詠藜園四川擔擔麵

营业中

休息中

难得和老公黎到黃埔花園，决定试下这间似乎几出名的餐馆。我们试左：醉鸡 - D鸡不够嫩滑，酒味就ok.擔擔麵 - D湯几浓，几好。清炒油麦菜 - 普通水准肉丝炒年糕- 得个咸味， 差。小籠包 - D皮几厚，味道也一般鍋貼 - 味道同小籠包很接近， 煎得吴够香 椒鹽小黃魚 - 是晚最失望是这个，完全无椒鹽味，个魚皮又硬到咬吴到 ，同小南国的香煎小黃魚真的差天与地。埋单$281, 可取是服务还算好，但也不值得再来了。。

來過這兒好幾次，唯獨是沒寫食評。來這兒，必試擔擔麵，湯味很濃，唯獨是麵餅很細，成了湯多於麵的現象。其實喜歡吃擔擔麵的話，我想要吃兩碗才足夠。至於餃子，皮十分薄，餡料十分多，很不錯。至於冷麵配料也是十分足的。說到服務，這兒的人情味很濃，可能是老字號吧！

第二次來吃，是次不吃麵了，是十多人的一圍，也吃了不少的菜色，不過坦白說，水準真的很一般。冷盤幾味，薰魚沒有味道，不看也不知是在吃薰魚；鹵水牛展是硬硬直直的一片，味道是有，但口感很差；醉雞大大件，酒味不足，雞肉也不嫩滑，自己整也應該會比這裡好吃；海浙是最正常的一味，是比較吃得過的了；看餐牌，也見有幾道得獎菜，先來的是「招牌寶鴨」。看樣子是炸得酥脆，是用香料醃了才下鍋的，但油炸菜色一是靠食材本身的味道，是日的鴨，肉味偏淡，醃料也幫不上多忙。一是靠醬汁，好像是不跟醬汁的。總的來說，是不好吃，將「招牌」掛了在這隻「寶鴨」上，幾冒險的。原來還是〈最高榮譽金獎〉來的，看來要查一查什麼是同期得獎菜色，一併打交叉也沒什麼蝕底之處；另一個得獎菜是「Q版松鼠魚」，得的卻只是〈金獎〉，〈榮譽金獎〉也不過如此，〈金獎〉又如何？用上桂花魚，肉質本身已是腍身，加上切得不夠幼細，吃起上來不脆口，配上杰杰的橙色芡汁，口感就更不濟。汁也調得酸了一點，甜酸平衡可以更好，另一味得獎菜，也認真麻麻；其他的菜色，如南乳蒜香骨脆皮太厚，吃不到多少肉；炒蝦仁的蝦仁很大粒，應該不是河蝦仁，不過是幾爽口，喜歡大大粒蝦球的必喜這一味；辣

在外Hea找行紅磡，忽發奇想揀呢間。話就話想食好耐，之但係而家先食第一次。冇影相既擔擔麵果然好食，好有花生味^^"（最緊要湯濃而麵唔浸軟=])另外小籠包都Okay，皮就薄既，不過肉汁就可以再好少少=](都係鼎泰豐好^^")影左相既紅油抄手同我既原湯水餃比較，其實各有特色，一個湯清，另外一個表面上完全唔辣，但當你不停又不停地夾第二/三隻既時候，第一隻既辣先搞到你咳>.<"鍋貼幾小巧，不過食食下就發現，點解肉餡同先前既水餃（定小籠包?!)好似差唔多咁既.......人手都係好似唔多夠，嗌左兩次先賣到單，同埋預早去，閒日都幾墟陷下*

今晚兩人去食，只等了一陣位:擔擔麵(不辣)X2--d麵好味，湯底都OK小湯包--店員話即係小籠包，好多湯， 皮都算薄蒽餅--無咩蒽，但幾香口，好薄一口鍋貼--ok la ,細細件，易入口.以上各款都唔過$20，整體味道也不錯埋單2人加埋$103，都算抵

難得半天假，走到來黃埔吃些東西，然後搵料。已吃過詠記慈雲山的老店，是間不錯的麵店。兒子開的新店，店分兩邊，分別是「中華風」的擔擔麵店及街坊格的楊家菜，來了後者。一心來吃擔擔麵，分新．舊版，新版是下了肉粒做的麵醬，要了新版，問了辣唔辣，原來辣油可以另上，聽取侍應溫馨提示，決定另上；見金牌白肉，很喜歡吃此品，胃口甚佳，一於試埋。白肉先來，看樣子是切片過熱水，再撈以醬油、蔥粒，碟熱肉暖，是熟的涼菜，白肉連著一層肥脂，肥的部份豐腴、瘦的部份帶著肉的濃甜，只加了少量鹽調味，不羶，肉質不錯，惜配的醬汁得個甜，亦沒有蒜泥辛香，白肉還是最基本的酸醋、辣椒、蒜泥、醬油來得對口味！這個醬汁，很港式。擔擔麵是個人最討厭的「汪洋版」，當然坊間十之八九都是如此做法，無辦法只好接受市場口味，擔擔麵汁是肉湯與麻．辣醬配搭，麻汁本身不夠濃稠，加上大量肉湯稀釋後，變得淡而無味，肉末倒是煎得幾香。麵條拉得細嫩軟熟，但長度很一般，與老舖比，還是那邊一氣呵成的長身版本才夠正宗，才吃得出手藝。想吃些甜，叫了生磨芝麻杏汁豆腐，豆腐嫩滑含少量杏香，帶著大菜爽勁很奇怪，黑、白芝麻感覺是無烘焙過，不夠香濃亦稀如汪洋，希望同一情況不會出

今餐都約了很耐先約得成, 本來係決定去黃大仙老鋪因為見到OR上面個邊好評多d又平d點知住係個頭的美寶話個度” 東主有喜, 休息半天”所以臨時改了去黃埔…好偏僻好難去呀~之前去過這個美食坊, 所以好彩都不太難找我地四人叫了一個二人套餐, 2個麵, 1個小菜, 1個包點+2杯豆漿=$98兩個麵(一難一唔難): 香濃的花生醬味, 幼麵條也做得很幾彈牙配上少許肉末花生碎, 廿蚊唔使真係幾好; 難的也很惹味小菜要了棒棒雞: 沒有粉皮的, 微辣的雞條伴著青瓜絲幾fresh包點要了小籠包: 這裡的小籠包也都不錯, 有湯汁有肉香已算合格我地額外仲叫了酸辣麵: 可能係最叫人失望的, 幼麵拌著紅油, 除了辣, 真係食不出酸, 是否因為川菜的緣故呢？過橋水餃: 雖則不知點解叫過橋, 不過皮薄又不會過軟, 餡料在蔥薑和醬油下有點驚喜, 紅油抽手還要等傑仔好返先再吃吧螞蟻上樹: 就是濃油厚醬的肉末蔥粒拌著炸粉絲吃, 醬單吃當然會鹹了點, 我覺得和炸粉絲吃剛好吃的時候餐廳不太多人, 不過服務很麻麻, 2杯豆漿斟左成餐先來最攪笑就係一個侍應叔叔三返四次游說我們吃一樣東西看餐牌時: “想叫特式野呀, 叫一字排啦!

同d朋友睇完戲.... 諗起食上海野...又唔想食王家沙... 於是就試下詠藜園... 3個人叫左都6樣野...1. 青瓜拉皮 --- ( d 拉皮唔爽.... 而且用sesame source唔岩feel) 2. 夫妻肺片--- ( 好味...又夠辣... )3. 椒鹽小黃魚--- (未食過d小黃魚咁大條...不過d味都ok)4. 酸辣水餃---- ( 個湯好怪.... 而且d水餃勁多西芹....>.<)5. 干偏四季豆--- (好味)6. 醉豬手---- ( 都幾好...不過如果你唔鍾意食豬皮...就千祈唔好叫)

21號晚媽媽舊曆生日,到此慶祝5個人叫了個4人餐+一條糖醋桂花魚用信用卡食滿$200有糖水送,是日糖水係「有機蓄藉糖水」當晚食物質素不錯,前菜有燻魚,青瓜又有小籠包,魚肉湯,雞,蝦,菜同炒擔擔麵個人覺得炒擔擔面好普通,湯既應該會好味D,不過因為個餐係跟炒擔擔面...無得揀><糖醋桂花魚好好味!條魚落過去炸,有D脆脆地,糖醋汁唔會太酸太甜服務方面都唔錯,一叫即刻有人應你環境幾靚,唔會聽到隔離枱D傾計聲

前一個月和友人到詠藜園吃飯那個月在不同地芳吃了很多次擔擔麵.. 仍然很想吃擔擔麵叫了二人餐..可以叫一個送, 再叫小籠包/鍋貼..等等, 再加麵當然選了擔擔麵.. 好吃..但係份量比較少.. 我覺得嚼江南果D擔擔麵比較好吃加大碗再叫小籠包..好好味.. 好多肉汁叫了葱爆牛肉.. OKAY的~ 應該會再黎食既

5月1日 玩左 2 堂 Yoga 勞動過後, ,晚飯約左家人食 今早已經 Book 左位一行7人, 等 5 分鐘有位 叫左 : 擔擔麵 2 個 好香花生味, 麵質還有咬口, 不錯奶油律白 一凍左就變左 一pet 咁, 買相唔好 五香豆腐 : 汁無乜味, 一般 小寵包 x 2 : 皮厚到死,所以點都唔會穿架, 好在有小小湯汁飲下 宮寶雞丁 : 唔夠香口, 不過可姒送飯籮 五柳斑塊 : 我鍾意食魚, 同埋個汁好開胃, 我偷偷食左3大舊呀, 呵呵 ~~ 闊別 1 年之後, 水準下降左唔小, 不過上菜超快, 晚市起碼做到4 水, 都抵讚 !

久仰它的大名, 終於可以試到了! 不過看過可為食家的食評, 叫自己不要抱太大的期望, 果然, 擔擔麵, 只是不過不失捧來的麵, 油"king"左係面, 個人認為不太好了! 不過味道都ok~

担担面: 味道不錯, 湯濃, 但份量少酸辣湯: 足料, 份量夠炒饍餬: 略鹹, 饍滑高力豆沙: 無味, 似食一團充滿油的蛋白, 得一點點豆沙在側邊, 朋友說這是做得最差的一間反而贈送的黃金餅好食, 煙UN少甜一件不留!

我最鍾愛擔擔麵,可以話香港九龍的上海店既擔擔麵食過唔少,但始終食唔番以前彌敦道梅xx上海店的那種味道.這裡的擔擔麵以前尚好,湯底夠麻夠濃,夾麵時啡紅色的湯水黏著麵,非常好吃,現在湯底不像廣告相片一樣,打了折扣.紅油水餃簡直令人失望,汁淡,蒜頭少又淡,水餃皮大大塊,fing下fing下,又要咬了水餃後吐出淡而無味既皮,連呢一間既出名食物都走樣,港九重有冇d食靚擔擔麵同紅油水餃地方呀?

朋友過境香港，下塌海逸，在一個平日的下午約了出來吃飯。還記得上次來是吃日本料理的，是次她說想來這裡吃擔擔麵。黃大仙那邊的同名店吃得多，這邊反而少吃。飯市已過，人客不多。熱情的經理招呼我們二人坐了十人檯，相當闆落。見有午市二人套餐，包兩碗麵、主菜及包點，再加一碟雲片肉，都幾豐富的了。個人而言，最想試這裡的擔擔麵。麵上檯，大大碗的，有睇頭。不過就似乎細細碗的擔擔麵會比較合心水一點。不過香港就是如此，連四姐也要折服，沒辦法。麵身帶爽，麵質卻有點硬，似乎是淥起了一段不短的時間。而麵吃起來也相當的淡口，湯也不夠熱，溫溫吞吞的。當然，今時今日也不會是手打麵的了，但配套方面，可以再做得好一點。要了辣及不辣各一碗，但比較之下，辣的不算辣，不辣的也沒有什麼味道。這個招牌擔擔麵，吃得幾失望。雲片肉是得獎菜，不過就個人而言，得獎菜是沒有分數的，好吃最要緊。肉軟身，配合放在面頭的醬汁輕微麻辣，亦帶點甜味，吃起來味道也不差。不過最不合心水的是肉太廋了，差不多全是廋肉，不太合胃口。蔥油餅炸得熱辣脆口，但麵糰做得不夠鬆，這一味，在香港吃過做得最好的，是老上海。也要了一碟油麥菜，新鮮而份量又夠多，不錯。服務是非常的好