誠拉麵 (已結業)

平時放左工我都仲意去康怡aeon行下街買下野，貪佢方便可以喺超市買熟食或魚生返屋企。不過買得多都有D厭，所以今晚我決定去Aeon美食廣場依間新進駐嘅拉麵店試試。遠望開放式廚房設計，可以見到師父即叫即煮麵！拉麵吧枱位置寬敞，坐得舒服。menu簡單而清晰，主要四款麵：白豚骨、赤豚骨、黑豚骨、味噌，另外再加一款沾麵。而每款拉麵都有兩種：普通及特製。如果肚餓的可以選特製，有多半隻溏心蛋再加多塊紫菜同豚肉叉燒。 我最後叫左碗白（特）豚骨拉麵$85，再追加$22叫多三隻餃子同飲品。等候時間未夠二十分鐘，就已經熱騰騰送上面前奶白色豬骨濃湯，再配香蔥、木耳絲、一隻半熟玉子、三塊紫菜、三塊叉燒。賣相不錯👍🏻叉燒半肥瘦，幾大塊，不過食落唔太漏。白身直條麵質有水準，入口煙韌，而且仲好掛湯。溏心蛋有流心口感，都幾軟腍。而我最欣賞嘅係餃子煎得幾香👌🏻食落味道不錯，餡料飽滿！依個set對於平時細食嘅我已經好飽肚了如果唔夠味，仲可以加蒜蓉、芝麻第配料口味隨意配搭整體依個拉麵感覺好好🍜，食材高質。而最重要係今次可以靜靜地自己一個享受用餐，喺aeon都搵到意外驚喜！