蟹仙海鮮蒸氣鍋 (仁愛街) (已結業)

今日同朋友慶祝生日打算食好啲，就黎左e間主打海鮮火鍋嘅店😍店外嘅招牌已經睇到大大隻蟹。魚缸入面有龍蝦🦞等等都好生猛，海鮮都係直送。店內坐位都寬闊。我地揀左精選海鮮套餐包左左8款時令海鮮。因為係蒸氣火鍋，可以原汁原味咁保留到海鮮嘅鮮味😋時令海鮮有🤩菲律賓黃奄蟹，個蟹勁多羔😍d肉質仲好鮮味🤤台灣九孔鮑魚，鮑魚食落好彈牙，好鮮甜。越南海虎蝦，勁大隻，食落新鮮結實。紐西蘭刀貝蚌，紐西蘭月亮貝，韓國慶南珍珠蠔，紐西蘭大青口，都係珍寶size🤩我地仲加左隻龍蝦🦞，味道鮮味，多羔，肉質勁彈牙😎口感超好，同新鮮😋食完以上咁多海鮮，仲可以用精華黎煮粥🤤店員幫我地落左粟米，瘦肉，芋頭等等去煮，個粥味道好甜，仲食都海鮮嘅鮮味🥳食完粥，仲有個甜品係椰汁燕窩，初初以為得好少燕窩，原來都幾多😍好滋補🥰

朋友生日佢話想食海鮮！我話不如去蟹仙海鮮蒸氣鍋！我之前食過幾好味！咁就再來encore 😋我哋叫咗尊貴海鮮套餐先來個海鮮拼盤越南大虎蝦、台灣九孔鮑魚、大西洋野生青口、紐西蘭刀貝蚌、韓國慶南珍珠蠔、紐西蘭月亮貝。大黃爆膏奄蟹先蒸兩隻大虎蝦朋友話正wor！鮑魚同蠔都好味道😋大西洋野生青口主角出場啦澳洲青年龍蝦嘩肉質鮮甜彈牙爽口！朋友讚到無得頂😋話我無介紹錯！之後要擺埋個龍蝦🦞殼煮粥仲😋👍甜品椰汁雪燕真材實料好多燕窩！

今日同朋友食晚飯，我同佢都係一個超鍾意食海鮮嘅人，佢推介我哋去到新蒲崗呢間食店。佢話海鮮非常生猛之餘。而且而家仲做緊折扣添。而家798嘅尊貴海鮮套餐，而家只需要每位$399。就可以食到喇。我哋諗都冇諗到，就決定叫個399套餐試吓啦。一入到去，已經見到勁大個魚缸，入面啲海鮮非常生猛。唔使幾耐，啲海鮮已經送到枱上。先講鮑魚，雖然佢唔算大隻。但係非常之鮮甜。好亦都肥美，我自己最怕出街食蠔，真係好會縮水都唔見咗人😆蝦肉亦都唔會霉，因為好多時出街食下啲蝦肉好多時都係會霉。呢餐飯入面，我覺得隻蟹係最好食，入面有勁多蟹膏。非常肥美。整體來講，以咁嘅價錢食到咁多海鮮，性價比可以話非常之高。而且味道同海鮮嘅質素絕對係呢個價錢之上。

想食海鮮唔一定要去西貢嘅。黎*蟹仙*一樣掂。揀咗$399 尊貴海鮮套餐😍。店員先幫忙焗熱餐具消毒。食得好放心😎。海鮮分兩次遞上。分別有鮑魚。大虎🦐。月亮貝。蚌。🦪。青口。全部海鮮店員幫手蒸。話甘快就食得🤪。鮑魚好爽彈鮮甜。一隻有d唔夠喉🤣。🤩大黃奄蟹同龍蝦🦞。蟹膏非常鮮甜。厚肉香嫩。好味到不得了🤤。食完海鮮仲有蔬菜🥬。清清味蕾仲有綿綿嘅粥😍。有驚喜🥰仲有雪燕糖水送。大大啖雪燕好有誠意👏。

想食海鮮，去街市買好多時都會俾人呃，一係好貴，一係唔靚，朋友推薦去蟹仙，聽講老闆係做海鮮批發十多年，質素有保證。套餐價錢由二百幾到四百幾都有，入面有成十幾款海鮮，大硯，青蟹，龍蝦，東星斑，鮑魚生蠔等等，樣樣都係貴價野！海鮮會用大大個魚缸養住，活捉出嚟，仲新鮮過喺街市買返屋企煮！大青蟹蟹膏滿瀉。東星斑亦係鮮甜到不得了！貝殼類亦十分爽口彈牙，肉實飽滿！鍋底會放上豬骨和米，等到最尾嘅時候食返吸收晒所有海鮮精華嘅粥，鮮味到不得了。店員服務非常好，會幫你控制蒸海鮮時間，唔會過老，抵讚！👍人均消費三百多！能夠食到活海鮮，實在很難得！

新鮮嘅海鮮人人都鍾意食，不過好多時唔識邊度嘅餐廳有真材實料嘅海鮮，所以真係好靠朋友介紹。今次朋友帶我哋去呢間食蒸海鮮嘅餐廳，真係令人萬分期待。小店位於新蒲崗，餐廳唔算大，所以真係要訂位先可以來食。今次我哋食$399嘅海鮮餐，半價左之後價錢比較合理，另外需要加入和醬油費$15。呢個豪華海鮮餐，全程會有專人幫我哋煮每一款海鮮，所以坐喺度就可以有帝王式嘅享受啦。大黃奄蟹非常之好食嘅蟹，蟹膏好多，肉質又甜，真係冇得頂，入口每一啖蟹膏都真係精華！琵琶龍蝦一望就知非常新鮮，喺蝦米一斤一拉，蝦肉就出到黎，啖啖肉嘅感覺好正。龍蝦殼仲可以放返入去煲粥。。 韓國慶南珍珠蠔好creamy又鮮甜，新鮮。日本大元貝超大隻，好滿足。 精華海鮮粥質地有啲似潮州粥，食完一定夠飽。

新蒲崗極高質嘅海鮮餐廳，今次有朋友帶路，大家都係海鮮迷，所以佢識搵食帶我嚟呢間清蒸海鮮專門店。店內嘅侍應生服務都幾好，先介紹佢哋有咩套餐，同埋每個餐有咩唔同，今次我哋就揀咗半價之後$399嘅豪華海鮮套餐，其中多款海鮮都可以二揀一，我哋就揀咗一啲平時比較少食嘅海鮮品種。食之前都非常講究衛生，先用蒸氣消毒餐具，令人食得安心。海鮮一大碟咁上，真係非常精彩，而且賣相好新鮮，一眼就睇得出係好靚嘅食材。越南大虎蝦超鮮甜又美味，蝦頭嘅膏，線，勁正！台灣九孔鮑魚好大隻而且彈牙，口感非常好，而且有淡淡的鮮甜味。紐西蘭刀背蚌第一次食呢種海鮮，嘩真係勁先又甜，質地口感又好特別，好好食呢！凍蟹今日餐廳有特製嘅凍蟹，嘩原來咁好食，蟹肉有少少結冰嘅感覺，咬落口有冰咁又有海鮮嘅美味，呢個混合令人感動！炸魚皮好香又新鮮，配上炸蒜，真係一流嘅小食，多謝店家送俾我哋食！ 大西洋野生青口食之前要掹咗條海草，呢條海草係野生嘅青口先至會有，成個青口非常大隻，好厚肉，未食過咁大隻嘅青口呢！最後嗰鍋海鮮粥當然就係精華，其中加咗粟米同排骨，最後食呢碗粥清清地，成個餐加埋醬油及+1 ，每位大概$480 ，性價比高，值得一試。仲送埋甜品

呢間位於新蒲崗嘅蟹仙，呢度唔同其他海鮮酒家一樣有廚師煮好，每一碟都係有專人放上去蒸，唔單止可以享受美食嘅味道仲可以享受煮食嘅過程，揀好Menu之後店員幫我地準備咗排骨粟米粥底，留返最尾食，等所有生猛海鮮蒸出嚟嘅精華落入去，咁就鮮味十足。最緊要係睇住所有海鮮都係由魚缸直接拎出嚟，所以十分之新鮮。之後講一講價錢啦，用$399起食到10款新鮮嘅海鮮仲要有粥底，我覺得真係好平靚正👍🏻👍🏻。最後老細仲要送咗椰汁燉官燕我地食添，滋補養顏，非常好味。

最愛食蒸氣海鮮鍋，二話不說就相約朋友揸車到新蒲崗蟹仙食返餐蒸氣鍋。去到門外看見有一塊很大的餐牌，有兩款精選套餐只限兩間分店適用，最後我們選擇了尊貴海鮮套餐每位$399共有十款海鮮食物。食物未到之前，店員送上小食，魚皮炸得香脆可口，加上少量炸蒜，更加惹味！大黃奄蟹一隻切開兩邊，一眼已經看到已經鋪滿蟹膏，蒸熟之後食落淡淡香濃蟹膏的味道，蟹肉非常鮮甜。越南大虎蝦虎蝦夠晒大隻，蝦殼同蝦肉分明，好容易剝開，食落啖啖肉。太平洋饅頭蟹這款蟹都是第一次食的，店員介紹這款蟹主要都是食蟹膏，所以蟹肉比較少，蟹膏入口清甜。日本大元貝元貝厚肉多汁，鮮甜，不用沾上任何醬汁，已經好好味😋紐西蘭刀貝蚌蒸起之後脹卜卜，飽滿多汁。最後食完海鮮，清清地蒸返個菜食下。打開蒸鍋底層還有充滿所有海鮮的精華所在，除了海鮮，還加入豬骨、芋頭、菜莆等材料，美味鮮甜。

蟹仙海鮮蒸氣鍋 (仁愛街) (新蒲崗).$399尊貴海鮮套餐- 星期二同女朋友book定收工食好野，好彩有book因為星期二平日都勁爆場，坐滿七成$399其實好多海鮮，吃得脹卜卜，先上枱有野生青口，日本大元貝，韓國珍珠蠔，越南大虎蝦，台灣鮑魚等，完全食曬咁多個國家特別係個青口好新鮮，一打開入邊仲發現一隻蟹仔，勁趣致然後商場都有琵琶龍蝦同埋饅頭蟹，琵琶龍蝦已經夠多膏同埋肉質厚實; 饅頭蟹形狀真係似個饅頭咁肥嘟嘟，脹卜卜，而且啲膏勁飽滿享受完所有新鮮嘅海鮮後，就到咗重頭戲粥底火鍋🍲 個粥底喺我哋食龍蝦嘅時候佢將啲殼都放埋入去，增加粥底鮮味，佢再俾咗啲蔥粒，菜脯粒，胡椒粉，鹽等吊味最後店員仲送左個椰汁燕窩，非常貼心，重點係呢一個糖水連我平日不愛號甜品都喜歡吃.蟹仙海鮮蒸氣鍋 (仁愛街) (新蒲崗)新蒲崗仁愛街50號地舖

蟹仙海鮮蒸氣鍋 (仁愛街) (新蒲崗).🔹$399尊貴海鮮套餐🔹.蟹仙真係我食過最推薦外出食蟹嘅地方，新蒲崗分店店員有禮貌而且每次都會服務周到罕有嘅大黃奄蟹，唔係講笑真係十二萬個好食！蟹好多膏，多到連蟹腳位都有少少好厚身好creamy!! 今日時令無東星班轉左貴妃蚌基本上店員係會因應食材嘅狀況邊樣新鮮就arrange邊樣比你，另外仲有鮑魚，虎蝦，月亮貝等等，勁多海鮮！ 除左蟹值得一讚係琵琶龍蝦都超級好食，肉質厚實之餘並非淡而無味，有龍蝦肉香，而且又係有膏！好正！個蟹啲糕真係多到心心眼🥰🥰😍 好好好好香，成個小匙都係蟹糕😋另外最後仲有蔬菜🥬盤，蒸氣菜感覺好健康同好好食🥰粟米爆甜！最後重頭戲係個粥底，加入胡椒粉，鹽，葱粒同菜脯調味食完粥仲有甜品送，但椰汁碎燕，勁好飲😛—————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌 蟹仙海鮮蒸氣鍋 (仁愛街) (新蒲崗)新蒲崗仁愛街50號地舖

耐無帶呀媽出街食飯，諗起呢間係新蒲崗專食蒸海鮮嘅餐廳，好采有一早訂枱，今晚係平日食間餐廳都全部坐滿。全間餐廳得兩個服務員，所以佢地好忙，但我地見仍然會服務每張枱既顧客，所有蒸海鮮由佢地負責處理蒸，完全唔洗自己落手落腳。佢地有幾個海鮮餐，最平有$299，最貴$999，於是我地就試下佢個中間價既尊貴海鮮套餐$399。第一輪係蒸鮑魚、刀貝等呢啲易熟既海鮮，食落全部都好新鮮同肥美。之後就係琵琶蝦同埋奄仔蟹，呢兩款係最出色，啲蟹膏多到流出黎，啲肉非常鮮甜。另外一提，佢個粟米意外地非常甜，服務員仲另外比多一舊我地。

這間位於新蒲崗蟹仙海鮮蒸氣鍋，之前已經食過一次覺得不錯，所以今次提早慶祝父親節，所以帶喜歡食海鮮的爸爸到這裏試下。這裏雖然地方不大但坐得很舒服，店員亦為我們用蒸氣消毒碗筷。我們點了三份尊貴海鮮套餐$399，大約有數十款海鮮🦞台灣九孔鮑魚鮑魚洗得很乾淨及起肉，很新鮮又厚肉，外爽內嫩，很美味。日本大元貝蒸元貝的時間控制得剛剛好，肉質不會過韌，鮮甜帶有口感。琵琶蝦琵琶蝦肉質份量不少，咬落肉汁鮮甜，不用任何醬汁已經好好味。罕有大黃奄蟹未食已經見到蟹膏流出，蟹膏香濃，蟹肉好多而且食到一梳梳偏爽身。有機蔬菜籃蔬菜色澤嫩綠，有機菜食落健康有益。最後食埋個粥，所有海鮮的精華在粥裏面，再加入配菜有粟米菜莆和芋頭，令到粥更加鮮甜和有口感。最後食埋一碗椰汁燉越南雪燕，這一餐很滿足！

勞勞碌碌上班的日子，總要尋找美食慰勞自己的辛酸。品嚐海鮮就是補給能源的好幫手。市區蒸海鮮的餐廳選擇不多，對招牌有蟹字的餐廳特別鍾情，一於就試試蟹仙。水缸的海鮮活潑生猛，我們便選擇了$399套餐。餐廳設圓型傳統的九重鮮蒸鍋，鍋底設有咸豬骨粥米。大碟已放置我們期待的海鮮及配料醬油，店員全程為我們調好蒸爐的時間，我們的任務就是吃吃吃。先來心型越南太平洋虎蝦，肉質厚實鮮甜，微沾醬油再提鮮。再來是韓國珍珠蠔及台灣九孔鮑魚，由於相同時間關係，一起蒸煮，也因為想急不及待品嚐。生蠔肉質creamy 蠔味較重，是我喜歡的口味。鮑魚肉實爽口又有咬口，要一啖一啖慢慢咀嚼細味，切勿心急。當然不能少了深海海星斑，預先給我們二人份量，魚身色澤鮮艷是代表新鮮，入口滑溜鮮甜彈牙，魚露薑絲更合襯。澳洲龍蝦是我們期待的一環，肉質結實食落細嫩鮮甜，啖啖肉很有滿足感。終於來到主角上場：罕有大黃奄蟹特別之處是非四季常有，三月奄仔，四月黑奄仔，七月八月吃油蟹，今次我先吃為鮮。蟹身多膏多肉, 赤黃色的蟹黃結實有咬口，加上原本的肉，滿滿的幸福感。貝類有大西洋野生青口、紐西蘭刀貝蚌、紐西蘭月亮貝，月亮貝少有肉大咸鮮味。最推介是青口，s

呢間喺新蒲崗嘅蒸海鮮專門店，店面細細唔起眼，但門口有隻立體蟹，遠距離就望到門牌隻立體蟹。黎食之前記得訂枱，因為我見都坐得幾滿。呢個尊貴海鮮餐$399一個人，有成十款食物，雖然份量唔係稱得上多，但係出面食蒸海鮮好處就係全部由服務員負責蒸，唔使自己搞同計時，又可以每樣海鮮都食到啲。佢啲海鮮全部都係新鮮開，我哋呢個餐有龍蝦或者琵琶蝦揀，龍蝦食到嘅機會比較多，所以我哋揀咗琵琶蝦，據我所知琵琶蝦係來自菲律賓，識落個口感都有啲似龍蝦，啲肉都好鮮甜。食晒所有海鮮，仲有海鮮粥食，前面全部正過嗰啲精華全部都落晒去佢下面嗰碗粥度，食埋碗粥就飽晒。最後佢個甜品係椰汁燕窩，食埋就覺得滿足。