許榮記飲食專家

营业中

休息中

從沒有想過食魚蛋麵都可以有嘩言一聲！😋😋😋爽口魚旦咬落不單是爽口，重點係「鮮」有魚的鮮味，一碗認真的魚旦麵就是這份態度，材料及制作認真的童叟無欺態度。👍👍👍👍👍油菜可選擇腩汁同蠔汁，小妹就喜愛腩汁味喇！惠顧任何粉麵加 $10

之前一直住旺角，所以一直都有幫襯開許榮記。今天剛剛經過榮記，忽然想懷愐一下他的牛雜湯浯的味道，所以進入餐廳坐下來。一坐低，就叫了一碗牛雜湯河，一碗菜，一碗牛丸貢丸湯。雖然這餐廳曾經裝修過，景物雖變，但味道依舊。真的很佩他們可以一直保持到那個味道。很快食完了。雖然味道不錯，尤其是牛雜，沒有異味，但每次食完後都會很口渴，牛腸也有很多肥糕。整體是感覺不錯的，這個食物質素對得住它的價錢，日後也會再幫襯的。

今日晚餐無頭緒 係旺角亂行睇下有咩岩食 見到呢間許榮記有少少印象 早排好想食牛沙瓜既時候search過旺角有邊間食牛雜既專門店 呢間係其中一間網友推薦的 但其實無牛沙瓜食 有少少失望 叫左個牛腩牛雜飯走膀 加$10蚊有一兜菜 咁就要左腐乳通菜牛腩同牛雜份量都幾多 腩汁另上 通菜幾大兜 都大條新鮮 牛腩肥瘦均勻 牛雜無異味 牛腸多膏 一咬落去油脂爆晒出黎 鐘意食腸既朋友應該會滿足 牛肚係咁多樣之中相對遜色既 淋過頭同埋有少少靭 如果可以爽口返少少再有埋牛沙瓜就perfect池

經過這個人流比較少的街口，就被他們的招牌吸引住了。進到店內，這時候沒什麼客人，我吃南河，可以是我吃過最好吃的河粉了 很q很彈牙，而且料足，小小的店和熱情的店員，很有人情味的小店。

許榮記真系我由細食到大既餐廳，以前佢得一間鋪，唔夠坐要系隔離巷仔開台坐。宜家裝修過雖然少左位，但味道依然不變。老闆已經無再系鋪頭，由佢既仔女繼承～可能宜家成本高左好多，魚蛋粉黎講，價錢中等，但份量有Ｄ少，我系女仔都唔系太夠食通常我都會食魚蛋粉加汁，再黎個芥蘭，凍檸茶少冰～正～

上星期日是旺角西洋菜南街行人專區殺街前最後－晚開放，於是出去熱鬧及拍攝影片留念。六點出到旺角已經見每條街道都逼滿人群。見到這情況，於是行入廣華街附近，揾間食店食晚飯先再去行街。行左－陣，見到許榮記，感覺係－間老字號食店。入到餐廳，有位姐姐好熱盛招呼，極力推介牛腩及魚片頭。牛筋牛腩飯 - 牛筋牛腩炆得好入味，牛筋入口即溶化，好正。魚片頭魚皮餃河粉 - 魚片頭外皮炸得好香，魚皮餃就－般，略為大粒及沒有口感。跟著叫左枝我的至愛細樽可樂。

We wanted a quick lunch so, after seeing long queues at other restaurants in this street, we chose to eat here.The staff are friendly and they have an English menu. We ordered two dishes which we usually order in local HK cafes/restaurants - fish ball rice noodle soup and rice with egg/BBQ pork. We also had hot lemon tea and cold lemon water.The drinks came very quickly. It seems this place is popular for its fish cake and fish balls. Both dishes we ordered were satisfying - good value, every

許榮記是我最近的速食至愛，四十多塊錢可以吃到足料的豬手飯和四寶河等潮洲粉麵，就算伙記説話聲浪過高也就可以張張就就算了。最近紅十字建議市民不要一啖茶啡一啖飯，以免影響鐵質吸收，因此我也點了檸水。不知是新上班的落單哥仔聽錯，還是入機的姐姐搞錯，送來的成了檸茶而非檸水。我請前堂的姐姐替我更換，豈知水吧的阿姐(不知是否店主的哪位貴親)隨即破口大駡。從「不喜歡就不要，有冇搞錯」駡到「要人倒咗啲嘢，好陰質」。經我大聲澄清是伙計搞錯後，水吧阿姐依然碎碎念，真的令人莫名奇妙。難道為健康要求換檸水也要被罵至落地獄？東西是好吃，但店主的貴親或老伙計也實在要對顧客有禮貌，否則潮州粉麵老店的名聲也會受損，東西再好吃也會趕客。

出街食飯食得多，呢期仲密密打邊爐，偶然都想食下「普通野」，星期日喺附近拎網上訂嘅貨，於是醒起呢間許榮記，早十幾廿年前我都經常喺呢度食晏，因為當時公司喺附近，今日再黎，別有一番感觸。同老婆黎到，佢第一次食。星期日下午茶時間，都唔算好多人，眼見反而有唔少外賣單。呢度主要食粉麵，魚片頭、魚蛋、雲吞、貢丸等等等，亦都有客飯，例如牛什、牛腩、叉燒炒蛋呢啲，飯同麵價錢差不多，咁因為人地都係做麵起家。我地一人點左碗麵，加碟菜，兩杯檸茶，食左個快飯。魚片頭魚蛋河老婆點嘅雙拼河粉，好快上枱，其實喺太子區果邊食呢啲粉麵真係平好多，不過今日懶得行。河粉幼身，唔會太黏口，條條分明，加少少辣椒油，幾好食。魚片頭同魚蛋都幾出名，片頭正常厚度，真係幾彈牙，魚蛋亦都有魚味，係潮洲式嘅白魚蛋，一樣咁爽雲吞魚皮餃麵我點嘅都係雙拼，雲吞就中規中矩，魚皮餃感覺好食過啲雪藏餃好多。麵質因為我地都好快手影完相就食，都唔會話變到淋哂。

星期二的晚上六半，又係同同事去食飯的時間，今日同事提議食呢間許榮記。鋪頭門面唔算大，唔係太起眼。餐牌好多頁，睇到我花多眼亂，所以我叫個精選套餐算。我見好多人都點牛腩同魚片頭麵，應該幾出名。我怕唔夠飽所以點了香蒜瑞士雞翼肥牛飯，肥牛太肥，不過肥牛正常係肥ge。。。雞翼同個瑞士汁好味，仲要比隻碟我放骨，幾貼心。牛腩雲呑麵，同事話她每次都係點呢個。上面個菜肉餃拼墨魚卷撈麵都幾有份量。嗌套餐送飲品可以揀豆漿大大杯好夠飲。下次會再試撈或湯麵，支持小店

每次我哋去兩個人去食都必食一個瘦腩飯，一碗半肥瘦牛腩河多蔥、加蠔油生菜、兩杯凍豆漿。兩個人、加埋＄100。喺旺角區邊到搵呀？牛腩又諗又入味，湯底一流另外之前試過豬手都係好好食。除左野食好食，人情味對我地黎講都好重要。從來都唔知道佢呢間店嘅故事，都係啱啱睇到飲食男女個訪問先個。個囡對爸爸嘅尊重同埋爸爸對食物嘅堅持真係無野可以形容。我地成日都好好奇，點解間野咁好食，價錢又實惠，點解無大排長龍？佢地係絕對值得有更多嘅生意。好食+老字號+滿滿嘅人情味既一間小店PS. 鋪頭出邊有個貓籠，裏面有一隻惡貓，呢隻流浪貓都係店主十幾年前執返嚟養架

許榮記餐廳好細，座位唔多，好迫原本喺門口見到寫住自家製魚蛋及魚片頭，於是等位入內一試，大約等左十分鐘就有位原先一心吃魚片頭河，點知見到對面吃緊豬手飯好香，俾碟飯吸引住心多既我轉左吃豬手飯，豬手飯份量好大，豬手入哂味，滷水汁惹味，豬手爽口，有口感雖然豬皮有小小肥膏，我都吃哂

尋日凍冰冰想食下有湯熱野，諗住上網search下旺角邊度有魚湯麵/飯，點知上網搵到ge大部分都執曬，咁就去返朋友之前都推介我去ge許榮記，其實之前食過不過想試下新野先上網再搵下。相比其他同區粉麵舖，其實算幾乾淨唔逼，其他得個平字，但質素普通又坐得唔舒服，d人不斷出出入入。睇返佢舖頭入面報紙訪問d相，應該係幾年之前裝修過。食呢類粉麵，好少睇d麵好唔好食ge，所以唔多講。魚片頭係重點推介! 好有魚鮮味，完全唔腥，肉實彈牙，表面冇其他舖炸得咁金黃，但唔代表佢冇甘香，反而冇咁重油溢味。睇佢貼出黎ge訪問，原來老闆從來唔加麵粉去整魚片/魚蛋，100%真材實料，仲要堅持每日天未光就開始整，真係貴得有道理!麵就份量少，湯就冇乜味 (咁都好過重味精ge... )，如果俾返支魚露吊下味就正!強烈建議想試可以買返去打邊爐，唔使試佢個麵啦!

魚旦粉我一直都覺得係香港之寶，雖然魚旦粉度度都有，潮州呀泰國呀，度度都有佢既特色同賣點，但是點都好，都係香港既係最好。細細個就係何文田讀書，所以個頭都食均晒，但是近年何文田發展，個度愈來愈多高級日本餐（勝利道）同埋住宅，放學時間勁多同學仔係starbucks, 個時讀書邊有咁富貴飲靚咖啡，一杯都已經一個茶餐。好多以前係何文田餐廳已經好似慢慢被取締，要去到愛民頓先有小區味道，但是隨住地鐵開通，到時會唔會又翠華大家樂呢？講番許榮記，細細個已經成日去，所以今晚去番特別有感。佢裝修過舖頭好似細左，但係依然好好味。佢冇好靚裝修，面檔又唔係擺係門口畀人睇晒，簡簡單單最緊要好食。黎到都九點幾，唔洗等位就有得坐，一坐底見我地揀左好耐，其實都正常，去親食魚旦粉食咩從來都最難揀，由粉面，咩料到加唔加腩汁，仲未計套唔套餐，加個菜，未計撈唔撈。個staff都冇黑面，由我地慢慢揀，畀晒一大堆manu我地睇，最後嗌左個片頭菜肉餃湯飯菜肉餃魚片頭魚湯飯 46元平時一定嗌牛腩片頭河，認真好食! 但係個日突然好想食魚湯泡飯，但係發現旺角執晒，所以就係個到嗌，發現係食魚旦粉餐廳叫湯飯係幾伏。如圖所示，佢地就分開上，湯還湯

今晚我們去咗旺角廣華街嘅「許榮記飲食專家」食晚飯！我們叫咗牛腩麵嘅牛腩肉質好鬆軟嫩滑，牛肉味亦好香濃，麵質相當爽口彈牙！魚蛋粗麵嘅魚蛋非常爽滑彈牙，食得到有好鮮味嘅魚，而且唔會有腥嘅味道，粗麵嘅麵質好煙韌彈牙！南乳豬手河嘅豬手係分開上，唔會將味道浸淡晒，豬手燜得好腍好入味，南乳汁嘅味道唔會好鹹，河粉嘅麵質好軟滑！一口西多嘅表面炸得非常金黃香脆，入面相當軟熟，而且呢度唔係好似一般咁加蜜糖，而係加煉奶，令到味道更加香甜惹味！