蠔灣 (金巴利道)

营业中

休息中

今日去咗間期待好耐嘅餐廳一早已經book定位呢間餐廳喺韓國街嗰度嘅但係今日並唔係食韓國嘢而係食西餐因為聽人講呢間餐廳嘅海鮮同埋扒都好正一坐低店員就好用心咁介紹佢哋今日有咩新鮮嘅海鮮海鮮方面：我哋就揀咗一打生蠔, 北海道帶子，加拿大翡翠螺，地中海紅蝦，牡丹蝦上枱嘅時候，店員好用心咁講解每一款海鮮嘅食法，佢建議先食其他海鮮，最後先至食蠔帶子好鮮甜，翡翠螺螺肉結實，牡丹蝦同紅蝦都好爽口，紅蝦蝦頭入面嘅蝦膏，真係一試難忘，生蠔方面都係由淡味至濃味咁食，店員推介嘅蠔王belon真係極濃味，有濃郁嘅海水味同礦物味，啱晒鍾意食蠔既我安格斯牛扒秘製洋蔥汁拼沙律：呢個極度出色，有大量嘅洋蔥碎鋪喺面，安格斯牛扒煎到啱啱五成熟，上枱已經切成一塊塊，加埋佢嘅秘製醬汁，真係好好食龍蝦忌廉意粉：呢個意粉都做得好好，佢嘅醬汁濃度適中，意粉軟硬度有掌握得好，醬汁掛喺意粉上面，配合埋龍蝦肉仲有蝦膏，真係超夾呢間餐廳嘅食物真係好出色，無論係海鮮嘅新鮮程度，或者係熟食烹調都係好值得推薦

食蠔嘅時候店員教我地由口味較淡的海鮮至濃去品嚐，首先第一樣野一定係食帶子，都幾厚肉，加上Wasabi好味！之後再食紐西蘭深海小龍蝦，呢隻小龍蝦令我大開眼界，發現呢度唔係淨係得蠔夠出色，連呢款小龍蝦都好掂，佢嘅肉晶瑩剔透，食落去有咬口，而且非常鮮甜，仲有蝦頭嘅膏，都可以啜嚟食㗎。蠔原來除了從淡至濃去品嚐，他們的大小也是循序漸進的向上呢！最大隻的Gillardeau，跟我的掌心真的差不多大呢！最後亦都唔可以錯過呢度嘅意大利飯同埋意大利粉，我哋叫咗個蟹肉黑松露意大利飯同埋巴馬火腿意粉🍝，黑松露好香澳門整個意大利飯，飯粒略為堅挺硬身，但又可以容易被我們接受，我亦可以吃得下兩碗。另外意大利粉炒得非常乾身，從前我們覺得意大利粉永遠是軟身會濕潤的，亦會加上不同的調味料如芝士粉和辣椒仔等。但這裏的意大利粉卻不用加任何調味料，味道令我有驚喜，因為他的意粉是扁身的，炒起來很香，不會太油，質地真是不錯的。約下次朋友要我推介意大利餐廳，首選蠔灣！

鍾意食蠔嘅朋友真係唔可以錯過呢間位於尖沙咀金巴利道嘅蠔灣，佢雖然望落去店舖唔係太搶眼，係一間小店，但係裏便所帶俾你嘅滿足感絕對唔少！尤其鍾意食蠔嘅我，聽到都流晒口水。今日就等我入去試吓佢哋嘅蠔正唔正先。見到食店裏邊好多人都嗌海鮮拼盤，上面有大大小小嘅蠔再加上唔同嘅海鮮，我都急不及待叫咗一個。全部交由大廚決定，分別係South Africa Rock、lambert、majestic、gillardeau、Cherry Stone仲有Scampi同Hokkaido Scallop。我最欣賞佢嘅南非生蠔，雖然細小，但係食落去味道不錯，都keep到有海水味。食過24隻生蠔仲未滿足，食完生冷野再要叫啲熟食balance下，於是我哋喺店裏面亦都叫咗個龍蝦海鮮鍋。個鍋大到嚇死你！裏面可以分成10碗湯，佢係用蕃茄蓉去淆製而成，仲有好多蔥花同埋西芹，飲落去個胃好舒服。裏面嘅海鮮亦都非常新鮮，有馬刀貝、海、龍蝦、珍珠螺、帶子同青口等等，光是吃這些海鮮，得花上一定的心機和時間呢。