詠藜園四川擔擔麵

营业中

休息中

終於做完好難整的presen，當然要慰勞一下肚子！不過下午還有堂，不走遠，就去紅磡美食坊食川菜吧。兩個人不好多叫，只可以淺嘗，試了三個小菜。鳳凰蛋（$68）雞蛋與韭黃的組合，出面只是一張普普通通的雞蛋餅，誰知內力另有玄機！韭黃藏在蛋皮中，伴著充滿雞香的蛋汁，鮮味十足，不過一定要趁熱食。擔擔面（$18）似乎很出名的一道，但是都好辣，有點頂唔順。花生醬的味道勁香濃，面又幾彈牙，份量都很合適，不會太飽。但這依然未算正宗的擔擔面啊。紅油抄手（$28）雖然肉的比重稍大，可是肉質精良，依然很美味！雲吞皮薄而滑，浸入辣汁後十分惹味，可是一樣，都是辣得嗓子痛…那也要吃的～很好吃的一頓簡餐，服務都很貼心呢。我們吃完就舒舒服服的回去大睡咯，zzzzzz…希望以後的presen都可以咁順利呀，我發現對為食小漏漏而言，用美食做incentive真是再合適不過了。

除咗兩位老人家伙計外, 其他伙計越來越差, 叫好耐先有人回應。 食物水準十分參差, 幾乎同一樣食物但味道次次都唔同(特別係麵)醉猪手, 醉轉彎好好食, 個味啱啱好, 唔會太濃酒味, 係一道食完好想下次再食嘅小吃。酸辣麵就係質數較參差, 時辣時唔辣, 如果唔辣就真係食唔過, 亦時酸時唔酸, 真係幾睇彩數。膽膽麵嘅命運同酸辣麵一樣, 都係好參差囉... 其實其他食物賣相幾好, 但奈何味道好參差, 唔係次次都食到佢地嘅水準, 希望會有改善啦.因佢地水準好時, 真係幾好味嫁, 可以好快就食完碗麵!!

前日係到食晚飯,點了一客四川担担麵,小湯包,雲白肉和一盅原盅雞湯翅.担担麵上次經己好好食,但今次仲好食,小湯包掛住傾計遲左食,但都係咁好食,雲白肉都係唔錯,眼見有肥肉但食落口唔覺肥膩,好得!雞湯翅今次係試驗性質,雖然order後要等15mins但絶對徝得因為好掂,但可能落太重料-金華金腿,所以偏咸,但絶對好飲.

今次特別介紹只有星期六供應的香糟鳳爪花雕酒不太濃...但明顯雞湯清甜,與花雕酒溫和配合被浸的鳳瓜,非常入味易入口得黎, 具口感...夠彈性$28...都值得一試不過擔擔麵就水準下降左燙麵的水..久久不換lei D 野唔懶得...D 水會越燙越"傑"同埋湯底唔夠濃...用料少左好多在鑽石山時,個湯底我會飲不過今次一啖都無一來D 傑傑地的粉漿入左湯二來湯底無乜味紅油抄手...D 雲吞皮ja 埋一住太厚了又太大片...所以厚皮不太熟水煮鱔片味道layer 太少不應太吝嗇麵鼓...唔想增加成本, 就少D 水水煮唔一定係水浸鱔片被浸沒使用大豆芽作視覺上增量的手法都不鮮但是用得太多了$78一碟...可以食的..唔多

成日都聽人講話呢度D担担麵好好味~今日去開呢頭,都要專登行過黎新天地..黎到先發現原來X泰豐已冇左,開頭仲以為尖咀O個間係分店添~原來係搬遷~~講番呢度,兩個人叫左個SET LUNCH~兩碗担担麵+宮保雞丁+小湯包+兩杯豆漿=$88都唔算貴~先講担担麵,個人認為唔差,但係湯底未至於話好好,唔多辣,麻醬味又唔係多~凡而我係鍾意佢個麵既質地~幼身而淋..可索到味~又唔會話好滯~成肚麵粉咁..宮保雞丁portion唔會好大~但夠兩人食~唔辣的,唔通做錯左腰果雞丁??小湯包反而幾好~因為其實我唔鍾意食小籠包的,但我覺得佢做得個包皮岩岩好,唔會好麵粉,而且個湯幾甜~個set好夠食~好飽~午市唔算人多~價錢唔算貴~食得過~

平日晚飯8:30，等了10分鐘入坐，點菜4款:1) 擔擔麵(不辣)2) 油炆荀3) 雞油毛菜4) 椒鹽黃魚(2條)小食油炆荀顏色較深，外形較長，味道達水準，不過不失。黃魚落單最少2條，注意魚身不小，份量比想像中大(因只是$20一條)，上粉後原條炸，原條上枱，無汁醬，魚肉頗鮮，魚皮乾身帶椒鹽，不錯。雞油毛菜，菜鮮甜，加上雞油炒香，簡單之餘，更是全晚味道最佳一道菜。擔擔麵，可能名氣大、期望高，結果就失望，麵身太軟，湯底帶濃烈花生味(女友說似燶味)，溫度不夠，份量可以，不合格。特別一提店內大枱較多，二至四人要搭枱機會很大。

擔擔麵($18)的麵條幾幼滑，略嫌淥得過腍。要了辣的，不過食落並不覺辣，可能要貴$4的麻辣版本才呼過癮。湯底其實都頗濃味，但事後又沒有口乾頸渴之苦。媽咪蛋炒飯($38)材料簡單，但炒得不錯。雖然落油似乎多了些，不過蛋香吸引，而且粒粒飯都沾上蛋汁幾均勻，又不「立」口。一客三隻的生煎包($18)尚算軟熟，不過不失。連茶錢及餐前小食，埋單$97，也算吃得滿意。

對上一次光顧，已經是4年前了；今次遠道而來，算沒有令我失望叫了一碗擔擔麵，麵幾爽口，湯底算OK，不過距離鮮味就有段距離啦鎮江餚肉不錯，滑得我差點兒夾不起醉雞真的不錯，雞的肉質嫩滑，而且伴酒清香可口，帶出了醉雞的清香濃郁不過，職員的服務就認真不濟了以我當場所見，不論帶位、落單，均出現混亂再加上傳菜的侍應沒有受過應有的訓練，實在大大減低了對這間食肆的好感！題外話︰以穎黎園的知名度及級數，絕對有資格轉走中高檔數線的

其實我是去了"詠藜園四川擔擔麵"(總店)，今日下午二時去到，店外沒有人在等位，我、太太和歲半女兒一行三人，因推著BB車，已和門口的知客說了要可放BB車的位置，第一張比我們的是沒法推BB車進入的，跟著再給我們一張八國聯軍的搭檯位，座下等開位和要BB凳都過了最少5分鐘，叫過五次都是說"等等"，當時我已忍不住大聲說出"我問了5次都話等等"，果然有效，不久就取來。叫了"不辣改良版擔擔麵"，像污水一樣，味道很淡，麵條勁軟沒有口感，"鎮江肴肉"、肉質乾淡而無味，"雞絲粉皮"，花生醬都無味問你死唔死呀！最後叫了"楊家小湯包"，這個還可，不過若是招牌菜就名大於實，"鴻星"的"蟹粉小籠包"都好食過佢多多聲。本來唔夠食，不過只想快快食完走人。幾年前已去過這間一次，當時感覺與鑽石山大磡村舊店相比是有一段距離，但今次真的還再差了更多，服務又勁差，我見到的全店樓面都是黑口黑面，若你有勇氣、有膽識可以去試試！

點了紅油抄手,小籠包和一碗四川担担麵紅油抄手比以前大粒但外皮較以前厚,味道就差唔多.細細粒會好食d咯.小籠包幾好,個皮真係好薄,夾時也担心弄破!四川担担麵本人認為過往的出品較現時優勝,因為現在的花生醬湯底變了,,味道似乎較像豉油.

以前一提起擔擔麵，便即時想到詠黎園。重前在紅磡工作時，隔天便到這裏來，現在不再在那區，當然少了光顧的機會。今天須到紅磡一徜,便趕命符的一坐下來便即時要了個擔擔麵,沒有order其它的餸菜,因為只有二十分鐘的時間逗留。由於我很久沒嘗過這兒的擔擔麵，所以特別掛念它。不消幾分鐘，擔擔麵很快地送上，麵條依舊很滑口，入口充滿蛋香。記得從前某一次，當店鋪沒太多人的時候，老闆娘行過來將我那碗擔擔麵的湯和麵"撈勻"其實我不喜歡這種吃法，我喜愛的吃法是從面頭夾起麵條(不能弄散)然後放在湯匙上，跟著夾起沈在湯底下的肉碎、蝦米、花生碎、葱花,再與一少湯匙的麻醬湯底同吃，麵條才會特別爽滑，不易變腍。麵條方面我是喜歡詠黎園，但湯底方面，從前我喜愛詠黎園，但如今我卻喜歡上翡翠拉麵小龍飽的擔擔麵湯底，人的口味會隨著年紀及味覺的改變而改變，倒要有競爭，人的味覺才會進步。

一坐低伙計便推介糯米一字骨$28兩件用粽葉包住,糯米及排骨蒸得夠軟稔,又夠熱,幾好食擔擔麵$17:每次必食,以此價錢能食到高質素的靚麵及湯底,超值!小籠包$18四隻:今次肉餡較鬆散晚市:另加茶錢每位兩元,前菜十元(花生及酸菜,無得唔要),加一

The food was so average...the so called No. 1 担担麵in Hong Kong...担担麵= super average麻辣擔擔麵= not 麻not 辣..but 紅油only...fat fat...揚家小湯包= NO SOUP INSIDE MAN~~ very little 肉汁only.雞絲拉皮= 皮all shattered, 麻醬ok.糖醋魚= ok.I agree that this is 香港人口味的川菜，毫不正宗服務態度= ok.2 ppls....$175N.B. I saw the 知客(A) 問候waiter (B).. then B 寸A back..saying that \"I told you before, you didn\'t hear jeh ma, throw that shit away \"

當還在鑽石山時..每次的麵硬度,鹹度,配料都不一入味的油炆筍人手寫的貼牆菜單坐上去格格聲的卡坐歷經風傷的紙皮石地面得閒搭得兩咀的老闆60年代的陰暗燈光整個氣氛的形造缺一不可老店老店..不是單單名字老氣氛人味也要老所以小弟第一次光顧此店發覺已經不再是詠黎園食物的靈魂已流去賣賬已經是電腦化, 轉頭就畀本賣賬簿你轉身就走了.欠人味...欠人味.....欠...人...味.....如果大家想嘗點人味, 不仿到黃大仙的詠黎園駕車人士迫在後街咪錶或附近的街市停車場不過都係鑽石山好時間流逝,人去留空美食當前,要珍惜

聽過這間餐廳的大名已久, 只是一直未有時間過來一試那勁出名的担担麵, 今天一試, 只是覺得average! 未能去到水準之上...再加上waiters的服務極差, 不得不出個喊面.今天跟父母專程過來hunghum之前, 已經飲了早茶, 打了個底,怕的是麵的味道不合! 結果, 我做對了.我自己點了改良担担麵加辣, 媽要了酸辣麵, 爸點了三絲蛋炒飯, 再追加一碟一口鍋貼. 麵, 是滿面紅光的, 上有炸醬, 花生等等... 點了加辣麵的我, 其實覺得根本談不上辣, 只是有辣的香而已. 媽說她的酸辣麵的湯底很普通, 只是麵的口感很不錯, 是水準之上. 爸的炒飯又是average之作...要數我的最愛, 一定是鍋貼, 那size一口剛剛好, 有肉汁, 皮不太厚, 是最推介的食品!overall來說, 應該沒有再來的理由, 就算有, 都是為了那一口鍋貼.*10% service charges is compulsory**堆單100多d