裕譽燒味專門店

营业中

休息中

太子咁方便嘅地方 居然有一間經濟實惠嘅燒味餐廳 燒味包括燒鵝 白切雞 豉油雞等 無使用任何化學添加劑 味精色素 做出經典又不失健康的口味😍最推介係佢既叉燒 三分肥、七分瘦 呢個簡直係叉燒嘅黃金比例😍 保證新鮮熱辣 仲有大家最愛的燶邊oh my god💕真係好滿足😊😊 燶邊脆口得來還有濃郁豬油香 蜜糖味不重 更嘗到肉汁中ge原始甜味👏🏻如果得10分可以俾佢我會去比夠佢50分👍🏻 醃料入味 燒得皮脆肉juicy 配搭飯或瀨粉 真正地道的香港美食！！

1. 三拼叉燒每一嚿都肥瘦均勻，而且食落口有焦香味，肉質好鬆軟完全唔會柴，叉燒係半肥瘦，同埋焦邊；燒肉係肥瘦相間，燒肉皮好鬆脆，有肉汁，而且唔會好油，味道鹹香鹹香；油雞偏肥，不過肉質好鮮嫩，雞肉熟度啱啱好帶少少粉嫩，油雞整到非常之入味，雞皮好彈牙。🌟 評分: 8/102.手帕青瓜青瓜好爽脆清甜，感覺好新鮮，冇乜草青味，味道比較偏酸，不過就唔係好辣，有少少肉碎。🌟 評分: 7/103.醬脆蘿蔔蘿蔔係白蘿蔔，白蘿蔔一睇就知好入味，味道酸酸甜甜非常之開胃，而且食完燒味再食可以去油膩。🌟 評分: 7/104. 例湯（限量供量）例湯飲落冇味精，又唔會太鹹，而且感覺好足料，好有住家既感覺。🌟評分：7.5/10🎖️整體評分🎖️❤️ 味道: 8/10🧡 環境: 8/10💛 服務: 9/10💙 性價比: 8/10 📍裕譽燒味專門店 (太子)太子太子道西150-152號太子商業大廈地下B1-B2號舖

💪🏻 雙拼叉燒切雞飯 ($62)本身自己都幾鐘意食燒味飯，貪佢又方便又好食，同埋燒味飯其實幾啱做gym時候食（多肉）🤣 而呢間燒味飯都幾有驚喜，叉燒嘅肥瘦均勻，而且厚度切得啱啱好，容易入口，肉質都好淋🤤 叉燒嘅蜜味都香口！切雞雞肉都幾滑，啖啖肉😋 白飯都煮得口感啱啱好。另外，例湯係菜乾湯，好耐冇飲過😍味道：8/10性價比：6/10 食住瘦指數：💪🏻💪🏻💪🏻/5

又到新年，系時候買番盤蘭花系屋企擺擺，買完花順便系附近填下個肚先返屋企燒鵝拼叉燒瀨粉$72白飯可以轉瀨粉同河粉，大食妹簡左而家買少見少的瀨粉，難得食到的瀨粉好珍貴燒鵝層皮勁脆，鵝肉幾嫩下叉燒半肥瘦岩岩好，層脂肪仲系爽脆的，唔會咬唔落口老火靚湯$8加$8有個青紅蘿蔔湯，送飯一流醬脆蘿蔔$28待應EE極力推介的小食，好好彩有叫到，有驚喜蘿蔔甜甜地好爽脆，食燒味難免有少少滯，中間食返幾嚿蘿蔔洗一洗陣味，都唔錯㗎

我幫人占卜問事，唔太相信占卜又走嚟問事嘅人經常遇到，今日幫小熊嘅同事占卜問事，同小熊一樣，佢地兩位都唔太相信占卜，但又想知來年運程，我話唔收利是請我食餐晚飯咪算囉，咁當然叫埋小熊一齊出嚟啦，三個人約咗係太子 coffee shop 見面，之後過對面裕譽燒味開餐!裕譽已經唔係第一次幫襯，每次幫襯都無失望，維持高水準!點咗一份乳豬，叉油雞飯多色多蔥蓉，叉油雞米線同燻蹄燒肉飯.燻蹄燒肉飯係小熊同事點，如果要求試吓D燻蹄同燒肉又好奇怪，但眼看燻蹄比平時見到嘅大份D，燒肉試過不只一次，買過幾次外賣，次次皮脆肉嫩，豬肉部位肉質鬆軟，絕對要推介.乳豬皮脆口，只係甜醬份量唔多夠啫.油雞肉嫩又滑又 Juicy，必定要同蔥蓉一齊食，更加惹味!落單時忘記要求肥叉，好彩上枱嘅都唔係瘦叉，肥瘦適中甜味之中又點小小燶味，就好似小熊咁肥瘦適中平時笑容帶點甜味聽到我咁話佢臉上就有D燶味! 我幫襯燒味店最睇重蔥蓉，如果燒味難食但蔥蓉好味我都頂得住，裕譽嘅蔥蓉好味! 唔會大鹹又唔會太多薑! 齋食蔥蓉已經可以送白飯.小熊同事都話正無介紹錯! 食完仲過隔離食糖水㖭!

喺太子肚仔餓要食嘢，諗住簡單快脆食一餐，睇吓有乜嘢餐廳適合，喺太子站附近見到呢間，燒味店，啱啦，想食燒鵝，於是就決定入去開餐🤣叫咗 $88「燒鵝+油雞髀飯」，再加一個 $28「手帕青瓜🥒」「燒鵝+油雞髀飯」：油雞髀大大隻，好有醬油香味，煮到啱啱熟，雞髀肉肉質嫩滑，好食👍；燒鵝 鵝皮燒到有少少脆，燒鵝肉好好鵝味，真係正🤩「手帕青瓜🥒」：青瓜新鮮又爽脆，手帕之後加蒜蓉同埋醬油，簡單得嚟又好味😋仲有一碗老火湯都幾好飲😋

講到好食嘅港式燒味🇭🇰，我哋覺得呢間舖頭🥢仲好食過一啲連鎖品牌嘅出品🌟。舖頭位於太子、旺角花墟🌸，無論行街、買花、旅行👯‍♂️過嚟呢頭都好方便。呢度每日都有斬料優惠💰，唔同日子有唔同款嘅燒味特價😆。.🐽乳豬雙拼瀨粉($84)我哋揀咗乳豬配油雞🐥。乳豬嘅皮薄脆😍，口感好好，食得出新鮮🔥，唔會放耐咗變韌變軟。脆皮、油脂、肉🤤嘅比例好好，口感外脆內軟，調味適中，食到本身嘅香味🔥，唔會過鹹。油雞亦都夠軟腍🐔，肉質好好，點埋蔥油🌱，食到雞味，油香、蔥香，同樣鹹度適中😋。.🪿燒鵝雙拼飯($72)我哋揀咗燒鵝配叉燒🐖。燒鵝肉質夠軟腍，鵝味好香🤩，外層嘅皮都燒得好香。點埋酸梅醬🌸味道適中，平衡到燒鵝嘅油脂感😛。叉燒係半肥瘦，超級正💕，一啖食到蜜香味、油花香、肉味👅，好滿足、好餸飯🍚。

乳豬叉燒飯豬皮係薄脆型，一咬好似薯片咁咔一聲，外面嘅燒味店好少有細份量乳豬賣，叉燒瘦肉偏多，幾淋身，無咩筋位，瘦叉嚟講高質🥰燒腩仔燒鵝米線燒肉做到肥瘦相間，一樣係瘦位比較多，唔會好油膩，皮都好脆，味道偏咸少少，適合送飯，燒鵝嘅油脂好豐富好香～個米線🍜唔會太淡手帕青瓜酸酸甜甜，好開胃，幾爽脆，微微辣🌶️沙薑豬手粒唔算好重口味，表面完全無毛，處理得好乾淨，做前菜過下口癮都唔錯～#foodiblum港式

【太子•裕譽燒味專門店】ππππππππππππππππππππππππππππππ太子金牌燒味餐廳 地點方便 燒味夠靚！手帕青瓜 28$手帕青瓜的口感清脆爽口，味道清淡而不油膩。燒鵝三寶（叉燒、燒鵝脾、油雞脾） 188$由叉燒、燒鵝脆皮和油雞組成。這三種肉類搭配在一起，鮮嫩多汁的叉燒、香脆醃製的燒鵝和滑嫩的油雞，給人帶來了豐富的口感和風味。叉燒的肉質適中，帶有淡淡的甜味和香味，燒鵝脆皮外層酥脆，內裡肉質鮮美，搭配着香噴噴的油雞和嫩滑的肉質，給人一種令人垂涎的感覺。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 216✨✨✨✨✨✨✨✨✨✨✨✨✨#太子美食 #裕譽燒味專門店 #web3太子裕譽燒味專門店太子太子道西150-152號太子商業大廈地下B1-B2號舖

一般霖唔到食乜嘅時候我就燒味飯，最穩陣。行開太子花墟附近，是但入佐間燒味餐廳，估唔到有驚喜。乳豬✖️叉燒✖️燒鵝髀（💰208➕28）乳豬！薄皮好脆，入口嚼好爽，脆皮➕嫩肉，口感一流。配瀨粉，送埋個中湯。個湯係菜幹粟米紅蘿蔔湯，屬於阿媽靚湯級別。有住家飯嘅感覺。燒腩仔配飯🍚 💰98燒腩仔肥瘦搭配比較非常好，一啲都唔會膩。瘦嘅地方唔會柴，肥嘅地方油光賣相都好好。食落脆皮香口。豬手仔小食💰38呢個又係驚喜！🥳我估係有帶小小酒入去煮，燜到好鬆軟。好鍾意。我覺得係必點。貴過大x樂嘅價錢，但係真係食到好味嘅燒味就覺得抵翻個價。

今日過咗嚟花墟呢邊，轉角位見到新開咗間燒味舖入去食咗餐飯,都幾有驚喜。驚喜在於餐廳好乾淨，燒味無乜肥肉，原來老闆會盡量將燒味嘅多餘脂肪切去🤭，為求係大家食得健康！老闆好友善，員工服務好好，食到小店既窩心首先，個老火湯豬骨蓮藕湯都好有驚喜，成碗湯都係料嚟嘅，絕無味精，係住家湯嘅味道而且非常之濃郁，飲得非常之滿足。乳豬五寶飯要講嘅係乳豬超好食，個皮簿超脆口，肉質鮮嫩，讚👍🏻叉燒從未食過瘦得來又咁淋嘅叉燒，燒肉都完全唔會有豬腥味，佢啲燒味真係做得好👍🏻燒鵝瀨粉燒鵝唔會太肥，燒鵝皮脆口，肉質多汁，非常之新鮮👍🏻個瀨粉好食，彈牙爽口！下次想食燒味都會諗起呢間舖頭

好少燒味鋪頭可以食到乳豬飯～ 係門口 menu 見到就衝入去～ 冇諗到去到夜晚六點幾都仲有燒腩仔，而且仲要係脆卜卜，啱啱好燒起。食落香脆聲有ASMR的感覺~ 乳豬唔算肥膩，好味😋另一個特點係有瀨粉、巿面唔侒太多茶餐廳或者燒味舖頭有瀨粉可以食～ 叉燒油雞瀨幾好👍🏼 叉燒半肥瘦，油雞滑身。最後叫咗一個台式手拍青瓜🥒 酸酸微辣、食落開胃的。不過老火湯應該都幾搶手。原來去到午巿完左已經無哂😮 下次Lunch time 試下有幾正先得

花墟呢帶勁多餐廳、酒吧、小食等，是晚便同朋友黎搵食😋見呢間燒味店人氣不俗，燒味熱騰騰好吸引，就食佢啦。坐低後伙計便送上水，得知呢度出名乳豬同燒鵝，可惜燒鵝已賣晒，咁就試個乳豬先。⭐乳豬五寶飯朋友話佢要貪心啲一次過試晒所有🤭賣相幾吸引，乳豬脆卜卜，豬油甘香，切雞嫩滑，好正😍⭐叉燒燒肉飯自己就揀左雙併，賣相同樣吸引，燶邊叉燒呀，顏色仲好正常，半肥瘦肉質軟嫩香甜。燒肉個皮仲脆㗎，層肥層瘦咬落皮脆肉嫩，勁好食😍⭐佛山燻蹄薄切的豬小腿肉，咬落豬皮爽口有口感，唔過肥亦不膩，點少少醋食勁正👍⭐手拍青瓜覺得肉太多又後加咗一份手拍青瓜，青瓜爽脆有蒜香，酸酸的醋味正好去膩，呢餐完美作結😋估唔到燒味飯都可以咁高質，唔怪得店內全部係熟客啦，食完真係會返轉頭。

這間位於太子的【裕譽燒味專門店】，主打廣東燒味，除了有基本的叉燒、燒肉及雞外，還有乳豬及燒鵝，門口經過都聞到香味，尤其是叉燒帶點燶邊，色澤反光帶蜜汁，非常吸引。外賣燒味飯都是四十多元包飲品，可配飯或瀨粉或河粉，價錢合理。蓮藕紅蘿蔔雞腳湯例湯完全無味道，蓮藕煲至軟綿，有老火湯的清甜。醬脆蘿蔔蘿蔔切成薄片，醃得爽脆。叉燒燒腩仔飯叉燒半肥瘦有燶邊，有蜜汁香味，腩仔皮脆，肥瘦均勻。燒鵝脾油雞瀨鵝皮香脆，肉質嫩腍，有些皮下脂肪的鵝油脂香，油雞嫩滑。

又到WFH嘅時間，心思思又去呢間食燒味。佢地點極之方便，位於太子道西/花園街轉角位嘅地鋪，太子mtr站A出口行2-3分鐘就到～由於食左早餐嘅關係，唔想食飯，好彩可以免費轉瀨粉，正～唔使諗，燒鵝+燒腩仔轉瀨粉丫～奉送例湯幾好飲，唔覺有落味精，啱哂平時冇咩湯水嘅人～主菜到，以下是單拼份量，肉質好嫩，真係食過返尋味😋最好嘅係有得轉瀨粉，如果咁啱嗰日唔想食飯就啱哂👍🏻最後加罐$8可樂就perfect！