蟹仙海鮮蒸氣鍋 (仁愛街) (已結業)

呢間喺新蒲崗嘅蒸海鮮專門店，店面細細唔起眼，但門口有隻立體蟹，遠距離就望到門牌隻立體蟹。黎食之前記得訂枱，因為我見都坐得幾滿。呢個尊貴海鮮餐$399一個人，有成十款食物，雖然份量唔係稱得上多，但係出面食蒸海鮮好處就係全部由服務員負責蒸，唔使自己搞同計時，又可以每樣海鮮都食到啲。佢啲海鮮全部都係新鮮開，我哋呢個餐有龍蝦或者琵琶蝦揀，龍蝦食到嘅機會比較多，所以我哋揀咗琵琶蝦，據我所知琵琶蝦係來自菲律賓，識落個口感都有啲似龍蝦，啲肉都好鮮甜。食晒所有海鮮，仲有海鮮粥食，前面全部正過嗰啲精華全部都落晒去佢下面嗰碗粥度，食埋碗粥就飽晒。最後佢個甜品係椰汁燕窩，食埋就覺得滿足。