許榮記飲食專家

营业中

休息中

尋日凍冰冰想食下有湯熱野，諗住上網search下旺角邊度有魚湯麵/飯，點知上網搵到ge大部分都執曬，咁就去返朋友之前都推介我去ge許榮記，其實之前食過不過想試下新野先上網再搵下。相比其他同區粉麵舖，其實算幾乾淨唔逼，其他得個平字，但質素普通又坐得唔舒服，d人不斷出出入入。睇返佢舖頭入面報紙訪問d相，應該係幾年之前裝修過。食呢類粉麵，好少睇d麵好唔好食ge，所以唔多講。魚片頭係重點推介! 好有魚鮮味，完全唔腥，肉實彈牙，表面冇其他舖炸得咁金黃，但唔代表佢冇甘香，反而冇咁重油溢味。睇佢貼出黎ge訪問，原來老闆從來唔加麵粉去整魚片/魚蛋，100%真材實料，仲要堅持每日天未光就開始整，真係貴得有道理!麵就份量少，湯就冇乜味 (咁都好過重味精ge... )，如果俾返支魚露吊下味就正!強烈建議想試可以買返去打邊爐，唔使試佢個麵啦!

魚旦粉我一直都覺得係香港之寶，雖然魚旦粉度度都有，潮州呀泰國呀，度度都有佢既特色同賣點，但是點都好，都係香港既係最好。細細個就係何文田讀書，所以個頭都食均晒，但是近年何文田發展，個度愈來愈多高級日本餐（勝利道）同埋住宅，放學時間勁多同學仔係starbucks, 個時讀書邊有咁富貴飲靚咖啡，一杯都已經一個茶餐。好多以前係何文田餐廳已經好似慢慢被取締，要去到愛民頓先有小區味道，但是隨住地鐵開通，到時會唔會又翠華大家樂呢？講番許榮記，細細個已經成日去，所以今晚去番特別有感。佢裝修過舖頭好似細左，但係依然好好味。佢冇好靚裝修，面檔又唔係擺係門口畀人睇晒，簡簡單單最緊要好食。黎到都九點幾，唔洗等位就有得坐，一坐底見我地揀左好耐，其實都正常，去親食魚旦粉食咩從來都最難揀，由粉面，咩料到加唔加腩汁，仲未計套唔套餐，加個菜，未計撈唔撈。個staff都冇黑面，由我地慢慢揀，畀晒一大堆manu我地睇，最後嗌左個片頭菜肉餃湯飯菜肉餃魚片頭魚湯飯 46元平時一定嗌牛腩片頭河，認真好食! 但係個日突然好想食魚湯泡飯，但係發現旺角執晒，所以就係個到嗌，發現係食魚旦粉餐廳叫湯飯係幾伏。如圖所示，佢地就分開上，湯還湯

今晚我們去咗旺角廣華街嘅「許榮記飲食專家」食晚飯！我們叫咗牛腩麵嘅牛腩肉質好鬆軟嫩滑，牛肉味亦好香濃，麵質相當爽口彈牙！魚蛋粗麵嘅魚蛋非常爽滑彈牙，食得到有好鮮味嘅魚，而且唔會有腥嘅味道，粗麵嘅麵質好煙韌彈牙！南乳豬手河嘅豬手係分開上，唔會將味道浸淡晒，豬手燜得好腍好入味，南乳汁嘅味道唔會好鹹，河粉嘅麵質好軟滑！一口西多嘅表面炸得非常金黃香脆，入面相當軟熟，而且呢度唔係好似一般咁加蜜糖，而係加煉奶，令到味道更加香甜惹味！

滿有期望的試食魚蛋，但我認為是淡而無味，食過很多的都比這家好！魚片都還可以，跟普通的一樣..............................

魚蛋粉可以說是小女最喜歡既"食物"之一,食足三餐都冇問題XD但要搵到真係好食既魚蛋湯粉就唔係間間都做到了。許榮記是朋友介紹的,听聞魚蛋魚片頭是自家製的所以黎試下。果然唔錯, 所以都幫襯過幾次架啦。而且有早餐供應, 唔想食魚蛋粉的可以簡雪菜肉絲米或三文治。魚蛋片頭河魚蛋:手打白魚蛋,好彈牙好好味, 令我諗返起以前謝記魚蛋。雖然味道不一樣, 但食得出係自家製的。魚片頭:炸得好香好好味。如果可以再大舊返少少就滿足啦XD河粉:夠滑, 加埋腩汁入味。牛腩米粉牛腩:好夠林唔硬咬,有牛肉味道。米粉:不是粗身果隻, 好味D~另外,之前仲有試左份早餐叫左個雪菜肉絲米線。D雪菜又係自家製, 因為同媽咪整既一樣的,有別於出面一般茶記現成雪菜。肉絲應該都是佢地自家切的。加埋個湯底都夠味,所以我幾喜歡佢地呢份早餐

已經不止一次來這所可算是老店的地方吃東西。前陣子"夏銘記"收爐的新聞鬧得熱哄哄，而事實上城中好的魚蛋粉店已可謂買少見少了 ---- 先有再之前的"山窿謝記"，接著來有"夏銘記"，一間一間都不在了。魚蛋粉老店陸續的撤退，這令好此道之老饕是越來越為難....這裡是小弟印象中仍有一定歷史資歷，以魚蛋、炸魚片及片頭作主打招倈的店子。小弟每隔一陣子就會來光顧，主要便是為了一碟的炸片頭。有時入秋冬後要在家舉行邊爐宴，自己亦會不嫌麻煩專道跑來買些片頭回去作料....今天帶太太和小友來堂食，老店雖經翻身但每逢一多人之時亦難免會感到迫狹。但為了一嚐這兒出品的味道，我倒是不太介意大家坐得親密一些的....這裡的魚蛋小弟好說之前也吃過不少次，但墨丸倒是第一次品嚐。今趟將之配搭著魚餃來伴河粉，想不到其質地是相當的彈牙且足料 (墨魚粒加上馬蹄)；而魚餃則主要是吃它煙煙韌韌而含鮮味的皮。再伴以滑溜的河粉，味道自然甚佳....一家三口都是屬雞翼狂迷。看到有瑞士雞翼這一道"小吃"，又怎能錯過 ? 雞翼味道相當濃甜亦鹵醬得入味，肉軟淰得跡近至爛。小友索性用手拿來食，啜得連手指也要掉出來了....萬料不到這兒的牛腩水準也

很小的茶餐廳，座位狹小坐得不舒服，路過吃了一個晚餐麻婆豆腐飯，由於怕太辣先問清楚，侍應阿姐都算貼心，豆腐和飯分開上，蔥放在湯匙怕我不愛吃，整體味道還不錯，茶餐廳來說水準是可以的，服務態度不錯，但實在坐得不太舒服，盡快吃完離開。

係香港嚟講呢間係我最喜愛嘅魚蛋粉面鋪。 呢間野除左出名魚片頭 , 另外豬手同牛腩都係出名嘅。 聽過有大陸人, 特登嚟食豬手添。 我每次都基本會叫腩河。佢地嘅腩好比其他要加錢的坑腩河。 湯底香濃，牛肉唔會有臊味，而係好香既肉味 另外河粉係幼身薄既，食落幾滑呀，唔會話好厚粉既感覺。 值得一試, 不過有時排隊，就等得耐d。

路過廣華街，正正是午飯時間，想食light d 最食個粉啦片頭河$28一個，份量唔大，一個剛剛好，河粉好滑，加左腩汁仲正，片頭外層好香，好好味原來就咁買要90幾蚊一斤嫁。見到旁邊有人食豬手飯，又係勁香，下一次可以試下

是日放假又去銀行辦事, 於是留在旺角食個平D早餐. 轉吓轉吓走咗去廣華街, 見此店王祖藍食過咪試吓.點了沙嗲牛肉米粉+火腿奄列+牛油麵包+熱奶茶 沙嗲牛肉米粉 - 沙嗲幾咸, 牛肉都"淋", 米粉普通貨火腿奄列+牛油麵包 - 奄列都幾老吓, 牛油麵包因為冇烘底覺得麻麻地熱奶茶 - 都幾算大杯, 多了奶味少了茶味.- 盛惠$26 旺角少有呢個價錢環境都幾幽暗, 枱有D黐立立.

本來打算吃韓餐 但路經此店忽然想吃麵坐下來 環顧四週 店子比想像要小 就六七張桌子衛生不太好 餐牌黏黏的 桌子還擱着一隻死蒼蠅.........不過不到難以忍受 只是吃個麵就離開還是可以點了牛肚粗麵熱檸茶 價錢跟平常吃的差不多不過牛肚份量算是多一點 約莫六七件牛肚軟腍 口感好 味道夠濃但牛味不突出大概是因為湯咸了一點 而這個咸還是在適當範圍只是淡一些應該更能突顯食材本身的味道粗麵跟平常麵店吃到的不同 也不是說這種麵是獨家只是平常我去的店大多不是用這種而已平常吃到的是麵條相對吸湯較多 軟一點這個是爽口帶滑 但這個滑不是麵條本身的滑而是麵條吸收湯的份量比較少 大部份是掛在麵條表面一種水滑的爽口 麵在湯裡久一點都不會太泡自己更喜歡這種提供的辣油不夠香 但下一點已經夠辣 畢竟這種油類少放更好熱檸茶帶三片檸檬 不苦澀 放一包糖喝到一半還覺得多放了這區的麵店越來越少 很多店都換上金鋪或連鎖店雖然這裡環境說不上好 但價錢份量適中 味道不錯而且感覺那位收銀兼照顧店面的員工有禮且有人情味熟客來買雲吞外帶 她悄悄多給沒有刻意讓客人知道若無其事收錢交上下次在這一區又想快快吃個麵 這裡將會是我的首選

在廣華附近，不知有甚麼好吃，勉強揀了許榮記吃時菜牛腩牛根飯($38，碗上)，白飯上有一條菜心及約8件像叉燒大的牛腩牛根，另外有一小碗牛腩湯汁，面頭浮了油及葱花。牛腩牛根只是微暖，非常不夠熱! 很淋，尤其牛根，幾乎像吃豆腐般不用多嘴嚼，牛根偏白，我感覺不像牛根，牛腩牛根大概只有咸味，其它調味很淡薄，所以不值以牛腩湯汁來拌飯。白飯比其它食肆軟身，飯餸份量合理，可惜味道一般，但以這價錢，不可有什麼要求，所以評價是一般。

這次點了魚片頭牛什河粉和凍咖啡，上菜時間慢了一些，魚片頭當然沒有問題是他們的强項，凍咖啡不用說，普通料！我現在說的是牛什！金錢肚有、牛肺有、牛膀有、肥腸粉腸也有，算是齊全，有沙瓜、竹腸當然更好，但失敗在於牛肺，它在湯汁內浸得太久，又黑又鹹令出品失色！

中學時代已經有的一間店, 近年大裝修後未幫襯過, 今天中午, 胃口不甚好, 不想吃飯, 剛巧經過, 就回味一下.裝修新式了, 連員工也換了, 大老闆娘失蹤了, 出現了一位小老闆娘, 應該不是”小”, 而是”年青”, 因為不能以”小”來形容, 大家明白吧…叫了最典型的食品: 魚蛋粉, 廿五元, 加一碟芥蘭, 八元, 唔算細碗, 四粒魚蛋, 咬落彈牙, 但魚味欠奉, 十分淡口, 兩塊魚片, 切得不太簿, 彈牙, 但味道都是淡淡.河粉是中型幼身款式, 煮得不算太淋, 但也不算有彈牙口感, 放了些少碎生菜鋪面, 蔥花不多, 湯的顏色又淡淡, 賣相不太吸引.芥蘭一碟, 幼身款式, 煮得剛好, 不太淋, 有咬口, 沒有根, 品質佳, 只收八元, 物有所值.

早放工就行下槍街即廣華街，好久沒係到濕平(太忙冇時間玩 wargame). 途經許榮記即feel到肚子餓，門面好像沒多變但內裏乾淨左好多好企理，亞叔還用PDA 落單!超吊! 點了個叉旦飯(好久沒吃了)旦煎得岩岩好，香又吾擃，杯華田濃一點會更好，感覺還很“那些年”