裕譽燒味專門店

营业中

休息中

行完花墟, 路過見到依間寫皇牌叉燒及皇牌燒鵝, 唔好諗住一定沒問題, 本人第一次幫襯, 買左燻蹄和叉燒各半斤回家做晚餐我唔多講, 請用自己眼睛望吓大概都估到咁上下, 特別係右邊盒內的右邊嘅<叉燒>真係唔多掂, 嚡嘅; 燻蹄一般, 見一個師傅切, 另一個師傅在旁望住, 好似研究緊點比好。下次吃"大X樂"好過買走D質素都唔係咁樣比客架！唔通要堂吃先有質素！。。。。。。。。。。。。。。。。。。。。。。。。。。。。。。

屋企種咗四支觀音竹有兩支發黃，於是落去太子花墟買返兩支，落到花墟D車又泊係雙黃，十字路口黃格又照停車，攪到大塞車! 去花墟我當然揸電單車落落去啦! 左攝攝右攝攝，到達!順便去埋隔離花園道食埋晚飯先歸家，見到街頭新開咗間燒味店，餐廳名叫 "裕譽"，而又有一段時間無食燒味，於是推門入去幫襯.乳豬唔係成日遇到，買到又未必好食，今次係裕譽見到有乳豬賣，即管又點一份睇睇質素如何.我點咗叉油雞走翼多蔥蓉，好鬼反感叫油雞俾隻豉油雞翼，必負評!另外女友小熊點咗燒肉鵝，加鹹蛋一只，油菜只有菜心.叉燒忘記叫肥叉，上枱嘅都係半肥瘦，味道適中唔會太甜，當然.... 甜D更夾自己嘅重口味啦! 口感未至於鬆軟，叉燒邊嘅部位硬咗少少，整體嚟講質素中上啦.乳豬皮脆肉嫩，只係凍咗，如果有溫度暖返D更理想.裕譽無燒鴨只有燒鵝，燒鵝肉嫩皮脆，質素絕對唔差，因為食完第二日就腳痛! 當然，點上甜梅醬更加係必做啦，令燒鵝更惹味!我大愛嘅蔥油，薑比蔥多，引至薑味比蔥味濃，可惜，幸慶味道適中，無其他燒味店嘅蔥蓉咁鹹.鹹蛋油份最多夠，有相有真相.油雞質素係一流！皮嫩肉滑，入口無渣，連埋蔥蓉一同入口，滿足! 俾大大個 like!更加掂嘅

花墟食街，呢個corner位，冇乜邊間做得長，呢間新開燒味店算比較有人流，所以姑且一試。叫咗個燒鵝燒肉瀬粉，盛惠$72。燒味上台是冷冷的，相信沒有自家烤爐，是工埸交貨貨色。份量是可以，燒鵝看上賣相ok，肉質看上似乎可以，但入口鵝肉不嫰，有點靭，需要花力咀嚼，重點是沒有燒鵝該有的鵝味。皮不脆，但不是每一家燒味店也賣脆皮燒鵝，這點也不計較。燒肉皮是脆，但薄切五花肉偏肥。真的很一般水準。這個價錢在太子該有更好選擇，相信不會有下一次。

份量與價錢成正比。乳豬皮及燒肉都非常脆口。咬落會聽到‘索索’聲。中湯湯料亦非常足料，雞腳亦算多（剛好有3隻）。剛好上枱嘅叉燒又係半肥瘦，而且都比較淋身。小朋友都好喜歡食。外賣燒肉，店員仲好細心咁剪開個盒，怕皮會變淋身。醬汁方面：薑蓉唔太鹹，做得不錯。自己試過佢哋嘅叉燒、燒肉、乳豬及油雞。乳豬都不錯不過，令我回頭嘅係燒肉同半肥瘦叉燒。反而唔知係唔係剛開業，店員感覺還未太上手，但勝在有禮貌。值得一試嘅燒味專門店。

見呢個鋪位又轉左新餐廳，又好似幾多人幫襯喎咁我都黎試下新野先。叫左兩個燒味跟餐，一個食飯，另一個食湯瀨，佢就打錯單喇果時係正值午市時間，人客比較多做野有少少甩漏都可以理解嘅。等左大約6分鐘，個瀨粉同飯都到喇。擺款都幾整齊。肉眼可見d叉燒係瘦到好似d風乾牛肉咁，一絲肥膏都冇 口感就如你想像出黎嘅一樣咁柴 冇肉汁一d都唔juice完全餸唔到飯。燒肉就半肥瘦，皮香脆到不得了！有炭香味 唔太咸，點埋黃芥辣食，正 但碗瀨粉真係淡到好似清水咁，係完全冇味 就算加左碗燒味汁同薑蓉落去，都淨係食到少少薑蓉味呢份嘅燒肉就肥左少許，不過都係可以接受嘅範圍。白切雞不過不失，啖啖肉，加埋薑蓉食好味d。而d飯都係麻麻，比較散又唔夠米香味。Ps. 佢抹枱時果塊布睇落唔係好得，枱面抹完仲有d油淋淋咁，我比較頂唔順