影片
更多
2019-09-15
781 浏览
近期多咗出入炮台山，不時去惠康買乳酪做早餐，每次都匆忙路過，沒留意這家店。直至閨密E相約响度食晚飯，才驚覺美食就在旁邊。店仔細細大約有20個坐位，播放住音樂歌曲，氣氛輕鬆自在。入門口就見到海鮮櫃，陳列咗多款生蠔、生猛波士頓龍蝦、車厘貝、象拔蚌，仲有活海膽，睇見都流口水呀！每張枱面都放咗一個金屬架，下層預先放咗個骨碟，俾客人放海鮮殼，而上層留空用嚟放海鮮盤由於S唔食生嘢，我哋兩個女子就揀咗6款生蠔，北海道帶子刺身同埋活海膽，仲叫咗2杯酒。食海鮮 ~ 飲白酒是常識吧。海鮮被精心逐一擺放在冰上，碎冰下面埋咗個燈泡，令海鮮盤份外明亮，特別靚，客人可以睇清楚上面嘅海鮮，未食已經興奮呀。 店員提示生蠔由檸檬位開始順時針咁食，因為佢哋已經將味道由淡至濃排好，好貼心。食蠔，除咗檸檬汁，仲有3種醬汁任你點，我鍾意就咁加檸檬汁，正！Chile Montt $48/隻，智利生蠔肥美飽滿，裙邊爽身，味道較清淡。South Africa$33/隻，體積較小，口感柔滑，入口清淡，後續海水味變重。Lambert$42/隻，口感細膩，有淡淡礦物味，蠔味十足。Find de Claire $36/隻，肉質爽滑，有海水味
不時去惠康買乳酪做早餐，
每次都匆忙路過，沒留意這家店。
直至閨密E相約响度食晚飯，
才驚覺美食就在旁邊。
店仔細細大約有20個坐位，播放住音樂歌曲，氣氛輕鬆自在。
入門口就見到海鮮櫃，陳列咗多款生蠔、生猛波士頓龍蝦、
車厘貝、象拔蚌，仲有活海膽，
睇見都流口水呀！
每張枱面都放咗一個金屬架，
下層預先放咗個骨碟，
俾客人放海鮮殼，
而上層留空用嚟放海鮮盤
由於S唔食生嘢，我哋兩個女子就揀咗6款生蠔，
北海道帶子刺身同埋活海膽，
仲叫咗2杯酒。
食海鮮 ~ 飲白酒是常識吧。
海鮮被精心逐一擺放在冰上，碎冰下面埋咗個燈泡，
令海鮮盤份外明亮，特別靚，
客人可以睇清楚上面嘅海鮮，
未食已經興奮呀。
店員提示生蠔由檸檬位開始順時針咁食，因為佢哋已經將味道由淡至濃排好，好貼心。
食蠔，除咗檸檬汁，
仲有3種醬汁任你點，
我鍾意就咁加檸檬汁，正！
Chile Montt $48/隻，智利生蠔肥美飽滿，裙邊爽身，味道較清淡。South Africa$33/隻，體積較小，口感柔滑，入口清淡，後續海水味變重。
Lambert$42/隻，口感細膩，有淡淡礦物味，蠔味十足。
Find de Claire $36/隻，肉質爽滑，有海水味餘韻。Majestic No. 2 $42/隻，蠔味濃，帶子位特別甜。
La Perle Noire$42/隻，肉質爽身，海水中含金屬味。
生蠔新鮮好味又乾淨，腸胃比較敏感嘅我一啲事都無，
抵讚呀！
活海膽$188/隻
原個活海膽有5瓣「肉」，用匙羹將海膽逐一挖出，
就咁放入口食，口感細膩，
入口即溶無腥味，
味道鮮甜餘韻短。
北海道刺身帶子$38/隻
帶子刺身大大隻一開二，鮮味爽甜，好味。
我哋都要照顧下唔食生嘢嘅S，
叫咗幾款熟食：青口、意粉、意大利飯。
白酒忌廉煮青口$238
青口夠肥美鮮味，加埋白酒、忌廉、洋葱一齊煮，
仲有香芹、黑椒調味，
連湯汁都好好味。
鵝肝蘑菇忌廉意粉$198
鵝肝兩面煎得香脆，口感外脆內裡柔滑。
意粉入口爽軟，
連同鮮蘑菇、洋蔥一齊食，
好好味。
帶子鮮蘆筍意大利飯$218
意大利飯面舖滿帶子，飯粒爽軟帶微飯芯，
芝味香濃仲有拉絲，
飯內有青綠鮮蘆筍，
提升口感之餘，
令味道清新更鮮美。
我哋入坐時只有一枱客，
然後見客人陸續入來，
大多係一對一對嘅，
好快已經坐滿曬，
走時見海鮮櫃內所餘無幾，
食物流轉快=新鮮度有保證。
下次想食蠔，會再嚟呢度。
张贴
