蟹仙海鮮蒸碢大公館

营业中

休息中

今日收工同朋友去到銅鑼灣嘅呢間蟹仙食海鮮蒸氣鍋，難得一見嘅仲要係食生日飯，一於就食盡佢。 叫左個$438嘅尊貴海鮮套餐，有9款海鮮，有龍蝦又有2款蟹，仲有好多海鮮，越南嘅虎蝦、台灣九孔鮑魚、韓國蠔、月亮貝、紐西蘭青口等，真係非常豐富。平日晚上都有唔少客人，不過地方都幾大，坐得都舒服，唔會逼。而且店員仲主動幫我哋蒸餐具消毒，感覺乾淨衛生。拼盤一上檯已經好興奮，賣相好吸引！店員仲幫我地蒸海鮮，而且每款海鮮都有介紹，仲幫我地計時蒸。比較鐘意月亮貝同青口，海水味好濃，鮮甜爽口，同平時食既好唔同。越南嘅虎蝦都好鮮甜，大大隻啖啖肉，好多蝦膏。鮑魚口感彈牙，韓國蠔好肥美。是日重點當然係饅頭蟹同爆膏嘅奄仔蟹，饅頭蟹主要係食鮮味，肉唔多但就清甜，不過賣相好可愛。奄仔蟹爆曬膏，食落非常甘香，肉質結實啖啖肉，好滿足！食埋蔬菜同用海鮮蒸完嘅水煮成嘅粥底，粥底好有鮮甜海鮮味，真係食得好飽。最後椰汁燉官燕，官燕好足料，女士食好養顏。價錢人均4百幾，但就食到啲咁靚新鮮嘅海鮮，非常開心。

好鍾意食海鮮嘅朋友約我食飯，話想去銅鑼灣嘅蟹仙食海鮮蒸氣火鍋。呢到嘅老闆係海鮮入口商批發，做左好多年，所以有唔少靚海鮮都會拎嚟自家餐廳賣，所以呢到可以食到好多特別而新鮮嘅海鮮。我哋選擇叫$438嘅尊貴海鮮套餐，套餐都好多款唔同嘅海鮮，饅頭蟹、龍蝦、奄仔蟹、虎蝦、月亮貝、鮑魚、青口等店員幫手處理蒸煮海鮮，按唔同嘅時間一次蒸一款海鮮，可以食到岩岩好嘅口感，唔使自己動手整到過晒火。鮑魚同虎蝦都大大隻，爽口彈牙，食落鮮甜嫩滑。青口都好爽口，海水濃味到一個點，同平時西餐嘅藍青口好唔同，感覺好特別。月亮貝同龍蝦就好有鮮味，月亮貝啲肉好滑好甜，龍蝦多膏得嚟好Creamy，肉質彈牙結實。不過我最鐘意嘅都係奄仔蟹，因為夠曬多膏，啲膏好似食緊雪糕咁滑，蟹肉肉質結實有鮮味，饅頭蟹都好特別，細細隻好鮮甜。最後食埋吸收曬海鮮精華嘅海鮮豬骨粥同椰汁燕窩，今餐真係超級滿足。

非常好吃和乾淨的海鮮，樣樣精品，最好食係龍蝦和蟹，非常鮮味，一定要試，品質和價錢不成正比，感覺不是為了賺錢而開的海鮮店，喜歡吃海鮮的人一定要來試試，一定會有驚喜

同朋友仔做冬，諗住食好啲。擔心出街食，間間餐廳都會爆棚。同時又好鬼怕啲餐廳好迫好多人（疫情仲驚）。之前果晚OpenRice search 到蒸海鮮，21號下午試吓打去訂位，竟然有位。正！第一次嚟，坐位都幾濶落，唔會人迫人果種。😎依度有5個價錢既海鮮套餐（全海鮮），又另有二人餐$1099（有肉及海鮮），豐儉由人。我哋3個人選咗$439餐。有9款海鮮，OpenRice 有優惠再送蝦刺身。首先當然係啤啤佢先。Yeah~🥳🍻蒸海鮮由蝦開始，魚，貝殼類（鮑魚，蠔，大元貝，蜆，青口）跟住龍蝦及蟹。食完海鮮，除左隻蜆有啲靭，其他都好滋味😋。我哋見海鮮都幾滿意，所以加左碟（大）安格斯牛肉，嚟到見到都好大碟，肉味都幾濃又唔鞋口。之後蒸蔬菜（生菜、粟米、好似紹菜）。粟米好甜好味。最後食埋個粥底，飽飽了。支付現金/FPS，有椰汁燕窩糖水送。結論：所有海鮮都好新鮮，成餐都好滿意。待應哥哥，同大廚哥哥都用心，周圍同客人開蓋及介紹海鮮品種。講真平時去鵝頸橋買海鮮都唔平。今日做冬，咩都貴。$1500都唔知買啲咩海鮮。魚？龍蝦？定蟹？返去仲要洗餐死😅落嚟依度，今餐每人$655。有齊啤酒，9種海鮮，又靚牛，又燕窩。感覺

俗語都有話唔熟唔食，無熟朋友幫襯過嘅餐廳，都係要小心啲🤔 呢日我哋一行5人去咗 #香港海洋公園，主要都係去探吓熊貓🐼 睇吓風景😎 不過盪吓盪吓已經係六點幾😚撞正放工時候，迫得出去市區已經差唔多七點，難得齊人梗係坐埋食埋飯先散啦。本來諗住去食buffet嘅我哋，因為安排得太遲，唯有近近地喺銅鑼灣搵食。網上誤打誤撞搵到 #蟹仙海鮮蒸碢大公館，一於清清地食個 #蒸海鮮。我哋被安排坐喺餐廳嘅房間裡面，起初人流唔多都仲可以嘅，點知愈坐就愈焗，同服務員反映咗幾次… 大概一個鐘頭之後先開始有啲冷氣，焗到暈🥵 我明白腦細梗係想做多啲錢生意，但係都要啱我哋食先得🥴 半推半就之下，我哋要咗「包羅萬有二人餐」，再加3份「尊貴海鮮套餐」。睇相確係幾多嘢食嘅，不過唔係樣樣都咁新鮮囉。羔蟹、龍蝦仔都算係鮮味嘅，不過啲蠔蒸完之後縮到一蚊銀咁，而其中一啲肉丸似乎唔多新鮮，咬落去有一陣酸酸地嘅怪味🥴 雖然係主動換過啲比我哋，不過始終有啲陰影😅埋單嘅時候，服務員話如果我哋比現金嘅話，就會送 #燕窩糖水 比我哋。本來我哋都OK嘅。但係問咗幾次叫佢比單我哋check咗先，佢都好似借咗聾耳陳隻耳一樣🤔 見佢咁hea，嬲嬲地寧願

係openrice search 到呢間餐廳， 估唔到超高質好食！ 店員非常熱情， 而且對海鮮非常熟悉， 會仔細解析每一種海鮮有咩特別同埋點樣食最好！ 我地今日揀左每人$759既餐， 因為有兩隻龍蝦可以一隻刺身一隻蒸， 仲有超多蟹膏既肉蟹！ 好滿足！ 非常推薦海鮮全部都食得出非常新鮮， 樣樣食落口都係甜既， 貝殼類加埋原本既海水味， 已經好好味唔駛點任何醬料。 龍蝦都好新鮮， 刺身同蒸都好好味， 不過琵琶蝦相對再鮮甜d！ 但係不能不提真係個隻蟹， d 爆曬出黎既蟹膏係正過大閘蟹同黃油蟹加埋， 好香好軟！ 正到爆炸！

第一次嚟蟹仙食蒸海鮮，本來以為同其他蒸海鮮差不多，但係食完好有驚喜。 首先係環境，呢度地方好闊落，係可以慢慢坐嗰種。唔係好趕蒸哂啲嘢嚟食。蒸爐用藤蓋蓋住，別有風味。 食物方面有好多款海鮮，每樣有啲食落好飽呀。特別介紹饅頭蟹，係第一次食，好鮮甜但其實無乜肉。經理之前已經介紹咗係咁，完全部新體驗，未食過值得食吓。其他貝類都好鮮甜。自己最鍾意就係龍蝦同肉蟹。 充滿海鮮精華嘅豬骨粥，仲有啲芋頭，加埋菜圃。呢度嘅粥啲米係一粒粒，比較有咬口，食咗2碗。 一定會再來。

蟹仙，位於銅鑼灣謝斐道，已經是餐廳第四間分店，以蒸海鮮為主打，老闆從事海鮮入口商批發多年，海鮮絕對新鮮，品質有保證。尊貴海鮮套餐，一個套餐有九款海鮮，餐廳店員會按時間一款一款海鮮處理，蒸煮過程全由店員處理，店員亦會用心介紹每款海鮮獨特之處，是否需要另加調味等等，舒舒服服享受晚餐。越南大虎蝦超級新鮮，大隻蝦肉結實彈牙。澳洲龍蝦更加出色，蝦膏鮮甜，肉質肥美彈牙。鮑魚刀貝青口珍珠蠔，每一種海鮮都鮮味無比。最特別的可算是饅頭蟹，店員用心介紹饅頭蟹以鮮甜取勝，值得一試。蒸海鮮最後品嘗，集所有海鮮精華的海鮮豬骨粥，超級滿足。

一大班人嘅聚餐諗住搵間火鍋店食，見呢間係蒸氣火鍋好似都唔錯。十個人嗌咗兩個千幾蚊嘅set，點知每樣海鮮每人只係分到一件，份量超少。店員又係咁sell我哋轉其他餐同加其他食物。海鮮都算新鮮，最後嘅粥底都好鮮甜，但係以呢個價格嚟講真係超唔抵。

朋友的推薦是令人回想起海洋的感覺。這店的海鮮套餐～體現港人靠海吃海，本地海鮮聞名天下之感，即日直送即做，十分新鮮。食物的數量多，幾乎會吃不下了，份量很多～大黃奄蟹蟹膏是雄蟹精囊的精液與器官的集合，也是雄蟹強壯與成熟的標誌，這店的選擇多。蟹膏自然狀態為青白色半透明果凍狀液體，上來後先給你看看～蒸熟後，為半透明、粘粘的、有點膩的膠質。蟹膏有河蟹膏和海蟹。野生琵琶蝦肉質彈牙爽甜～扇貝肉質方面，鮮甜厚實，裙邊會呈波浪，口感會較滑身，棒。鮑魚鮑魚含有豐富的蛋白質，有鈣、鐵、碘和維生素等營養。營養價值不錯，朋友一口吃不下，份量大又非常有口感～美味。泰國海中蝦青口青口為環保之海鮮，本身營養價值高，是海鮮中的低卡、低脂之選，這店青口，感覺很好～蠔蠔濃，味道很甜，回甘細膩。新鮮的海鮮外，令人回味的甜品。海鮮之後，薈萃了所有海鮮精華的甜甜粥底，鮮甜喔

之前去過九龍那邊的仙，最近知道銅鑼灣都開了一間蟹仙專門店的分店，今次專程去試一試，餐廳的位置非常方便，連銅鑼灣地鐵站只是幾分鐘路程。這次繼續叫海鮮套餐，其中一項是饅頭蟹與東星班，由於曾經試過食饅頭蟹，所以今次試一試東星班，二人份量是半條，魚質好滑，也不會有腥味，非常新鮮。另外，服務員會一直繼續幫忙蒸，基本上都不用沾醬油，海鮮入面已經足夠咸味，直接食才能吃到它的鮮味。菲律賓的奄蟹是重點，它的膏非常多，蟹肉亦好飽滿，與香港平時吃到的奄仔蟹相差太多了。

📍蟹仙As a seafood lover, I was obviously attracted to try out the newly opened branch at CWB. Crab Fairy offers a few sets of seafood based steam hotpot. The variety and number of dishes depend on which set you order. They would gather all the juices from the steamed ingredients and use them to cook congee to end the meal. We ordered the 18 ingredients set. Only the lobster and crab were ok, otherwise the remaining items were just average. Surprisingly, the congee at the end was a bit bland too an

公司食飯聚餐，有得二選一的食物一早已叫大家揀好食咩食物同餐廳講咗先，大家諗住去到就可以食啦！我哋一共有四枱人，我噉啱就係坐第四枱，眼見前面三枱已經食到第三次而自己嗰枱最早應該有的小食都未有嘅時候，問店員詢問都不會太過份吧！點知個男服務員的態度真係令我大問眼界，佢竟然同我哋講，等吓啦！有次序㗎嘛！What?我哋都已經等到人哋食緊第三轉至問啦！個次序係咪要等嗰三枱食晒我哋嗰枱至開始！好喇！萬眾期待嘅...冷盤「海蜇青瓜」終於登場，基於大家都已經好肚餓，不需一刻已經把它消滅咗，但其實係好咸好咸，啲青瓜有醋味在外面，但一啲都唔入味，食完個青瓜，陳百強先生的歌又再次嚮起，等寂寞到夜深...餐廳老闆終於出手喇！一嚟就放低三條魚入去蒸，蒸好當然係好想快啲食啦！食完後條魚的評價係「無味」唔明點解一條新鮮魚可以無味，真係諗唔通。之後再上的元貝、刀貝蜆無乜特別，想講一講鮑魚同蠔，鮑魚我咬了一口之後要點醬油，大家都明點解啦！因為完全無味，蠔仲犀利蒸前蒸後兩個樣，好似玩魔術噉，蒸完之後變咗蠔豉噉大粒。睇咗噉大段嘢好似都係有彈無讚，唔會如果一間餐廳真係噉嘅話，應該都好快摺得喇！值得讚嘅海鮮都有膏蟹、龍蝦、虎蝦，

朋友見我狂讚叫我要帶佢黎😂😂上次食過實在太驚豔！銅鑼灣店有兩層除左蒸鍋仲有其他蟹既菜式。環境方面都新淨啲多啲位👍🏻今次都係揀左尊貴海鮮餐。Order後店員會先放入粥底。海鮮仲係每款都好新鮮！！！今次個蠔肥美左好有海水味👍🏻青口依然係超大隻帶子今次飲埋蒸完喺殼到既海鮮汁，好鮮甜😋龍蝦好多膏，非常爽口彈牙，一定要食龍蝦⭐️第一次食饅頭蟹，個樣好搞笑😂😂粥底唔洗多講，食多幾碗先！今次放埋個龍蝦殼落去煲，再鮮啲，同埋可能多左排骨，鹹香味好突出，好味🤩甜品係椰汁官燕，鍾意佢椰汁味超濃🥰再食都依然係咁好味😋店員都好好人，一夠鐘就會幫手夾起海鮮👍🏻

本地人吃海鮮的一個熱門選擇。想在家中煮海鮮餐～又擔心蒸不熟～不同的海鮮又有地方要留意～這店令我人解決不想煮的煩惱，店員用心地分享不同海鮮的蒸煮時間以及秘訣，也有人清洗好所有海鮮，不妨一試。新鮮海鮮龍蝦野生戰車龍蝦，棒吃海鮮的節奏，晚餐一次品嚐野生海鮮了 越南頂角羔蟹 大大隻，肉質鮮美，連湯汁一起吃，鮮甜南非鮑魚鮑魚新鮮，厚肉，軟腍又有咬口。韓國慶南蠔蠔肉肥美，蠔身綿滑，鮮甜海水味濃。海鮮份量大入口啖啖肉，肉質鮮嫩多汁，好蔬菜店子的蔬菜籃都是用來清蒸蔬菜，健康有益。粥底份量多呢，五臟俱全，有不少海鮮味，感覺在海水內～保證新鮮！想去的要訂枱，因為海鮮中最重味道蟹，建議快吃呢。海鮮非常新鮮， 推薦吃蟹～店員會幫手剝殼，細心喔！完全不需要蘸醬料，汁味棒。蒸煮食物吃到海鮮的鮮味，棒！