蠔站 (青衣城) (已結業)

晏晝喺青衣城附近食lunch，門口見到大大個牌寫住【$10隻生蠔】作招徠，雖然日光日白一條友，係有啲寡，但都心血來潮想試試 <3 叫左個lunch set填飽肚先，隨餐跟埋餐湯餐包飲品甜品，不過不失，正常水準，值得試試〜當然要叫埋一心想食嘅生蠔，一打獨享獨樂樂，真是好平好抵食又新鮮，非常推薦 <3 餐廳環境夠哂開揚光猛，座位闊落，坐得舒服唔知點解當日中午時段都無咩客人，成個場十分安靜，可以慢慢抖下食下飯，非常不錯

半年前才來過這兒吃，今晚又忍不住再過來，原因就是因為蠔。這兒提供很多不同的海鮮刺身，但最抵吃還是蠔。因為食店每天都會提供一款蠔以$10優惠價給顧客品嚐。我們當然老實不客氣，還前後點了兩打。今次吃到的是法國蠔，size稍為細，不過卻有陣陣的海水味，肉身也非常爽滑，如果size能大一點會更好。牛油果藜麥蝦沙律這個菜式很健康呢！牛油果和藜麥不但是健康食品，合起來吃也口感非常，十分美味。而蝦也沒有下任何調味，我朋友也很喜歡吃呢！香煎虎蝦配龍蝦汁燴米形粉坦白說我還是第一次吃這款意大利粉。未上碟前我還以為粉是米字形的，一上碟才知是像米粒形狀的意大利粉，真是很大鄉里呢。當我第一口吃時，已經喜愛到不得了。吃下去時好像吃下一粒粒的飯，但咬下去卻有意粉的質感，配上那濃濃的龍蝦汁，令人留下深刻印象。而虎蝦也十分新鮮，開邊香煎的虎蝦也十分入味，惹味非常。就這樣簡簡單單的吃了一頓開心的晚餐。

今日返工同同事講生蠔講到得興致勃勃，坐言起行收工路過青衣就話去試下呢間位於青衣城二期嘅蠔站，佢最出名當然係$10一隻生蠔la!! 我地放工去到大約4點半，呢個時間一般都無乜人，我地目標明確，餐牌都唔使睇，坐底即刻order 1打先。今日特價係來自愛爾蘭嘅生蠔，size係比較細隻嘅，但係我覺得都算新鮮，質地我覺得係爽口嘅，唔係重海水味嗰d，$10來講我都收貨la，都係可以滿足下食蠔嘅開心ga~~*另有加一服務費

Happy Friday ，慶祝開心事（好同事署任準備升）又出嚟蠔食返餐🍾️🎉（祝事事順利啊！）✌🏻😆當日食咗兩打蠔（有海水味，都creamy 嘅，但有幾隻真係乾過我荷包🤣）抵食價$10隻、蟹肉沙律🥗（份量很少）$88、啤酒🍻薯條$58（唔知點解會叫啤酒薯條，因完全無啤酒味，只係普通嘅粗薯條🍟）、因為等人齊，所以叫咗特快蒜蓉包醫肚仔先$38、海鮮薄餅$138、德國豬手$268（比想像中差一點）同黑白德國🇩🇪啤#唔經唔覺就識咗十幾年

行過見到生蠔十蚊隻，畀佢吸引咗入去食，我哋要咗12隻十蚊pacific rock，再要咗2個$198生蠔加白酒,所有生蠔都好新鮮唔錯唔錯!不過可惜當天Gillardeau缺貨食唔到！ 唔緊要下次再食！

今日同男朋友仔約咗喺青衣度睇戲 好耐冇嚟過青衣城啦 原來依家有二期，戲院都係搬咗呢度 都有好幾間餐廳 。幾個月前同朋友去過尖沙咀 另外一間分店 嗰陣時都試過十蚊南非蠔 又大隻又新鮮。我地先黎一打試試，都算新鮮，不過唔係太肥美。我地仲有order大蝦米形意粉同德國咸豬手。大蝦整得好香，意粉味道唔錯，不過份量太少。 如果係一個大食少少嘅女仔應該會唔飽囉 德國咸豬手 都係鹹咗少少 份量都算十足 喺last order之前我哋再叫咗 半打生蠔 竟然畀先頭嘅一打新鮮。算啦 都係唔好食太多 期間有個懷疑係 餐廳嘅經理服務態度好好不斷介紹話佢哋啲生蠔好新鮮呀同埋點樣睇 係咪新鮮 都幾得意，好似外國餐廳既style.整體嚟講環境唔錯 如果嚟青衣城嘅話都會有 機會再幫襯呢間餐廳

食物質素保持得好好已是第N次光顧由大角咀 荃灣 到今次青衣 環境尚算不錯 坐近窗邊可以邊看海邊吃蠔蠔依然係讓你感覺價廉物美其它食物質量都保持得很好今次一共吃了3打生蠔跟一些小食結帳都是千多元值得再次光臨

食評環境好好啦，坐得都舒服，係主因。又唔限時間。叫左8隻生蠔同2杯生啤。主菜有意粉、豬手、仲有薄餅，薯條。小朋友食得好開心。最後仲有甜品，仲有生日祝福，好窩心呢！豬手係本店推介，我都好鐘意，皮脆肉嫩。超讚！意粉都好juicy，見小朋友係咁追住食。。第一次見！

見到店外貼住張「$10一隻蠔」，本住一試無仿既心態經OpenRice 訂枱（今期指定時間有正價餐牌7折），於是就展開左一次「蠔食團」。本身對食蠔無咩研究，只覺得每次食酒店buffet d生蠔真係好一般，今次$10/隻，先來半打試試吧！$10/蠔，味道比酒店自助餐既「排隊每人每次限拎3隻」既好。嘆完半打「$10蠔」，嗌左蜜瓜配風乾火腿做前菜（蜜瓜好甜配風乾火腿很好食），主菜嗌左一份羊架（羊架嗌左七成熟，但味道一般），墨汁飯（食到咀都黑，但都只係一般），食完前菜主菜同飯，經侍應介紹，就決定試$3XX/一打既「靚蠔」！侍應介紹之下，我地半打半打咁上蠔，今晚試左美國，愛爾蘭，蘇格蘭，韓國，新西蘭同法國蠔！侍應都好有心機每款蠔介紹一下，經過介紹之後，對食蠔無咩研究既我地，都知道了邊個國家既蠔岩我地口味，下次我地識食喇😋

一句講晒，態度差到爆，食完一肚氣。叫左埋單，個侍應一句都唔講，黑口黑面，拎住個盤夾住張單，定格左5秒，我心諗咁唔願做唔通人工低，定我叫得少野食？今日玩完一日慶祝生日，無打算同佢嘈，忍。但就食到一肚氣。

逢假期的大商場其實午晚餐時間都是多人的，今天約了朋友在青衣城午膳而他們提議試試這間OS Plus, 冇所謂..就試試吧！當四周所有餐廳己站滿人等位而這間餐廳還有大量空位，心想中伏機會甚大！當坐下後叫年青四眼男待應下單竟然十問九不知，連是日餐湯都不知是什麼，心中已經不是味意！到食物上桌時全部份量少得可憐包括沙律，意大利飯及薄餅！基本上一個人份量也沒有，而味道只能説可以！但此餐廳服務真的不值一提，除了那四眼男侍應外，其他女侍應態度亦黑口黑面，到結賑時叫了兩次侍應都敷𧗠了事，到第三次小弟要大叫埋單才肯願意付上賬單，為什麼食完飯付錢埋單都要受罪呢！總結這間餐廳相信請了大量part time侍應，如果不是，這間餐廳可以關門大吉了...一定冇下次😡😡😡

繼續生日有人請食飯系列，今次去傳說中生蠔賣$10一隻既Oyster Station。自己不嬲好鍾意食生蠔，所以一坐低二話不說先嗌1打半生蠔。D生蠔有淡淡的海水味，size適中，肉質夠creamy，$10隻真係好抵食。跟住黎澳洲十二安士西冷，厚薄適中，order時要五成熟不過熟左D，同埋多左些少肥膏，但整體都不錯。黑松露野菌Risotto 好好味，好味到唔記得影相，就黎食晒先記得幫佢影。食甜品前再黎多round蠔先去甜品。甜品點左蘋果批，個面好脆，入面是蘋果肉，將熱騰騰的蘋果肉同雪糕混在一起吃，又熱又冷，享受。整體感覺不錯，環境亦舒適，可以再來食蠔

在附近上班的我，青衣城是午餐的開飯地點之一！已經第二次來到蠔站！但應覺仍是一般！為何感覺上裝修、服務還可以！就是不可注意一下，最重要的食物品質！這次試了一何10元蠔，兩隻！蠔較細和瘦身！新鮮情況，可以接受！10來說，是可接受！醬汁沒太大誠意！茄汁直出！至於餐湯，菇湯！有粒粒的菇！口感特別！但湯是微溫！至於餐飽，這麼小的一件，有想過不如直接不附送嗎？餐包較冷、感覺像放了很久似的！味道、口感亦很一般！到了主菜！點了蒜容墨魚仔意粉！在這環境氣氛和裝潢下吃這道菜，也未免失了這店的風格！整碟意粉乾硬、無味！墨水仔也是無味！更過份的是有點炒燶了！計獲燶一起上枱！最後，最值得一讚的是附送的甜品！一小件蛋糕內有冰凍的忌廉/雪糕似的！是惟一最合味道的作品！凍檸茶亦是淡而無味的！總括來說，整店只有外表，沒有內涵可言！

假日 , 到 青衣 - 青衣城 的 UA Cinema 看電影 ,然後就到這家 Os plus 蠔站 吃晚餐 ~Menu ~來到 蠔站 不點生蠔吃 , 就是對不住自己 ; 我們點了二十四隻生蠔來吃 , 開心一下 ~ 美國 USDA CAB 西冷牛扒 10oz : 賣相夠睇頭 , 真是未吃先興奮 , 我點的熟度是 medium, 西冷牛扒煮得很有質素 , 外有焦香 , 肉質軟嫩又 juicy , 肉味濃香 ; 伴碟的烤蔬菜和焗蒜頭都非常好吃 , 可以說是比預期的好 ~總括來說 : 食物有水準 , 服務態度良好 , 性價比高 ~本篇完 ~

前來和友人慶祝生日，十分驚喜！即開生蠔$10隻也非常鮮味，每人吃了四隻；沙律有大蝦，主菜羊架十medium啱啱好，燒到好好味，最後甜品芝士蛋糕，芝士味濃厚，入囗即溶似雪糕芝士餅，非常満足，愉快開心生日晚餐。多謝！