螢壽司 (已結業)

因為成日係Facebook睇到佢地個海膽優惠想食好耐架啦 最近仲見到$108/磅（限叫3磅）三文魚刺身 就的起心肝book左位同屋企人食book左8:30叫老豆同啊哥早啲去坐低先 佢話唔齊人唔準入 啊媽到埋同佢地交涉左陣先放佢地入去（屋企人轉述）我同男友到左個陣已經8:50（遲到比屋企人話一開始黎左碗黑蒜油叉燒拉麵（好似係$78）我試左少少 個湯底好好味 本身想叫多碗不過最後放棄左 留番個肚食其他野跟住就黎左三文魚 有啲位近魚尾比較瘦 不過都有魚腩位 凡立貝就比較薄過平時 甜蝦超鮮甜 生冷野方面我係滿意黎到重點海膽啦嗌左3個飯底2個手卷底 好甜好有光澤 睇得出係新鮮 如果配飯嘅話會好啲 因為手卷好難做到一啖入面又有海膽又有飯 就咁食海膽始終冇咁好食 呢個價錢食到咁多海膽真係好抵最後嗌左5件羊架試下 有得簡熟度 跟住黎個陣有6件 問左個staff話廚房見有啲比平時細啲就加多件落去 食落冇服務一般啦 態度正正常常 不過有時會見到佢地傾下計/睇手機 有個𡁻住舊野出黎嚇左嚇 不過由佢啦最後埋單$1350左右 平均每人$270 性價比可以架 趁仲有平去食下啦

今次同朋友去銅鑼灣諗試試新菜色，就到這家瑩壽司日本料理店舖裝飾很有日本feel, 例如有屏風,日本鼓，日本酒等等裝飾首先點了一個刺身拼盤，當中包括三文魚，鰹魚，牡丹蝦，八爪魚，劍魚腩，所有刺身都好鮮味，刺身切得好厚，同一般壽司鋪食的刺身好太分別。另外叫了刺身沙律，有三文魚，鰹魚，牡丹蝦等等，另外加上蔬菜後再加上少許甜醋，都幾開胃之後是辣汁三文魚卷，三文魚加上牛油果再點辛辣汁，口感幾清新，汁不會太辣，怕辣既朋友都可以試。溫泉玉子流心芝士炸雞，作為芝士迷的我當然叫一客，炸雞加上流心芝士，真的挺好食，有驚喜，你看我玩得多開心，真係又玩得又食在一起得，三隻都只係$68 ，十分抵食。串燒方面，我們點了燒牛舌，燒雞亦，燒牛豚肉蘆筍串，都算不過不失啦，但我個人喜歡吃豚肉蘆筍串，因為感覺上較清新。另外見到餐牌有鮮榨雪梨汁買一送一優惠，味道非常fresh還有一個味噌胡麻雞肉串，雞肉都算入味，而且非常香口。埋單5xx左右，價錢尚算抵吃。

是日與朋友於銅鑼灣吃晚飯。這家餐廳是朋友介紹的，是樓上店。7時人還不多，點餐後人開始多了一點。什錦魚生盛堅魚類內紅新鮮，廚師於表面輕輕燒灼過，口感更佳。八爪魚口感很等別，滑身爽口三文魚鮮甜肉厚，讓人一試愛上。劍魚，蝦甜也非常爽口。溫泉玉子芝士炸雞芝士佈滿整個碟，拉起芝士更可達一米之高，芝士煙靭濃郁，炸雞肉嫩口感佳，肉汁完全能保留，很正的炸雞。鮮榨果汁今天精選的果汁是梨汁，入口清甜，開胃有益。鹽燒厚切牛舌牛舌表面輕輕燒焦，黑椒味道，爽口而滑。胡麻味噌燒雞肉串味道感覺比較輕微的燒灼感，胡麻讓雞肉味道帶甜，比較特別的一味串燒。

男朋友呢排都比較遲放工，知道螢壽司八點半後會做特價，時間岩岩好，放工後可以過黎食啦。辣汁吞拿魚壽司壽司配Wasabi就食得多，配辣汁真係第一次。辣汁另上，吞拿魚同牛油果夾係中間，夠新鮮好食。燒雞皮花竹蝦呢個真係第一次見，幾特別。蝦剝左殼，再用雞皮包住先拎去燒，上台熱辣辣，蝦頭夠脆，雖然不太喜歡雞皮，因為怕肥多脂肪，但呢個雞皮薄薄的，連埋蝦一齊食，完全沒有heavy的感覺。蟹子黑松露冷麵天氣咁熱，唔想再食熱野，叫個冷麵凍凍地開下胃先。呢個冷面比較少見，蟹子黑松露鋪滿面，撈勻就食得啦。蟹子脆卜卜配埋黑松露既甘香，夏天食一流。

夏天咁熱，最鍾意就係食日本野，涼快D呀! 今日就黎左呢間朋友推介既餐廳，試試佢味道如何先。前菜揀左清新小小既日本豆腐沙律，日本豆腐好夠滑，下面鋪左唔同既雜菜，加埋我最愛既芝麻醬，非常開胃。串燒揀左露筍同埋燒牛舌，後者超得我歡心。牛舌夠厚切，食材新鮮，加少少黑椒一齊去燒已經超惹味。露筍燒得夠腍，唔會太硬，岩哂我。雜錦天婦羅價錢唔算貴，但款式較多。當中最鍾意既係天婦羅蝦，炸粉唔厚，而且即叫即炸，有冬菇、矮瓜、青椒等等，岩晒我呢D貪心鬼。 

與港島上班族的朋友相約晚飯小聚，經介紹來這裡品嚐一下美食，聽聞這裡選擇材料都有要求。首先點了個開胃前菜沙津，豆腐香滑，厚度十足，配上我喜歡的芝麻醬，醬汁配爽脆沙津菜十分開胃。店員為我們推薦當日的special drink，不會過甜的蜂蜜綠茶，對我的腸胃都感到份外舒適。刺身都肥美新鮮，而且厚切的刺身令我非常滿足，難得地我很欣賞八爪魚，店員在進餐前告訴我是自家製作方法，帶少鹹香，鮮味完全導出。首次看見這鍋巴菜色，米通非常脆其中海膽帶子份外肥美鮮甜，三文魚蓉不過不失，可以更肥美令鮮味更出，朋友吃了呑拿魚蓉和鮑魚，聽他說鮑魚鮮味口感都不錯。這裡的牛串燒得剛好，牛肉肉質鮮嫩，香味十足。牛舌肉質爽口，鮮味十足，配上檸檬汁，更加滋味。天婦羅炸的外層份量剛好，蝦肉頗長，新鮮炸起，香脆可口。雞串肉質嫩滑，醬油味不會很突出。拉麵湯汁頗濃而鹹，叉燒肥美，麵線軟硬適中。

選材還好 刺身來說帆立貝比較好三文魚腩 有筋 不夠肥吞拿魚腩過肥海膽 小魷魚不推薦海膽不夠甜 小魷魚太鹹沙律比較ok雞泡魚乾有點腥總括來說，同一價錢可以吃到比這間更好的品質

LUNCH SET都不錯吃喔食lunch set之前梗係食下前菜先啦。食個沙律先開胃一下陣間食多d野呵呵。之後食番個蒸蛋暖下先。用上高湯吧應該，還有著淡淡的香味。仲有魚蛋片、香菇係入面。仲有漬物喔。點的是北海道丼，每天的lunch set也會因應食材而有所不同喔。蟹肉同帶子是挺鮮甜呢。但對海膽卻是有點兒失望，沒有吃到海水味，反而有點不太新鮮的感覺。不過西京燒鱈魚令人有驚喜。燒至香嫩而外表有點脆，蘸上點沙律醬，味道很配呢。這甜品嘛，算了吧。太結實而且冇味，只有面頭d芝麻粉。

繼一波又一波的海膽熱潮，不斷看到各大平台所介紹過的海膽美食，每次走到店外一看，也有著一條長長的人龍，所以每次最終也是放棄了。而這次又再看到介紹螢壽司的原板海膽丼只售$78，所以特意前來一試。怎料原來優惠時間在8:30後，只可惜當時只是7時半尚有一小時才到優惠時段，不過已經來到了，只好點選其他日食吧門前就有一塊大黑板，寫上了星期日至四的大割引，原來除了原板海膽丼外還有蒜香燒廣島蠔，不過數量有限售完即止店內環境不算太大，座位攞放得蠻稠密的，另外亦設有一排壽司吧枱座。7時多的人流未算太多，但當到達優惠時段時，場內則全場爆滿了，聽說原板海膽丼需要提早預約，只見8時半後入座的食客每枱也擺放著海膽丼宵夜時段設有另一餐牌，除了海膽丼外還有另外3款深宵限定刺身丼，分別是：北海丼,三色丼及雜錦魚生丼。另外亦設有壽司,海鮮串燒,肉類串燒及拉麵等螢特選刺身盛 $ 368既然吃不到原板海膽丼，唯有要了一客包含了原板海膽的特選刺身盛，刺身盛共有7款刺身，當中包括了：牡丹蝦,螢光魷魚,劍魚腩,日本鰹魚,深海池魚王及北海道海螺。海膽份量不多，但味道鮮甜甘香，令人回味。吃過海膽後，再嚐一下牡丹蝦，牡丹蝦蝦肉富彈性，而

小編最喜歡食日本料理，所以一得閒就會約朋友周圍搵食最近試左間位於銅鑼灣的日本料理，都想分享一下的呢間料理店周不時都會推出一些期間限定的日式菜好似呢次小編上去，就碰巧試到了鮮榨雪梨汁 $28，雪梨汁幾清甜，待一會兒沉澱後會呈清澈顏色，幾靚。黑松露巴馬火腿冷素麵 $168黑松露當道，但配上冷素麵食特別新穎，撈勻整個冷素麵食，黑松露入口香濃，粒粒蟹子幾爽脆，一濃一甜，呢個配搭又幾夾。鹽燒厚切牛舌 $48食落時相當有驚喜，牛舌切的厚身，咬落去仍然多汁，沒有因為火燒而將肉汁帶走。鹽燒手羽 $22食的時候嘴角帶點點鹽的香味，雞翼的肉質燒得幾嫩滑。小編在晚餐期間，覺得料理店幾有心的，店員會解釋番食物的做法，令小編咀嚼到更真的味道。

溫泉玉子角切魚生飯 Diced Sashimi & Spring Egg on Sushi Rice @ 螢壽司 Hotaru Sushi🍂這個午市套餐是店內最便宜的($69)，魚生飯有角切魷魚、三文魚、吞拿魚和帆立貝🍣。把溫泉蛋切開伴飯吃🍳，口感滑溜溜的。 這個價錢還配送麵鼓湯、沙律、蒸蛋及飲品，絕對是價廉物美。值得一提的是蒸蛋，一杯小小的蒸蛋上有🍄和🍥。在主食未上桌時，先吃蒸蛋，特別滋味。美味指數：💖💖💖💖💖價錢：$69

都比較失望！本來是看了食評的反應都是好的，但自己親身過去試，完全是失望。價錢也比想像中貴。壽司一客只有一件，款式也比較少。所以還是不要太相信食評。平均一個人食了4百多元

To improve is to change, 為左慶祝朋友轉工順利，個人開朗左，今日專誠約佢去銅鑼灣食餐好，大肆慶祝一番。選擇左螢壽司呢間銅鑼灣嘅樓上鋪，位置幾就腳方便。一到步，就即刻點左客日本豆腐沙津，適量嘅芝麻醬為呢個沙津增添美味，而豆腐本身軟滑豆味香濃，係個極為清新嘅前菜。接有叫左個雜錦刺身。三文魚魚香肉厚、八爪魚質感爽勁有咬口、海蝦蝦膏亦相當豐富，絕對係新鮮選材。四色鍋巴唔係間間日式餐廳可以食到，可見呢度廚師心思所在。即叫即炸嘅鍋巴熱辣辣上場，面頭嘅配搭亦新鮮味美。其中以鮑魚配搭最為特別，鮑魚本身鮮味十足，加上煮得又夠軟身，同脆卜卜嘅米通口感相映成趣。 而雜錦天婦羅亦值得一試。天婦羅蝦炸漿輕身，但亦食到脆身嘅感覺，加上蝦身彈牙，質素相當不錯。汁燒雞肉、牛舌串燒同樣味美，醬汁惹味，用料高質，雞肉嫩滑、牛舌爽口，愛肉之人絕對要試試。

係facebook見到都介紹得幾勁，今日終於有時間黎試下啦一上到職員就已經話有限定刺身丼，好吧，就坐下試下啦～店舖牆身亦都掛上好多黑板，寫上餐廳特選既食物，有選擇困難症既朋友可以參考來點餐哦限定丼都有幾款，最後我選擇左北海丼食材新鮮甜美~~份量都好足，反而底下既壽司飯食到最後唔係好夠p.s蟹膏真心朋友點的拉麵湯頭香濃，拉麵軟硬適中，不過沒有什麼特別。

23.5.206很久沒有見過姊妹, 於是這晚就約她來暢聚一番.首先來的是蟹籽沙律. 大量的青瓜絲和蟹籽, 不僅令整個沙律清新爽甜, 且有冰冰涼涼的感覺, 為味蕾享受晚餐前作好準備.第一款燒物, 是鹽燒厚切牛舌. 牛舌肉厚又juicy, 只是有點過鹹了吧. 作為第二款燒物的鹽燒手羽, 雞翼的雞皮燒得有點乾, 略嫌過鹹了, 或許這碟燒雞翼比較合適用來佐酒吧.雜錦魚生盛包括五款刺身, 每款兩件, 由左至右是鰹魚, 劍魚, 三文魚, 八爪魚, 北寄貝. 看! 是件件厚切, 絕不孤寒. 實際上, 每件刺身亦鮮味十足, 淺粉紅色的劍魚, 魚紋細密, 肉質細膩, 而三文魚甚為肥美, 魚油豐富, 北寄貝煙韌可口, 令人回味.蒲燒鰻魚朴葉飯用木盒載住, 很古式的感覺. 打開木盒, 一大塊的鰻魚上已鋪滿了白芝麻粒. 鰻魚不單止是外面沾滿了醬汁, 鰻魚肉更是吸收了醬汁的甜味. 雪白的魚肉緊緻又彈牙, 碎骨不多, 配合富有鰻魚香的飯來吃, 的確滋味.今晚的重頭戲, 必定是日本伊勢海老(龍蝦)湯烏冬莫屬. 以龍蝦湯烏冬來說, 這半隻龍蝦尚算大隻. 龍蝦肉啖啖爽彈, 連它的細酣也藏有鮮美的厚肉, 令人驚喜. 而鍋