許榮記飲食專家

营业中

休息中

許榮記粉麵專家大家行開旺角東附近，係郵局對面，不妨行去試下一間粉麵鋪～可能有驚喜～🤤🤤豬手飯叫之前乳豬係度諗，粉麵專家整豬手飯唔知會唔會麻麻地呢～答案係唔會既，首先好食既，豬手份量多，唔會只有骨無肉，咬落去都啖肉，飯都好多，可以為一眾上班族注入滿滿能量🤣🤣🤣乳豬推介指數：🐷🐷🐷🐷🐷🐷牛筋腩麵重點係呢度既牛腩同外面唔同係佢用係瘦腩，同一般食牛腩飯用既牛腩完全唔一樣，好似食既豬咁，但有濃濃牛肉味，牛筋好滑，有𡁻口，麵量比一般麵家多。乳豬推介指數：🐷🐷🐷🐷🐷🐷

豬手牛腩飯 ～因為揀唔到一送why not both??有揸車 返到去 都重暖既係飯粒比較硬身牛腩汁豬手香滑唔算太肥 牛腩 忟得 剛好 可以一絲絲夾開肉味香 汁夠濃 好好味可以 再食！

當我一个人时就特别喜欢试新野，好食或不好食都可以介绍或告诉比朋友们！今天行過見到这間幾多人就入去試試，點左雪菜肉絲面配餐肉煎蛋多士😌- 咖啡☕️超唔掂，勁多奶又無咖啡味，一放低已經唔熱(暖都唔太暖)🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️係連放糖都唔多溶到果隻……- 碗麵🍜又係唔熱😌个野已经唔大，我又已经坐向廚房門口了🤦🏻‍♀️一出来就直接到我張枱但碗面似放左好耐，D面又鬼咁淋👎🏻👎🏻👎🏻👎🏻👎🏻👎🏻所以我多數不會再幫襯了，除非忘记左……😅机会好微因我一定会向openrice refresh my memory🤣

細個住廣華街，許榮記對面，佢一開就嚟食，果陣時廣華街大部份都係模型舖/玩具店/首辨舖，同而家好唔同，許榮記好似係唯一既食店（潮州粉麵）。以前開係郵局隔離個舖位。以前既牛雜牛腩，牛筋丸牛肉丸亦比現在既不同。而家見到好似豬手同牛腩係主打。魚蛋魚片亦非常高質素。今日去食，因為想試下牛雜牛丸而家係咩味道，牛雜飯跟碗鹵水汁，幾有誠意，自己鐘意落幾多汁都得，又可點番d牛雜唔會乾左唔好食，牛雜味道一般，夠味唔太過咸，牛肚牛腸軟淋適中，不過件牛磅唔多淋唔粉，所以覺得唔好食。牛丸就咬開彈牙有汁，味道60分。個骨湯底好普通唔濃，唔算好味。杯凍啡50分。以前靠魚蛋粉牛雜粉麵開始做既時候，沈係粉麵上面既蔥都有誠意d 有唐芹粒炸蒜冬菜碎，而家就冇喇。可能除住競爭同環境轉變，許榮記亦都變為全茶餐廳，找不到半點從前既味道。如果再經過，我估都係食個豬手飯算喇……

放工成日9行旺角油麻地，都行到好鬼悶。行下行下就嚟左煙廠街嗰邊，依邊比起西洋菜街/波鞋街嗰邊靜，就算6點零鐘間餐廳都唔係咁多人，而且嘢食啲價錢都大街平多10蚊8蚊。依間鋪頭唔知係咪新開，但門面都幾光猛，座位都幾舒服。今次我叫左個秘制豬手飯+凍檸茶走甜 $48碟飯一上到枱，我心入面「嘩」左一聲，洗唔洗咁大份。有成3隻豬手，仲要大隻嘅豬手。咁當然，好多嘢都唔淨係睇大嘅，豬手要大得黎夠入味，入味得黎，要夠淋，淋得黎又要帶啲肥，肥得黎又要啲汁夠濃帶返起隻豬手嘅肉味。依度嘅豬手大隻，少肥，淋，膠。你食完之後會成口漿住晒，正。啲汁濃得黎唔咸，真係好難得。總之，整豬手唔係咁易；再簡單啲黎講，就算要自己係屋企整，都要花唔少功夫心機時間。依度，$48就搞掂。痴線，點做生意㗎，點為皮？🥲再諗返起前日係和順記食嘅半塊豬扒面都要收我$40，真係👹用心做嘅野，我相信一定有人會欣賞，加油！堅持！Mcmug綜合評分：8.5/10，性價比高得過份，豬手質素好高，將會繼續翻兜支持！

叫左牛腩西洋菜餃米線+熱奶茶 & 叉燒煎蛋飯+熱鴦鴛，總數$102。價錢夠平民化米線麵質唔錯，唔會太淋。湯底都好入味，加上少少葱同熟蒜，味道更加濃郁💯菜餃有兩隻，脹卜卜，真材實料牛腩真係重點，有六嚿，足足舖滿左半碗麵。肥瘦比例啱啱好值得encore至於叉燒蛋飯就好一般，蛋皮蓋住成個飯，賣相一流但蛋皮太熟、太乾，叉燒切到一粒粒，食落口感真係麻麻。但係配甜鼓油就另個飯有分加奶茶同鴦鴛一般啦，始終方榮記signature 係麵食下午茶唔當人，坐得舒服😌服務好好👍🏻

今日試左依間位置比較隱蔽 係廣華醫院附近嘅小店！原來係70年代已經開始經營既老字號😯 味道好 又好抵食 不過人流唔多 好可惜 大家可以bookmark定支持一下高質老字號！✅ 豬手牛腩飯 ($58)✅ 牛腩牛筋河粉 ($49)牛腩超腍 肉同脂肪比例完美 食落唔會太油膩～果然係招牌 必點！牛筋同豬手滿滿既膠原蛋白！口感軟腍 鹵水汁入味～另外有需要可以問店員拎腩汁 更惹味😍🦁 許榮記飲食專家 (旺角)旺角廣華街13號廣輝大廈16號地下L舖🦁 人均消費：$55 ｜推介：❣❣️❣️❣️❣️/5

估唔到 潮州野有得 食日式烏冬正啊爽口彈牙好欣賞老闆有好創意同有心機設計餐牌，員工分工仔細各司其職，樓面整潔乾淨。只係冬令茶甜左少少下次都係叫番小甜，年輕人都係健康D好

我相信呢一間主力係粉麵， 唔知做乜神推鬼壅入咗去食西餐， 可能因為佢門口啲餐牌寫咗唔少西餐。呢間嘢係咪轉左手？點解Openrice門面相片同我見到嗰間舖唔同嘅？？？ 睇張單又同之前啲食評一樣。1.) 吉列豬扒煎蛋意粉對味道冇咩特別追求嘅，呢個係正常。吉列豬扒似係買返嚟，唔係自己醃，唔係自己上麵包糠， 個味好熟，唔知我係邊間超市買過返屋企煮嚟食， 佢炸得都好，皮脆唔油。佢橙色汁你以為係傳統茶餐廳嗰啲橙色茄汁？ 絕對唔係，佢一定冇落糖，就咁茄膏only， 只有酸味。太陽蛋煎得好靚如圖。意粉軟硬度適中，冇乜味道。凍奶茶普普通通，建議飲其他。埋單50蚊，呢個價錢喺旺角有好多其他選擇。總結 ： 大家都係食番佢啲粉麵啦。

天氣凍凍底，好想食啲熱嘢暖下身。今日晏晝就叫左附近間許榮記麵店嘅菜肉餃墨丸撈麵食（扣底）。因為係附近就叫堂上（環保嘛😆）。等左10鐘左右就有得食😋，一嚟到就見到碗熱辣辣嘅魚湯就忍唔住飲左啖，啲魚湯奶白色，唔太咸，無油，好清，我一囗氣飲左半碗😆。西洋菜餃係麵店自己包，好多料，食多幾隻都唔覺肥。墨魚丸好爽口，入面仲有啲芹菜粒同墨魚粒，好有咬囗，一啲都唔似其他店，入囗好似成嚿粉團咁。食完個餐成個人暖晒😍。熱嘅粉麵最啱凍嘅天氣食😄😄😄😄😄😄😄。PS----唔食蔥記得叫走蔥吖😁！撈麵可以揀蠔油畫腩汁， 我今次揀蠔油因為冇咁肥😆。

今時今日，願意行入茶餐廳吃個早餐實在屬少數。可惜今天去廣華街許榮記食個早餐，就碰到不愉快經歷。因為今日不太肚餓，只叫了一個多士餐，多士就好快送上，但杯咖啡足足等了二十分鐘也沒有，全場想找個侍應追單也找不到，只有兩個清潔姐姐除低口罩，隔枱大聲對話。最後，只能無奈地放低錢自己離開。至於食物質素，屬於低下，多士不是厚多，完全不鬆化。在咖啡方面，因為沒有喝，所以無法評價。雖然在疫程下，大家應該多些包容，但是如果連這麼基本的服務也做不到，執笠又何妨呢！

前兩日出旺角，趕住上堂，坐低許榮記叫了個肉丁芙蓉蛋飯。上枱見到個蛋飯既份量，有少少失望，但篤落個蛋度，見到餡都ok，有好多銀芽，加埋個甜甜哋既豉油，同埋肉丁辣辣地，味道算唔錯。

今日趕時間要搵間快餐吃，經過門口見到魚片頭好似幾吸引喔。整體味道都可以，魚片頭唔會太鹹，幾彈牙，西洋菜餃就差少少。豬手燜得好淋，好夠味，唔錯。吃完先見到有蠔仔粥，下次再來試下。

許榮記已經有廿幾年歷史，係社會環境多變下仍能維持，一定有佢既賣點主打魚旦、魚片、片頭、牛腩、牛什，舖面企理，餐牌都幾吸引，仲有好多選擇豬手飯同叉燒蛋飯都好多人食牛腩牛肚腩汁撈粗，牛腩係做原汁既，會清一點食牛既原味道，賣相不錯牛腩可選肥瘦，我揀左中間，口感都唔錯，幾腍而有牛味既但相對清淡，淨食還算可以，但撈麵食腩汁真係幾淡下，要有準備粗麵亦唔太好味，厚身無蛋香唔掛汁，我咁鍾意食粗麵都唔太建議大家食，反而牛肚有驚喜濃味、入味過牛腩，有牛油香值得一試，另外加十蚊就有個油菜，無乜特別但有一碗咁多，都算係咁另外要了菜肉餃魚片頭蠔油撈麵，魚片頭爽彈，唔會炸得太金黃，相對無咁油膩，但超薄而無魚味，有點失望幼麵做得比粗麵好好多，少少梘水味，撈埋蠔油加埋魚湯底，正菜肉餃更加係估你唔到，多菜味濃好味又唔厚皮，真係要食價錢唔算貴，但出名既野食無想像中咁正，味道整體都係幾唔錯既，招牌菜俾我就揀菜肉餃服務非常好而且熱情，食得都舒服既#估唔到杯奶茶又唔差#好想試佢新既韮菜餃#好多明星仔係佢熟客

I ordered sliced beef in satay sauce with fried eggs. For satay beef, thicker beef is usually used, so I was surprised that I got fatty beef. (I later realized that it said fatty beef in Chinese haha) I couldn’t really taste the satay cuz there was barely any sauce 😕 The eggs were nicely fried though! The edge was so crispy that when I cut into it, there was a crunching sound 😆 Mixing the egg yolk with the rice and topping it off with beef was the best part 👌But really wished they added more sat