蝦蝦燒

营业中

休息中

喺日本見過當地嘅流水麵的確非常之吸引，喺香港亦都有流水嘅海鮮。就係一隻隻嘅大蝦🍤。 最出名嘅一定要來佐敦呢一間嘅蝦蝦燒，顧名思義當然就係要食蝦啦，不過未燒之前就咁望個場已經被驚嚇到，裏面仲有各式各樣嘅海鮮，仲要仲要係絕對絕對新鮮生猛到極嘅程度，真係望到都置身大海之中。平時去到街市或者超市買海鮮真係非常之貴，而家居然有一間餐廳可以提供海量嘅新鮮海鮮，真係冇拒絕嘅原因👏🏽👏🏽👏🏽👏🏽👏🏽首先一定要介紹吓呢度有嘅海鮮，當中就包括有連殼嘅帶子，另外仲有東風螺，原條嘅馬友，同埋新鮮到生猛嘅鮑魚🔥🔥🔥🔥🔥淨係個陣容都已經遲一個小市場，平時仲要揀邊一兜比較新鮮而家唔需要再咁做，即管攞我想要嘅食材。但最搶手嘅點都係鮑魚去到燒嘅環節雖然爐唔太大，但火力夠晚嘅情況之下好快就將任何嘅海鮮都徹底燒熟，普遍都係唔超過10分鐘就已經可以完成一round嘅燒🔥🔥🔥當然首先就要自己捉啲蝦嚟燒，捉到之後就要盡快擺落去冰水入面令到佢哋唔好咁扎扎跳，如果唔係就會水花四濺，燒嘅時候都要持續隔一段時間就要反面令到兩邊受熱均勻啲。 至於味道當然係新鮮同埋鮮嫩啦，活生生即殺即燒先至可以令到食材以最佳狀態咁樣呈現。至於海鮮亦都係新鮮

流水蝦燒烤都流行左一段時間，新鮮生猛嘅大頭蝦即釣即燒🔥鮮味十足‼️大頭蝦size都唔細，隻隻都好多膏😋喺餐枱旁邊嘅蝦池夾出之後將佢哋放入冰桶🧊，凍暈咗之後就可以燒啦～燒緊蝦嘅時間，可以出去攞其他任食嘅海鮮😆肉質彈牙嘅鮑魚都係活㗎🤩大蜆同沙白鹹鮮味十足‼️生蠔亦都好肥美‼️元貝夠大隻‼️原隻魷魚筒亦唔會韌‼️螺肉有𡁻頭‼️原條海亦都好嫩滑‼️每位客人仲有一串非常厚肉肥美嘅鰻魚串，燒過後油脂味香濃，肉質亦好嫩滑‼️不過如果想再食嘅話就要加錢點，因為呢款唔係任食嘅😉除咗海鮮仲有一啲肉類、蔬菜同埋丸類，燒羊架、蒜香雞翼同埋牛肉串都唔錯。飲品同甜品都係任飲任食。飲品嘅種類都幾多，而甜品嘅話就可以選擇杯裝雪糕或者吱吱冰。

一直都好想試吓即釣即燒大頭蝦🦐但又怕帶住小朋友去唔係咁適合，所以都唔敢去😔近期見到朋友同小朋友一齊去咗蝦蝦燒任飲任食海鮮燒烤又幾好喎～每張枱旁邊都有一個長蝦池，方便我哋可以即夾即燒，小朋友去嘅就梗係坐喺隔離可以望住啲蝦啦😆海鮮方面除咗🈶️多膏兼大大隻嘅新鮮生猛大頭蝦之餘，仲🈶️原條嘅海魚、大大隻嘅扇貝、鮮甜嘅花甲及大蜆、肥美嘅生蠔、仲識郁嘅鮑魚都係仼食，另外每人仲🈶️一串厚肉肥美嘅鰻魚串🤩外面食物櫃仲有不同種類嘅蔬菜、肉類及丸類同烏冬，唔怕🈚️嘢啱小朋友食😙呢間餐廳有齊BB櫈同埋小朋友餐具🍴環境都幾整潔👍🏼仲🈶️低糖果汁🧃真係幾child friendly，唔怪得知都見到幾多家長帶埋小朋友一齊去食～

假日同家人行過佐敦見到一個招牌寫住蝦蝦燒心諗個店名咁得意嘅於是就行咗上去睇睇見到好多水缸入面有流水蝦以為只係供觀賞用途原來係可以即刻夾黎燒每張枱都有個電子燒爐火力可以調較 好方便坐喺旁邊就有得夾完即燒每隻蝦都好似手掌咁大你會透過個玻璃缸見到蝦入面既蝦膏多唔多從而選擇多膏既一隻爐面爐底都可以燒 真係好好！自助區有海鮮 燒物鮑魚 扇貝 硯 新鮮開出黎粟米 菠蘿 腸仔 牛肉 雞肉應有盡有 想食乜就夾乜雪糕 飲品種類都好多家人都大讚物超所值食物質素好高 環境一流相信下次都會再嚟食過

見其他人既食評講到咁誇張咁好食，又話好食到笑哈哈咁，就決定去試下啦！首先講下環境，佢間鋪係幾大既，但啲枱好細囉，放左個爐都冇左一半，坐得又逼，凳背撞凳背。燒燒下野又要出去拎生野，之後隻手又要搣蝦，又生又熟咁，因為張枱細所以生熟食物都放得好近。魚缸又好近，有時啲蝦彈起又彈曬啲污糟水過黎🤢然後講下食物，啲蝦雖然都幾大隻但係冇乜蝦味🤔平時食果啲蝦仲有味過佢。雖然佢地係游緊水好新鮮但係唔知點解燒出嚟大部分啲肉係霉既😢而且就算有膏都唔香😢至於其他野食例如鮑魚，雖然好爽口但係好細隻又冇味。牛肉又好韌，豬頸肉又唔香….全場最好食係帆立貝😌總括而言，都幾失望，唔明點解咁多人食，又唔係平但咁既質素，唔係好值，個人黎講應該唔會有下次！

大頭蝦放題，有得玩有得食🤪——————————————————👉🏻任飲任食2.5小時 假日 $358pp生猛大頭蝦自己夾自己燒唔怕濕身的話 都幾好玩🤣自己夾得就緊係新鮮啦 蝦肉彈牙蝦頭多膏❤️配埋餐廳提供嘅泰式青檸汁 正😋👉🏻入座後每人送一串已醃製既鰻魚唔會太淋 有少少咬口 相信唔係雪櫃貨 都幾好食😉除鰻魚外 場內其他嘢食都係任拎👉🏻海鮮區海鮮已清潔好 並整齊排列喺冰櫃上款式唔算少 以為去左街市😂必食既有鮑魚 扇貝 生蠔技術好嘅建議拎條魚🤣睇人哋燒覺得好吸引 但我垃圾 無挑戰到🙈👉🏻冰櫃區基本上BBQ見到嘅丸類肉類都有齊特別少少嘅有 多春魚 蒜蓉包 金菇肥牛卷 都不錯👌🏻👉🏻雪糕櫃款式唔算多 味道亦一般👉🏻熟食區唔想自己燒 都有幾款熟食可選擇例如咖喱魚蛋 炒菜 炒蝦等等但我就無試到啦😅👉🏻醬料區場內海鮮多數新鮮冇調味多款醬料自己配搭 可以發揮下🤣——————————————————總結來說 夾蝦體驗幾有趣餐廳食物種類唔算少服務員態度好 勤清潔枱面補蝦重會上前提醒❤️炎炎夏日 可以係冷氣下bbq值得一試😝

之前喺泰國旅行時已經好想去體驗流水蝦料理…奈何次次行程緊逼無次去得成😝而家滯留在港悶悶哋就搵美女去同我試新用餐經歷啦❤️. 去到全院滿座！爆哂棚！好彩我哋訂咗位咋！店員安排好入座講解完兼我哋安置好手袋之後！係時候第一時間衝出去捉大頭蝦😍😍水缸入面滿滿流水蝦！隻隻有份量仲好生猛！兩個女人捉蝦捉到依嘩鬼叫(頭都亂埋🤣🤣)終於捉夠放入冰筒迷暈咗啲蝦蝦可拎去即燒啦🦐食落肉質係超級彈牙！無可挑剔❗. 好啦！第二轉去挑戰海鮮區🦪🦑🐟實在太多選擇！有鮑魚、海魚、生蠔、魷魚、元貝、花甲等等等等…最得Be寵幸嘅係郁郁吓鮑魚、鮮甜大蜆同巨大蟶子！肉質肥美有彈性之餘！食入口仲有陣陣海水鮮味🤤🤤之後等二輪開始我哋仲加埋牛油同蒜蓉去燒！更惹味滋味！！. 另外凍櫃仲有特多款式嘅串燒🍢＆肉類蔬菜🥩🥦🍖目不暇給呀陰公！我哋盡咗力都試唔哂😂😂試咗牛仔骨、雞軟骨串、金菇肥牛卷、小甜薯、醃雞翼……大致上都好ok！當中最推薦係厚切鮮菠蘿件🍍無敵甜又解油膩！仲有原條茄子🍆我哋自己發揮天份加入唔同調味料！係煮得幾好味！(btw呢度枱與枱之間都無乜距離😆左右隔離枱都不停同我哋交流燒烤心得！). 最後胃就爆滿之前出去掃多轉！試咗涼拌雞

對於食量唔多嘅我，食放題最緊要多款式！今次黎到蝦蝦燒覺得幾滿意！食物款式多，仲有流水蝦即夾即燒，實行有得玩有得食！坐位旁邊有長長的流水道，看見多隻活生生的蝦在游走，真係可以睇岩邊隻就夾邊隻～夾嘅時候要眼明手快，夾起時蝦會跳跳紮爭扎，所以夾起離開水面後要隨即放入冰水整暈隻蝦，然後剪掉蝦鬚便可放上爐燒，即夾即燒夠晒新鮮，岩晒愛食蝦嘅人士！除左有蝦食，仲有多款海鮮自取，有鮑魚、生蠔、扇貝、貴妃蚌、花螺、魚、蜆⋯⋯等，對於鍾意食海鮮嘅我真係好岩心水～貴妃蚌幾大隻， 肉厚無沙，肉質肥美～入口帶鹹鮮，不需多加調味已很好味～繼流水蝦後，鮑魚同樣好生猛！將鮑魚剪開離殼時，仲係活生生好新鮮！鮑魚爽口彈牙，有嚼勁～扇貝肉厚飽滿，入口肉質鮮嫩～總覺得食放題海鮮必屬搶手貨，通常夾完第一轉就冇，但這裡就長夾長有，見職員不停添加，所以唔怕食完一轉就冇，很讚！個烤爐係兩層式設計，所以上層燒海鮮嘅時間，下層可以燒串燒／肉類～我覺得店家幾貼心的，將大部分肉類同蔬菜類已串好成一串，方便燒烤⋯也易於掌握火喉～肉類、丸類、蔬菜類都幾多款式！我覺得2.5小時係試唔晒想食嘅食物⋯⋯XD盡量邊食邊燒啦！串燒方面，肉類整體正常，可隨

呢間人氣極高嘅串燒海鮮放題餐廳蝦蝦燒，佢哋每個位都有流水蝦道可以供人即夾即燒流水蝦，保證隻隻都新鮮生猛。不定時仲有職員會打理流水蝦道，保證流水蝦嘅質量同數量。佢哋除左有任食嘅流水蝦外，出面自助區仲有多款嘅時令海鮮，三大個雪櫃嘅串燒，仲有不同種類嘅熱盤小食等。佢哋呢度嘅海鮮好新鮮，仲有專人清洗同不停refill，所以唔驚話會拎唔到，佢哋提供左多種貝殼類海鮮，好似有沙白，蛤蜊，生蠔，扇貝，東風螺等等，仲有兩款原條嘅魚，經已切開嘅魷魚等等，而最有驚喜嘅係有南非新鮮鮑魚，佢哋隻隻都仲識郁架，極為新鮮。佢哋隻隻都肉厚，口感煙韌有嚼勁，鮮味十足，仲可以去埋佢哋嘅自助區仲有不同嘅醬料提供，可以加埋落去一齊燒，鮮味仲更加突出。串燒方面佢哋有三大個保鮮櫃，佢哋整齊排列，乾淨又衛生，個個保鮮櫃都裝到滿滿，可見種類繁多。佢哋提供各式各樣嘅肉，有海鮮，有蔬菜等等。而我今次不斷encore嘅係牛仔骨，佢哋嘅牛仔骨肥瘦均勻，油脂分布亦都好平均，呈雪花花紋，燒嘅時候聞到滿滿嘅油香，食嘅時候肉汁滿滿，肉味香濃，一食上癮。同埋有三大個雪櫃嘅飲品提供，入面有齊各式汽水，啤酒，茶應有盡有。佢哋仲有雪糕櫃提供，有各式各樣味道

好耐之前聽過如果想食蝦蝦燒，要一早book定位，如果唔係一定會大排長龍，要排好耐先有得食！好彩今次我醒目，一早book咗位！咁就唔使排好耐就有位喇！一上到嚟，鋪面面積真係好大！因為呢度係海鮮串燒任食！嘢飲任飲！兩個人都係七百幾蚊有找！以咁多海鮮種類，同埋新鮮游水蝦任夾！呢個價錢真係好抵食！啲流水蝦真係超級生猛！想夾佢都即刻又走咗！超熟咗之後真係彈牙爽口！新鮮海鮮真係唔同啲！淨係流水蝦都值回票價！啱晒鍾意食蝦嘅人！而其他海鮮其實都好新鮮，有鮑魚魷魚蜆肉扇貝！數得出嘅都有，放上去完全唔洗調味都好好食！另外仲有其他串燒揀，有肉類有菇類仲有啲特別款，連窩夫都有！真係第一次見！驚喜！下次帶埋屋企人黎食下先得！

今日，朋友推介左一間餐廳比我一齊去食，話保證食材新鮮，好玩又有趣。黎到呢間蝦蝦燒既餐廳，我就知到原因了。一個個大玻璃水缸，盛載住大量活蹦亂跳既新鮮大頭蝦。原來係鮮蝦自助燒放題，難怪甘有信心啦！_1隻隻大頭蝦都有差不多手掌既長度，即夾，即用冰水凍暈即燒。梗係鮮味十足！蝦肉更係彈牙爽身。不時更見有蝦膏出現。可見蝦既質素十分高！簡單甘燒，撒上少許鹽，引出最大既鮮甜味。平時懶得剶蝦既我，今日已經食左近二十隻蝦啦！除左新鮮蝦外，餐廳仲有生蠔，鮑魚，帶子，青口燒。足本既海鮮大餐，保證你忙住燒，忙於食！1當然，當你食到甘上下時，可以轉換一下，由燒海鮮變燒肉類串燒。雞，牛，豬，樣樣都有。基本上本時食既串燒種類，你都搵得到，燒得到。質量同樣甚高。肉類油脂分布平均，肉味甚重。而調味料更可自由配搭，實行口味自由創新，爽呀。雞軟骨好正，燒牛肉串好香口，燒雞皮脆卜卜。強烈推薦！

家陣開了好多BBQ放題店，尤其係晚市食飯時間又多咗選擇，而且款式都比較多，啱晒我哋呢啲年輕人去食番一餐，今晚就去了佐敦呢間蝦蝦燒開飯，入去已見人山人海場面熱鬧地方又夠大，最吸引一定係呢度嘅自助生猛流水蝦，坐低店員已送上每人限定厚切鰻魚同蟶子，以及兩款已調味好海蝦俾大家先燒住食燒到鰻魚皮脆肉嫩入口肉質飽滿又多汁再食埋蟶子跟住可以出去自助區挑選心愛食材，先去捉番幾隻大頭蝦用冰水浸一陣間，再放上電爐上燒，一陣可以食到啖啖鮮甜蝦肉外仲一個自助海鮮檔，差不多有十款供應，有魚有貝殼同大隻魷魚等，連同多款自助小食同幾十款串燒，一定滿足到大家食慾輪到燒海鮮有我至愛食物元貝同生蠔，元貝放上牛油同蒜茸係最佳吃法，不斷咁食特別滋味，食完流水蝦同海鮮輪到品嚐一下BBQ串燒美食，有牛有豬雞連同多款配菜，牛肉粒一邊燒一邊食落埋調味粉入口惹味再享受一輪美食時間差唔多食埋甜品，又享受完一餐豐富BBQ晚餐。

今日約左好姊妹慶祝相識廿周年，去左呢度食串燒，佢門口細細，上到去原來好大地方，野食方面有飲品區，海鮮區蔬菜區肉類，仲有熟食，全部係任食，另外每人包一支燒鱔。蔬菜類有迷你蕃薯、茄子、南瓜、粟米、冬菇、豆卜、蒜蓉包、菠蘿等肉類有豬頸肉、牛仔骨、羊扒、雞翼、雞皮、魷魚、多春魚等海鮮有生蠔、鮑魚、扇貝、蜆、東風螺、墨魚，同埋原條魚。我地全左喺蝦缸旁，一路燒住串燒，一路望住d蝦係度游，好過癮！主打既大頭蝦肉質紮實，蝦頭都多膏！食完喺側邊鍾意邊隻夾邊隻再拎去燒，好方便！燒鱔預先醃好，好好味，爽滑彈牙，唔夠喉仲可以俾$20追加。鮑魚一路燒一路郁緊，好新鮮。豬頸肉同原條燒魚我沾左泰式辣汁，個汁好正宗好有風味，茄子我就加左蒜蓉牛油同孜然粉，即刻變左重慶燒茄子。其他食物我都冇咩另外調味或者點沾汁，因為都幾新鮮。

記得好多年前去泰國旅行食流水蝦好開心，係冇得搭飛機出國嘅時候，好彩香港有得食。佐敦人氣 Cooking Haha 😆 ，佔地有成6000尺，座位空間有距離感，最緊要係有多條流水道，長長的供人客夾夾生猛大頭蝦，仲好玩過夾公仔呀！流水蝦。串燒。任飲任食 $358週末晚上全場爆滿，人山人海，坐低之後第一時間去夾蝦蝦。流水道的大頭蝦非常大隻，生猛跳水，我一邊夾佢一邊跳，夾到之後即刻放佢入冰桶，冰鎮凍暈佢 >.<枱上面放咗一個燒烤爐，火力好大，男朋友負責燒蝦，一隻隻排好晒喺網上邊，火力均勻。燒出來的大頭蝦，新鮮甜美，蝦肉結實彈牙，蝦膏多到爆汁，好味到舔舔脷，好滿足呀！食飽蝦做到自助區，選擇自己喜愛的美食作燒烤，有很多款式的貴價海鮮，店員不斷 refill!🦞🦐🦑🐙🐟情有獨鍾貝殼類海鮮，有美味的鮑魚、扇貝、生蠔🦪任拎任食，最緊要珍惜食物，唔好浪費就得啦！食出海鮮的原汁原味，鮮甜無比。中段時間店員會送上每人一份 鰻魚串 & 蟶子皇。超級肥美厚切的鰻魚，新鮮美味，自己控制火燒，皮脆肉滑又多汁。蟶子皇燒一陣就食得，生熟程度剛剛好，口感彈牙，超正！串燒一向以肉類為主，豬牛羊雞樣樣齊。仲有紅

非常期待已久嘅蝦蝦燒，今晚終於去到我期待已久嘅流水蝦，同埋我至親嘅屋企人一齊去，好期待好興奮，依間火爆既燒蝦，因為實在太多人去所以我要預早半個月之前預約，一上到去我就已經聞到一陣陣好香嘅海鮮燒烤味，即刻口水流流食指大動，同埋我個肚唔爭氣咁大叫左幾聲😹坐定定之後已經送咗兩條鰻魚魚肉俾你去燒，咁我就留返最後先食，先出去拎其他嘢食返嚟燒，主角就係泰國大頭蝦，一桶大約可以拎六至八隻左右，首先你要拎個桶出去裝啲冰同埋水，然後先可以自行去夾下落個桶裏便，因為你要將隻蝦凍暈咗佢先唔會扎扎跳🦐如果唔係跳到你阿媽都唔認得，拎完一桶下之後就梗係唔夠啦，出去再拎又係拎蝦🦐因為我超鍾意食蝦，不過佢除咗蝦之外都仲有好多款食物俾你選擇👋🏻有海鮮，有肉類，蔬菜類，仲有你估佢唔到嘅熟食類，咁梗係等你燒食物嘅過程中填下個肚啦，如果唔係你個肚都同我一樣大叫㗎啦，佢哋嘅價錢都算叫做好抵，真係值得推介，值得試吓，重點係有得玩又有得食，一舉兩得🥰🥰🥰