誠拉麵 (已結業)

今日去太古睇戲，睇完戲同朋友諗緊食咩，我地都話好耐無食過拉麵想試下，所以就食左呢間誠拉麵。呢間拉麵店有沾麵同湯麵，我地叫左一碗黑豚骨拉麵同一碗豚骨魚介沾麵，因為我地都幾肚餓，所以再追加左個叉燒丼同烤餃子。湯拉麵個湯底好似都係一樣係豚骨湯底，分別在於另外加左咩。黑豚骨拉麵係豚骨湯底加黑蒜油，配幼麵。我不嬲都覺得湯拉麵用幼麵好食啲，所以見到佢係用幼麵，同埋個麵軟硬適中，即刻覺得好加分！（特）同普通拉麵既分別係多一片紫菜、半隻玉子同埋一片叉燒，貴＄13多咁多野，我覺得好抵！之後講下拉麵最重要既湯底，豚骨味好香濃，飲得出係真材實料，配埋黑蒜油更加係將湯底既味道提升左一個層次。同埋配料方面都非常出色，玉子係用日本蛋，蛋味特別香，而且有海帶，令口感更豐富，令我最驚喜既係舊叉燒，因為超有豬肉香，肥瘦均勻，好高質！叉燒咁好食，叉燒丼當然都唔差，唔單只同拉麵舊叉燒一樣有豬肉香味，重有蔥香同芝麻香，配埋日本米，好簡單就已經好好食。不過因為拉麵湯幾濃味，所以最好食完個飯先食個麵。沾麵同湯拉麵既麵唔同，係用左粗麵既，同埋配料方面就無左海帶，多左筍，唔同既食法有唔同既麵，唔同既麵有唔同既配料，好細心既安排。沾麵

間店係AEON food court 入面，下午時段冇咁多人，不用等位，坐吧枱位仲可以望到師傅煮拉麵。我點了辛辣豚骨拉麵，湯底味道十分濃郁，拉麵也十分可口。湯底不算太辣，如果食到辛辣麪既就一定冇問題，值得一試。中間紅紅的一點係豆瓣醬，配合叉燒一齊食好有層次感。叉燒脂肪同肉質比例half & half，肉質鮮嫩，肥美多汁，脂肪入口即溶，香滑無比！叉燒份量普通有2塊，「特」就有3塊，以一個普通女仔嘅食量嚟講普通都夠飽😂 朋友點了黑蒜油豚骨拉麵，湯底好濃郁。無加辣的關係，更能夠飲到濃烈既豬骨味🐷正‼️ 黑蒜油的份量多而且好香，咸度適中並唔會死咸，而且由於湯底質地更濃稠，令啲湯更加能掛係麵上面。

去Aeon入貨，估唔到入邊都有間幾好食嘅拉麵！誠拉麵總共有五款麵可以揀，我哋揀左赤豚骨同白豚骨，加$22可轉餐～咁就有多份餃子或者叉燒丼同飲品！超值叉燒丼，雖然係細size, 但係上面舖滿叉燒粒同葱花，完全見唔到底下嘅飯，足料！叉燒好入味，食左一半仲撈左啲麵湯落去當湯飯食餃子就中規中矩啦講番主角：拉麵 - 白-豚骨拉麵 -麵質爽口唔會太腍，湯底唔會太油太濃，可以飲得晒我地揀左$72，得兩塊叉燒，之後有點後悔早知揀$85可以多一塊叉燒，叉燒肥瘦均勻，成舊食都唔覺肥膩另一麵點左赤豚骨，個湯濃啲，不過就算搞勻晒舊辣嘢都唔太辣，食得出係豬骨湯，飲左大半！枱面有蒜蓉可以加，幾惹味，啱晒鍾意重口味嘅人！食飽飽每人都唔使$100，超級抵食

前幾日同朋友喺太古行街，佢話康怡廣場入面有間幾好食嘅拉麵，話帶我去食。一去到，就聞到好香濃嘅豬骨湯味！朋友叫咗一個魚介沾麵，而我叫左個黑豚骨拉麵，我地都升級左做套餐，因為想試下個手製餃子同埋叉燒飯。店方都好細心，枱面有唔同嘅調味料，有啲辣嘅醃菜，蒜蓉，全部都好香好好味！加咗落個拉麵度係生息不少！先講下朋友嗰個，佢嗰個黎先，我就食咗好多啖😝佢係用粗沾麵，所以掛湯力好好，每條麵都好吸味！好鍾意佢個荀，同我以前喺日本食嘅好似！好香好入味好爽口！叉燒都煎得好香！個湯又香濃，仲有叉燒碎，好足料！而我個黑豚骨拉麵係用幼麵，我覺得幼麵比較適合用嚟整拉麵，店方好細心！叉燒好好食，入口即化！好中意個溏心蛋！個流心好正！最抵讚係個湯底，真係好香濃好好飲，同個麵好夾。手製餃子都煎得好香，餡料係白菜豬肉，打得好融合！叉燒飯有少少似升級左嘅台式嘅滷肉飯！叉燒肥瘦得宜，有啲好有口感，有啲就入口即化，汁都好好味！每人百零蚊喺太古食到一餐咁高質嘅拉麵，好抵！值得一戰！

收工之後同朋友行下太古城同康怡廣場，行到咁上下就平平地去food court 食dinner。之前都食過誠拉麵，覺得佢個半熟玉子同埋個湯底都好正。今次就睇下有冇進步/退步到！叫咗2個黑蒜拉麵(特)套餐，一個配餃子，另一個就配叉燒飯。因為我同朋友都好鍾意食蛋，所以特別叫多咗兩隻半熟玉子。落單8分鐘左右，佢已經整好煎好咗餃子。個樣睇落平平無奇，但食落真係超好味，佢個底係脆脆地，沾d sauce 食真心正！跟住就食拉麵，試咗啖湯，黑蒜味好重，好濃，但唔會好咸。個麵煮得啱啱好，唔會太硬/太腍。個半熟玉子比起之前嘅更加好味，蛋黃更加流心。呢個餐有3塊叉燒，佢每塊都會用火槍燒幾下，更加帶出油香，超正！另外，紫菜即使浸咗湯都仲有少少脆，唔錯！下次來一定要試吓佢個辣嘅拉麵！

拉麵之旅來到太古，這店上一手都是拉麵，今次新開張，我就試一試。除了沾麵每款拉麵有分大小兩個份量，我叫了一個小的有半隻蛋，兩片叉燒和兩片紫菜，加$15可以轉餐，有多3隻煎餃子和汽水一罐。另外有promotion，多送一款配料，選了一隻溏心蛋。赤拉麵不算辣，仍然吃到濃厚豬骨湯味道，拉麵是幼麵，不過久了就有鹼水味道。溏心蛋很好吃，入味又流心狀。叉燒亦不錯，肥瘦均勻。不過坐位超逼，完全沒有位置放物品，而且店員一人分飾多角，又要煮麵又要收捨，很混亂。

康怡入面有間新的拉麵店，見唔係好多人就試試佢~開放式嘅餐廳範圍，座位有限，如果坐遠少少既台，餐廳會提供有一個震動通知器，話你知個拉麵準備好。頭先我揀左第一碗係白 - 豬骨拉麵，湯底豬骨味濃但唔會太油膩，食到最後我都飲晒啲湯。拉麵掛湯力頗強！叉燒肥瘦平均，肥膏部份入口即溶，瘦嘅又唔會乾真真，肥瘦一齊咬，口感啱啱好！叉燒面仲搽左少少醬油先燒，令味道更精緻，好彩我有追加多份叉燒，真係食完仲想再食~~另一碗係豚骨味增，顧名思義，湯底混合左豬骨同味增，聞起來香飲落好濃，好似仲食到小小薑味，有極微微辣味，質感有少少creamy，幾得意~ 佢哋揀嘅味增醬應該係高質產品，鍾意濃味就啱晒。每碗拉麵都有半隻半熟蛋，為拉麵提升層次，而隻蛋都同一貫流心蛋一樣咁好食。見佢寫係用日本蛋，心理上覺得果然唔同呀！個餐我加左餃子，餃子皮邊煎得脆卜卜，食落幾有口感。誠 拉麵真係誠！有誠心同誠意整好一碗拉麵！

都市人食飯都比較趕，但又5想食中式快餐？ 日日食黎食去都豆腐火腩，你都咪話5慘。而我會選擇去food court囉，因為中西日泰任君選擇！<誠拉麵🍜Makoto Ramen> 就睇上5錯既樣，亦都周不時坐滿人架！坐吧枱食拉麵，都幾有日本🇯🇵風味。我食開黑蒜豚肉拉麵 即👉🏻黑(特)豚骨拉麵，其實就係叉燒，不過薄片x多幾塊，麵身好軟，粗麵。半熟蛋🐣口感好軟，但無乜鹹味，可能就係同鹽漬蛋既分別。套餐+22蚊就有叉燒丼或餃子，另外5隻餃子🥟🥟🥟🥟🥟$28蚊👍🏻 皮薄餡足，都係軟淑的。不過環顧一下四周，除左返工一族就係家庭公公婆婆同小朋友多，可能就係因應市場環境需要啦~

今日去到太古食飯，好多食飯地方都比較貴，於是去左food court果邊。搵左日本野食拉麵，揀左誠拉麵makoto ramen。我揀左(白)特豚骨拉麵$85，追加了 $32叉燒丼。係誠拉麵全部位都係吧台位，所以都五會好迫，有水可以自助。(白)特豚骨拉麵終於來了，有三塊紫菜，有三至五塊豚肉，豚肉係燒過的，豚肉都幾大塊。我覺得食極都仲有豚肉係碗麵的感覺一樣，喜歡肉肉的因為我親眼見佢燒的，湯味不錯，不算太濃，有豚骨味道。有2個流心蛋，真的很流心，很好吃! 還有很多蔥和配料，當中台上面還有蒜可以落，喜歡辣味的也有辣的配料去豐富碗拉麵，當日我喉嚨痛，所以無落，平時我都比較喜歡食，所以無落更加食到佢既原汁原味，我這碗麵應該係大份量，所以麵量都相對多，對我黎講已經非常足夠!

今晚同表弟由九龍出咗太古城行街，跟住行咗去康怡吉之島超市買嘢之餘，順便食埋晚飯。我哋揀咗食拉麵嘅誠拉麵，呢間拉麵價錢合理，份量充足，而且味道都好唔錯！首先餐牌上有幾款湯底嘅選擇，另外仲有套餐揀，套餐就一定最優惠，包埋一個小食同埋飲品，我揀咗赤(特)豚骨拉麵，辣味適中，即使唔食得太辣嘅人都非常適合！湯底香濃配叉燒丼個飯幾好食飯嘅質地煙糯口感十足而表弟就嗌左個黑(特)豚骨拉麵我地既拉麵都有紫菜3片、木耳絲、蔥、半熟蛋1隻、叉燒3片表弟另追加蔥花，我就另追加紫菜叉燒肥瘦適中，幾入味半熟蛋唔會過熟，流心半生部分岩岩好拉麵質地唔錯，軟硬度剛好湯底濃郁，佢連湯都飲晒呀！佢個餃子有三隻，餃子就不過不失。呢度真係一個唔錯嘅選擇，超抵食又夠份量，下次再試埋其他湯底嘅面同埋沾面先！

今日黎左呢邊睇戲，睇完之後就去醫肚，呢到既Aeon真係好多野食，我同朋友就揀左呢間拉麵店。我地就叫左個豚骨魚沾麵，呢個醬汁好濃好香，仲未點，淨係聞已經聞到好濃既豚骨味，仲帶有少少魚鮮味。沾麫同叉燒份量好多，細食少少既女仔都未必食得哂。而麫條軔度岩岩好，食落彈牙得黎又有少少煙軔，點埋醬汁好好食。 另外仲加左個烤餃子，呢個餃子冇一般既烤得咁焦，外皮冇咁脆。但相對之下，更加食到餃子皮既質感同味道。加上饀料好足，肉同蔥既比例加埋好香，一啖食落有齊饀料同外皮既香味。 我一見到呢個黑特豚骨拉麵就已經好想食，我仲叫埋個套餐，拉麫同沾麫一樣煮得好好，口感一流。重點係個湯底。比起沾麫既醬汁當然冇咁鹹，亦冇咁鮮，但豚骨味就更加清晰，一試就知煲左好耐。而且黑蒜既味道岩岩好，唔會蓋過豚骨味，但又好濃郁。 呢個係追加既叉燒丼。叉燒整得好碎，加上鹹香既醬汁，好易入口又好惹味。但最正係D飯，煮得好軟熟，放上枱熱辣辣，好溫暖。

每逢星期三都會抽時間黎吉之島搶購fresh Wednesday 特價貨！今日都唔例外！買完一袋二袋後要醫下個肚補充下能量先！係雲雲既鋪頭中，我揀左誠拉麵，因為俾佢個糖心蛋吸引左！佢既蛋寫住係日本產，見其他客人都食得好滋味甘，就坐低開餐啦！只蛋時間控制得好好，滑滑的又limlim的！蛋黃金黃色，食落有清甜既味道，仲要唔止得一邊，係有一只，好滿足！朋友叫左黑豚骨拉麵好香黑蒜油味！個豬骨湯好濃，應該用左好多豬骨去煲，飲幾啖都唔會覺得好油膩！赤豚骨拉麵無留意到赤拉麵係辣既，好彩辣醬係一邊，無撈均姐叉燒大塊，入味但唔會好咸。有好多木耳絲做配料！正！拉麵夠稔又彈牙！配埋蔥花香一流！拉麵+15蚊有餃子同汽水！餃子薄皮，內裡菜多，岩晒我！個底焦焦地，好香口！好滿足既一餐！正！

太古康怡Aeon Style經過裝潢改頭換面後進駐了不少新食店。誠拉麵位於地下Superstore，剛好遇著星期三會員特惠日，同媽媽食飽再行超市入平貨~!!誠拉麵風格同日本拉麵店風格相似，圍著煮食區的吧枱座位，菜單亦好簡單。鎮店的豚骨拉麵是以新鮮豚骨熬製成奶白色，香味濃郁，有原味、辛辣和黑蒜油3種口味；非一般的豚肉是厚切，肥瘦適中，表面經火炙燒香，入口有肉質幼嫩結實，帶一絲絲油香味。拉麵無我最怕的鹼水味，麵質不會過硬過軟。媽媽叫的是黑蒜油豚骨拉麵，添加了黑蒜油的豚骨湯味道更豐富更昇華，喜歡濃郁湯底的朋友，黑蒜油拉麵是好選擇唷~!!

嚟到foodcourt食飯，其實都好多選擇，見到呢間新開嘅拉麵，梗係要試試佢雖然吧檯座位嘅坐法係要同朋友坐隔離，不過咁樣反而更有日式拉麵feel我同朋友一個叫咗黑拉麵，一個就係白拉麵，實情係黑白無雙黑拉麵嘅配料有蔥，炸蒜，黑木耳聞落味道已經好香，先飲一啖湯底，黑蒜油嘅香味濃郁叉燒係日本嘅圓叉燒，肥瘦有致溏心蛋係日本蛋，好嫩滑，蛋黃香濃黏稠一碗麵入面有幾多唔同層次白湯嘅湯底相對上冇咁重口味，奶白嘅豚骨湯好濃厚天然整個拉麵其實做得唔錯，就算係紫菜，食到最後都仲係脆嘅！三隻煎餃子熱辣辣煎得都幾靚檯面已經有調味料，餃子汁等，可以自助叉燒飯係將燒過嘅拉麵叉燒切粒，再灑上烘乾嘅白芝麻同蔥花，味道好香跟餐嘅兩個汽水揀咗雪碧同coke zero熱辣辣拉麵配罐汽水又真係幾爽嘅，不過如果飲品有多啲選擇就更好基本上佢呢度係open kitchen，師傅煮麵過程係一覽無遺嘅後面嘅師傅煮麵，前面嘅師傅煮湯，甚至係用火槍燒熱叉燒都見到，食都比較放心

平時放左工我都仲意去康怡aeon行下街買下野，貪佢方便可以喺超市買熟食或魚生返屋企。不過買得多都有D厭，所以今晚我決定去Aeon美食廣場依間新進駐嘅拉麵店試試。遠望開放式廚房設計，可以見到師父即叫即煮麵！拉麵吧枱位置寬敞，坐得舒服。menu簡單而清晰，主要四款麵：白豚骨、赤豚骨、黑豚骨、味噌，另外再加一款沾麵。而每款拉麵都有兩種：普通及特製。如果肚餓的可以選特製，有多半隻溏心蛋再加多塊紫菜同豚肉叉燒。 我最後叫左碗白（特）豚骨拉麵$85，再追加$22叫多三隻餃子同飲品。等候時間未夠二十分鐘，就已經熱騰騰送上面前奶白色豬骨濃湯，再配香蔥、木耳絲、一隻半熟玉子、三塊紫菜、三塊叉燒。賣相不錯👍🏻叉燒半肥瘦，幾大塊，不過食落唔太漏。白身直條麵質有水準，入口煙韌，而且仲好掛湯。溏心蛋有流心口感，都幾軟腍。而我最欣賞嘅係餃子煎得幾香👌🏻食落味道不錯，餡料飽滿！依個set對於平時細食嘅我已經好飽肚了如果唔夠味，仲可以加蒜蓉、芝麻第配料口味隨意配搭整體依個拉麵感覺好好🍜，食材高質。而最重要係今次可以靜靜地自己一個享受用餐，喺aeon都搵到意外驚喜！