蠔站 (青衣城) (已結業)

路過呢間舖門口大大隻字寫$10隻生蠔初頭都唔信，或者有order限數，原來唔限架，我問過職員話淨點$10蠔都照比你食，不過我眼見唔會有人做得咁核突淨食特價蠔，咁我同一個朋友都有點個意粉，加兩杯啤酒咁，意粉係軟殻蟹黃金意粉（都幾好食架又唔貴）另外前後食左三打特價生蠔分左兩次上菜既特價蠔，兩轉都唔同左品種，品種係職員決定既，都好鮮甜架，食左咁多隻都無唔舒服，雖然特價都有齊餐具配料，出去批發都無咁平另外早少少去坐窗邊係幾舒服架，對住海景平台大花園，靜靜地傾偈係幾好既選擇

今次我地一家人黎到青衣城二期的OS plus, 好中意食蠔的我地今黎過黎光顧了！照舊一定會嗌的每日特價生蠔！$10/隻，因為真係好抵，呢次既生蠔質素又唔錯喎，冇乜沙咁，又夠鮮甜！同樣地又必叫既豬手，超好食！肉質夠滑，又唔會overcook, 讚！同埋店舖內的裝修佈置都好有情調，位置又夠闊落，我地有小朋友都坐得好舒服，店員服務態度都係好好，值得一讚！食物質素又唔錯，價錢尚算合理！間唔中同朋友or 屋企人出街既時候都會過黎呢度

今日去青衣經過呢間餐廳，見到佢生蠔做特價俾佢吸引左入去，叫咗$120半打嘅生蠔，即係平均二$20一隻，係海水味重小小，又唔係死鹹甘隻，係好食過$10一隻嗰啲生蠔少少嘅，但係$10一隻生蠔都抵食，除時照一兩打都無問題。另外叫咗一版海膽配埋紫菜食都好美味，煮主食就叫咗一塊牛扒，同埋一碟卡幫尼意粉，牛扒見到佢係扒爐上燒嘅格仔紋，即刻流晒口水，碟意粉亦都好正宗有隻生雞蛋分開上，你哋自己加落去撈埋一齊。今餐好滿足，生蠔海膽牛扒全部都係我嘅至愛，用OpenRice定位仲有七五折，所以都幾抵食下次可以再嚟！

以十蚊一隻生蠔作宣傳，必定招來一些生意。今晚提供了愛爾蘭生蠔，心想平價一定不肥美，但估到如此細少。不咸不鮮，幸好只點了兩隻。初時以為手撕豚肉如手撕雞一般，但原來只是豬肉鬆。花巧的名目又是另一宣傳技倆。長度大約八吋，男士來說只是一人前份量。餅底似餅乾，頭尾比較脆，幾可口；中間有點軟，像有點潮化了的餅。整體味道不算濃，叫服務員送上茄汁，他隨手給了胡椒粉。蜆肉鮮甜，只有少量沙，意粉軟硬適中。只是份量都是太少了。

蠔站我lunch都幾經常嚟食物味道尚算ok服務的確勉強還能接受今日嚟到發現好多職員都唔同哂我企响門口望下餐牌當我決定入去食lunch就行去行正門口當時門口有兩位職員好投入咁傾計我行到埋佢地身邊都完全無留意我為勉打擾只好企定等佢地傾完先再安排我入座我都企咗好幾分鐘我留意咗好耐今日啲職員真係純傾計，篤電話我享用完lunch 完全無人留意到要order餐茶同收碟唔緊要 我左望右望想搵職員落order但我好像是透明的終於我忍唔住開口叫職員落order餐茶到了但甜品呢？當然要嗌先有啦！

呢間Os plus以食蠔作招徠，今日做緊promotion的係來自愛爾蘭Carlingford，size唔大唔細岩岩好，口感以爽口為主，$10隻半賣半送真係好抵食。不過蠔對我黎講唔咪太吸引，都係淺嚐即止。呢度lunch set價錢係貴少少，但靜係唔洗排隊响青衣城黎講已經係賣點，真係唔明點解紅唔起？西冷牛扒 $118牛扒大大塊叫左七成熟，你睇個格仔網紋幾靚！切到入面仲係粉紅色，堅係七成熟，廚師功夫了得抵讚！呢塊靚牛扒係得邊位有少少筋，其他方面真係冇得彈。豬肉眼扒配飯 $98豬肉眼扒有兩大塊，而且係新鮮煎起，肉質彈牙，加上個惹味沙爹汁真係幾夾。特飲加$10有超多選擇，我幾鍾意杯荔枝乳酸Soda。

難得一日拍下拖就搵間西餐廳食下，叫午餐套餐有湯、飲品，仲可以用優惠價換生蠔。蠔就係新鮮的，不過都相對細隻，都係有啲唔抵。牛扒叫左五成熟，出黎都偏熟，但牛肉都算係高質。

中午黎食晏, 2點拎鐘, 貪佢無嘜人, 坐得又舒服, 出面個鏡又靚, 望公園, 有半個海望下.叫左個餐個隻燒春雞, 有個湯, 有杯野飲. 另外叫左半打10蚊蠔.蠔OK的, 新鮮的. 係細隻小小, 不過呢個價錢絕對收貨. 收咁平仲要開埋.隻雞睇落個樣唔錯, 但凍的, D肉好似食緊柴皮咁, D肉無味, 只能用難食去形容.個餐湯味道OK的, 杯野飲就一般般, 凍檸茶黎, 一般茶記果D會好飲D.大約$150埋單, 想平食蠔, 可以一試. 

我那天同朋友在青衣爆食生蠔，超新鮮，蠔味一流。話說我個friend見到廣告牌有120蚊6隻生蠔，又話有D10蚊特價的，立即拉我來狂刷啦，呢間生蠔吧來，裝修都幾豪華，入面有個大摩天倫裝飾，好靚架。D 120 蚊6隻生蠔，我想是法國蠔，海水味重，食落帶咸，蠔味初入口淡，但越吃越濃，好好食，可叫了兩打，再配餐湯(忌廉湯好滑)和餐飽，也非常美味，重點D蠔好新鮮!至於10蚊隻的，我也叫了10隻，明顯地一分錢一分貨，蠔新鮮的，但蠔味較淡，金屬味重，入口沒海水味，但也是吃得過的貨色，好抵食，如果配白酒，其實好㚒。服務周到，也要讚。

因為兒童節唔想媽咪煮飯第日又放假帶媽咪出去食 又開左間分店 黎試食下啦呢度出左名$10一隻生蠔緊係要點啦我地都叫左2打半生蠔整體都唔錯既 好乾淨 都幾Creamy 我中意香蒜辣椒蜆肉意粉 我覺得好食 但係媽咪同男朋友覺得好辣 因為佢用左辣椒油去炒 再黎左個黑毛豬鞍 有檸檬定青蘋果soup汁點既 不過我覺得隻豬有啲”鞋‘所以麻麻地不過個汁幾fresh 黃金軟殼蟹扁意粉 有驚喜喎 我覺得好好食呀 啲咸蛋黃撈埋左啲意粉 混合左 好好食

真心講平時路過都會睇下佢地既餐牌價錢感覺上比較貴咗少少所以一直以嚟都無幫襯但有日lunch時間忍唔住真係想試下Set lunch唔算貴價錢合理食物味道，賣相都算好相比其他西餐已經好好多所以lunch偶然都會响Os plus食不過我唔鍾意食佢地跟餐塊麵包希望可以轉下其他今次無食生蠔過往幾次都有食＄10隻蠔好多時略嫌太細隻所以我多數嗌＄120/6隻既蠔有好多國家選擇海水味有濃有淡服務態度仍可接受雖然有時人少服務員反而會疏忽顧客不過都保持應有笑容依家一個set lunch 送1張＄10 couple lunch時間一個餐可用一張

又係假期裡普通的一日，開咗成年幾嘅『蠔站』竟然一次都未入過。趁住假期試吓菜，竟然帶畀我哋一個美好的夜晚，雖然入座時被告知只有90分鐘用餐時間時有D不爽。被安排坐窗邊位置，望住出邊平台花園及對住青衣區豪宅～灝景灣，爽吖。小食香辣炸雞翼首先送到，初時見個樣好似燶燶哋，但吃落又唔覺燶，都ok正正常常嘅。跟住就係黄金軟殼蟹扁意粉，一隻不算细嘅軟殼蟹，幾厚肉，正而意粉亦沾满蛋黄，勁好味。10蚊一隻嘅愛爾蘭生蠔雖然size唔大，亦唔算肥美，但吃落真係好味，海水味濃又唔腥，呢半打未吃完已經又叫多半打性價比真心高，好满足。

食晚飯，要坐窗口位，好逼張枱又細，湯沙律生蠔意粉一次過黎晒，唔夠位放，上菜唔分次序！食左一打生蠔，蠔好細隻，好薄身！另外叫意粉食，份量好少！！食完完全唔飽，一d都唔值百幾蚊！唔係生蠔$10隻應該無乜人會去食！！

Taste:3/5Service:3/5Environment:4/5今次係我第一次幫襯蠔站(High tea) 一心試一試佢個意粉 點知朋友order 個pizza竟然好食過自己order既pasta 真係令我有啲失望蕃茄牛粒意粉：2/5一食落去就已經食得出係用番茄醬製成嘅醬汁 而唔係用真正番茄製成既醬！呢點真係令我大跌眼鏡 Pizza:4/5相反 pizza方面焗得啱啱好 用料十足 所有材料加埋食落都好match! 賣相方面都幾好 又食得又睇得

青衣城二城開了O's Plus, 一直想去試試。約了朋友在青衣城食飯，唔知食咩好，一於就去試下。餐廳環境舒適，適合朋友聚會慢慢暢談。點了海鮮拼盤，生蠔的選擇也有很多，選了4款由淡味到濃味的生蠔，拼盤還有最愛的赤貝😋還點了虎蝦龍蝦汁釀米型粉，都幾好食，只係米型粉的質感像字母粉般，不是人人喜歡，如果轉用意大利飯，應該會受歡迎得多！飲品選了青蘋果梳打和青檸梳打，飲品的味道也比想像中好。整體而言，不錯的選擇！