詩房菜 (已搬遷) 新店位置

堅持一晚只招待一枱客人。今晚我們8人便已包場。由6:30pm食到11點幾，仲要傾計傾到過12點先走，實在要多謝Sa Sa的熱情招待。由第一道菜的fresh drink, 到最後一道菜的「重型」心太軟。每一道菜都顯示到Sa Sa對食物的心思和堅持，除了味道，還有態度。必食菜式：新鮮沙拉、德國豬手、龍蝦湯......其實每樣食物也十分美味PS 環境舒適，給客人溫暖的感覺，更突顯Sa Sa的品味。很多打卡靚位

和閨蜜 慶祝生日必定會搵啲好嘢食！今次搵到『詩房菜』，雖是朋友推介，事前冇乜特別研究，固没有抱住太大嘅期㗎。誰 知道驚喜一浪接一浪！ 首先呢個意式巴拿馬火腿紅酒汁雜菜沙律。 沙律汁係SaSa親自炮製, 酸中帶甜,開胃醒神。跟住上個上海五小碟,味味汁料都係SaSa親自調配，口味正宗 又不太濃。聞説SaSa 有個舊同事是上海人，親自教授幾款上海菜，所以好似在上海人家當客人的味道，那款私人真藏的醃咸菜，吃得朋友大叫來碗白粥呢！濃蝦湯，没有造作，就是鮮味和鮮味，海鮮味濃， 沒有加鹽 亦飲到蝦嘅鮮味，工序繁複，心機之作。最驚喜係焗豬手，原隻焗兩小時，皮脆肉嫩 。先食一啖脆皮，居然有泰國林真香 脆豬肉乾嘅口感 驚喜萬分。跟住居然有 蠔油炆鮑魚 同埋 蝦多士。 自問城中出名嘅蝦多士也嘗遍幾許 ,從沒有一件蝦多士好似今晚呢個咁 冇油膩嘅感覺。 麵包一點油也沒有出 ，配上少許沙律醬同埋黑松露醬 ，令到整體 突出蝦的鲜味但沒有油膩感。最後居然有大型 朱古力心太軟 ，素來不好吃甜的本人，也吃了一大塊。事前沒有菜單，碟碟上菜也叫到嘩嘩聲，吃完一味叫很飽，下一碟又吃晒，结果每碟也掃清，今晚又超標了。

今次我同呢班朋友都不是第一次嚟幫襯 "詩房菜"，但每次都不會失望而回，原因好簡單，主廚 堅有心主理每道菜。  嚟度詩房菜，有 d 食物就算重複食都唔會覺厭，甚至必食之選，例如，無敵 "蝦多士" 同 "德國鹹豬手"，主廚仲要係可以整到每次都比上一次再好味，太強了。 當然每次都有新嘅美食送上，令大家都有驚喜，例如，烤燒頂級安格司肉眼扒， 原隻龍蝦忌廉濃湯 以及  芒果慕絲蛋糕。鍾意影相嘅我，望見咁靚嘅菜式，都會自自然然落力影下相。

今次係我第 5 次幫襯詩房菜，仍然有好期待嘅感覺，今次味道又如何呢？！😋😋😋！一同 7 人，有倆人係超級大食湯怪，我見到佢哋食嘢，都會滿心歡喜！🥰🥰🥰！我又要期待下次嘅來臨喇！🥰🥰🥰！沙律 ~ Parmaham 田園沙律配 Sasa 紅酒醋！😋😋😋！頭盤 ~ 泰式溏心皮蛋，蔴醬豆腐秋葵，泰式豆腐，淆肉！😋😋😋！主菜 ~ 德國鹹 🐷🐷🖐🏼🖐🏼配自家煮 Sauerkraut！😋😋😋！今次食鹹 🐷🐷🖐🏼🖐🏼，脆到要錄音，脆到好似開機關槍咁，點解會咁脆㗎？！🤩🤩🤩！足料住家老火湯 ~ 螺頭煲 🐔🐔湯，唔鍾意飲湯嘅我，都飲咗 3 碗！🤦🏻‍♀️🤦🏻‍♀️🤦🏻‍♀️！主菜 ~ 古法燘鮑兒！😋😋😋！主菜 ~ 脆脆 🦐🦐多士！😋😋😋！主菜 ~ 西班牙炒飯！😋😋😋！甜品 ~ 芒果慕絲蛋糕，點解可以咁好味㗎？！😱😱😱！

第二次到詩房菜，正所謂食過番尋味，仲要開心些牙，所以今次同埋一大班朋友仔到訪。地點便利，環境舒適，6時已開始恭候，首先嚟杯飲品先。今次依舊由厨師發板，頭盤開胃沙律，拼盤，蝦多士，咸豬手...已經數不出吃了多少道菜，少甜的甜品~心太軟 +焦糖燉蛋，女士們至愛！廚房飄出陣陣食物的香味，我們期待每道餸菜，每一碟餸菜也全部食光，每道菜也吃得出心思，味道及賣相也一流！我們全晚又嘈吵，又熱鬧，又開心，全部人也滿足及依依不捨地回家！

吃過私房菜的，印象都是像小餐廳搬上樓上舖，吃特色菜餚。朋友安排到詩房菜，之前問她有關廚師背景、餸菜特色等，她也說不出。只是說很舒適有家的感覺。今天我可以告訴你 ，走到私房菜 就像 一位熟悉的朋友邀請你到他家裏 ，為你煮一餐美味的晚餐 ，一邊食一邊和你閒話家常 。由於主廚不但愛美食，她對攝影也很有研究 ，她曾與你分享非洲等地的難忘經驗。 如你也愛聽 ，你會被他的介紹吸引着。一邊食一邊聽就像和朋友輕鬆吃一頓晚飯。食物方面 ，主廚有他的堅持， 一定要廚師發辦， 按他安排適合你們的菜式 。而每味菜色你也看到他們真 用心去做、 對食物的要求，是愛呀！

尖沙咀＠詩房菜，很有家的感覺，無論裝修以至餐具亦很細緻, 跟廚師很互動，很健談, 每個餸上枱時也會道出由來, 好似遊歷左好多地方咁, 而且份量超大！百香果蜂蜜橙茶，很有果香開胃parmaham田園沙律泮紅酒油醋汁，很意外這個汁很好味前菜有麻醬豆腐泮秋葵，泰式溏心皮蛋，肴肉乞衣雞味道很討好，同場加映火焰雞, 有趣! 德國咸豬手配酸椰菜絲，唔油膩很脆，酸椰菜味道恰到好處。雪梨雪耳無花果紅棗湯簡直甜到入心！仲有西班牙糖醋魚LaPuLaPu日本帶子扁意粉甜品cream brulee，我最怕太甜，呢個味道岩岩好，芋頭焗西米布丁，但味道偏鹹，感覺怪怪。SASA, 請繼續加油!

今年生日要出差到美國只好提前同心愛嘅另一半食飯慶祝，非正日也十分享受一起嘅時刻。歸來後安排了良朋好友聚餐，話去食私房菜，一見菜單又係要多謝佢，都係我嘅至愛食物 - 杏汁豬肺湯，蝦多士及法式燋糖燉蛋。可能近年的私房菜已經大為失色 - 只係非正式餐館的食館，水準質素每況愈下，那些真正的住家式美食已經好久違了。抱着良朋共聚傾偈最重要的心態，一進門已有驚喜，感覺就像去了朋友家似的（因為要先除鞋 - 這其實好有効，頓覺一天工作完成後可以好好放鬆似的，店主真懂小節）一杯 welcome drink 有非常滋潤的熱情菓什果汁展開一晚的美食。值得一提的是私人醒給我咳到甩肺的朋友嘅陳年咸柑咭水及給壽星公的手沖咖啡，誠意滿分。唔特別講菜色（雖然這是開飯網); 講講用餐感覺 - 每道菜上來後店主會好自豪咁介紹，特別的係菜式背後的故事及她用什麼心態去處理。這樣好，也不會有什麼特別的食物未試過需要介紹，故事比材料更有吸引力。一來好食，二來唔好浪費食物，三來對廚司的認同及專重我們把每一度菜也徹底食完；不經不感已捧腹叫飽，此時才上大鑊飯及蛋糕和甜點。別的不説你們現在有冇人身邊無朋友話我減肥或不吃甜而（借口）放棄甜點

第一次食正宗私房菜，完全有家的感覺，由於每晚只招待一枱客人，環境舒服，心情放鬆，所以有尊屬的感覺。没有餐牌/菜單，非常神秘，只需告知SaSa 有什麼不吃便可。有幸，今天由SaSa 的老師下厨。每一道菜帶住神秘出場，賣相精緻，吃得出心思+手工，也非常美味。如生蠔，並非普通炸，炸皮內仲有其它3種材料。杏汁豬肺湯，非常好味，熱辣辣出場。乞衣雞，有得玩火燄，非常入味。每一道菜也很喜歡，未能揀出一道推介。SaSa 非常熱情，邊吃邊講，不經不覺我們由6:30到達，非常愉快，到11点也不願離開，每位朋友也吃得開心。期待下次再試神秘菜單。

詩房菜唔單止係提供豐富的晚餐，還要係每一道菜都顯出老闆娘嘅心思。前菜吃了兩款菜式，第一款是巴馬ham配雜菜和自家製的獻醋汁，加上當做的無花果，蔬菜爽脆同鮮甜，食得出用心挑選嘅材料。還有另一款冷盤， 香口嘅麻醬豆腐和 泰式惹味皮蛋配上海肴肉，也是特別的菜式。 不得不提老闆娘曾經講過一試難忘嘅皮，就連我這個很怕皮蛋怪味都覺得好味道。泰式汁同皮蛋完全係最佳拍檔。酒釀日本的毛豆很有酒香味道。黑松露鮮蝦蝦蛟讓多士、鵝肝和金銀潤配魚肉德國豬手配酸菜，豬手皮爽脆和肉質彈口，配上自製酸菜也增加食慾。鮑魚配冬菇鮑魚汁也是美味可口，鮑魚本身是沒有味道的，透過配料增加鮑魚的鮮味。老闆娘很窩心得意煮了一道黑毛豬配蘋果醬給我唔食牛嘅人，毛豬同蘋果醬夾得天衣無縫。海鮮西班牙飯實在有睇頭，啲蟹多膏到爆炸。甜品是鮮明芒果朱古力mosses,就算已飽到喉嚨，都必要試。同事就這道牛腩青椒，牛腩的顯得也很好味加上炆牛腩，牛腩鬆脆可口。還有三文魚南瓜湯，清甜而不大魚腥味。

私房菜最難是每一道菜式所下的心思；由買食材，餐單設計，每道菜式的舖排，少一點心思也不能有完美的效果出現；「詩」房菜老板，又是大廚，同時亦係侍應生的她有著藝術家痺氣......追求完美。

好耐无食私房菜了，竟然有金庸名菜“二十四桥明月夜”，难得咁有心思既菜，绝对好值得一试，竟然连一个平时唔点食野既人都食左两碗饭，如果係谂住同朋友坐得慢慢倾计食好野既，岩晒

經同學仔朋友介紹試過呢間詩房菜，令我一試難忘 ... ... 慶幸小妹我很聰明的當日午餐只吃了一個細小麵包，否則就有負味蕾兒了。 直至今天，我還清楚記得當天由踏進SASA LOVES KITCHEN門口之際，已受到一連串之hospitality; 又Fruit Tea又Crème brûlée, 與SASA邊談笑風生，她更拿出私火的劇場鏡頭幫我地拍這拍那，各人又作狀又攪鬼像要將餐前的Crème brûlée好好消化消化.... 補充一句，SASA聽到我怕飲冷的水果茶並特意為我將之加熱，她窩心的舉動為小妹帶來的，又豈止是腸胃溫暖那麼簡單﹗那一刻我可以肯定這餐飯必定perfect﹗結果真如我所料，一班老友好幸福、好安心、好舒暢地喺詩房菜大快朶頤，不受任何騷擾、說說笑笑，不用像在一般餐廳星期五晚被要求按時結帳離檯而匆匆嚥下，未能好好跟朋友聊聊外，也不知食為何物呢﹗ 最後，讓我做個總結，多興奮能遇上從食物味道、醬汁調配、使用器皿以及各項細節出發都一絲不苟的廚子及主持人，真心希望詩房菜繼續努力不懈，以誠待客、用心烹調更多令人垂涎菜式，使更多客人嘗到幸福之味。 

成班朋友最怕都係諗生日飯🤦🏻‍♀️差不多個個月都有人生日😬總不能單月buffet雙月唱K架嘛。諗起早前同同事食過詩房菜，美女廚神話唔會同上次一樣啦😬😬咁就要會佢一會喇🎉🎉一入到去已經唔同咗😱廳張sofa搬咗入房，反而搬咗張餐桌出黎，原來美女廚神話咁就可以有地方飲吓酒嘆下咖啡😍😍正美女廚神mm考完咖啡是牌，當然叫佢露兩手啦😬頭盆都係沙律🥗但內容唔同咗喇，今次係芒果同蝦，果然不時不食😍😍冷盆唔講啦🙊睇相都知😬但個鳥魚子真係.......好味到呢😍😍個湯香到呢😍😍啲杏仁dub碎晒，絕對係足料老火湯，完全係家的感覺第一次食呢個餸，唔記得叫咩名，我自己叫佢做甜酸東星😬又係好味到唔食唔得，連亞壽星仔唔食熟蠔嘅都肯試（幾想佢話唔食幫佢食埋🤣🤣）西班牙海鮮飯😍😍因爲壽星女鐘意食蟹，廚神總會為你夢想成真😊甜品都3個😋😋無他嘅，甜品係第二個胃黎架嘛🙊你明架😜仲要有人生日，咁有生日蛋糕是常識吧😘😘最後就當然係切蛋糕啦😘😘HaPPy bIRthDaY to 兩個壽星仔女，成晚笑到傻咗，因為得我地一張枱，點玩都得，唔驚阻住人🙊free到呢🤣🤣不過就搞到仲有啲野食唔記得影囉🤦🏻‍♀️

同朋友去幫襯過兩次，兩次都無失禮，由於詩房菜主持人保留出菜的神秘感，不會預先告知 "今餐有咩食"，所以每出一道菜，都令我地個個哇哇聲，因D食物買相太正，當然最重要嘅食物味道超正，由前菜，主菜，及後的甜品都不得了，食到話飽呀飽呀又繼續食，總之超滿足地食食；另，此食館另一特色係店內的環境真的有 "家" 的感覺，令我地坐得好舒服，可以慢慢品嚐每道美味的菜，當然好好環境下，一路食一路談天說地是常識吧，真的值得推介及繼續幫襯