影片
更多
2021-09-15
49 浏览
【蝦蝦燒】#佐敦 #串燒尋日係開學日，諗住要好好慰勞下自己，所以一放學就即刻狗衝去刷返餐勁嘅當做紀念。佐敦嘅呢間蝦蝦燒地理位置好近地鐵站同埋巴士站，交通非常方便。店內空間足夠寬敞，即使多人行走亦唔會太過逼夾。串燒套餐係任食嘅模式，好似自助餐咁樣自己出去任揀你想食嘅嘢以及飲品，亦都有少少其他熟食譬如肉丸、蠔、涼菜，甚至有烏冬、生菜等等可以自己燙嘅食物。可以睇到串燒嘅種類真係非常之多，除咗各種肉類，亦都有菌類、海鮮、蔬果，連窩夫都可以燒，真係好得意。而呢間舖頭嘅賣點之一就係可以親自喺個大水槽入面夾起你想燒嘅流水蝦。呢種咁高互動性嘅進食體驗真係好難得，完全係街邊嘅串燒店無法比擬嘅食法，絕對值得一試。要我講最最最印象深刻嘅食物，一開頭附送嘅海鰻真係正到爆，燒到外脆內軟嘅質地食落口簡直一流。而八爪魚、雞肉、蕃薯、鴨胸等等都係我會高度推介嘅串燒～———————————————#蝦蝦燒蝦蝦燒 (佐敦)佐敦白加士街10-24號永富大廈1樓
尋日係開學日，諗住要好好慰勞下自己，所以一放學就即刻狗衝去刷返餐勁嘅當做紀念。
佐敦嘅呢間蝦蝦燒地理位置好近地鐵站同埋巴士站，交通非常方便。店內空間足夠寬敞，即使多人行走亦唔會太過逼夾。
串燒套餐係任食嘅模式，好似自助餐咁樣自己出去任揀你想食嘅嘢以及飲品，亦都有少少其他熟食譬如肉丸、蠔、涼菜，甚至有烏冬、生菜等等可以自己燙嘅食物。
可以睇到串燒嘅種類真係非常之多，除咗各種肉類，亦都有菌類、海鮮、蔬果，連窩夫都可以燒，真係好得意。而呢間舖頭嘅賣點之一就係可以親自喺個大水槽入面夾起你想燒嘅流水蝦。呢種咁高互動性嘅進食體驗真係好難得，完全係街邊嘅串燒店無法比擬嘅食法，絕對值得一試。
要我講最最最印象深刻嘅食物，一開頭附送嘅海鰻真係正到爆，燒到外脆內軟嘅質地食落口簡直一流。而八爪魚、雞肉、蕃薯、鴨胸等等都係我會高度推介嘅串燒～
———————————————
#蝦蝦燒
蝦蝦燒 (佐敦)
佐敦白加士街10-24號永富大廈1樓
张贴
