蝦蝦燒

营业中

休息中

朋友介紹嚟到呢度，有得玩就有得食，種類仲好多，有好多海鮮選擇，又可以自己夾新鮮蝦即夾即燒！聽到都覺得好吸引！所以做埋老公過嚟一齊食！一嚟到，要排隊入座，好彩早咗嚟，如果唔係都真係要排好耐，如果假日黎一定要早啲嚟！如果唔係可能會冇位添！呢度個環境原來真係好大，好多張枱，如果四至六人嚟嘅話，流水蝦仲可以坐喺隔離夾添！好正好好玩！而今次我哋得兩個人嚟，所以就冇流水蝦喺隔離，要行出去先有得夾蝦食！二人座位就比較迫少少！不過都可以接受嘅！呢度嘅嘢食種類真係好多！海鮮都有七至十種！又有鮑魚又有原條魚同魷魚等等！仲有其他肉類嘅串燒！仲有雪糕添！罐裝紙包同埋樽裝飲品任飲！仲有啤酒添！真係超級抵食！下次一定要叫班friend黎坐大檯瘋狂夾流水蝦食！