白色cream是很香很滑的牛奶，而綠色cream則是很重抹茶味，兩隻cream都偏實，像溶溶地的抺茶牛奶雪糕。蛋糕加埋兩隻cream，三樣放係口係最完美的。其他同事的反映也很好，大家都喜歡吃，最後還被男同事私自收埋偷帶了回家(￣^￣)ゞ