影片
更多
2021-08-19
783 浏览
放工成日9行旺角油麻地，都行到好鬼悶。行下行下就嚟左煙廠街嗰邊，依邊比起西洋菜街/波鞋街嗰邊靜，就算6點零鐘間餐廳都唔係咁多人，而且嘢食啲價錢都大街平多10蚊8蚊。依間鋪頭唔知係咪新開，但門面都幾光猛，座位都幾舒服。今次我叫左個秘制豬手飯+凍檸茶走甜 $48碟飯一上到枱，我心入面「嘩」左一聲，洗唔洗咁大份。有成3隻豬手，仲要大隻嘅豬手。咁當然，好多嘢都唔淨係睇大嘅，豬手要大得黎夠入味，入味得黎，要夠淋，淋得黎又要帶啲肥，肥得黎又要啲汁夠濃帶返起隻豬手嘅肉味。依度嘅豬手大隻，少肥，淋，膠。你食完之後會成口漿住晒，正。啲汁濃得黎唔咸，真係好難得。總之，整豬手唔係咁易；再簡單啲黎講，就算要自己係屋企整，都要花唔少功夫心機時間。依度，$48就搞掂。痴線，點做生意㗎，點為皮？🥲再諗返起前日係和順記食嘅半塊豬扒面都要收我$40，真係👹用心做嘅野，我相信一定有人會欣賞，加油！堅持！Mcmug綜合評分：8.5/10，性價比高得過份，豬手質素好高，將會繼續翻兜支持！
放工成日9行旺角油麻地，都行到好鬼悶。行下行下就嚟左煙廠街嗰邊，依邊比起西洋菜街/波鞋街嗰邊靜，就算6點零鐘間餐廳都唔係咁多人，而且嘢食啲價錢都大街平多10蚊8蚊。
依間鋪頭唔知係咪新開，但門面都幾光猛，座位都幾舒服。今次我叫左個秘制豬手飯+凍檸茶走甜 $48
碟飯一上到枱，我心入面「嘩」左一聲，洗唔洗咁大份。有成3隻豬手，仲要大隻嘅豬手。
咁當然，好多嘢都唔淨係睇大嘅，豬手要大得黎夠入味，入味得黎，要夠淋，淋得黎又要帶啲肥，肥得黎又要啲汁夠濃帶返起隻豬手嘅肉味。
依度嘅豬手大隻，少肥，淋，膠。你食完之後會成口漿住晒，正。啲汁濃得黎唔咸，真係好難得。
總之，整豬手唔係咁易；再簡單啲黎講，就算要自己係屋企整，都要花唔少功夫心機時間。依度，$48就搞掂。痴線，點做生意㗎，點為皮？🥲再諗返起前日係和順記食嘅半塊豬扒面都要收我$40，真係👹
用心做嘅野，我相信一定有人會欣賞，加油！堅持！
Mcmug綜合評分：8.5/10，性價比高得過份，豬手質素好高，將會繼續翻兜支持！
张贴
