蝦蝦燒

营业中

休息中

入到去坐低15分鐘，個缸係得3.4隻死蝦喺到，完全無蝦然後同d員工講，佢地話無哂舖就俾左盤鹽蝦我地，之後我地問可唔可以去格離缸夾，佢叫我地食其他海鮮，格離都唔夠，重點嗰邊無人坐，然後我地話下？食流水蝦無蝦？？？？？？佢地就夾左幾隻俾我地，我地4個人全餐都食唔到平均5隻蝦實在係太差，好過份好似呃人餐廳。。。。。。有其他食物係唔差，但係流水蝦無蝦夾同得友蝦，淨係食其他野咁不如叫燒烤放題咪算囉。。。。。

環境麻麻哋，坐位太逼，食物大致上OK！海鮮好新鮮及服務態度良好。最驚喜嘅係一坐低就有兩串燒鱔片真係好OK，另外生猛蝦任你燒，不過時間就太緊逼了，整體嚟講會再嚟光顧！

在限堂食令之前的生日飯局，此店不是位於大街舖，而是在一大廈樓上店舖。一入去就看見自選食物枱，除了流水蝦之外，還有肉類、蔬菜、菠蘿、其他海鮮、熟食和雪糕，選擇豐富。埋位後，店員講解燒烤過程，d蝦望落好生猛，食物燒完有新鮮味道，隨order附送海鮮一份。唯一美中不足是空氣少許窄和限時，大致上ok，會繼續幫襯。

一直想試流水蝦，覺得即捉即食好得意，今次就嚟到同屋企人食開年大餐，入座起計2.5小時，時間夠晒充裕，可以慢慢傾慢慢燒，重點係任食海鮮🦐🦑🐟🦪🐚▫️流水蝦+海鮮+自助串燒燒烤 | $368@位坐低每位會送一串白鱔，肉質肥美但偏淋，冇想像中爽口嘅感覺😯流水蝦好生猛(小心彈親隔離🤭)，捉完要放落冰桶凍暈佢，再放上爐燒，蝦肉鮮甜，唔怕邪惡嘅朋友仔仲可以啜埋蝦頭啲膏😆海鮮有魚、蜆、蠔、魷魚、帶子、扇貝、貴妃蚌…就連鮑魚都係任食🤩店員不時會行過嚟幫手剪殼，服務幾殷勤🤗鮑魚同貝類都好新鮮、有嚼勁，其他就中規中矩，小編唔太推薦蠔，因為冇咩肉，有啲嘥時間🤥同埋建議大家燒之前過一過水，沖走啲沙🙊丸類、肉食有唔少選擇，比較推薦嘅有羊同牛，因為個人鍾意冇點調味過嘅肉，而且羊架超大件同juicy，台灣腸都唔錯🤪蔬菜方面就推薦蒜蓉茄子同厚切菠蘿，食咗咁多肉，解膩一流😚每枱仲有提供調味架(孜然粉、辣粉、鹽)，但個人認為燒烤都係食原汁原味正啲☺️雪糕雖然唔係咩牌子，但勝在口味特別，小編就試咗玄米茶同焦糖脆餅，味道幾天然，唔太甜😌* 餐廳設加一服務費💫7/10

同朋友真係真金白銀走嚟食個飯，呢間嘢裏面雖然出名燒蝦，但係我最鍾意嘅係佢送嘅燒鰻魚，完全係入口即溶，嗰種滿足感大到嚇死人。除咗一開始送嘅燒鰻魚之外，仲有其他任攞嘅燒嘢食，都令人好差異點解可以咁多海鮮，喺呢個價錢裏面完全冇預計到可以食到帶子鮑魚等等。

約咗友人小聚一吓(事發於🚫禁晚市堂食前)但又唔想普通坐定定淨夾餸爬飯！一於帶佢一齊征服蝦蝦😆😆. 開完位二話不說😝一個夾蝦😝一個揸住冰桶！夾手夾腳冰暈大頭蝦拎番埋位燒🔥🔥新鮮又肉質彈牙！果然係呢度嘅主打必食❤️另外再出咗去揀海鮮同串串！兩枚吃貨望住呢度咁目不暇給嘅自助區！一路揀已經一路流哂口水🤤🤤我哋嘅回本心水係✨鮑魚(味道鮮甜)✨元貝(記得加上牛油蒜蓉更添香氣)✨貴妃蚌(爽口又有咬勁)✨原條魚(原汁原味肉紮實)✨鰻魚串(每位送一串!!矜貴嘅滋味). 另外燒物食材方面🍢🍡肉類蔬菜類樣樣齊全！當中我哋最推薦嘅係✨牛仔骨(肉味夠兼唔難咬)✨鮮厚切菠蘿(超香甜🍍解油膩一流)✨雞軟骨串(灑少少鹽食風味更佳)仲有仲有！啤酒汽水雪糕都好多選擇！最搞鬼俾我哋搵到有✨天竺鼠雪糕！好鬼得意🧁

蝦蝦燒在一月份有八折加任食鮑魚，於是約埋朋友去玩。因為我之前食過，所以在朋友面前扮專家，教佢點燒點食，有得食有得玩仲有得威，哈哈。首先要用餐廳提供的小桶盛冰和水各一半，然後把親手夾出來的生猛大蝦冰鎮一會才燒，這樣蝦肉不但彈牙，又唔怕蝦蝦紮紮跳。第二是鮑魚一定要去殼才燒，去殼後的鮑魚肉放在帶子或扇貝的殼上一齊燒。這些殼就像錫紙，既隔阻火力又保持水份，燒出來的海鮮更鮮嫩。在貝類上面加點蒜蓉、辣椒，好味。其中鮑魚特別嫩滑，我們食咗不知幾多隻，回本喇。第三是燒魚。最好一開始便把原條鮮魚放上爐旁邊，讓它慢慢燒，不要頻密翻身。燒好後起皮食肉，好正。有大眼雞、鱲魚和鱸魚，全部都新鮮啖啖肉，我吔兩個人食咗4條魚。食海鮮都未夠的話，還有大量串燒，不過我們要留肚食甜品，只是試了金菇肥牛和羊肉串，灑點孜然和椒鹽最好味。甜品是燒菠蘿和自製雪糕窩夫。菠蘿又甜又多汁，窩夫串燒先烤熱，再去拎杯雪糕，完美。兩個半小時剛剛好，捧肚離場。

第一次跟朋友去食流水蝦海鮮燒烤，原來好好玩，而且不止食蝦，還有多種海鮮和串燒，熟食和蔬菜，甜品和飲品。三百多元兩個半小時任食，真係唔錯。我們去的是佐敦分店，在一樓，地面門口雖不大，但上到去豁然開朗，有幾條長長的大蝦缸，然後還有兩行食品區，一行是海鮮，一行是串燒，就像一個小型街市，而地面乾淨不濕滑，抵贊。座位就在蝦缸兩旁，一邊燒烤一邊望住蝦蝦游水，睇中邊隻就自己用夾子把它夾起，放入冰桶冰暈後就可以直接燒烤，喜歡的可加點椒鹽、孜然之類調味，蝦頭部位有好多蝦膏，很甘香。海鮮全部都好新鮮，有原條鮮魚、鮑魚、生蠔、帶子、貴妃蚌、沙白等等。鮮魚連皮燒，燒完揭起層皮，魚肉嫩滑，不用任何調味都已好好食。串燒類更是包羅萬有，豬牛羊雞的不同部位，各式丸丸腸腸，各式蔬菜菇菇，應有盡有。介紹大家烤原條茄子。先把茄子開邊，用剪刀在茄子肉交叉𠝹開，抹點牛油、大量蒜蓉，加蔥花和辣椒仔，先放在爐的上層燒烤底部，再轉放爐的下層烤表面，就能烤出一絲絲的茄子肉，食前灑點椒鹽，無得彈。自己夾蝦，自己燒烤，食飽離場，不用自己清理，的確好玩。

之前成日聽講流水蝦 好似好正好好玩咁 今日終於book左入到去完全係中意食魚同海鮮朋友仔嘅天堂 每人會包一個鹽燒蝦牛油蝦同一份鰻魚 特別鍾意個燒鰻魚 絕對新鮮 肉質非常厚非常細嫩 會越食越想食 不過呢個就冇得refill嘅 之後就出去睇下有咩揀 正常燒嘅肉類蔬菜都應有盡有 但最強嘅係有一個大雪櫃 裝滿大大條嘅魚 包括大眼雞馬友 仲有唔同嘅貝類 包括羅貴妃蚌鮑魚等等 我哋嗰日三個人就食咗六條魚😏😏另外當然要提下佢最大嘅招牌啦 就係流水蝦啦 每一台隔離都會有魚缸 有好多隻生猛游水嘅蝦 只要出去拎啲冰加啲水 然後喺位度夾啲蝦落去凍暈佢 就可以好人道咁燒新鮮蝦嚟食啦一個價錢有得玩有得食 有飲品任飲又有雪糕甜品 整個進食體驗都唔錯 有機會會再來🥰

作為「孤獨的美食家」，又係時候獨自一人去食好嘢啦😌今次來到尖沙咀嘅蝦蝦燒。一直都好想試流水蝦放題，而呢間唔淨止係蝦，仲有超級多其他海鮮俾我任燒任食！店舖當然有流水蝦俾你即夾即食，真正游水嘅大概有一半到，有啲蝦都沉底唔太郁，簡嗰陣要落足眼力簡生猛啲啦～座位有種室內大排檔嘅感覺，唔算闊落而且枱面細，建議一次過唔好拎咁多嘢食先哇！睇到啲海燒真係忍唔到哇出聲份量多 選擇多🥺成個FishMarket咁俾我任拎～扇貝，蟶子，青口，蜆，鮑魚，墨魚……叫得出名嘅都有齊晒～選擇真係好多！而且望落色澤都唔錯除咗海鮮，亦有好多肉類選擇～個人特別推介雞軟骨，羊架，豬大腸～燒完Juicy嘅感覺真係好正！！！嫌肉食太油膩都可以燒啲蔬菜食😌😌有趣嘅係，佢仲有原條茄子，蒜蓉包同埋格仔餅😂嘢飲當然係任拎大滿足啊！！

上個禮拜一行20人，去咗幫襯，今次係我第二次去，推介俾朋友，因為想親子一下😜去到啲小朋友已經勁興奮，有得食又有得玩， 2.5小時真係幾抵，同埋佢好多選擇，海鮮好多，基本上都唔差，算做好新鮮，主角係啲蝦，真係生蝦咁跳，嘢飲款都好多，同埋好多串燒呀肉類呀咁。另外一邊仲有熟食區，而且仲可以自己煮烏冬，咁嘅價錢叫做唔錯啦，$338大人，小朋友$198，平時去啲親子地方撈金魚仲要冇得食，呢度有得玩有得食，會再幫襯，真係一個幾好嘅地方

之前同朋友黎過一次呢間餐廳，非常滿意，所以今次帶左屋企人再度二訪😍未到開門時間門口已有吾少食客排緊隊等入，真係好受歡迎👏🏻 呢度除左有生猛即夾即燒既大蝦外，仲有好多吾同既海鮮: 生蠔、扇貝、鮑魚、蜆、大眼雞等等🐠🦑🦐🦪🐙 好豐富，全部任食架🤤🤤 店員好留心客人既需要，仲會提醒客人各樣海鮮大概燒既時間，好細心👍🏻 推介一定要食鮑魚同蜆👅 鮑魚好嫩吾硬、蜆肉超多汁好鮮甜👍🏻除左海鮮，餐廳仲有吾少既串燒提供，例如金菇肥牛、多春魚、雞腎、牛扒等等，包籮萬有😋 不過當日食海鮮已食到飽未有機會試到，下次要再黎試下啲串燒🍢呢度既自助區仲有幾款熟食同雪糕，好豐富🍧 無論大人、小朋友都會搵到岩你口味既食物👍🏻

第一次黎蝦蝦燒，餐廳企理乾淨，座位之間又吾會太迫，坐得幾舒服👍🏻👍🏻 呢度食物款式多之餘仲好新鮮，要再黎呀😍首先店員會詳細同客人講解下細節，原來d蝦要先放入冰桶、凍暈左再燒，咁就吾洗驚燒果陣會跳起🤭 蝦肉爽口，仲有好多膏🤤 我同朋友大概食左30隻，好滿足🥰其他海鮮雖然急凍左，不過都食到鮮甜味，非常吾錯😉 最鍾意食扇貝同鮑魚，好嫩好好味😋 原來鮑魚只需剪出d肉，直接放係扇貝個殼度一齊燒，既方便又唔會令到佢變乾，好聰明既做法👍🏻 蒜蓉蝦係餐廳送既，好濃既蒜香味🧄自助區仲有飲品、雪糕、串燒、熟食任食，款式好多好多😍 當日同朋友中午時段黎，食足2.5小時，又飽又滿足🐷

🔼啲大頭蝦要自己捉！ 捉時跳跳下好新鮮😆 同埋第一次食，職員提醒捉完要放落冰水，浸暈啲蝦先可以燒，唔係啲蝦會郁嚟郁去燒唔到😆 味道方面，新鮮好彈牙，點少少豉油食會更提香🔼除咗有蝦燒，出面仲有唔同海鮮同肉類蔬菜燒，要回本我地狂燒咗鮑魚、貝類 、原條魚🤡佢呢到refill 得都幾快😎 出去夾幾次都仲係滿滿狀態🔼另外推薦食佢地嘅牛牛同波蘿，牛牛脂肪肉質比例唔錯，入口唔會太膩，同埋佢燒得夠快，一邊等緊海鮮熟時燒佢就唔會餓晒個肚，波蘿方面真係好甜，解膩呀☺️🔼埋單7百幾

最方便就係有得OpenRice訂位環境好大，好多座位，位置少少迫枱面唔夠位放，一入坐已經準備好啲蝦，啲蝦超多膏，肉質彈牙，好好味食完蝦係個座位隔離再夾上黎凍暈左就可以即燒，好方便，不過啲蝦生猛到一夾就彈走，可能會有啲水花。嘢食種類都算幾多，啲蜆有啲啲沙，但ok嘅唔多～無影其他野食好多人圍住海鮮新鮮，鮮甜嘢飲選擇都好多香港製造雪糕總括嚟講抵食，新鮮，膠服都好燒完全身味，係超勁嘅味如果有噴衫噴霧就要帶定名貴手袋唔好帶喇，吸哂味