蟹仙海鮮蒸氣鍋 (仁愛街) (已結業)

最愛食蒸氣海鮮鍋，二話不說就相約朋友揸車到新蒲崗蟹仙食返餐蒸氣鍋。去到門外看見有一塊很大的餐牌，有兩款精選套餐只限兩間分店適用，最後我們選擇了尊貴海鮮套餐每位$399共有十款海鮮食物。食物未到之前，店員送上小食，魚皮炸得香脆可口，加上少量炸蒜，更加惹味！大黃奄蟹一隻切開兩邊，一眼已經看到已經鋪滿蟹膏，蒸熟之後食落淡淡香濃蟹膏的味道，蟹肉非常鮮甜。越南大虎蝦虎蝦夠晒大隻，蝦殼同蝦肉分明，好容易剝開，食落啖啖肉。太平洋饅頭蟹這款蟹都是第一次食的，店員介紹這款蟹主要都是食蟹膏，所以蟹肉比較少，蟹膏入口清甜。日本大元貝元貝厚肉多汁，鮮甜，不用沾上任何醬汁，已經好好味😋紐西蘭刀貝蚌蒸起之後脹卜卜，飽滿多汁。最後食完海鮮，清清地蒸返個菜食下。打開蒸鍋底層還有充滿所有海鮮的精華所在，除了海鮮，還加入豬骨、芋頭、菜莆等材料，美味鮮甜。