許榮記飲食專家

营业中

休息中

是日病重, 同老公返娘家!!路經許榮記, 老公不喜歡這間店鋪,因為佢話好細碗, 又唔特別, 但佢話我唔舒服, 食清d, 再俾次機會試多一次!!一坐低有人招呼, 個阿伯企我地旁邊不停按機,我地以為佢玩緊手機, 有少少發怒,點知我地一開口點餐, 原來佢按緊部機落單, 嘩, 估佢唔到甘先進!!我清清地要魚蛋河加腩汁, 好彩有蔥花同蒜粒吊味, 湯底清淡, 魚蛋彈牙!!不錯!不夠杰, 好似水甘, 不太濃味, 欠缺牛腩味, 只有咸味!!老公食雲吞河, 雲吞不算大粒, 不過不失,無特別!!依度出名魚蛋, 可以一試!!!老公話d 辣椒油超正, 好香,又夠辣!!菜心份量不多,ok, 可能只是加幾蚊,所以不大碟!!!20幾蚊碗河, 河粉幼細, 幾滑,份量多過之前, 間唔中食一餐都ok!!

今日想吃清清地,就去吃個簡單的麵食,男友覺得這間是旺角好吃的麵店之一,就來這間食午餐,12點幾8成滿不用等位,這家比較出名的是炸魚頭片,但我今次並沒有試,試了另外一款比較罕見的蝦仔餃墨魚丸河,蔥用匙羹裝著方便不吃蔥的人分開,無叫腩汁所以個味偏淡,蝦仔餃內裡有白菜仔,像吃菜肉餃般,皮很薄有蝦味,不過味道不夠大蝦肉雲吞般吸引,不能令我留下深刻的印象,墨魚丸都很好吃,感覺像是手打的,但我不知道是不是呢男友叫了牛肚撈麵,牛肚份量都算不少,很入味又有口感好吃,下次再來的話就試炸魚頭片看看!

最近私務極端繁忙，連吃飯也是匆匆忙忙的，試問又怎提得起勁拿起筆桿去寫吃評? 剛與友人在電話聊天，說起最近產量極少，友人覺甚是可惜，鼓勵小弟花多點時間去寫。回想起來，又真的很久很久沒將對食物的感覺抒發出來了。於是在她推動下，寫下了這一篇東西....到旺角廣華街裡的"許榮記"，最常吃的當然是魚蛋、炸魚片頭及炸魚皮。來吃碟頭飯，想起來好像有點不可思議的....原因主要是來自被稱為"庶民食家"的梁家權先生的一篇網上文章。聽他說這兒的一道义蛋飯做得相當不俗。一向甚相信他揀選平民食物的taste (肥媽的鹵味是一例)，今天下午的一頓飯，便決定捨平時吃開的魚類製品，吞一碟义蛋飯進肚吧....牆上餐牌寫的是"义燒炒蛋飯"，初時以為是有如大坑順興茶記賣的炒滑蛋伴义燒件的好貨色，怎知上桌時才知是似煎蛋蓋帽多一些。對於我這個"滑蛋狂"來說，心裡自不然打了少許折扣了。蛋本身對小弟而言是煎得過老了一些，蛋汁是全然的欠奉，不過勝在蛋隻數量的確多，足夠發揮"蓋帽"的功效，而且邊位煎得十分的焦脆，看得出師傅絕不是求求其其去處理的；义燒當然是用來貨的，但與"順興"的比較，肉質是瘦削嚡口偏硬身得多；豉油沒經特別調味，沒像

這日本來是打算吃點心的，但看到門口的人群，加上天氣開始悶熱潮濕，心想能擠進店內也不會吃得很舒服。於是還是改變主意，向許榮記吃算了。看到有午市套餐，便從中點了份叉燒炒蛋飯，跟餐飲品點了熱奶茶，$33。叉燒炒蛋炒得有鍋氣又不油膩，叉燒雖算瘦，但肉質不乾。很家常的口味，好吃。不過飯的份量太多，下次要記得點少飯，以免浪費太多。奶茶香滑，有茶記水準，好喝。地方雖然街坊，但尚算衛生乾淨。價錢便宜，味道不錯，會再吃！

先旨聲明，這次幫襯，自己並沒有吃這裡最有名的魚蛋，也沒有試有不少人讚過的豬手，只是吃了「炸魚片頭」、「叉燒炒蛋飯」和較為特別的「蝦仔餃」，這裡的「炸魚片頭」確是不錯的，但「叉燒炒蛋飯」和「蝦仔餃」則只是普通而已，未算十分好吃。其實是這樣的，因為老婆仔在報章中看見有食家介紹說這兒的「叉燒炒蛋飯」挺不錯，所以建議來這裡吃東西。我見她的建議都幾好，便來這裡吃頓午餐。這裡是一間傳統港式粉麵店，格局陳設與其他港式粉麵店分別不大。這天的午餐有四款選擇，當中有兩款都是這裡的招牌菜：「叉燒炒蛋飯」和「秘製豬手飯」。老婆仔來此的目的就是為了那在報章上有專業食家推介的「叉燒炒蛋飯」，當然是不作它想，叫這個飯作午餐啦！而我，本來也想試試這兒的豬手的，可惜近日發覺健康欠佳，需要小心注意，觀察一段時間，豬手這等肥膩之物，縱是美味，暫時是與自己無緣的了。故且放過它，看看午餐中有一款「蝦仔餃撈麵」，看來頗有特色，又好，就叫來一試。這兒的名物還有「炸魚蛋」和「炸魚片頭」，既然一場來到，當然要吃它一吃，好，就來一串「炸魚片頭」吧！「叉燒炒蛋飯」是令人有點失望的。不是說它不好吃，而是不是像那報章上的專業食家所寫的那樣好吃

上文講到一試這裡的豬手便覺得味道非凡, 心思思便要食多一次. 今次更留定肚要多吃.下午兩點鐘, 人不算多, 約有六成客, 不過這裡人人都要撘枱, 一坐下便向阿姐要了豬手撈粗麵. 廿八大元. 更加上炸魚皮一碟, 十五大元.麵先到, 是用碗上的, 只有麵, 甚麼也沒有, 阿姐隨即說, 豬手分開上.跟著便是炸魚皮和豬手, 前者用碟上, 後者用一個兜裝著, 只有兩件, 和先前食湯麵的份量一樣.心裡甚為納悶, 要貴七元的撈麵, 只是麵的份量多些少, 豬手的份量不變, 這樣和一般的店子不同, 因為通常撈麵來說, 麵和餸的份量都會多些. 絕對未見過這樣孤寒奉客的. 就麥文記也有五件豬手. 心想以後也不會這麼愚蠢了, 叫湯麵算了.其實這豬手和麵都是不錯的, 值得捧場, 炸魚皮也很好, 很脆, 沾上豬手汁很和味.會再來的, 不過一定不會叫撈麵了. ok 是給味道的, 本來想給喊臉的. 回心想, 這樣會公平點.

到旺角購物之後, 忽然間想起陳真兄提過這裡的豬手不錯, 順步到美味棧買些零食, 再到這店.下午兩點多, 還很多人, 不過要搭枱肯定是無問題的.當下不假思索便叫了豬手麵, 廿一大元.三分鐘有得食, 先來的是一個兜, 內有豬手兩件, 浸在不少的汁內. 以為阿姐攪錯了, 麵呢?不過不需等多久, 麵來了, 碗大, 麵少, 有幾片生菜浮在面. 最多的是湯.因為早知這湯是味精水, 所以不敢領教, 於是先下兩匙辣椒油在豬手上再慢慢嘆.果然好野, 豬手入味, 腍, 好味, 不鹹, 有咬口, 是高手的作品.那濃味的汁當然要物盡其用, 把麵挾起, 放進汁中, 吸飽汁液才吃, 十分過癮.麵質和湯底, 此刻變成次要了.喜歡吃炆豬手的食友, 實在不容錯過.以前以為這店最好的是魚旦和魚角, 忽略了這美食, 真是罪過.廿一大元, 十分超值.

由於太晚用膳的原因, 想食得清清地, 來一碗粉麵就最好不過~來到廣華醫院附近, 有大大少少的茶餐廳、粉麵, 一來就見到許榮記粉麵, 就入去試下, 反正一試也無妨~~牛丸米線 - 牛丸都不錯~魚旦魚皮餃麵 - 魚旦有魚味、又夠彈牙, 魚皮餃皮薄餡靚...好好味~~~

是日的中午飯, 走到入黎廣華街, 因為貪這一頭人少少, 食肆又不少. 而且也一兩間出名的. 係旺角打滾, 廣華街一帶, 是值得探索一番的.排大隊的一間, 也許我沒有這樣的時間去排. 另外有一間潮州麵店, 也是人多多的. 於是就潮人多的地方, 先試.潮州麵食店, 原來出名的, 是豬手. 是日, 肚子比較餓. 所以就豬手搭飯. 一於吃飽一點. 豬手, 汁雖然不是甚濃郁, 用來撈飯, 味道就比較普通. 不過美味的不是汁, 而是帶點甜, 炆得又腍的豬手. 感覺上, 應該要叫一碗麵, 才能把這豬手發揚光大. 皮帶筋, 帶少許肉, 膠質豐富而入味. 味道不單止留在豬手皮上, 內裡的筋骨肉, 充滿了味道. 口香味香. 好多時, 食物味道的精華留了在汁之中, 但這豬手的精華, 則全部的滲入豬手內. 所以, 味道真是非常之美.....豬手, 味道香甜, 但我的確選擇錯了, 來一個豬手麵, 會是更加的惹味.

星期六行到旺角，上次冇試魚蛋，今次特登去。先來個魚蛋麵魚蛋同魚片都彈牙，麵都爽口彈牙，湯頭冇上次牛什麵嗰次咁鹹，幾好。油菜(菜心)全走(走油/蠔油)似乎係即淥，菜心冇乜渣，唔錯。唔多夠飽，加多個凈蝦仔餃同埋魚片頭蝦仔餃係菜肉餃加蝦，兩種鮮味都夾，蝦爽得嚟有蝦嘅鮮味，好。魚片頭 ~ 一包包吸滿湯頭，一口一個咬落去，嘩，魚片頭彈牙，湯汁由其中流出，夾雜咗魚片頭鮮味，食到唔想停，超正。下次嚟凈食魚片頭已經ok。

呢牌做嘢係旺角,係佢附近,咪去食晏叫咗牛腩+牛什麵牛腩 ~ 都夠"淋",不過有啲肥牛什 ~ 比較鹹,牛肺最好,其他都ok啦 麵 ~ 算彈牙湯 ~ 超鹹$32- 比較貴,有的唔抵,不過,食晏,好又一餐唔好又一餐啦,下次有機會詆下魚片/魚蛋,可能會ok啲

唔識整炸醬撈麵的麵店見佢貼左張炸醬撈麵相片出來，都應該係推介食品，$22 ，一叫即到，都估到無好野。佢個炸醬撈麵根本就唔係炸醬麵，只不過起個麵上面加一堆豆板醬同一些肉條，個麵又有簡水味，又超咸。叫伙記來理論，佢回應係：係炸醬撈麵喎，我地師傅係咁整喎。"同張相完全唔同，而且炸醬撈麵有咁多辣椒？""係咁嫁，炸醬撈麵係咁嫁"最後加左成碗清湯都頂唔順，放棄。以後都唔會再食佢間鋪

四月五日 (星期二)老公仔前陣子看電視,介紹過這家麵店其實這個位置時常經過,但總沒有留意到這店子原來在隔離已經有一間分店,不過當日沒有開當日時間以吃晚餐來說的確早了點,所以不太多人年輕的老闆娘熱情帶位我們點了兩碗粉和炸魚皮炸魚皮炸得香脆,味道濃,偏咸值得一讚,魚脆不會一咬就”粉身碎骨”,吃得很俐落片頭魚蛋米我很喜歡吃魚片頭吃下去比較咸,較魚片有口感魚蛋也有中上的水準肉質鮮而彈牙牛什魚皮餃河牛什各式各樣都很入味,而且很爽最怕吃到太硬又咬不開的牛什魚皮餃皮薄餡靚魚皮鮮而薄,略帶一陣魚香內裡的豬肉也很煙韌大家在旺角想不到吃什麼,這裡提供了一個好選擇!

冇品旺角許榮記,近廣華醫院 2011-03-22 17:51203.198.x.x旺角許榮記是食魚蛋,牛腩麵的,我開旺角就同家人是但去呢間間食,叫做幾碗粉麵及奶油多咁,當奶油多嚟到時我咬了一小口就發現好燶,我即係吐番嗰一小舊麵包出嚟,咁我就同伙計講要求換,咁個伙計就拎去換咗佢,點知比番我的是原先嗰件,只係把燶的反轉就咁比番我食(即係我咬過嗰件),我跟手同佢理論,點知個事頭婆走出嚟大大聲話換咗比你喇,唔滿意既就唔好食囉,...咁同d客講.....我冇屈佢呀,我咬過嗰舊屍骸重可以切番隻角去塊麵包度呀,自此之後我就叫我D朋友唔好去,重有佢D嘢食一般過一般..........

為食人總愛周圍試。去完食waffle，就行去廣華街買d魚皮餃試試。要尋好食魚皮餃，絕不是易事。之前kln city 有間都幾好食，不過keep 唔到水準，一時好食，但一時層皮厚到不得了~見許榮記都多人讚，於是買咗半斤片頭 (好似係$32)同一打魚皮餃 ($24)。先講魚皮餃，好白淨，皮很彈牙，也不會太厚，皮做得不錯。餡料都好飽滿，不過就有少許肥肉。片頭大大件，又厚切，煮完之後更加脹大。魚肉很白，也很彈牙爽口鮮味，非常不錯~無奈地點唔係太就腳，唔可以成日食。