蠔站 (青衣城) (已結業)

呢間Os plus以食蠔作招徠，今日做緊promotion的係來自愛爾蘭Carlingford，size唔大唔細岩岩好，口感以爽口為主，$10隻半賣半送真係好抵食。不過蠔對我黎講唔咪太吸引，都係淺嚐即止。呢度lunch set價錢係貴少少，但靜係唔洗排隊响青衣城黎講已經係賣點，真係唔明點解紅唔起？西冷牛扒 $118牛扒大大塊叫左七成熟，你睇個格仔網紋幾靚！切到入面仲係粉紅色，堅係七成熟，廚師功夫了得抵讚！呢塊靚牛扒係得邊位有少少筋，其他方面真係冇得彈。豬肉眼扒配飯 $98豬肉眼扒有兩大塊，而且係新鮮煎起，肉質彈牙，加上個惹味沙爹汁真係幾夾。特飲加$10有超多選擇，我幾鍾意杯荔枝乳酸Soda。