蝦蝦燒

营业中

休息中

今次又再嚟蝦蝦燒！因為佢地實在太正～ 除咗主打流水蝦，其他海鮮都全部都勁新鮮睇個名都知，佢地係主打即釣即燒蝦餐廳，每行位都有流水蝦道，大家就可以夾自己既心水蝦蝦黎食喇～ 一黎到，店員就會先幫你燒一批蝦蝦先，分別係鹽燒同蒜味；仲有就係兩條肥美大鱔 正呀～～食完之後，就可以去自助區攞其他海鮮食喇，有大蜆花蜆、生蠔，扇貝，東風螺等等；原條魚魷魚鬚等等，最正係仲有鮑魚！！大佬佢地仲郁緊架 勁新鮮！食海鮮除咗就咁食，濃味人如我都會想加啲汁汁黎點下，佢哋有蒜蓉牛油，泰式辣汁鼓油等等比你自己撈～正呀你睇隻鮑魚😍仲有扇貝加埋蒜蓉牛油係最正架試完主打海鮮，都要留個胃試埋啲肉肉肉肉有牛豬雞串、雞翼羊架牛仔骨等等～～另外仲有啲丸ssss 腸仔食完肉肉都會想燒啲蔬菜好似茄子翠肉瓜菠蘿等等如果燒到累了，咁就不如食啲整好既熱食或者小菜都得，好似呢個青瓜咁～～最後，佢哋仲有三大個雪櫃嘅飲品提供，汽水啤酒支裝茶咩都有！仲有仲有要試埋個雪糕同懷舊唧唧冰呀！

前幾日朋友話好想食串燒，同朋友去開佐敦，我就介紹佢一齊食呢間任食串燒同海鮮，仲有流水蝦嘅蝦蝦燒。首先一開始送上每人一份嘅燒鰻魚係我覺得全餐最好味嘅一樣食物，鰻魚咬落去爽口嫩滑，肉質鮮嫩，仲大大塊，真係好正。之後就可以出去夾流水蝦同埋任食嘅海鮮，連鮑魚、生蠔嗰啲都有得任食，仲有多種貝殼類海鮮，啱晒海鮮迷。其他串燒例如燒牛柳粒、金菇肥牛卷、雞翼、燒甜薯嗰啲都好正。我覺得比較特別嘅係有燒窩夫，我食咗成四五串。除咗串燒之外，都有唔少嘅熟食，仲可以自己煮菜食，即刻感覺健康好多。熟食方面，我覺得椒鹽大蝦、麻辣魚蛋同埋西蘭花都好味。椒鹽大蝦同麻辣魚蛋好夠辣！任飲嘅飲品種類都唔少，我就主要飲茶嘅，解下膩。最後當然唔少得嘅就係雪糕啦，好驚喜竟然有乳酪味嘅雪糕，我一連食咗幾杯，好味。仲可以配埋啱啱燒好嘅窩夫食添，都幾夾。飲飽食足就最開心啦！

依間燒烤主打近來好流行嘅流水蝦，自己夾蝦自己燒，啲蝦真係好生猛，超新鮮，好好玩❤除左蝦之外，仲有好多野食，海鮮方面， 有鮑魚，蠔，蜆，帶子，蟶子，魚，魷魚等等，淨係食海鮮已經值回票價。仲有肉串，蔬菜，其他熟食以及甜品，雪糕，全部都係任食，好滿足👍👍飲品都係任飲架。任飲任食兩個半鐘，飽飽，下次一定會再去😍

蝦蝦燒佐敦白加士街10-24號永富大廈1樓1/F, Ever Rich Mansion, 10-24 Parkes Street, Jordan之前去過一間釣蝦即釣即燒來食架店, 海鮮任食朋友大呼過癮要再ENCORE, 搵到一間平好多, 人$358 2.5小時地方超大,有流水大頭蝦釣來玩, 夾到就即燒來食, 仲活生生特別生猛新鮮。另外海鮮都係任食架, 食多幾轉海鮮都回本啦。 好多蝦任夾唔怕有挫敗感又好玩過癮大頭蝦好多膏，仲有自助調味料海鮮有鮑魚，蜆螺，蠔，原條魚等等串燒及熟食小食而飲品、雪糕任飲任食

朋友介紹嚟到呢度，有得玩就有得食，種類仲好多，有好多海鮮選擇，又可以自己夾新鮮蝦即夾即燒！聽到都覺得好吸引！所以做埋老公過嚟一齊食！一嚟到，要排隊入座，好彩早咗嚟，如果唔係都真係要排好耐，如果假日黎一定要早啲嚟！如果唔係可能會冇位添！呢度個環境原來真係好大，好多張枱，如果四至六人嚟嘅話，流水蝦仲可以坐喺隔離夾添！好正好好玩！而今次我哋得兩個人嚟，所以就冇流水蝦喺隔離，要行出去先有得夾蝦食！二人座位就比較迫少少！不過都可以接受嘅！呢度嘅嘢食種類真係好多！海鮮都有七至十種！又有鮑魚又有原條魚同魷魚等等！仲有其他肉類嘅串燒！仲有雪糕添！罐裝紙包同埋樽裝飲品任飲！仲有啤酒添！真係超級抵食！下次一定要叫班friend黎坐大檯瘋狂夾流水蝦食！

聲明： 以下內容全是自費，並無任何利益輸送啱啱收到通知話呢間歺聽比人檢舉吾知咩所以要聲明其實我每歺飯都自費，但好耐先發文，張單無吾見都會影埋比大家睇！完！！！係開飯同網址訂坐都只有六點同八點九太晏了但間歺每次都會係當天前一日傳wts 要求确認人數同是否出席所以我就試下同職員係wts 講話有老人家可吾可以改早啲 （佢電話永遠吾通）八點佢就話ok但就會係開飯度寫咗我取消如果想攞分就攞吾到今日係閒日，星期四，人吾多我之前已經黎過一次（星期五，上星期）第一次時坐到最入人又勁多，掙係攞野食野飲行到腳軟今次坐門口第一張攞野食野飲勁近而且職員幫忙掉垃圾都快好多每張台攞野食得一個細過A4紙嘅梯碟出面都有好多熟食第一次黎時啲海鮮多啲同有解凍今次啲豪就全部冰鮑魚都同之前一樣識郁魚就有黃腳立，黑側，馬友三隻魚因為連埋鱗一齊燒一燒完就撕開塊皮就食到有魚油嘅魚肉大家一定要試另外牛仔骨同牛肉粒串串比無咁好食今次無大蜆有啲失望⋯⋯食足兩個半鐘無趕我地走但張單就係食左一個中就黎埋單張單有寫明如果超左兩個半鐘每人坐多半個鐘要比多$50大家要留意比你坐係人情吾比係道理喔⋯⋯

上回合同女朋友黎左一次「蝦蝦燒」，今回合一於帶埋老媽子再次踩場🤣一聽到又任夾蝦蝦又任食海鮮又任食串串燒，佢已經未出發先興奮啦😂.我地係Weekend嘅5點入場，以上次經驗所得，呢個時間點最抵食😎1. 3:00pm-5:30pm有8折，由$368/位減至$294/位（未加一）2. 人流未去到高峰，建議如冇book位，呢個時間可直接入場.一開波，店員會分發一張座位牌比我地，跟住行就去到自己嘅座位，當然途中店員會幫手指引。每張枱都有以下幾樣：1. 兩層燒烤爐：吾洗驚吾夠位燒2. 四款調味料：海鹽，辣椒粉，孜然粉3. 冰筒：用黎裝住D蝦4. 垃圾筒5. 限量附送大鱔串，貴妃蚌，鹽燒蝦，錫紙牛油蝦基本上一坐低就可以即時燒野食😎.而飲品，海鮮水產，串燒，雪糕，調味料，涼菜，熟食等都係哂近門口位嘅自助區。.飲品有各款啤酒，茶品，韓式果汁，涼茶.水產大致有大眼魚，鮮魷，貴妃蚌，螺，海蜆，生蠔，元貝，鮑魚等。仲有專人係現場劏海鮮，所以refill得好快😍小編推薦蒜蓉生蠔，香蔥辣椒鮑魚，燒蜆，牛油元貝同燒肉眼雞🤣.串燒櫃有三個，款式係水產嘅四倍有多！有羊肉粒，黑椒雞翼，多春魚，芝士腸，司華力腸，雞腎，雞軟

蝦蝦燒空間感十足一到店已俾長形水箱吸引，多隻流水蝦在游來游去，生猛活潑，可以即夾即燒，保證新鮮。自助區還有鮑魚、扇貝、灰蜆、螺、魷魚、魚等，旁邊更有兩個串燒櫃，多款蔬瓜類、丸類、肉類，全部已串好，直接放在燒烤爐上，輕鬆等食，記得上下層都可以同時使用，節省時間又試到多幾款食物。每人附送一串厚燒鰻魚，肉質彈牙，皮脆鮮味，還有焗蒜蓉蝦，蒜味十足，蝦肉彈牙，而主角流水蝦肉質更爽口，好多都有豐富蝦籽。場內還有幾款熱食，飲品和雪糕任飲任食，全程2.5小時，可以慢慢嘆。

近年興起流水蝦，同朋友傾開原來大家都未試過，所以就約好咗今日一齊去試吓，做咗一輪資料蒐集之後，就決定選址位於佐敦嘅蝦蝦燒。一進場就會發現全場佈滿呢啲蝦缸，仲會見到店員不斷添貨，源源不絕兼且保證新鮮！除咗有活蝦，仲有唔同種類海鮮，扇貝、鮑魚、蜆、蠔、仲有唔同款嘅魚，總之應有盡有。仲有幾個雪櫃放咗唔同款式嘅串燒，有小朋友最鍾意食嘅腸仔同丸類。另外仲有唔同嘅肉類，牛肉、豬頸肉、雞翼、羊架等等，真係非常精彩。當然仲有好多款適合燒烤嘅蔬菜，燒茄子同燒菠蘿簡直係我嘅至愛。飲品櫃都非常繽紛，我覺得最驚喜係竟然有芬達提子，負責入貨嘅店員認真識揀 ！每一位食客都會有一串鱔串，大大串鱔燒香後魚油甘香，真想加錢encore。店員會為食客預先準備好第一輪嘅蝦放喺燒烤爐上面，仲已經適量地調味，基本上出去攞一轉食物返嚟就食得，呢個安排確係唔錯。原來捉蝦都要有啲技巧，一定要眼明手快，仲要快、狠、準，因為啲蝦實在太生猛，有時掙扎嘅時候會將水濺到去隔離枱，不過捉多幾隻練習吓就完全冇問題。另外餐廳仲會提供冰桶，用途並唔係俾你雪飲品，而係要將生猛嘅蝦放入冰筒，凍到佢暈暈哋先燒，咁佢就唔識再掙扎。呢度最抵玩嘅唔單只有得食新鮮

【蝦蝦燒】#佐敦 #串燒尋日係開學日，諗住要好好慰勞下自己，所以一放學就即刻狗衝去刷返餐勁嘅當做紀念。佐敦嘅呢間蝦蝦燒地理位置好近地鐵站同埋巴士站，交通非常方便。店內空間足夠寬敞，即使多人行走亦唔會太過逼夾。串燒套餐係任食嘅模式，好似自助餐咁樣自己出去任揀你想食嘅嘢以及飲品，亦都有少少其他熟食譬如肉丸、蠔、涼菜，甚至有烏冬、生菜等等可以自己燙嘅食物。可以睇到串燒嘅種類真係非常之多，除咗各種肉類，亦都有菌類、海鮮、蔬果，連窩夫都可以燒，真係好得意。而呢間舖頭嘅賣點之一就係可以親自喺個大水槽入面夾起你想燒嘅流水蝦。呢種咁高互動性嘅進食體驗真係好難得，完全係街邊嘅串燒店無法比擬嘅食法，絕對值得一試。要我講最最最印象深刻嘅食物，一開頭附送嘅海鰻真係正到爆，燒到外脆內軟嘅質地食落口簡直一流。而八爪魚、雞肉、蕃薯、鴨胸等等都係我會高度推介嘅串燒～———————————————#蝦蝦燒蝦蝦燒 (佐敦)佐敦白加士街10-24號永富大廈1樓

睇片睇得多，知道香港有得食流水蝦就梗係要book喇。週末$358可以任食任飲2.5小時，幾掋玩。流水蝦嘅過程都幾動魄驚心，因為啲蝦好生猛，一夾就掙扎。所以要眼明手快😂，一捉到就要即放入冰桶。除咗蝦，仲可以任攞多款海鮮，包括扇貝、海螺、鮑魚、帶子、鮮魷、生蠔、蜆。連成條魚都可以拎去燒。啲味都好新鮮，仲可以自由落調味料。其他肉類可以試下雞翼、羊架、牛肉蔬菜就可以拎茄子、粟米、菇、翠肉瓜飲品都有勁多，汽水、果汁、啤酒、茶等等應有盡有。甜品可燒菠蘿同waffle，配埋港式雪糕就完美喇～

最近好hit嘅流水蝦bbq，原來就係佐敦！假日lunch收費係$358/位，任食任燒任飲兩個半鐘。飲品有好多揀擇，連啤酒都係任飲的！一坐底就提供一份牛油蝦同鱔俾我哋燒。我最鐘意食燒鱔，個皮燒到脆口，魚質勁juicy，真係好好食，可惜只限每人一份。呢度真係有好多海鮮提供，鮑魚、幾款魚，蜆、生蠔、魷魚、螺等等隨你夾。成條魚都有得燒，好特別～ 我哋就坐係啲游緊水嘅蝦企離，方便我哋夾佢哋上嚟🤣 啲蝦會掙扎，所以夾嘅時候要大力啲，仲要放係冰桶凍暈佢哋先拎去燒。 除咗肉質彈牙，佢哋仲有勁多蝦膏，好鮮甜。肉類、丸類同蔬菜都應有盡有，食得好滿足。除咗有多款調味粉外，仲可以拎蒜蓉同豉油自製調味。我就鐘意乜都加啲蒜蓉，夠晒惹味。仲有幾款雪糕甜品，我揀咗乳酪味，味道都唔錯。

今日同朋友慶祝生日 佢話佢係個海鮮控 於是就帶佢嚟到佐敦嘅呢間蝦蝦燒好在book咗枱 竟然全場爆滿walk in都冇得入呀 如果想食嘅朋友就記住打嚟訂位啦有一人一份嘅新鮮蝗子王同白鱔 白鱔燒到外皮脆卜卜 入面嘅肉仲係彈牙嫰滑 好想encall呀 不過仲有好多嘢等緊我多款肉類 海鮮 丸類 飲品 甜品 全部都係自取最吸睛嘅就梗係滿滿嘅海鮮凍櫃啦 新鮮魚 花螺 鮑魚 扇貝 帶子 生蠔全部任食任拎 個人最喜歡就係扇貝啦 非常新鮮肉質彈牙 加上蒜蓉牛油一齊燒 食兩打都唔夠喉呀嚟到另一個主打之一 就係非常新鮮嘅流水蝦啦 來自泰國嘅大頭蝦 即夾即燒 鮮味十足仲有非常多蝦膏

蝦有大有細，要賭運睇吓你坐邊熟食算Ok，都有啲嘢揀，亦都會加野飲都多選擇嘅價錢一般貴啦小朋友玩得幾開心，但再問佢去唔去，佢就話唔去，情願去有得自己整甜品嘅自助餐喎反而嗰幾塊燒鱔就真係有驚喜

好多朋友都話佐敦蝦蝦燒好正😁終於都去到食喇🤩佢係一個自助海鮮串燒燒烤放題🍢餐廳入面重有流水蝦添🦐食客可以自己響玻璃水道夾蝦,然後再燒🔥好特別,又可以玩又可以食,啲蝦重好生猛添😆啱晒鍾意食蝦嘅朋友,有好多蝦可以食😍海鮮種類有好多啊🤩好似生蠔、花螺、蚌、帶子、蜆、魷魚…全部都係任食架🐚🦪餐廳最近重做緊「任食鮑魚祭」鮑魚都可以任食架😍隻隻都好肥美,食落彈牙😋鍾意食鮑魚嘅朋友絕對唔可以錯過😙所有海鮮都好新鮮,有淡淡嘅海水鹹味,唔加調味料都一樣好味架😛餐廳亦有唔同調味料及配料供應, 每枱都會有椒鹽、辣椒粉、孜然粉同鹽,我就用咗葱花、蒜蓉、辣椒幫海鮮調味🧄🌶串燒亦都有好多款式,當中包括丸類、素菜、肉類等,而肉類款式都好齊全,除咗牛、雞同豬之外,就連羊扒、叉燒都有,大部份已經醃好同調味好👏🏻多到唔知揀邊樣好,樣樣都想食😝就連窩夫都有得燒🥞夠晒特別🤣我自己就最鍾意食燒蒜蓉包🧄🥖食飽之後佢地重有雪糕任食添🍦有好多味道選擇,例如沖繩海鹽、比利時焦糖餅、咖啡、芒果…夠晒開心🥳